ᐊᖏᔫᑎᓄᑦ ᓴᕕᕋᔭᓄᑦ ᐊᒻᒪᓗ ᕿᔪᓐᓄᑦ ᐃᒋᑦᓯᕕᐅᑉ ᐃᑲᕐᕋᖏᑕ ᐊᓯᔾᔩᔾᔪᑎᖏᑦ

ᐊᖏᔫᑎᓄᑦ ᓴᕕᕋᔭᓄᑦ ᐊᒻᒪᓗ ᕿᔪᓐᓄᑦ ᐃᒋᑦᓯᕕᐅᑉ
ᐃᑲᕐᕋᖏᑕ ᐊᓯᔾᔩᔾᔪᑎᖏᑦ

ᔪᓚᐃ 3 - ᔪᓚᐃ 31, 2015

ᓯᕗᓪᓕᖅᐹᖑᓚᖅᑐᖅ ᐅᒥᐊᕐᔪᐊᖅ ᐃᖃᓗᓐᓄᑦ ᐃᓱᒪᒋᔭᐅᓗᓂ 2015-ᒥ ᓄᓇᓕᐸᐅᔭᒃᑯᑦ ᐃᓂᓕᐅᖑᓱᒻᒪᑕ ᐊᖏᔫᑎᓄᑦ ᓴᕕᕋᔭᓄᑦ ᐊᒻᒪᓗ ᕿᔪᓐᓄᑦ ᐃᒋᑦᓯᕕᒻᒥ ᐃᓂᑦᓴᖃᖁᓪᓗᒋᑦ ᓂᕆᐅᒋᔭᐅᔪᑦ ᐃᓚᓕᐅᑎᓛᖅᑐᑦ ᕿᔪᐃᑦ ᐴᕆᔭᐅᓛᖅᑐᑦ ᐊᒻᒪᓗ ᐊᓪᓕᕋᕆᔭᐅᓛᖅᑐᑦ.

ᐱᒋᐊᕐᓗᑕ ᔪᓚᐃ 3-ᒥ ᔪᓚᐃ 31-ᒧᑦ, ᐊᖏᔫᑎᓄᑦ ᓴᕕᕋᔭᓄᑦ ᐊᒻᒪᓗ ᕿᔪᓐᓄᑦ ᐃᒋᑦᓯᕕᒃ ᒪᑐᐃᖓᖃᑦᑕᓛᖅᑐᖅ ᐱᓇᓱᐊᕈᓯᐅᑉ ᐃᓗᐊᓂ ᐊᑕᐅᓯᕐᒥ ᐅᓪᓗᕐᒥ ᑭᓯᐊᓂ - ᓈᑦᓯᐅᖑᔭᓛᕐᓂᐊᓂ, ᐅᓪᓛᓂᑦ 8-ᒥᓂᑦ 12-ᒧᓄᑦ ᐅᓪᓗᒃᑯᑦ ᐊᒻᒪᓗ 1-ᒥᑦ 5-ᒧᓄᑦ ᐅᓐᓄᓴᒃᑯᑦ.  ᐃᑯᐊᓚᑎᑦᓯᕕᒃ ᐃᑦᑎᕐᕕᐅᔭᖅ ᐃᓂᓕᐅᖅᑕᐅᓛᖅᑐᖅ ᐃᒋᑦᓯᕕᒻᒧᑦ ᐊᒻᒪᓗ ᐃᑯᐊᓚᑎᑦᓯᕕᐅᖃᑦᑕᓛᖅᑐᓂ ᕿᔪᓐᓂᑦ ᐊᒥᐊᒃᑯᓂᑦ ᑕᖅᑭᒥ ᔪᓚᐃᒥ, ᐃᑯᐊᓚᑎᑦᓯᖃᑦᑕᖏᓪᓗᑎᒃ ᒪᑐᐃᖓᓂᖓᓂ.

ᐃᑲᕐᕋᖏᑕ ᐋᖅᑭᒋᐊᕈᑎᖏᓐᓄᑦ ᐃᓚᒋᔭᐅᓗᑎᒃ, ᐅᑯᐊ ᐊᓯᔾᔨᐅᑕᐅᓂᐊᖅᑐᑦ ᔪᓚᐃ 3-ᒥ ᐊᓯᔾᔨᕐᓗᑎᒃ:

• ᐃᓯᕐᕕᖓᓂ ᒪᑐᓕᐅᓛᖅᑐᑦ ᐊᒻᒪᓗ ᑮᑦᓯᒪᕙᓪᓗᓂ ᒪᑐᓯᒪᑎᑕᐅᑎᓪᓗᒍ
   
• ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖏᑦ ᐊᒻᒪᓗ ᑭᒃᑯᑐᐃᓐᓇᐃᑦ ᐊᑦᑕᓇᖅᑐᒦᖁᓇᒋᑦ, ᐊᑕᐅᓯᕐᒥᑦ ᑭᓯᐊᓂ ᓄᓇᒃᑰᔫᒥᑦ ᐃᒋᑦᓯᕕᒻᒦᑦᑐᖃᖃᑦᑕᓂᐊᖅᑐᖅ ᓂᐅᕋᐃᔪᒥᑦ ᒪᑐᐃᖓᑎᓪᓗᒍ
   
• ᓄᓇᒃᑰᔫᓕᒫᑦ ᖃᐅᔨᓴᖅᑕᐅᕙᓐᓂᐊᖅᑐᑦ ᓄᓇᓕᐸᐅᔭᐃᑦ ᐃᖅᑲᓇᐃᔭᖅᑎᖏᓐᓄᑦ ᐃᒋᑦᓯᕕᒻᒧᑦ ᐃᓯᓚᐅᖏᓐᓂᖏᓐᓂ
   
• ᓴᓗᒪᔪᑦ ᑭᓯᐊᓂ ᕿᔪᐃᑦ, ᐊᒻᒪᓗ ᐊᖏᔫᑎᑦ ᓴᕕᕋᔭᐃᑦ ᓴᓂᑦ, ᓲᕐᓗ ᖃᖁᑦᑕᐃᑦ ᓱᓇᒃᑯᑖᑦ (ᐊᓐᓄᕌᓂᑦ ᐸᓂᕐᓰᕖᑦ, ᐅᐊᓴᕐᕖᑦ, ᖁᐊᒃᑯᕖᑦ, ᐊᓯᖏᓐᓂᓪᓗ), ᐊᒻᒪᓗ ᓴᕕᕋᔭᐃᑦ ᐃᓪᓗᓂ ᓱᓇᒃᑯᑖᒥᓃᑦ, ᓴᕕᕋᔭᐃᑦ ᐊᑦᑐᓈᒥᓃᑦ ᓱᓇᒃᑯᑖᒃᑯᕕᓐᓄᑦ ᐃᑦᑎᕐᕕᐅᔭᓄᑦ, ᐊᒻᒪᓗ ᐊᓯᖏᑦ ᐃᓪᓗᓂ ᓱᓇᒃᑯᑖᒥᓃᑦ ᐊᖏᔫᑏᑦ ᐃᒋᑕᐅᔪᓐᓇᐸᓐᓂᐊᖅᑐᑦ
   
• ᑖᒃᑯᓇᓂ ᐅᓪᓗᓂ ᐃᒋᑕᐅᔪᓐᓇᔾᔮᖏᑲᐃᓐᓇᖅᑐᖅ ᐊᒥᐊᕐᓯᒪᔪᑦ ᐊᒻᒪᓗ/ᐅᕝᕙᓘᓐᓃᑦ ᕿᔪᐃᑦ ᓱᕋᔾᔭᐃᒃᑯᑎᓕᕐᓯᒪᔪᑦ, ᐊᐅᓚᐅᑎᒥᓂᑦ ᐊᒻᒪᓗ ᐃᓚᑦᓴᒥᓂᑦ ᐊᐅᓚᐅᑎᓄᑦ, ᐊᒻᒪᓗ ᓴᓇᔨᓄᑦ ᓴᓃᑦ.

ᑐᑭᓯᒋᐊᕐᕕᑦᓴᖅ ᖃᐅᔨᒋᐊᕐᓗᒍ:

ᒫᑎᐅ ᕼᐋᒻᑉ, ᐊᖏᔪᖅᑳᖓᑦ ᓴᓇᔪᓕᕆᔨᒃᑯᑦ
ᓄᓇᓕᐸᐅᔭᐃᑦ ᐃᖃᓗᐃᑦ, ᑎᑎᖅᑲᒃᑯᕕᖓ 460, ᐃᖃᓗᐃᑦ, ᓄᓇᕗᑦ  XOA OHO
ᐅᖄᓚᐅᑎᖓ:  (867) 222-2965
ᖃᕋᑕᐅᔭᒃᑯᑦ ᑎᑎᖅᑲᒃᑯᕕᖓ: m.hamp@city.iqaluit.nu.ca