ᐊᖏᔫᑎᓂᑦ ᓴᓂᕐᓂᒃ ᓄᐊᑦᑎᓂᖅ

ᐊᖏᔫᑎᓂᑦ ᓴᓂᕐᓂᒃ ᓄᐊᑦᑎᓂᖅ

 

ᓄᓇᓕᐸᐅᔭᒃᑯᑦ ᖁᕕᐊᒋᑦᓱᒍ ᐅᖃᐅᓯᖃᕈᒪᓕᕆᕗᑦ ᐊᖏᔫᑎᓂᑦ ᓴᓂᕐᓂᒃ ᓄᐊᑦᑎᓛᓕᕐᒥᒻᒪᑕ ᔪᓚᐃ 5−ᒥᑦ ᔪᓚᐃ 10−ᒧᑦ, 2021. ᑖᒃᑯᓇᓂ ᐅᓪᓗᕐᓂ ᐃᖃᓗᒻᒥᐅᑕᐃᑦ ᐃᒋᑦᑎᒍᓐᓇᓛᓕᕐᒥᔪᑦ ᐱᔭᕆᐊᑐᔪᓂᑦ ᓅᑎᕋᕐᓂᖏᑦᑐᓂᑦ ᓴᓂᕐᓂᒃ ᐊᑭᓖᒋᐊᖃᖕᖏᓪᓗᑎᒃ ᐃᑲᔪᖅᑕᐅᕙᓪᓗᑎᒃ ᓴᓇᔪᓕᕆᔨᒃᑯᓐᓂᑦ.

ᓄᓇᓕᕐᒥᐅᑕᐃᑦ ᐅᑯᓂᖓ ᐃᒋᑦᑎᒍᓐᓇᓛᓕᕐᒥᔪᑦ:

• ᒪᕐᕉᓐᓂᒃ ᐃᓪᓗᒥ ᓱᓇᒃᑯᑖᒥᓃᕐᓂᒃ (ᐅᐊᓴᕐᕕᒥᓂᖅ, ᐸᓂᕐᓰᕕᒥᓂᖅ, ᖁᐊᒃᑯᕕᒥᓂᖅ, ᖁᐊᖃᐅᑎᒥᓂᖅ, ᐅᕝᕙᓘᓐᓃᑦ ᐃᒐᒥᓂᖅ/ᑭᐊᑦᓴᐅᑎᒥᓂᖅ);

• ᐱᖓᓱᓂᑦ ᐊᖏᔫᑎᓂᑦ ᐃᓪᓗᒥᐅᑕᒥᓂᕐᓂᒃ ᐅᖁᒪᐃᓐᓂᓕᓐᓂᑦ 50 ᐸᐅᓐᓯᓂᑦ ᐅᖁᒪᐃᓐᓂᓴᕐᓂᓘᓐᓃᑦ ᐊᒻᒪ ᐊᖏᓗᐊᖅᑐᓂᑦ ᕿᓂᖅᑕᓄᑦ   ᓴᓂᒃᑯᕕᓐᓄᑦ ᐊᖏᓗᐊᖅᑐᓂᑦ. ᒪᑯᓂᖓ: • ᐃᓪᓗᒥᐅᑕᒥᓂᕐᓂᒃ (ᐃᑦᓯᕙᐅᑕᑯᑖᒥᓂᕐᓂᒃ, ᐃᑦᓯᕙᐅᑕᒥᓂᕐᓂᒃ, ᓂᕐᕆᕕᒥᓂᕐᓂᒃ, ᐊᓪᓕᓂᒥᓂᕐᓂᒃ,   ᐊᓯᖏᓐᓂᓘᓐᓃᑦ)

• ᓇᑎᒥᓃᑦ (ᒥᖅᑯᓖᑦ, ᓇᑎᕐᓄᑦ ᓂᕈᒻᒫᒃᑯᑏᑦ, ᐊᒻᒪ ᓵᑦᑐᔮᑦ ᓇᑎᑦᓴᐃᑦ), ᑲᑎᕐᓱᕐᓯᒪᓗᑎᒃ ᐊᖏᓂᖃᕈᓐᓇᖅᑐᑦ 1.7 ᒦᑕᑦ x 1 ᒦᑕᐃᑦ (5 ᕕᖅ x 3   ᕖᑦ)   ᑕᑭᓂᖏᑦ (ᐊᑕᐅᓯᖅ ᑲᑎᓯᒪᔪᑦ ᐃᓱᒪᓇᖅᑐᖅ ᐊᑕᐅᓯᐊᓗᒃ ᐃᓗᐃᒃᑲᖅ ᓴᓂᖅ)

• ᓱᓪᓗᓕᒥᓃᑦ, ᐱᖃᓯᐅᑎᓗᒋᑦ ᖁᕝᕕᒥᓃᑦ

• ᐃᒐᓛᒥᓃᑦ ᐊᒻᒪ ᑕᕐᕋᖅᑐᑎᒥᓃᑦ

 

ᐊᖏᔫᑏᑦ ᓴᓃᑦ ᔪᓂ ᔪᓚᐃ 5−ᒥᑦ ᐃᒪᐃᓕᖓᒋᐊᖃᓛᖅᑐᑦ:

• ᐃᓛᒃᑰᖓᑎᑕᐅᓗᑎᒃ ᓴᓂᑐᐃᓐᓇᕐᓂᒃ ᓴᓂᐊᓅᖅᐸᓪᓗᒋᑦ ᓴᓂᒃᑯᕕᐅᑉ

• ᓴᓃᑦ ᐊᔾᔨᒌᑦᑐᑦ ᑲᑎᖕᖓᑎᔾᔫᒥᓗᒋᑦ

• ᑲᑎᑕᐅᓯᒪᓗᑎᒃ ᓄᐊᑕᐅᓯᒪᔪᑦ

•ᖁᓕᕇᖏᓪᓗᑎᒃ

ᐃᖅᑲᓇᐃᔭᖅᑏᑦ ᐃᖅᑲᓇᐃᔭᖃᑦᑕᓛᖅᑐᑦ ᐅᓪᓗᕐᓯᐅᑎᓂᑦ ᒪᓕᑉᐸᓪᓗᑎᒃ ᖃᖓᒃᑯᑦ ᓄᐊᑦᑎᒋᐊᖃᓕᕋᐃᒍᑎᒃ ᒪᓕᓪᓗᒋᑦ ᐊᔾᔨᒌᖏᑦᑐᑦ ᓴᓃᑦ ᓄᐊᑕᐅᒋᐊᓖᑦ. ᑕᒪᐅᓇ ᑐᑭᖃᖅᑐᖅ ᐊᖏᔫᑏᑦ ᓴᓃᑦ ᓄᐊᑦᓯᒪᔭᑎᑦ ᑭᓯᐊᓂ ᐱᓇᓱᐊᕈᓯᐅᑉ ᓄᖕᖑᐊᓂ ᓄᐊᑕᐅᑐᐃᓐᓇᕆᐊᓖᑦ.
ᓱᓇᑐᐃᓐᓇᐃᑦ ᐃᒋᒋᐊᖃᖕᖏᑦᑐᑦ ᓅᑕᐅᓯᒪᒋᐊᖃᕋᔭᖅᑐᑦ ᓴᓂᒃᑯᕖᑦ ᓴᓂᐊᓃᑎᑕᐅᖏᓪᓗᑎᒃ (ᓲᕐᓗ ᐸᐃᓯᑯᐃᑦ, ᐱᖕᖑᐊᑦ) ᑕᒻᒪᐅᔾᔭᐅᓗᑎᒃ ᐃᒋᑕᐅᒐᔭᖕᖏᒻᒪᑕ.

ᖃᐅᔨᒪᒋᐊᖃᕐᒥᔪᖅ ᑮᓇᐅᔭᓕᐅᖅᑎᐅᔪᑦ ᐱᖃᓯᐅᔾᔭᐅᓯᒪᖕᖏᒻᒪᑕ ᓴᓂᐸᐅᔭᐃᑦ ᓄᐊᑕᐅᓂᐊᖅᑎᓪᓗᒋᑦ (ᓲᕐᓗ ᐃᓄᒋᐊᕝᕕᖏᓐᓃᓐᓂᖏᑦ ᓄᓇᓕᐸᐅᔭᐃᑦ, ᑰᓕᐊᕆᐊᒦᑦᑐᑦ, ᐊᒻᒪ ᖃᖅᑲᓕᐊᕆᐊᒥ ᐊᑐᕆᐊᕐᒥ).

ᐅᑯᐊ ᓱᓇᑐᐃᓐᓇᐃᑦ ᓄᐊᑦᑕᐅᖃᑦᑕᔾᔮᖏᑦᑐᑦ ᐊᒻᒪ ᐊᑦᓯᕕᒻᒨᕈᔾᔭᐅᒋᐊᓖᑦ ᐃᒋᑕᐅᓂᐊᕈᑎᒃ:

• ᐅᐊᔭᒨᖅᑐᒥᓃᑦ (ᑎᕖᒥᓃᑦ, ᖃᕋᑕᐅᔭᒥᓃᑦ, ᐊᓯᖏᓪᓗ)

• ᐃᓪᓗᒥ ᐊᑐᖅᑕᐅᓯᒪᔪᑦ ᐅᓗᕆᐊᓇᖅᑐᑦ ᓴᓗᒻᒪᕐᓴᐃᑎᒥᓃᑦ ᐊᒥᐊᒥᓃᑦ

• ᓄᓇᒃᑰᔫᓄᑦ ᐃᓚᒥᓃᑦ, ᐱᖃᓯᐅᔾᔭᐅᓗᑎᒃ ᓄᓇᒃᑰᔫᓄᑦ ᐃᑦᓯᕙᐅᑕᒥᓃᑦ

• ᐊᑦᓴᓗᐊᒥᓃᑦ

• ᐊᔾᔨᒌᖏᑦᑐᑦ ᓴᓃᑦ ᓄᐊᑦᓯᒪᔪᑦ

• ᐃᓪᓗᓕᐅᖅᑐᓄᑦ ᐊᒻᒪ ᐃᓪᓗᒥᓂᕐᓂᒃ ᓱᕋᐃᔭᐃᔪᓄᑦ ᓴᓃᑦ

• ᕿᔪᐃᑦ (ᓴᓇᔪᓄᑦ/ᓱᕋᐃᔭᐃᔪᓄᑦ ᓴᓃᑦ, ᐃᓕᔾᔨᕕᒥᓃᑦ, ᕿᔪᐃᑦ ᐴᒥᓃᑦ ᐃᓗᐃᒃᑲᕐᓂᑦ, ᒪᑐᒥᓂᕐᓂᒃ, ᐊᓯᖏᓐᓂᓪᓗ)

• ᓴᕕᕋᔭᐃᑦ

• ᐳᓪᓚᖃᐅᑎᒥᓃᑦ

• ᐃᔾᔪ ᓄᓇ ᐊᒻᒪ ᐅᔭᖅᑲᐃᑦ

• ᐆᒪᔪᖁᑎᓄᑦ ᑭᓈᓗᐃᑦ

• ᑎᒋᖓᔪᑦ ᐸᐃᑉᐹᑦ ᐴᒥᓃᑦ − ᐱᖃᓯᐅᔾᔭᐅᔭᕇᖅᑐᑦ ᓇᔪᒐᕐᓂᑦ ᓴᓂᑦᑕᖅᑕᐅᕙᑦᑐᓄᑦ, ᐅᕝᕙᓘᓐᓃᑦ ᐊᑦᓯᕕᒻᒨᕈᔾᔭᐅᒍᓐᓇᖅᑐᑦ

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒍ: 

ᓲ ᐊᐃᕗᕆ 

ᓴᓇᔪᓕᕆᔨᒃᑯᑦ ᐊᓪᓚᑦᑎᖓᑦ 

ᓄᓇᓕᐸᐅᔭᐃᑦ ᐃᖃᓗᐃᑦ 

S.Avery@iqaluit.ca 

867-979-5630