ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᐃᓄᖕᓄᑦ ᑐᓴᕋᑦᓴᖅ
ᐊᓯᔾᔨᖅᑐᑦ ᓄᓇᓕᓐᓂ ᐊᐅᓚᑦᓯᔨᓄᑦ ᐃᒥᕐᒧᑦ ᐊᑭᓕᕐᓱᐃᑎᐅᕙᑦᑐᑦ
ᒪᐃ 16, 2024 - ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐊᓯᔾᔨᐅᑎᐅᓂᐅᓴᔪᒻᒪᕆᓐᓂᒃ ᖃᓄᐃᓕᖓᓂᕆᕙᑦᑕᖏᒍᑦ ᐃᒥᕐᒧᑦ ᐊᑭᓕᐅᑎᐅᕙᑦᑐᑦ ᐃᑲᔫᑎᖃᕋᔭᖅᑐᓂᒃ ᓇᔪᒐᖃᖅᑎᓄᑦ ᐊᒻᒪ ᐃᑲᔫᑎᐅᓗᑎᒃ ᒪᑭᒪᔪᓐᓇᕐᓂᖏᓐᓄᑦ ᐃᒥᕐᒧᑦ ᐊᒻᒪ ᑭᓈᓗᓕᕆᔾᔪᑎᓄᑦ ᐱᔨᑦᓯᕋᐅᑏᑦ. ᐃᓚᒋᔭᐅᓗᑎᒃ ᖃᓄᖅᑑᕈᑎᓄᑦ ᐊᑐᖅᑕᐅᖁᓪᓗᒋᑦ ᑮᓇᐅᔭᐃᔭᐅᑎᓄᑦ ᐊᑭᓕᐅᑎᐅᕙᑦᑐᑦ ᐊᒻᒪ ᐱᐅᓯᑎᒋᐊᖁᓪᓗᒋᑦ ᐱᔨᑦᓯᕋᕈᑎᐅᕙᑦᑐᑦ, ᐋᖅᑭᒋᐊᓚᐅᖅᑕᕗᑦ ᐃᒥᕐᒧᑦ ᐊᑭᓕᐅᑎᐅᕙᑦᑐᑦ ᐊᑐᓕᕆᐊᕐᓯᒪᓪᓗᑎᒃ ᐃᐳᕈ 1, 2024. ᑮᓇᐅᔭᐃᑦ ᐃᓯᖅᐸᓂᐊᖅᑐᑦ ᐆᕘᓇ ᐋᖅᑭᒋᐊᕈᑎᒃᑯᑦ ᐃᑲᔫᑎᐅᖃᑦᑕᓂᐊᖅᑐᑦ ᐱᐅᓯᑎᒋᐊᕈᑎᒻᒪᕆᓐᓄᑦ ᓄᓇᓕᐸᐅᔭᒃᑯᑦ ᓱᓇᒃᑯᑖᖁᑎᖏᓐᓄᑦ ᐊᒻᒪ ᑐᓂᕐᕈᑎᒋᕙᑦᑕᖏᒍᑦ.
ᐊᑭᓕᕐᓱᐃᔾᔪᑎᒥᓂᑐᖃᐃᑦ ᐊᒻᒪ ᓄᑖᑦ ᐊᑭᓕᕐᓱᐃᔾᔪᑎᑦᓴᑦ:
|
ᐊᑭᓕᕐᓱᐃᔨ |
ᐊᑭᓕᕐᓱᐃᔾᔪᑎᒥᓂᖅ (ᐊᑐᓂ ᓖᑕ) |
ᓄᑖᖅ ᐊᑭᓕᕐᓱᐃᔾᔪᑎᑦᓴᖅ (ᐊᑐᓂ ᓖᑕ) |
|
ᓇᔪᒐᖃᖅᑎ |
$0.0203 |
$0.01 |
|
ᑮᓇᐅᔭᓕᐅᖅᑎ |
$0.0203 |
$0.035 |
|
ᒐᕙᒪᓕᕆᔩᑦ |
$0.0211 |
$0.08 |
ᑕᑯᓪᓗᒋᑦ ᐊᔾᔨᒌᖏᔾᔪᑎᖏᑦ ᓇᔪᒐᖃᖅᑎᓄᑦ ᐊᑐᖅᑕᐅᕙᑦᑐᑦ ᐱᓪᓗᒋᑦ
ᐅᑯᐊ ᓇᓗᓇᐃᔭᐃᑎᐅᔪᑦ ᐆᑦᑑᑎᑦᓴᑦ ᓄᑖᑦ ᐃᒥᕐᒧᑦ ᐊᑭᓕᐅᑎᑦᓴᐃᑦ ᖃᓄᖅ ᐊᑦᑐᐃᓂᖃᕐᒪᖔᑕ ᓇᔪᒐᖃᖅᑎᓄᑦ ᐃᒥᕐᒧᑦ ᐊᑭᓕᐅᑎᐅᕙᑦᑐᓂᒃ:
ᑕᖅᑭᑕᒫᖅ ᐃᒥᖅᑑᑏᑦ: 25,000 ᓖᑕᐃᑦ
ᑕᖅᑭᑕᒫᕐᓯᐅᑎᐅᓚᐅᖅᑐᑦ ᐊᑭᓕᕆᐊᓖᑦ: $507.50
ᓄᑖᑦ ᑕᖅᑭᑕᒫᕐᓯᐅᑎᐅᓂᐊᓕᖅᑐᑦ ᐊᑭᓕᕆᐊᓖᑦ: $250.00
ᑕᖅᑭᑕᒫᖅ ᐊᑭᓕᕐᓲᑎᐅᖏᓂᕐᓴᐅᓕᕋᔭᖅᑐᑦ: $257.50
ᐱᐅᓯᑎᒋᐊᕈᑎᓄᑦ ᐱᖃᓯᐅᔾᔭᐅᔪᑦ
ᒪᑭᒪᑎᑦᓯᔾᔪᑎᓂᒃ ᐱᕙᓪᓕᐊᑎᑦᓯᔾᔪᑎᑦᓴᑦ: ᐱᐅᓯᑎᑦᓯᒋᐊᕐᓂᖅ ᐃᒥᕐᒧᑦ ᐊᒻᒪ ᑭᓈᓗᓐᓄᑦ ᓱᓪᓗᓕᓐᓂᒃ, ᒥᓪᓗᐊᕐᕕᓐᓂᒃ, ᐊᒻᒪ ᓴᓗᒻᒪᕐᓴᐃᕕᓐᓂᒃ. ᐱᖃᓯᐅᔾᔭᐅᔪᑦ ᐊᕐᕌᒍᓕᒫᒧᑦ ᓈᒻᒪᒐᓱᑦᑐᓂᒃ ᐱᓕᕆᔾᔪᑎᖃᖅᐸᓪᓗᑎᒃ ᐊᐅᓚᑦᓯᑦᓯᐊᖃᑦᑕᕐᓂᐊᕐᒪᑕ ᑐᐊᕕᕐᓇᖅᑐᑕᖃᓕᕋᐃᑉᐸᑦ ᐊᒻᒪ ᒪᑭᒪᑎᑕᐅᔪᓐᓇᓯᐊᖅᐸᓪᓗᑎᒃ, ᐊᐅᓚᑦᓯᔾᔪᑎᐅᖃᑦᑕᓂᐊᕐᒪᑕ ᐊᒐᕐᕆᔮᕐᔫᒥᓗᑎᒃ.
ᓱᓇᒃᑯᑖᓄᑦ ᐊᒻᒪ ᓄᓇᒃᑰᔫᓄᑦ ᐃᓚᒋᐊᕈᑎᑦᓴᑦ: ᐱᓕᕆᔾᔪᑎᐅᔪᑦ ᐃᓚᔭᐅᕙᓪᓗᑎᒃ ᐃᒥᕐᒧᑦ ᐊᒻᒪ ᑭᓈᓗᓕᕆᔾᔪᑎᓂᒃ ᓄᓇᒃᑰᔫᓂᑦ, ᐊᒻᒪ ᐃᑲᔪᕐᓱᐃᔾᔪᑎᓂᒃ ᓄᓇᒃᑰᔫᓂᒃ, ᐱᖃᓯᐅᔾᔭᐅᓗᑎᒃ ᓴᓇᔭᐅᓯᒪᔪᒥᒃ ᓄᓇᒃᑰᔫᒥᒃ ᓴᓗᒻᒪᕐᓴᐃᔾᔪᑎᑦᓴᒥᒃ ᓱᓪᓗᓕᓐᓂᒃ. ᐃᓚᒋᐊᖃᓪᓚᕆᒻᒪᑕ ᐱᐅᓯᑎᒋᐊᖁᓪᓗᒋᑦ ᐱᔨᑦᓯᕋᕈᑎᐅᔪᑦ ᑕᑎᒋᔭᐅᕙᓐᓂᖏᑦ ᐱᓕᕆᔾᔪᑎᐅᔪᓐᓇᕐᓂᐊᕐᓂᓂᖏᑦ ᐃᖃᓗᓐᓂ.
ᐃᖅᑲᓇᐃᔭᖅᑎᓄᑦ ᐊᒻᒪ ᐱᓕᕆᔨᒻᒪᕆᐅᓂᕐᒧᑦ ᐱᕙᓪᓕᐊᑎᑦᓯᒍᑎᑦᓴᑦ: ᑮᓇᐅᔭᐃᔭᖅᐸᓪᓗᓐᓂᖅ ᓄᓇᓕᐸᐅᔭᐃᑦ ᐃᖃᓗᐃᑦ ᓴᓇᔪᓕᕆᓂᕐᒥᑦ ᐱᓕᕆᕝᕕᖏᓐᓄᑦ ᐊᑑᑎᖃᒻᒪᕆᒻᒪᑕ. ᓄᓇᓕᐸᐅᔭᒃᑯᑦ ᓴᓂᕐᕙᐃᕙᓐᓂᐊᖅᑐᑦ ᑮᓇᐅᔭᓂᒃ ᐱᓕᕆᔾᔪᑎᑦᓴᓂᒃ ᐱᓗᐊᖅᑐᒥ ᐱᓕᒻᒪᑦᓴᐅᑎᑦᓴᓂᒃ ᓄᑖᓄᑦ ᐱᓕᕆᔾᔪᑎᐅᕙᓕᖅᑐᓄᑦ ᓱᓇᑐᐃᓐᓇᐃᑦ ᐋᖅᑭᓱᕐᓯᒪᑦᓯᐊᖃᑦᑕᖁᓪᓗᒋᑦ, ᐊᑦᑕᓇᔾᔭᐃᕐᓯᒪᒍᑎᑦᓴᓂᒃ ᐱᔾᔪᓯᒍᑦ, ᐊᒻᒪ ᒪᓕᒐᕐᓂᒃ ᒪᓕᑉᐸᒃᑲᓗᐊᕐᒪᖔᑕ ᖃᐅᔨᓴᐅᑎᓄᑦ, ᓇᓗᓇᐃᕐᓯᒪᑦᓯᐊᖁᓪᓗᒋᑦ ᐱᓕᕆᔨᐅᔪᑦ ᓱᓇᒃᑯᑖᖃᑦᓯᐊᖃᑦᑕᖁᓪᓗᒋᑦ ᐊᑲᐅᓂᕐᓴᒃᑯᑦ ᐱᔨᑦᓯᕋᕈᓐᓇᖁᓪᓗᒋᑦ ᓄᓇᓕᓐᓄᑦ.
ᑐᐊᕕᕐᓇᖅᑐᓕᕆᔾᔪᑎᓂᒃ ᐱᓕᕆᔾᔪᑎᓄᑦ ᐱᐅᓯᑎᒋᐊᕈᑎᑦᓴᑦ: ᓴᓂᕐᕙᐃᕙᓪᓗᑎᒃ ᑮᓇᐅᔭᓂᒃ ᐊᕐᕌᒍᑕᒫᖅ ᑕᕝᕙᓴᐃᓐᓇᖅ ᐱᓕᕆᔾᔪᑎᑦᓴᐅᔪᓐᓇᐸᓐᓂᐊᖅᑐᓂᒃ ᒪᑭᒪᔾᔪᑎᑦᑎᒍᑦ ᑐᐊᕕᕐᓇᖅᑐᑕᖃᓕᕋᐃᑉᐸᑦ ᓲᕐᓗ ᑕᒪᐅᖓᑐᐃᓐᓇᖅ ᑯᕕᔪᖃᓕᖅᐸᑦ ᐊᒻᒪ ᓱᕋᑦᑐᖃᕐᓂᖅᐸᑦ. ᑕᒪᓐᓇ ᐅᕙᑦᑎᓐᓂᒃ ᐱᓕᕆᒋᐊᕈᑎᐅᔪᖅ ᑐᕌᒐᔪᖅ ᒥᑭᓪᓕᑎᕆᔪᒪᓂᕐᒥᒃ ᓄᓇᓕᕐᒥᐅᑕᓂᒃ ᐱᔨᑦᓯᕋᐅᑎᐅᕙᑦᑐᓂᒃ.
ᐱᐅᓯᑎᒋᐊᖅᑕᐅᓗᑎᒃ ᐊᑐᕆᐊᓂᒃ ᒪᑭᒪᑎᑦᓯᔾᔪᑎᐅᔪᑦ: ᓇᓗᓇᐃᕐᓯᒪᕙᓐᓂᖅ ᐊᑐᕆᐊᑦ ᐊᑑᑎᖃᒻᒪᕆᑦᑐᑦ ᐃᒥᕐᒧᑦ ᐊᒻᒪ ᑭᓈᓗᓕᕆᔾᔪᑎᓄᑦ ᐱᔨᑦᓯᕋᐅᑎᓄᑦ ᐊᕐᕌᒍᓕᒫᒥ ᒪᑭᒪᑎᑕᐅᖃᑦᑕᕋᓗᐊᕐᒪᖔᑕ ᐱᕙᓪᓕᐅᑎᑦᓯᐊᖅᑐᓂᒃ ᐱᔨᑦᓯᕋᕈᑎᖃᖅᐸᓂᐊᕐᒪᑕ.
ᐃᓚᒋᔭᐅᓗᑎᒃ ᐱᓕᕆᔾᔪᑎᖃᕈᒪᓂᑦᑎᓐᓄᑦ ᓄᓇᓕᕐᒥᐅᑕᓄᑦ ᐃᖃᓗᓐᓂ, ᑮᓇᐅᔭᐃᔭᖅᐸᑦᑐᒍᑦ ᐅᓪᓗᒥᐅᓕᖅᑐᖅ ᐊᑐᖅᑕᐅᕙᑦᑐᓂᒃ ᓴᓇᕙᑦᑐᑕ ᐊᒻᒪ ᒪᑭᒪᑎᑦᓯᓇᓱᓐᓂᒃᑯᑦ ᐃᒥᕐᒧᑦ ᐊᒻᒪ ᑭᓈᓗᓕᕆᓂᕐᒧᑦ ᐱᓕᕆᔾᔪᑎᓂᒃ ᒪᑭᒪᑎᑦᓯᔾᔪᑎᑦᑎᓐᓄᑦ. ᑕᒪᒃᑯᐊ ᐊᔾᔨᒌᑉᐸᑦᑐᑦ, ᐊᕐᕌᒍᑕᒫᖅ ᑮᓇᐅᔭᐃᔭᐅᑎᐅᕙᑦᑐᑦ ᐊᑐᖅᑐᒻᒪᕆᐅᕙᒻᒪᑕ ᐱᓇᓱᐊᖅᐸᓂᒃᑯᑦ ᐱᐅᓂᕐᓴᓂᒃ ᐊᒻᒪ ᐱᕙᓪᓕᐊᑎᒍᓐᓇᓂᕐᓴᓂᒃ ᐱᓕᕆᔾᔪᑎᑦᓴᓂᒃ ᐱᓕᕆᔾᔪᑎᐅᔪᓐᓇᓯᐊᖅᑐᓂᒃ ᑭᖕᖒᒪᒐᖏᓐᓄᑦ ᐃᓄᒋᐊᑦᓯᕙᓪᓕᐊᑐᐃᓐᓇᖅᑐᒧᑦ ᓄᓇᓕᑦᑎᓐᓄᑦ.
##
ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:
ᐊᓕᒃᓯ ᑳᒧᕋᓐ
ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᓂᕐᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5607 | a.cameron@iqaluit.ca
