ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑲᐅᓂᕐᓴᐃᑦ ᒪᕐᕉᓐᓄᑦ ᐱᓇᓱᐊᕈᓰᓐᓄᑦ ᐃᓯᕈᑎᑦᓴᐃᑦ ᐊᑐᐃᓐᓇᐅᓕᖅᑐᑦ ᐃᖃᓗᐃᑦ ᐳᐃᔾᔪᕋᕐᕕᖃᕐᕕᐊᓂ
ᔪᓂ 10, 2026 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᖁᕕᐊᒋᓪᓗᒋᑦ ᓇᓗᓇᐃᕐᓯᒍᒪᓕᕐᒥᔪᑦ ᓄᑖᓂᒃ ᒪᕐᕉᓐᓄᑦ ᐱᓇᓱᐊᕈᓰᓐᓄᑦ ᐃᓯᕈᑎᑦᓴᖅᑕᖃᓕᕐᓂᖓᓄᑦ ᐳᐃᔾᔪᕋᕐᕕᖃᕐᕕᒻᒥ, ᓄᓇᓕᕐᒥᐅᑕᐃᑦ ᐊᒻᒪ ᐳᓛᕆᐊᖅᐸᑦᑐᑦ ᐊᑲᐅᓂᕐᓴᒃᑯᑦ ᕿᑲᑐᐃᓐᓇᔾᔭᐃᒃᑯᑎᑦᓴᓂᒃ, ᐃᓅᖃᑎᖃᕆᐊᖅᑐᕈᒪᕙᑦᑐᓄᑦ, ᐊᒻᒪ ᖁᕕᐊᒋᔭᖃᕆᐊᖅᑐᕈᒪᕙᑦᑐᓄᑦ ᐱᓕᕆᕝᕕᒻᒥᒃ ᐊᑐᕐᓗᑎᒃ ᐅᓪᓗᕐᓯᐅᑎᖏᓐᓂᒃ ᐊᑲᐅᒋᓂᕐᓴᖏᓐᓂᒃ.
ᓴᖅᑭᑕᐅᓚᕿᔪᑦ ᑭᐅᔾᔪᑎᐅᓗᑎᒃ ᓄᓇᓕᕐᒥᐅᑕᓄᑦ ᑕᑯᔭᐅᔪᒪᕙᑦᑐᓂᒃ ᕿᓚᒥᐅᓂᕐᓴᒃᑯᑦ ᑭᐱᖕᖑᐃᔭᐅᑎᒍᑦ ᓇᓖᕌᕈᑎᖃᕈᒪᕙᑦᑐᓂᒃ, ᑕᒪᒃᑯᐊ ᐃᓯᕈᑎᐅᔪᑦ ᓈᒻᒪᓯᐊᖅᑐᑦ ᓂᐅᕐᕈᓯᒪᔪᓄᑦ/ᐳᓛᕆᐊᕐᓯᒪᔪᓄᑦ, ᐊᕐᕌᒎᑉ ᐃᓚᐃᓐᓇᖓᓂ ᐃᖅᑲᓇᐃᔭᕆᐊᖅᐸᑦᑐᓄᑦ, ᓄᓇᓕᕐᒥᐅᑕᓄᑦ ᐅᑎᖅᐸᓪᓕᐊᔪᓄᑦ ᐃᖃᐃᓕᓴᐅᑎᓄᑦ, ᐅᕝᕙᓘᓐᓃᑦ ᑭᒃᑯᑐᐃᓐᓇᑦᓯᐊᓄᑦ ᖁᕕᐊᓱᒋᐊᖅᑐᕈᒪᕙᑦᑐᓄᑦ ᐳᐃᔾᔪᕋᕐᕕᒻᒨᐸᓪᓗᑎᒃ ᐊᑐᕈᒪᖏᒃᑯᑎᒃ ᐊᑯᓂᐅᓂᕐᓴᓄᑦ ᐅᓪᓗᕐᓯᐅᑎᒍᑦ ᐃᓯᕈᑎᓂᒃ.
ᐳᐃᔾᔪᕋᑐᐃᓐᓇᕐᓂᐊᕋᓗᐊᕈᕕᑦ, ᐃᓚᒋᔭᑎᑦ ᐱᖃᑎᒋᔭᖅᑐᖅᓯᒪᒍᕕᒋᑦ ᐳᐃᔾᔪᕋᕐᕕᒻᒥ, ᐅᕝᕙᓘᓐᓃᑦ ᐃᖃᐃᓕᓴᕐᓂᒃᑯᑦ ᑐᕌᒐᖃᕐᓂᕈᕕᑦ ᐱᖕᖑᐊᕐᕕᒻᒨᐸᓪᓗᑎᑦ, ᑕᒪᒃᑯᐊ ᓄᑖᑦ ᐃᓯᕈᑎᑦᓴᒃᑯᑦ ᓇᓖᕌᕈᑎᑦᓴᐃᑦ ᐊᑲᐅᔪᒃᑯᑦ ᐅᐸᒍᑎᐅᒍᓐᓇᓂᐊᖅᑐᑦ ᐱᓕᕆᐊᑦᓴᓄᑦ ᐊᒻᒪ ᐱᓕᕆᕝᕕᓐᓄᑦ ᐃᑲᔪᕐᓱᐃᔾᔪᑎᐅᔪᓂᒃ ᑎᒥᑦᓯᐊᕆᓐᓂᒃᑯᑦ ᐊᒻᒪ ᕿᑲᑐᐃᓐᓇᕈᒪᖏᑦᑐᓄᑦ ᓄᓇᓕᕐᒥᐅᑕᓄᑦ.
ᐱᖕᖑᐊᕐᕕᒻᒧᑦ ᐊᒻᒪ ᐳᐃᔾᔪᕋᕐᕖᓇᕐᒧᑦ – ᒪᕐᕉᓐᓄᑦ (2) ᐱᓇᓱᐊᕈᓰᓐᓄᑦ ᐃᓯᕈᑎ
- ᒪᒃᑯᑦᑐᐃᑦ (ᐊᕐᕌᒍᓖᑦ 13–18): $47.25
- ᐃᓐᓇᐃᑦ (ᐊᕐᕌᒍᓖᑦ 19+): $63.00
- ᐃᓚᒌᑦ (ᑎᑭᒍᓐᓇᖅᑐᑦ ᑕᓪᓕᒪᓄᑦ ᐃᓚᒌᓄᑦ): $126.00
ᐳᐃᔾᔪᕋᕐᕖᓇᕐᒧᑦ ᑭᓯᐊᓂ - ᒪᕐᕉᓐᓄᑦ (2) ᐱᓇᓱᐊᕈᓰᓐᓄᑦ ᐃᓯᕈᑎ
- ᐃᓐᓇᐃᑦ (ᐊᕐᕌᒍᓖᑦ 19+): $50.50
- ᐃᓚᒌᑦ (ᑎᑭᒍᓐᓇᖅᑐᑦ ᑕᓪᓕᒪᓄᑦ ᐃᓚᒌᓄᑦ): $100.75
ᑕᒪᒃᑯᐊ ᐃᓯᕈᑎᐅᔪᑦ ᑭᓪᓕᖃᖏᑦᑐᓂᒃ ᐃᓯᕈᑎᐅᒍᓐᓇᓂᐊᖅᑐᑦ ᒪᕐᕉᓐᓂ ᐱᓇᓱᐊᕈᓰᓐᓂ ᐊᒻᒪ ᐊᑐᐃᓐᓇᐅᔪᑦ ᓂᐅᕕᐊᖑᔪᒪᓐᓂᕈᑎᒃ ᐳᐃᔾᔪᕋᕐᕕᒻᒥᒃ ᐅᕝᕙᓘᓐᓃᑦ ᖃᐅᔨᒋᐊᖅᑕᐅᓗᑎᒃ ᐱᔨᑦᓯᕋᖅᑎᐅᔪᑦ ᐅᖄᓚᐅᑎᒃᑯᑦ ᐅᕗᖓ 975-8544 ᐅᕝᕙᓘᓐᓃᑦ ᐃᕐᖏᓇᖅᑕᐅᑎᒃᑯᑦ I.GuestServicesDesk@iqaluit.ca.
ᓄᓇᓕᐸᐅᔭᒃᑯᑦ ᐊᑐᐃᓐᓇᐅᑎᑦᓰᓐᓇᕈᒪᓂᐊᕐᒪᑕ ᑭᐱᖕᖑᐃᔭᐅᑎᑦᓴᖏᓐᓂᒃ ᑭᒃᑯᑐᐃᓐᓇᐃᑦ ᖃᓄᐃᖏᑦᑐᓂᒃ ᐃᓗᓯᕐᒧᑦ, ᖃᓄᐃᖏᑦᓯᐊᖅᑐᓕᕆᓂᕐᒧᑦ, ᐊᒻᒪ ᓄᓇᓕᕐᒥᐅᑕᐃᑦ ᐊᑦᑐᐊᖃᑦᑕᐅᑎᔾᔪᑎᖏᒍᑦ. ᐊᔭᐅᖅᑐᖅᐸᕗᑦ ᓄᓇᓕᕐᒥᐅᑕᐃᑦ ᐊᒻᒪ ᐳᓛᕆᐊᖅᐸᑦᑐᑦ ᐊᑲᐅᓈᕈᑎᖃᖁᓪᓗᒋᑦ ᑕᒪᒃᑯᓂᖓ ᓄᑖᓂᒃ ᓇᓖᕌᕈᑎᐅᒍᓐᓇᖅᑐᓂᒃ ᐊᒻᒪ ᐊᑐᖁᕙᑦᑐᒋᑦ ᓱᓇᑐᐃᓐᓇᑦᓯᐊᓂᒃ ᐊᑐᖅᑕᐅᔪᓐᓇᖅᑐᓂᒃ ᐳᐃᔾᔪᕋᕐᕕᒻᒦᑦᑐᓂᒃ.
##
ᑐᑭᓯᒋᐊᒃᑲᓐᓂᕐᕈᑦᓴᖅ ᖃᐅᔨᒋᐊᕐᕈᓗᒍ ᐅᓇ:
ᐱᐊᓐᔭᒥᓐ ᓚᐸᐃᔾ
ᐳᐃᔾᔪᕋᕐᕕᐅᑉ ᐱᓕᕆᐊᑦᓴᖏᓐᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
