ᐊᑭᓕᕐᓱᖅᑕᐅᒐᑎᒃ ᐃᑲᔪᖅᐸᑦᑐᓂᒃ ᖁᔭᓕᔾᔪᑎᓂᒃ ᐱᔾᔪᓯᐊᓚᐅᖅᑐᑦ 2025

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐊᑭᓕᕐᓱᖅᑕᐅᒐᑎᒃ ᐃᑲᔪᖅᐸᑦᑐᓂᒃ ᖁᔭᓕᔾᔪᑎᓂᒃ ᐱᔾᔪᓯᐊᓚᐅᖅᑐᑦ 2025

ᓅᕖᐱᕆ 6, 2025 – ᐃᖃᓗᐃᑦ, ᓄᓇᕗᑦ

 

ᓄᓇᓕᐸᐅᔭᒃᑯᑦ ᐃᖃᓗᓐᓂ ᖁᕕᐊᒋᔭᖃᕈᒪᓕᕆᕗᑦ ᐅᐱᒋᓪᓗᒋᑦ ᐱᔾᔪᓯᐊᖅᑎᑕᐅᓚᐅᖅᑐᑦ ᐅᑯᓂᖓ 2025 ᐊᑭᓕᕐᓱᖅᑕᐅᒐᑎᒃ ᐃᑲᔪᖅᐸᑦᑐᓂᒃ ᖁᔭᓕᔾᔪᑎᓂᒃ ᐱᔾᔪᓯᐊᑦᓴᓂᒃ.

ᑖᒃᑯᐊ ᐱᔾᔪᓯᐊᖑᕙᑦᑐᑦ ᓇᓪᓕᐅᓂᕐᓯᐅᕈᑎᐅᕙᑦᑐᑦ ᑐᓂᕐᕈᑎᖃᖅᐸᑦᑐᓂᒃ ᑭᒃᑯᑐᐃᓐᓇᕐᓂᒃ ᐊᒻᒪ ᑲᑐᔾᔨᖃᑎᒌᖑᔪᓂᒃ ᐱᓕᕆᕙᑦᑐᓂᒃ ᐱᔪᓐᓇᕐᓯᒐᐃᒐᒥᒃ, ᐃᕿᐊᓱᒐᑎᒃ, ᐊᒻᒪ ᐱᓕᕆᔪᒪᑦᓯᐊᖅᑐᑎᒃ ᐃᖃᓗᓐᓂᒃ ᓴᖕᖓᑎᕆᖃᑕᐅᕙᑦᑐᑎᒃ, ᐊᑦᑐᐊᖃᑎᒌᓐᓂᕐᓴᐅᓕᖅᑎᐸᑦᑐᒋᑦ ᓄᓇᓕᕐᒥᐅᖃᑎᒌᖑᔪᑦ.

ᖁᕕᐊᒋᔭᐅᓯᐊᖅᑐᑦ ᐅᐱᒋᔭᐅᓗᑎᒃ ᐊᕐᕌᒍᑦᑎᓐᓂ ᐱᔾᔪᓯᐊᖅᑎᑕᐅᓚᐅᖅᑐᑦ:

• ᐋᓐᑐᕆᐊ ᒥᐊᓕ – ᐃᑲᔪᖅᑎᒻᒪᕆᐅᓂᖓᓄᑦ ᐱᔾᔪᓯᐊᓚᐅᖅᑐᖅ
• ᖃᔪᖅᑐᕐᕕᒃ ᓄᓇᓕᓐᓂ ᓂᕿᓕᕆᔨᐅᔪᑦ – ᐱᔨᑦᓯᕋᖅᑎᐅᓂᖏᓐᓄᑦ ᑲᑐᔾᔨᖃᑎᒌᖑᓪᓗᑎᒃ ᐱᔾᔪᓯᐊᓚᐅᖅᑐᑦ
• ᐅᐃᓕᐊᒻ ᐹᖦᖠᐊᐃ – ᒪᒃᑯᑦᑐ ᐱᔾᔪᓯᐊᓚᐅᖅᑐᖅ
• ᑯᓘ ᓄᐊᕆᔅ – ᐱᖕᖑᐊᕈᑎᓕᕆᓂᕐᒧᑦ ᐊᒻᒪ ᐱᖕᖑᐊᖅᑐᓕᕆᓂᕐᒧᑦ ᐱᔾᔪᓯᐊᓚᐅᖅᑐᖅ
• ᓯᑏᕙᓐ ᓱᓕᕙᓐ – ᓴᓇᖕᖑᐊᖅᑐᓕᕆᓂᕐᒧᑦ ᐊᒻᒪ ᐃᓕᖅᑯᓯᓕᕆᓂᕐᒧᑦ ᐱᔾᔪᓯᐊᓚᐅᖅᑐᖅ
• ᔭᔅᑎᓐ ᑖᓐᐴᒑᓐ – ᓄᓇᓕᓐᓂ ᐱᕙᓪᓕᐊᑎᑦᓯᓂᕐᒧᑦ ᐱᔾᔪᓯᐊᓚᐅᖅᑐᖅ

ᓄᓇᓕᐸᐅᔭᒃᑯᑦ ᖁᔭᓐᓇᒦᕈᒪᔪᑦ ᐃᓘᓐᓇᑦᓯᐊᖏᓐᓂᒃ ᐊᑭᓕᕐᓱᖅᑕᐅᒐᑎᒃ ᐃᑲᔪᖅᐸᑦᑐᓂᒃ ᐊᑑᑎᓕᒻᒪᕆᓐᓂᒃ ᑐᓂᕐᕈᑎᖃᖅᐸᓐᓂᖏᓐᓂᒃ ᐊᕐᕌᒎᑉ ᐃᓗᐊᓂ ᖃᖓᑐᐃᓐᓇᓯᐊᒃᑯᑦ. ᐱᓕᕆᔪᒻᒪᕆᐅᓂᕐᓯᓐᓄᑦ, ᕿᐱᓗᖏᓯᐊᖅᑐᓯ, ᐊᒻᒪ ᐱᓕᕆᔪᒪᑦᓯᐊᐸᑦᑐᓯ ᖃᑭᕙᓪᓕᐊᑎᑦᓯᑐᐃᓐᓇᖅᑐᑦ ᓄᓇᓕᑦᑎᓐᓂᒃ ᐊᒻᒪ ᑲᔪᖏᕐᓴᐃᔾᔪᑎᐅᕙᑦᑐᓯ ᑭᒃᑯᑐᐃᓐᓇᕐᓂᒃ ᐊᕙᑎᑦᓯᓐᓃᐸᑦᑐᓄᑦ.

ᖁᔭᓐᓇᒦᒃ ᐃᑲᔪᖅᐸᒃᑲᑦᓯ ᐃᖃᓗᐃᑦ ᐱᐅᔪᐊᓘᑎᑉᐸᑦᑐᒍ ᐃᓅᓇᓱᐊᕐᕕᒋᓪᓗᒍ, ᐱᓕᕆᕝᕕᒋᓪᓗᒍ, ᐊᒻᒪ ᐱᖕᖑᐊᕐᕕᒋᕙᑦᑐᒍ.

##

 

ᑐᑭᓯᒋᐊᒃᑲᓐᓂᕐᕈᑦᓴᖅ ᐅᓇ ᖃᐅᔨᒋᐊᕐᓗᒍ:

ᒪᑎᐅᓪᑕ ᐱᓐᒃᓴᓐ

ᐊᔾᔨᐅᖏᑦᑐᓂᒃ ᖃᓄᐃᓕᐅᕈᑎᓂᒃ ᐱᓕᕆᐊᑦᓴᓕᕆᔨ

ᓄᓇᓕᐸᐅᔭᐃᑦ ᐃᖃᓗᐃᑦ

m.pinksen@iqaluit.ca