ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑦᓯᕕᒻᒥ ᐃᑭᓚᐅᖅᑐᖅ ᖃᒥᑕᖅ
ᔪᓚᐃ 3, 2026 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐃᑭᓚᐅᖅᑐᖅ ᓄᓇᓕᐸᐅᔭᒃᑯᑦ ᐊᑦᓯᕕᐊᓂ ᖃᒥᑕᐅᓚᐅᕐᓂᖓᓄᑦ ᐅᓐᓄᒃ 11:15-ᒨᖅᑎᓪᓗᒍ. ᐊᑦᓯᕕᒻᒥ ᐱᓕᕆᔨᐅᔪᒧᑦ ᐅᓐᓄᐊᕐᓯᐅᕆᐊᖃᓚᐅᖅᑐᖅ ᖃᐅᔨᓴᖅᑐᓂ ᐃᑭᒃᑲᓐᓂᖏᒃᑲᓗᐊᕐᒪᖔᖅ ᓇᐅᒃᑯᑐᐃᓐᓇᖅ.
ᐱᓕᕆᔨᐅᔪᑦ ᑕᐅᕙᓃᖏᓐᓇᕐᓯᒪᔪᑦ ᐅᓪᓗᒥ ᐊᑦᑕᓇᔾᔭᐃᕐᓯᒪᑦᓯᐊᓕᕋᓗᐊᕐᒪᖔᖅ ᖃᐅᔨᓴᐃᓐᓇᕈᒪᓪᓗᒍ ᐃᑭᕝᕕᐅᓚᐅᖅᑐᖅ. ᐊᑐᕆᐊᖅ ᒪᑐᐃᖓᑦᓯᐊᓕᕐᒥᔪᖅ ᓄᓇᒃᑰᔫᓄᑦ. ᓄᓇᓕᕐᒥᐅᑕᐃᑦ ᑕᐅᕙᑦᓱᒪ ᐊᕙᑎᐊᓃᒍᑎᒃ ᐅᔾᔨᕈᓱᑦᓯᐊᖁᔭᐅᔪᑦ ᓱᓕ ᐊᒻᒪ ᖃᓄᐃᖁᓚᒋᑦ ᒪᓕᑉᐸᓪᓗᑎᒃ ᖃᓄᑐᐃᓐᓇᖅ ᐅᖃᐅᔾᔭᐅᒍᑎᒃ ᐃᖅᑲᓇᐃᔭᖅᑎᒧᑦ ᖃᐅᔨᓴᖅᑐᒧᑦ ᑕᐅᕙᓂ.
ᓄᓇᓕᐸᐅᔭᒃᑯᑦ ᖁᔭᓐᓇᒦᖅᑐᑦ ᓄᓇᓕᕐᒥᐅᑕᓂᒃ ᐅᐸᑉᐸᓚᐅᖏᓐᓂᖏᓐᓄᑦ ᐊᕙᑎᐊᓄᑦ ᑐᐊᕕᕐᓇᖅᑐᓕᕆᔨᒃᑯᑦ ᐱᓕᕆᓂᖏᓐᓂ. ᑐᑭᓯᐅᒪᑦᓯᐊᕋᑦᑕ ᐊᑐᕆᐊᖅ ᓄᕗᐊᓗᒻᒨᖓᔪᖅ ᐱᒻᒪᕆᐅᒻᒪᑦ ᓄᓇᓕᕐᒥᐅᑕᓄᑦ ᐊᒥᓱᓄᑦ, ᐊᒻᒪ ᓄᖅᑲᖓᑎᑕᐅᑲᐃᓐᓇᕐᓯᒪᓂᕆᓚᐅᖅᑕᖏᑦ ᐃᑲᔫᑎᖃᒻᒪᕆᓚᐅᕐᒪᑕ ᖃᑦᑎᕆᔨᓂᒃ ᐊᒻᒪ ᐃᑲᔪᖅᑐᓂᒃ ᐱᓕᕆᔨᓂᒃ ᐃᓂᖃᑦᓯᐊᖅᑎᑕᐅᓗᑎᒃ ᐊᑦᑕᓇᔾᔭᐃᕐᓯᒪᓂᕐᓴᒃᑯᑦ ᐊᒻᒪ ᐱᕙᓪᓕᐅᑎᓂᕐᓴᒃᑯᑦ ᖃᒥᑦᓯᒍᓐᓇᕐᓯᓚᐅᕐᒪᑕ ᐃᑯᐊᓚᔪᒥᒃ.
ᐃᓚᒋᔭᐅᓗᓂ ᐊᑦᓯᕕᐅᑉ ᐃᑭᒍᑖᓄᑦ, ᐃᖃᓗᐃᑦ ᖃᑦᑎᕆᔨᒃᑯᖏᑦ ᐅᓐᓄᐊᒃᑯᑦ ᐅᐸᒋᐊᖃᓚᐅᕐᒥᔪᑦ ᓇᔪᒑᓐᓂᒃ ᐃᑭᑦᑐᖃᖅᑎᓪᓗᒍ, ᓯᕿᖕᖑᔭᖅ 3:25-ᒨᖅᑎᓪᓗᒍ ᐊᒻᒪ 4:16-ᒨᖅᑎᓪᓗᒍ. ᖃᑦᑎᕆᔨᐅᔪᑦ ᐅᓐᓄᐊᓕᒫᑦᓯᐊᖅ ᐱᓕᕆᓚᐅᖅᑐᑦ ᐊᒻᒪ ᐱᓕᕆᐊᖃᑦᓯᐊᐸᑦᑐᑎᒃ ᐱᖓᓱᓄᑦ ᐃᑭᑦᑐᓂᒃ ᖃᒥᑦᓯᑦᓯᐊᐸᑦᑐᑎᒃ.
ᓄᓇᓕᐸᐅᔭᒃᑯᑦ ᖁᔭᒋᔭᖃᖅᑐᒻᒪᕆᐅᕗᑦ ᐃᖃᓗᐃᑦ ᖃᑦᑎᕆᔨᒃᑯᖏᓐᓂᒃ ᕿᓚᒥᐊᓗᒃ ᐅᐸᓚᐅᕐᓂᖏᓐᓄᑦ, ᐱᓕᕆᑦᓯᐊᓚᐅᕐᓂᖏᓐᓄᑦ, ᐊᒻᒪ ᐱᓕᕆᔪᒻᒪᕆᐅᓚᐅᕐᓂᖏᓐᓄᑦ ᐅᓐᓅᓚᐅᖅᑐᖅ ᐱᓐᓇᔭᓐᓇᓚᐅᖏᓯᐊᖅᑐᒥ.
ᓄᓇᓕᐸᐅᔭᒃᑯᑦ ᐃᓕᖅᑕᕐᓯᓯᒪᒻᒥᔪᑦ ᐱᒻᒪᕆᐅᔪᒥᒃ ᐃᑲᔪᕐᓱᐃᔾᔪᑎᐅᓚᐅᖅᑕᖏᓐᓂᒃ ᓴᓇᔪᓕᕆᔨᒃᑯᑦ ᐊᑐᕆᐊᓕᕆᔨᖓᑕ, ᓴᓇᔪᓕᕆᔨᒃᑯᑦ ᓄᓇᒃᑰᔫᓄᑦ ᐱᔨᑦᓯᕋᖅᑎᖏᓐᓂᒃ, ᐊᒻᒪ ᓴᓇᔪᓕᕆᔨᒃᑯᑦ ᓴᓂᑦᑕᖅᑎᖏᓐᓂᒃ ᐊᑦᓯᕕᒃ ᐃᑯᐊᓚᑎᓪᓗᒍ. ᐱᓕᕆᖃᑕᐅᓚᐅᕐᓂᖏᑦ ᑐᐊᕕᕐᓇᖅᑐᓕᕆᔨᒃᑯᑦᓄᓇᒃᑰᔫᖏᑦ ᐅᐸᒋᐊᓕᒻᒥᓄᑦ ᐊᖅᑯᑎᖃᑦᓯᐊᖅᐸᓚᐅᖅᑐᑦ, ᐃᑲᔪᕐᓱᐃᓯᐊᖅᑐᑎᒃ ᖃᑦᑎᕆᔨᓄᑦ ᐊᐅᓚᑦᓯᔾᔪᑎᖏᓐᓂᒃ, ᐊᒻᒪ ᓅᑎᕆᕙᑦᑕᑎᒃ ᐊᑦᓯᕕᒻᒥᐅᑕᕐᓂᒃ ᐅᖁᒪᐃᑦᑐᓄᑦ ᓱᓇᒃᑯᑖᖁᑎᒥᓐᓄᑦ.
ᖁᔭᓐᓇᒦᖏᒃᑯᐊ ᓄᓇᓕᓐᓂ ᐸᓖᓯᖕᖑᐊᕗᑦ ᒪᓕᒐᕋᓛᓕᕆᔨᐅᔪᑦ ᐊᒻᒪ ᓄᓇᓕᐸᐅᔭᒃᑯᑦ ᑳᓐᑐᕌᑎᒍᑦ ᐱᓕᕆᔨᕗᑦ ᓄᓇᕗᑦ ᓄᓇᒥᒃ ᓴᓇᔨᐅᔪᑦ ᐃᑲᔪᕐᓱᐃᓚᐅᕐᓂᖏᓐᓄᑦ ᐱᓕᕆᐊᖃᖅᑐᓂᒃ.
ᓄᓇᓕᐸᐅᔭᒃᑯᑦ ᖁᔭᒋᔭᖃᑦᓯᐊᖅᑐᑦ ᐱᓕᕆᓂᒃᑯᑦ ᖃᓄᖅᑑᕈᑎᒋᓚᐅᖅᑕᖏᓐᓂᒃ ᐃᖅᑲᓇᐃᔭᖅᑎᓕᒫᑦᓯᐊᑦ, ᑳᓐᑐᕌᑎᒍᑦ ᐱᓕᕆᔨᓕᒫᑦᓯᐊᑦ, ᑐᐊᕕᕐᓇᖅᑐᓕᕆᔾᔪᑎᓂᒃ ᐱᓕᕆᔨᐅᔪᑦ, ᐊᒻᒪ ᓄᓇᓕᕐᒥᐅᑕᐃᑦ ᐃᑲᔪᓚᐅᕐᓂᖏᓐᓄᑦ ᑲᑐᔾᔨᖃᑕᐅᓗᑎᒃ ᐊᒻᒪ ᐃᑲᔪᕐᓱᓚᐅᕐᓂᖏᓐᓄᑦ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒍ:
ᔭᕝ ᐴᕐᓐ
ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | g.byrne@iqaluit.ca
