ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑦᑕᓇᖏᑦᑐᒥᑦ ᓴᓐᖓᑎᔅᓰᓂᖅ ᐱᒋᐊᕐᓂᖃᖅᑐᖅ ᐊᖏᕋᒥ
ᐅᑦᑑᐱᕆ 2, 2026 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᐃᑦ ᐃᖅᑲᐃᑎᑦᑎᔪᒪᔪᑦ ᓄᓇᓕᒻᒥᖑᑕᓂᑦ ᐃᑭᑎᑦᑎᑦᑕᐃᓕᓂᑉᒧᑦ ᐱᓇᓱᐊᕈᓯᐅᓛᖅᑐᖅ ᐅᑦᑑᐱᕆ 4 ᑎᑭᑦᑐᒍ 10, 2026.
ᑕᒪᑐᒪᓂ ᐊᕐᕌᒍᒥ ᐃᓱᒪᒋᔭᐅᔪᖅ “ᐊᑦᑕᓇᖏᑦᑐᒥᑦ ᓴᓐᖓᑎᔅᓰᓂᖅ ᐱᔪᓐᓇᐅᑎᖃᓂᕐᔪᐊᖑᔪᖅ,” ᐱᓕᕆᐊᓪᓗᐊᑕᖃᖅᑐᑎᑦ ᐊᑦᑕᓇᖏᑦᑐᒥᑦ ᓴᓐᖓᑎᔅᓰᓂᖅ ᐊᒻᒪ ᐃᒋᑕᐅᓂᖏᓐᓄᑦ ᓕᑎᐊᒻ−ᐊᐅᐋᓐ ᐹᑕᓖᑦ.
ᓕᑎᐊᒻ−ᐊᐅᐋᓐ ᐹᑕᓖᑦ ᓇᓂᔭᐅᔪᑦ ᐊᒥᓱᓂᑦ ᐅᓪᓗᑕᒫᑦ ᑭᓱᓂᑦ, ᐱᖃᓯᐅᑎᓪᓗᑎ ᐅᖄᓚᐅᑏᑦ, ᖃᕋᓴᐅᔭᕋᓛᑦ, ᖃᕋᓴᐅᔭᐃᑦ, ᑲᑉᐳᔭᖅᑐᑦ ᓴᓇᕐᕈᑏᑦ ᐊᒻᒪ ᐱᓐᖑᐊᑦ. ᓱᕋᔅᓯᒪᔪᑦ ᐹᑕᓖᑦ, ᓴᓐᖓᑎᑦᑎᓴᑎᖓᖏᓐᓂᐅᔪᑦ ᖓᒻᒪ ᐃᒋᑕᐅᑦᑎᐊᖏᓐᓂᖏᑦ ᖁᕝᕙᕆᐊᖅᑎᑦᑎᒍᓐᓇᖅᑐᑦ ᐊᑦᑕᓇᕐᓂᖓᓄ ᐃᑭᑎᑦᑎᓂᕐᒥᑦ.
ᓄᓇᓕᒻᒥᐅᑕᐃᑦ ᐃᖅᑲᐃᑎᑕᐅᔪᑦ ᐃᒪᐃᓪᓗᑎ:
- ᐊᑐᕐᓗᒍ ᓴᓐᖓᑦᑎᓴᐅᑦ ᐃᓚᒋᓚᐅᖅᑕᖓ ᐃᕝᕕᑦ ᑭᓱᖓᓄᑦ, ᐅᕝᕙᓘᓐᓃᑦ ᐊᖏᖅᑕᐅᓯᒪᔪᒥᑦ ᓴᓇᓯᒪᔪᓕᐅᖅᓯᒪᔪᒧᑦ;
- ᓴᓐᖓᑎᓴᕐᓗᒋᑦ ᑭᓱᐃᑦ ᑎᓯᔪᒦᑦᑎᓪᓗᒋᑦ, ᒪᓂᕋᑦᑐᒥᑦᐊᒻᒪ ᐅᖓᓯᔅᓴᕐᓗᑎᑦ ᓯᓂᕝᕕᓐᓂᑦ, ᐃᔅᓯᕙᐅᑕᑯᑖᓂᑦ ᐊᒻᒪ ᐊᓯᖏᓐᓂ ᐆᓇᖅᓯᒍᓐᓇᖅᑐᓂᑦ;
- ᑲᑉᐳᔮᕐᓗᒋᑦ ᑭᓱᐃᑦ ᓴᓐᖓᑎᔅᓯᒪᓕᖅᑲᑕ;
- ᐊᑐᖃᑦᑕᕈᓐᓃᕐᓗᒋᑦ ᐹᑕᓖᑦ ᐳᓪᓚᔅᓯᒪᔪᑦ, ᐆᓇᕐᓂᖃᓗᐊᖅᑐᑦ, ᕿᓪᓛᖅᑐᑦ ᐅᕝᕙᓘᓐᓃᑦ ᐊᔾᔨᐅᖏᑦᑐᒥᑦ ᑎᐱᖃᓕᖅᑐᓂᑦ; ᐊᒻᒪ
- ᓕᑎᐊᒻ−ᐊᐅᐋᓐ ᐹᑕᓖᑦ ᐃᒋᑎᕕᒐᔪᒨᖅᑕᐃᓕᓗᒋ.
ᓕᑎᐊᒻ−ᐊᐅᐋᓐ ᐹᑕᓖᑦ ᓄᓇᓕᐸᐅᔭᒃᑯᑦ ᐊᔅᓯᕕᖓᓅᕈᔾᔭᐅᔪᓐᓇᖅᑐᑦ ᐊᑦᑕᓇᖏᑦᑐᒥᑦ ᐃᒋᑕᐅᓗᑎ. ᐆᒻᒪᖅᑯᑎᒦᖔᖅᑐᑦ, ᖃᐅᔨᒪᔭᐅᓚᐅᖅᑐᑦ ᐱᓐᖑᐊᖅ ᑲᑐᔾᔨᖃᑎᒌᖏᑦ, ᓄᐊᑦᑎᕙᒻᒥᔪᑦ ᖃᕋᓴᐅᔭᒃᑰᖅᑐᓄᑦ ᐊᑦᑕᑯᓂᑦ ᓄᓇᓕᒻᒥᑦ ᐊᑐᒃᑲᓂᖅᑕᐅᓂᐊᖅᑐᑎᑦ ᐊᒻᒪ ᐃᓕᓐᓂᐊᑎᑦᑎᓂᕐᒧᑦ ᐱᓕᕆᐊᓕᐅᓂᕐᒥᑦ.
ᐃᑭᑎᑦᑎᑦᑕᐃᓕᓂᕐᒧᑦ ᐱᓇᓱᐊᕈᓯᖓᓂ, ᐃᓚᒋᔭᐅᔪᑦ ᐃᖃᓗᓐᓂ ᖃᑦᑎᕆᔨᒃᑯᑦ ᐳᓛᕆᐊᓂᖃᐊᖅᑐᑦ ᓄᓇᓕᒻᒥᑦ ᐃᓕᓴᕕᓐᓂᑦ ᑐᓂᓯᓗᑎ ᐃᑭᑎᑦᑎᑦᑕᐃᓕᓂᕐᒧᑦ ᐊᒻᒪ ᐊᑦᑕᓇᐃᖅᓯᒪᓂᕐᒧᑦ ᑐᑭᓯᒋᐊᕈᑎᓂᑦ ᒪᒃᑯᑦᑐᓄᑦ.
ᐃᓚᒌᑦ ᑲᔪᖏᖅᓴᑕᐅᒻᒥᔪᑦ ᐱᕕᔅᓴᖃᑲᐃᓐᓇᕐᓗᑎ ᐊᖏᕋᒥ ᖃᐅᔨᒋᐊᕐᓗᑎ ᓴᓐᖓᑦᑎᓴᐅᑎᓂᑦ ᐊᒻᒪ ᐹᑕᓖᓅᖅᑐᓄᑦ ᑭᓱᓂᑦ, ᕿᒥᕐᕈᓗᑎ ᐊᑦᑕᓇᖏᑦᑐᒥ ᓴᓐᖓᑦᑎᓴᐃᓂᕐᒥᑦ ᐊᑐᖃᑦᑕᓂᕐᒥᑦ, ᐊᒻᒪ ᑭᒃᑯᓕᒫᑦ ᖃᐅᔨᒪᓗᑎ ᐊᑐᖅᓯᒪᔪᑦ ᐅᕝᕙᓘᓐᓃᑦ ᓱᕋᔅᓯᒪᔪᑦ ᑭᓱᐃᑦ ᐊᒻᒪ ᐸᑕᓖᑦ ᓇᒧᓐᖓᐅᔾᔭᐅᒍᓐᓇᕐᒪᖔᑕ ᐃᒋᑕᐅᓗᑎ.
ᐊᑦᑕᑕᓇᖏᑦᑐᒥᑦ ᓴᓐᖓᑦᑎᓴᐃᓂᖅ ᐊᒻᒪ ᐃᒋᑕᐅᑦᑎᐊᕐᓂᖏᑦ ᐱᒡᒐᓇᖏᑦᑐᑦ ᓄᓇᓕᒻᒥᐅᑕᐃᑦ ᐃᑲᔪᕈᓐᓇᕐᓂᖏᑦ ᐊᑦᑎᓪᓕᒋᐊᕐᓗᒍ ᐊᑦᑕᓇᕈᑎᖓ ᐃᑭᑎᑦᑕᐃᓕᒪᓂᐅᔪᓐᓇᖅᑐᒥᑦ ᐃᖃᓗᓐᓂ.
ᐃᑭᒍᓐᓇᖅᑐᓄᑦ ᐊᑦᑕᓇᐃᖅᓯᒪᓂᕐᒧᑦ ᑐᑭᓯᒋᐊᕈᑏᑦ ᐅᕝᕙᓘᓐᓃᑦ ᑐᐊᕕᕐᓇᖏᑦᑐᓄᑦ ᖃᐅᔨᒋᐊᕐᕕᒋᓗᒋᑦ ᓄᓇᓕᐸᐅᔭᒃᑯᑦ ᐅᖄᓚᕕᖓ ᐅᕙᓂ 867-979-5650.
##
ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:
ᔩᐅᑉ ᕙᕐᓂ
ᐊᖏᔪᖅᑳᖅ ᑐᓴᐅᒪᔪᓕᕆᔨᒃᑯᓐᓄᑦ ᐊᒻᒪ ᐊᑭᓕᕐᓱᐃᔨᓄᑦ ᐱᔨᖅᑎᕋᐅᑎ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | G.Byrne@iqaluit.ca
