ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᓂ ᐊᑦᑕᓇᑦᑕᐃᓕᒪᔪᓕᕆᓂᖅ ᐊᒻᒪ ᐃᖏᕐᕋᕙᑦᑐᓂᑦ ᒪᓕᒐᖏᓐᓂᑦ ᒪᓕᑦᑎᑦᓯᓂᖅ
ᑏᓰᐱᕆ 5, 2023 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᓄᓇᓕᓐᓂᑦ ᒪᓕᒐᕋᓛᓕᕆᔨᖏᑦ ᐊᐅᓚᑦᓯᓚᐅᖅᑐᑦ ᓱᕐᕋᓯᒪᔪᓂᑦ ᓄᓇᒃᑰᔫᖅᑐᖃᖏᒃᑲᓗᐊᕐᒪᖔᖅ ᐊᒻᒪ ᐊᑐᕆᐊᓂ ᐊᑦᑕᓇᑦᑕᐃᓕᒪᔪᓕᕆᕙᒃᑲᓗᐊᕐᒪᖔᑕ ᐃᖏᕐᕋᕙᑦᑐᓂᑦ ᑭᓇᑐᐃᓐᓇᕐᒥᒃ ᑐᕌᒐᖃᕋᑎᒃ ᓄᖅᑲᑎᑦᓯᖃᑦᑕᓚᐅᖅᑐᑦ ᖃᐅᔨᓴᖅᑐᑎᒃ ᓄᓇᓕᐸᐅᔭᐃᑦ ᐃᖃᓗᓐᓂ
ᑕᓪᓕᕐᒥᐅᑎᓪᓗᒍ, ᑏᓰᐱᕆ 1, ᐊᒻᒪ ᓈᑦᓯᐅᖑᔭᓛᕐᓂᐊᒥ ᑏᓰᐱᕆ 2, 2023.
ᐅᑯᐊ ᐃᓂᖅᑎᕆᔾᔪᑎᐅᔪᑦ ᑐᓂᔭᐅᓚᐅᖅᑐᑦ ᓄᓇᒃᑰᔫᓂᑦ ᐊᖁᖅᑐᓄᑦ, (14)-ᓂᑦ ᑕᑯᑦᓴᐅᑎᑦᓯᖏᑦᑐᓂᑦ ᓚᐃᓴᖓᑕ ᓈᓴᐅᑎᖃᕐᕕᖏᓐᓂᑦ, ᒪᕐᕉᒃ (2) ᐊᐅᓚᑦᓯᓂᕋᖅᑕᐅᓗᑎᒃ ᖃᐅᒪᖃᕋᑎᒃ ᓯᕗᕋᖏᒍᑦ ᐅᕝᕙᓘᓐᓃᑦ ᑭᖑᓪᓖᖏᓐᓂᑦ, ᐊᑕᐅᓯᖅ (1) ᐊᐅᓚᑦᓯᓂᖓᓄᑦ ᓄᓇᒃᑰᔫᒥᑦ ᐊᑐᕈᓐᓇᖅᑐᒥᑦ ᒫᓐᓇ ᓇᓗᓇᐃᔭᐃᑎᖃᕋᓂ,
ᐱᖓᓲᔪᖅᑐᑦ (6) ᐊᐅᓚᑦᓯᔪᕕᓂᐅᓗᑎᒃ ᓄᓇᒃᑰᔫᓂᑦ ᓇᓪᓕᐅᒃᑯᒫᓕᕆᔾᔪᑎᖃᓯᐊᕋᑎᒃ, ᒪᕐᕉᒃ (2) ᒪᓕᓐᓂᖏᒻᒪᑎᒃ ᐃᖏᕐᕋᔪᓄᑦ ᐊᑐᕆᐊᒃᑯᑦ ᐊᐅᓚᑦᓯᔾᔪᑎᒥᑦ, ᒪᕐᕉᒃ (2) ᓱᒃᑲᓕᓗᐊᖅᑐᑎᒃ ᐃᖏᕐᕋᔪᕕᓂᐅᒻᒪᑎᒃ ᐅᖓᑖᓄᑦ ᓇᓗᓇᐃᖅᑕᐅᓯᒪᔫᑉ 17-29 ᑭᓛᒥᑕᓂᑦ ᐅᖓᑖᓅᕈᔾᔨᓯᒪᓐᓂᕐᒪᑎᒃ, ᐊᑕᐅᓯᖅ (1) ᐊᑐᕆᐊᕐᒥ
ᐱᖕᖑᐊᑐᐃᓐᓇᓂᕐᒪᑦ, ᐊᒻᒪᑦᑕᐅᖅ ᐊᓯᕈᓘᔭᖏᓐᓂᑦ ᐊᔾᔨᒌᖏᑦᑐᓂᑦ ᐊᑐᕆᐊᒃᑰᖅᑐᑎᒃ ᓱᕋᐃᓯᒪᔪᓂᑦ ᒪᓕᒐᕐᓂᑦ.
ᑕᓪᓕᒪᓂᑦ (5) ᐊᖁᑦᑐᓂᑦ ᓄᓇᒃᑰᔫᓂᑦ ᐲᖅᑎᑕᐅᓚᐅᖅᑐᑦ ᐊᑐᕆᐊᓂᑦ ᓱᕐᕋᓯᒪᓪᓗᑎᒃ ᓄᓇᒃᑰᔫᕐᓂᕐᒪᑕ, ᐊᒻᒪ ᑕᕝᕙᓴᐃᓐᓇᖅ ᐊᑐᕆᐊᕐᒦᑎᓪᓗᒋᑦ ᐊᕐᓵᖅᑕᐅᓂᖅᑐᑎᒃ, ᓚᐃᓴᖏᑦ ᐊᑐᕈᓐᓃᖅᑎᑕᐅᓗᑎᒃ 24 ᐃᑲᕐᕋᓄᒃ.
ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᒪᕐᕉᓐᓂᒃ (2) ᐊᖁᓚᐅᖅᑐᓂᒃ ᑎᒍᓯᓚᐅᖅᑐᑦ ᖃᐅᔨᓴᒃᑲᓐᓂᕈᒪᓪᓗᑎᒃ ᖃᓄᐃᓕᐅᕈᑎᐅᓚᐅᖅᑐᓂᑦ.
ᑕᒪᒃᑯᐊ ᐱᒐᓗᐊᖅᑎᓪᓗᒋᑦ, ᑲᒪᔨᕗᑦ ᖃᐅᔨᓂᕋᓚᐅᖅᑐᑦ ᐊᒥᓱᕈᖅᐸᓪᓕᐊᓂᖏᓐᓄᑦ ᐊᑐᖅᑕᐅᕙᑦᑐᑦ ᐊᖁᑎᐅᖁᔭᐅᕙᑦᑐᑎᒃ ᓱᕐᕋᓯᒪᖏᑦᑐᑦ ᑕᑯᓐᓇᖅᑐᒋᑦ ᐊᓯᖏᑦ ᐅᓐᓄᒃᑯᑦ ᑕᑯᔭᐅᕙᓚᐅᖅᑐᑦ ᐃᖅᑲᓇᐃᔭᖅᑎᓄᑦ, ᑕᒪᐅᓇᓕ ᐱᕚᓪᓕᕐᓯᒪᓂᖓ ᖁᔭᒋᑦᓯᐊᐸᑦᑕᕗᑦ.
ᓄᓇᓕᐸᐅᔭᐃᑦ ᐃᖃᓗᐃᑦ ᓄᓇᓕᓐᓂᑦ ᒪᓕᒐᕋᓛᓕᕆᔨᖏᑦ ᖁᔭᓐᓇᒦᕈᒪᔪᑦ ᓄᓇᓕᕐᒥᐅᑕᓂᑦ ᑕᐃᒃᑯᐊ ᓄᖅᑲᖅᑎᑕᐅᕙᓚᐅᖅᑐᑦ ᐱᓪᓗᒋᑦ ᐊᒻᒪ ᒪᓕᑉᐸᓚᐅᖅᑐᑦ ᒪᓕᒐᕐᓂᑦ ᐊᒻᒪ ᐊᑦᑕᓇᔾᔭᐃᕐᓯᒪᓪᓗᑎᒃ
ᐊᖁᑉᐸᑦᑐᓂᑦ ᐊᒻᒪ ᐃᖅᑲᐃᑎᑦᓯᒍᒪᕗᑦ ᑭᒃᑯᑐᐃᓐᓇᕐᓂᑦ ᑲᖐᒋᔭᖃᕈᕕᑦ ᓱᕐᕋᓯᒪᔪᒥᑦ ᐊᖁᑦᑐᖃᕆᐊᖓ ᓄᓇᒃᑰᔫᒥᑦ ᐊᑐᕆᐊᕐᓂ ᖃᐅᔨᒃᑲᐃᖁᔭᐅᕙᑦᑐᓯ ᐅᑯᓂᖓ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᓐᓂᑦ ᐅᕗᖓ 867-979-1111 ᐅᖄᓚᕕᒋᑦᑕᐅᑎᒋᕙᓪᓗᒋᑦ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᑭᐊᓐᑦ ᑐᕇᔅᑭᐅᓪ ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᓯᔨ
867-979-5607 k.driscoll@iqaluit.ca
