ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᑦ ᒪᑐᓯᒪᓛᖅᑐᑦ ᐅᐸᑦᑕᐅᒐᔪᑉᐸᑦᑐᒥ ᐅᑐᐱᕆ 7ᖑᓕᖅᑲᑦ
ᐋᒃᑑᐸ 6, 2020 – ᐃᖃᓗᐃᑦ, ᓄᓇᕗᑦ
ᓄᓇᓖᑦ ᖃᐅᔨᒪᖁᔭᐅᕗᑦ ᓴᓇᔪᖃᓛᕐᓂᖓᓄᑦ ᐅᐸᑦᑕᐅᒐᔪᑉᐸᑦᑐᒥ ᖃᓂᒋᔭᖓᓂ ᑐᓚᑦᑕᕐᕕᑐᖃᓕᐊᕆᐊᕐᒥ ᐱᒋᐊᕐᓗᑎᒃ ᐱᖓᑦᑎᕐᒥ, ᐅᑐᐱᕆ 7 ᑭᓈᓗᖃᐅᑎᓄᑦ ᓱᓪᓗᓖᑦ ᓴᓇᔭᐅᓛᕐᖓᑕ ᑕᒫᓃᑦᑐᑦ.
ᐃᖃᓗᒃᑑᑦᑎᐊᖅ ᐊᖅᑯᑖ ᒪᑐᓯᒪᓛᖅᑐᖅ ᐱᖓᑦᑎᕐᒥ, ᐅᑐᐱᕆ 7ᒥ. ᓄᓇᓯᐅᑎᓄᑦ ᐊᖅᑯᑎ ᐊᓯᐊᒍᑦ ᐊᖅᑯᑎᖃᖅᑎᑕᐅᓛᖅᑐᑦ ᒥᕝᕕᒃ ᐊᖅᑯᑖᒍᑦ ᐊᒻᒪᓗ ᐊᓪᓚᙳᐊ ᐊᖅᑯᑖᒍᑦ, ᑕᐃᒫᒃ ᓇᓗᓇᐃᕐᓯᒪᒻᒪᑦ ᐊᐅᐸᖅᑐᒥᒃ ᐆᔭᐅᔭᕐᒥᓪᓗ ᐊᒥᐊᓕᓐᓂᑦ ᓇᐅᒃᑰᕆᐊᖃᕐᒪᖔᖅ ᐱᖃᓯᐅᑎᓯᒪᔪᒥ ᓄᓇᙳᐊᕐᒥ ᐃ-ᒥ. ᐱᔭᕇᕈᒫᕐᓂᐊᖅᑐᑦ ᐅᓪᓘᑉ ᐃᓱᐊᓂ ᐅᓪᓗᐃᓐᓇᖅ ᑲᒪᒋᔭᐅᓗᓂ.
ᒥᕝᕕᒃ ᐊᖅᑯᑖ, ᖃᓂᒋᔭᖓᓂ ᓂᕆᔭᖅᑐᕐᕕᐅᑉ ᔭᒥ ᓴᕗᐊᒪ, ᐃᓪᓗᐃᓐᓇᖓᒍᑦ ᐃᖏᕐᕋᕕᔅᓴᐅᑲᐃᓐᓇᓛᕐᖓᑦ ᐱᖓᑦᑎᒥᕐ, ᐅᑐᐱᕆ 7. ᖃᐅᒻᒪᖅᑯᑎᓂᑦ ᓄᖅᑲᖅᑕᕈᑎᓂᑦ ᐊᑐᑲᐃᓐᓇᓛᖅᑐᑦ ᓄᓇᓯᐅᖅᑐᓄᑦ ᒪᓕᑦᑕᐅᖃᑦᑕᓛᖅᑐᓂᑦ. ᐊᑏ ᑕᑯᒋᐊᕐᓯᐅᒃ ᐱᖃᓯᐅᑎᓯᒪᔪᖅ ᓄᓇᙳᐊᖅ ᐱ ᑐᑭᓯᒃᑲᓂᕐᓂᐊᕋᔅᓯ. ᐃᖅᑲᓇᐃᔮᖑᔪᖅ ᐅᓪᓗᐃᓐᓇᖅ ᑲᒪᒋᔭᐅᒍᒫᕐᓂᐊᖅᑐᖅ ᐱᔭᕇᕋᔭᖅᑐᑦ ᐅᓪᓘᑉ ᐃᓱᐊᓂ.
ᐱᖓᑦᑎᕐᒥ, ᐅᑐᐱᕆ 7 ᐱᖓᑦᑎᕐᒧᑦ ᑎᑭᓪᓗᒍ, ᐅᑐᐱᕆ 28, ᐊᑯᓪᓕᖅ ᐊᖅᑯᑖ ᐃᓪᓗᐃᓐᓇᕐᒥᒃ ᐊᖅᑯᑎᖃᑲᐃᓐᓇᓛᖅᑐᖅ. ᖃᐅᒻᒪᖅᑯᑎᓂᑦ ᓄᖅᑲᖅᑕᕈᑎᓂᑦ ᐊᑐᑲᐃᓐᓇᓛᖅᑐᑦ ᓄᓇᓯᐅᖅᑐᓄᑦ ᒪᓕᑦᑕᐅᖃᑦᑕᓛᖅᑐᓂᑦ. ᐊᑏ ᑕᑯᒋᐊᕐᓯᐅᒃ ᐱᖃᓯᐅᑎᓯᒪᔪᖅ ᓄᓇᙳᐊᖅ ᑎ ᑐᑭᓯᑦᑎᐊᕐᓂᐊᕋᔅᓯ.
ᓄᓇᓕᓕᕆᔨᒃᑯᑦ ᒪᒥᐊᑉᐳᑦ ᖃᓄᑐᐃᓐᓇᖅ ᐊᑲᐅᙱᓕᐅᕈᑕᐅᔪᓄᑦ ᖁᔭᓐᓇᒦᖅᑐᑎᓪᓗ ᑐᑭᓯᓯᒪᙳᐊᑕᕐᓯᓐᓇᕋᔅᓯ.
ᑐᑭᓯᒋᐊᒃᑲᓐᓂᕈᒪᒍᔅᓯ, ᑐᑭᓯᒋᐊᕐᕕᐅᖃᑦᑕᕐᓕ:
ᔭᐃᓴᓐ Hᐊᕋᓯᒨ
ᐱᓕᕆᐊᔅᓴᓕᕆᔨ ᓴᓇᔪᓕᕆᓂᕐᒨᖓᔪᓄᑦ ᐊᒻᒪᓗ ᐊᑭᑐᔫᑎᓄᑦ ᐱᓕᕆᐊᓅᖓᔪᓄᑦ
ᓄᓇᓕᐸᐅᔭᓕᕆᔨᒃᑯᓐᓂ ᐃᖃᓗᓐᓂ
J.Harasimo@iqaluit.ca
