ᐊᐅᔭᒃᑯᑦ ᑲᑎᓐᖓᓂᐅᑲᐃᓐᓇᖅᑐᓄᑦ ᐊᑎᓕᐅᓂᕐᒧᑦ ᑐᑭᓯᒋᐊᕈᑏᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐊᐅᔭᒃᑯᑦ  ᑲᑎᓐᖓᓂᐅᑲᐃᓐᓇᖅᑐᓄᑦ ᐊᑎᓕᐅᓂᕐᒧᑦ ᑐᑭᓯᒋᐊᕈᑏᑦ

ᒪᐃ 12, 2026 – ᐃᖃᓗᐃᑦ, ᓄᓇᕗᑦ

 

ᓄᓇᓕᐸᐅᔭᒃᑯᑦ ᐃᖃᓗᐃᑦ ᐅᖃᐅᔾᔨᒋᐊᕈᒪᔪᑦ ᓄᓇᓕᒻᒥᐅᑕᓂᑦ ᑖᓐᓇ ᖃᕋᓴᐅᔭᒃᑯᑦ ᐊᑎᓕᐅᕐᓂᖅ 2026 ᐊᐅᔭᒃᑯᑦ ᑲᑎᓐᖓᓂᐅᑲᐃᓐᓇᖅᑐᓄᑦ ᐊᕐᕌᒍᖓ ᒪᑐᐃᓛᖅᑐᖅ ᑕᓪᓕᕐᒥᖅ, ᒪᐃ 22 ᓯᕿᓐᖑᔭᖓ 1:00 ᐅᓐᓄᓴᒃᑯᑦ ᐊᒻᒪ ᒪᑐᓗᓂ ᓈᑦᓯᐅᖑᔭᓛᕐᓂᐊᖅ, ᔫᓂ 6 ᓯᕿᓐᖑᔭᖓ 5:00 ᐅᓐᓄᓴᒃᑯᑦ.

ᓇᓗᓇᐃᕐᓗᒍ ᐱᔭᔅᓴᐅᓂᖓᓄᑦ ᓈᒻᒪᑦᑐᒥ ᐃᓚᒌᓕᒫᓄᑦ, ᓄᓇᓕᐸᐅᔭᒃᑯᑦ ᓇᓗᓇᐃᖅᓯᔪᑦ ᐊᒧᔭᐅᓂᐊᖅᑐᓂᑦ ᑐᓐᖓᓂᖃᖅᑐᑦ ᐊᑎᓕᐅᓂᕐᒧᑦ ᐊᐅᔭᒃᑯᑦ ᐊᐅᓪᓛᖅᓯᒪᓂᕐᒧᑦ ᑕᒪᑐᒪᓂ ᐊᕐᕌᒍᒥ.

ᐊᕐᕌᒎᖃᑦᑕᖅᓯᒪᔪᓂᑦ, ᑲᑎᓐᖓᓂᐅᑲᐃᓐᓇᖅᑐᓄᑦ ᐃᓂᐅᔪᑦ ᑕᑕᒌᖃᑦᑕᓚᐅᖅᑐᑦ ᒥᓂᑦᔅᓂᑦ, ᐱᒡᒐᓇᖅᑎᑎᓪᓗᓂ ᐃᓚᒌᓄᑦ ᐊᑦᑕᓇᐃᖅᓯᓗᑎ ᐃᓂᐅᔪᒥᑦ −ᐱᓗᐊᖅᑐᒥᑦ ᑕᐃᒃᑯᐊ ᐱᓕᕆᐊᖃᖅᑐᑦ ᖃᕋᓴᐅᔭᒃᑯᑦ ᑭᓪᓕᖃᖅᑎᑕᐅᔪᓄᑦ ᐅᕝᕙᓘᓐᓃᑦ ᐊᑐᖅᑕᐅᓂᐊᖅᑐᓕᐅᓂᕐᒧᑦ ᐊᐳᕈᑎᖃᓂᕐᒧᑦ. ᑖᓐᓇ ᓄᑖᖅ ᐱᕙᓪᓕᐊᓂᖓ ᓴᓇᓯᒪᓂᖃᖅᑐᖅ ᐊᑦᑎᓪᓕᒋᐊᕐᓗᒋᑦ ᐊᔅᓱᕈᕈᑕᐅᔪᑦ ᐊᒻᒪ ᖁᕝᕙᕆᐊᕐᓗᒋᑦ ᐊᔾᔨᒌᑎᑦᑎᓂᕐᒥᑦ ᐊᑎᓕᐅᕐᕕᒃᓴᐅᓂᕐᒧᑦ, ᖃᓄᑐᐃᓐᓇᐅᒐᓗᐊᖅᑎᓪᓗᒍ ᐊᑎᓕᐅᕐᕕᖓᓅᖅᑎᓪᒋᑦ ᐊᑎᓕᐅᕐᕕᖓ ᒪᑐᐃᖅᑎᓪᓗᒍᒍ.

 

ᖃᓄᖅ ᐊᑎᓕᐅᕐᕕᒃᓴᐅᓂᕐᒧᑦ – ᐊᒧᔭᐅᓂᐊᖅᑐᓄᑦ ᐅᑕᖅᑭᔪᑦ ᑎᑎᕋᖅᓯᒪᔪᑦ ᐱᕙᓪᓕᐊᓂᖓ

ᐊᑐᖅᑕᐅᓂᖓ 1:
ᐅᕗᓐᖓᕐᓗᑎᑦ https://iqaluit.ca/residents/recreation ᐊᒻᒪ ᓇᕿᓪᓗᒍ ᑐᕌᕈᑎᖓ ᐅᖃᖅᓯᒪᔪᖅ “Recreation Online Registration Portal” (ᐱᓐᖑᐊᖅᑐᓕᕆᓂᕐᒧᑦ ᐊᑎᓕᐅᕐᕕᖓ ᐃᕐᖏᓐᓈᕈᑎᒃᑯᑦ). ᐃᓯᕐᕕᒋᓗᒍ ᐃᕝᕕᑦ ActiveNet ᑭᓱᖃᐅᑎᖓᓄᑦ.
ᑭᓱᖃᐅᑎᖃᖏᒃᑯᕕᑦ, ᓴᓇᒋᐊᖃᖅᑐᑎᑦ ᐊᑎᓕᐅᓚᐅᖏᓂᕐᓂᑦ. ᓄᓇᓕᒻᒥᐅᑕᐃᑦ ᐱᔭᕇᖅᓯᖁᔭᐅᔪᑦ ᑕᒪᑐᒥᖓ ᓯᕗᓂᐊᒍᑦ ᑭᖑᕙᖅᑎᑦᑕᐃᓕᒪᖁᓪᓗᒍ ᐊᑎᓕᐅᕐᓂᖅ ᒪᑐᐃᕈᓂ.

ᐊᑐᖅᑕᐅᓂᖓ 2:
ᐊᑎᓕᐅᕐᕕᖓᓅᕐᓗᑎᑦ ᐊᒻᒪ ᓂᕈᐊᕐᓗᑎ ᑲᑎᓐᖓᓂᐅᑲᐃᓐᓇᖅᑐᓄᑦ ᐱᓇᓱᐊᕈᓯᖏᑦ ᕿᑐᕐᖓᕐᓄᑦ ᐅᐸᖁᔭᕐᓄᑦ.

 

 

ᐊᑐᖅᑕᐅᓂᖓ 3:
ᐊᑎᓕᐅᖅᓯᒪᔪᓕᒫᑦ ᓱᕈᓰᑦ ᐃᓕᔭᐅᑦᑕᐅᑎᒋᓂᐊᖅᑐᑦ ᐅᑕᖅᑭᔪᓄᑦ ᑎᑎᕋᖅᓯᒪᔪᓄᑦ ᐊᑐᓂ ᐱᓇᓱᐊᕈᓯᕐᓄᑦ ᓂᕈᐊᖅᑕᐅᓯᒪᔪᓄᑦ. ᐱᓇᓱᐊᕈᓯᓕᒫᑦ ᑕᑯᔅᓴᐅᓂᖃᕐᓂᐊᕋᓗᐊᖅᑎᓪᓗᒋᑦ “ᑕᑕᑦᑐᖅ” ᑲᔪᓯᑐᐃᓐᓇᕐᓗᑎ ᐊᑎᓕᐅᓂᕐᒧᑦ ᐃᓚᓕᐅᔾᔭᐅᓂᐊᖅᑐᓄᑦ ᐅᑕᖅᑭᔪᓄᑦ ᑎᑎᕋᖅᓯᒪᔪᓄᑦ ᐃᕝᕕᑦ ᓂᕈᐊᖅᓯᒪᔭᖏᓐᓄᑦ ᐱᓇᓱᐊᕈᓯᕐᓄᑦ.

ᐊᑐᖅᑕᐅᓂᖓ 4:
ᕿᑐᓐᖓᕆᔭᐃᑦ ᐃᓕᔭᐅᓂᐊᖅᑐᖅᐅᑕᖅᑭᔪᓄᑦ ᑎᑎᕋᖅᓯᒪᔪᓄᑦ ᐊᑐᓂ ᓂᕈᐊᖅᑕᐅᓯᒪᔪᓄᑦ ᐱᓇᓱᐊᕈᓯᕐᓄᑦ.

ᐊᑐᖅᑕᐅᓂᖓ 5:
ᐊᑎᓕᐅᕐᓂᐅᔪᖅ ᒪᑐᔭᕇᖅᑎᓪᓗᒍ ᐅᕙᓂ ᔫᓂ 6, ᐊᒧᓯᓛᖅᑐᑦ ᐊᑐᓂ ᑲᑎᓐᖓᓂᐅᑲᐃᓐᓇᖅᑐᓄᑦ  ᐱᓇᓱᐊᕈᓯᕐᒧᑦ.

ᐊᑐᖅᑕᐅᓂᖓ 6:
ᕿᑐᓐᖓᕆᔭᐃᑦ ᓂᕈᐊᖅᑕᐅᒍᓂ ᖃᒧᓯᓂᒃᑯᑦ ᖃᕋᓴᐅᔭᒃᑯᑦ ᑎᑎᖅᑲᐅᓯᐊᓂᐊᖅᑐᑎᑦ ᓇᓗᓇᐃᖅᓯᔪᓂᑦ ᐊᑎᓕᐅᖅᓯᒪᓂᖏᓐᓄᑦ.

 

ᓄᓇᓕᐸᐅᔭᒃᑯᑦ ᖁᔭᓐᓇᒦᖅᑕᖏᑦ ᓄᓇᓕᒻᒥᐅᑕᐃᑦ ᑐᑭᓯᓂᖏᓐᓄᑦ ᐊᒻᒪ ᐃᑲᔪᕐᓂᖏᓐᓄᑦ ᓴᖅᑭᑎᑦᑎᓪᓗᑕ ᓄᑖᒥ ᐊᑎᓕᐅᓂᕐᒧᑦ ᐊᑐᖅᑕᐅᔪᒥᑦ ᐱᔨᑦᑎᕐᓗᒍ ᓄᓇᓕᐅᔪᖅ ᐱᐅᓛᒥᑦ.

 

##

 

ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:
ᔩᐅᑉ ᕙᕐᓂ

ᑐᓴᐅᒪᖃᑎᒋᓐᓂᕐᒧᑦ ᐊᒻᒪᓗ ᐱᔨᔅᓯᖅᑕᐅᕙᒃᑐᓄᑦ ᐱᔨᔅᓯᕈᑎᒥ ᐊᐅᓚᑦᑎᔨ

ᓄᓇᓕᐸᐅᔭᐃᑦ ᐃᖃᓗᐃᑦ

(867) 979-5619 | G.Byrne@iqaluit.ca