ᐊᐅᔭᒃᑯᑦ ᐃᓕᓐᓂᐊᖅᑏᑦ ᐃᖅᑲᓇᐃᔭᖅᑎᑕᐅᓂᖏᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᐅᔭᒃᑯᑦ ᐃᓕᓐᓂᐊᖅᑏᑦ ᐃᖅᑲᓇᐃᔭᖅᑎᑕᐅᓂᖏᑦ
ᒫᑦᓯ 9, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᓇᐃᔭᖅᑎᔅᓴᖃᖅᑐᑦ ᐊᐅᔭᒃᑯᑦ ᐃᓕᓐᓂᐊᖅᑎᓄᑦ. ᓄᓇᓕᐸᐅᔭᖅ ᒪᓂᒪᑎᑦᑎᔪᑦ ᑐᑭᖃᑦᑎᐊᖅᑐᒥᑦ ᐃᖅᑲᓇᐃᔭᕐᓂᕐᒧᑦ ᐱᓕᕆᖃᑦᑕᖅᓯᒪᓂᑰᓂᕐᒥᒃ ᐱᕕᒃᓴᖃᖅᑎᑦᑎᔪᒥᒃ ᐃᓕᓐᓂᐊᖅᑎᓂᒃ ᐱᔪᓐᓇᕐᓂᖃᖅᑎᑦᑎᓂᖅ ᐱᒻᒪᕆᐅᔪᒥᒃ ᐃᖅᑲᓇᐃᔮᒥ−ᐱᓕᒻᒪᒃᓴᖅᑎᑕᐅᓂᕐᒧᑦ ᕼᐋᒻᓚᒃᑯᑦ ᒐᕙᒪᖏᑕ
ᐊᕙᑎᖏᓐᓂ. ᖃᔅᓯᑲᓪᓚᑦ ᐃᖅᑲᓇᐃᔮᒃᓴᑦ ᐊᑐᐃᓐᓇᐅᔪᑦ ᐊᔾᔨᒌᙱᑦᑐᓂᒃ ᓄᓇᓕᐸᐅᔭᐃᑦ ᐃᖃᓗᐃᑦ ᐊᓪᓚᕝᕕᖏᓐᓂ.

ᐱᔪᒥᓇᓱᒍᓱᒃᑯᕕᑦ ᐆᑦᑐᕋᓱᐊᕐᓂᖅ ᓄᓇᓕᐸᐅᔭᐃᑦ ᐃᖃᓗᐃᑦ ᐊᐅᔭᒃᑯᑦ ᐃᓕᓐᓂᐊᖅᑎᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐱᓕᕆᐊᒃᓴᓄᑦ, ᐅᑯᐊ ᑎᑎᖅᑲᑦ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᑐᓂᔭᕆᐊᖃᕐᓂᐊᖅᑕᑎᑦ:
  • ᓇᓕᖅᑲᖓᓂᒃ ᐅᓪᓗᒥ−ᓄᑖᖑᓂᑉᐹᒍᔪᓂᒃ ᐃᖅᑲᓇᐃᔭᑦᑖᕋᓱᐊᕈᑎᓐᓂᒃ
  • ᓇᓗᓇᐃᔅᓯᒍᑎᖃᓪᓗᓂ ᐊᑎᓕᐅᖃᑕᐅᓯᒪᓂᒻᒧᑦ ᖁᕝᕙᓯᓐᓂᔅᓴᒥᒃ−ᐃᓕᓐᓂᐊᓐᓂᒻᒧᑦ ᐃᓕᓐᓂᐊᑦᑎᐋᑎᐅᔪᓂᒃ
  • ᐊᐅᔭᒃᑯᑦ ᐃᓕᓐᓂᐊᖅᑎᓄᑦ ᑐᔅᓯᕋᐅᑎᑦ ᑕᑕᑎᒐᔅᓴᖅ (ᓇᕿᓪᓗᒍ ᐅᓇ)

ᖃᓄᖅ ᐱᓇᓱᐊᖅᕕᔅᓴᐅᕙ
• ᖃᕋᓴᐅᔭᒃᑯᑦ: ᐊᔪᙱᑦᑐᑦ ᐆᑦᑐᕋᓱᐊᖅᑐᑦ ᖃᕋᓴᐅᔭᒃᑯᑦ ᑕᑕᑎᕆᓗᑎᒃ ᐊᐅᔭᒃᑯᑦ ᐃᓕᓐᓂᐊᖅᑎᓄᑦ ᑐᔅᓯᕋᐅᑎᑦ ᑕᑕᑎᒐᔅᓴᖅ ᐊᒻᒪ ᑐᓂᓗᒋᑦ ᐃᖅᑲᓇᐃᔮᕆᓯᒪᔭᖏᑦ ᑎᑎᕋᖅᓯᒪᔪᑦ ᐊᒻᒪ ᓇᓗᓇᐃᒃᑯᑕᓂᒃ ᐃᓕᓐᓂᐊᕐᓂᕋᐃᓯᒪᔪᓂᑦ ᐅᕗᖓ hr@iqaluit.ca.
• ᐃᓄᑦᑎᒍᑦ: ᐊᔪᙱᑦᑐᑦ ᐆᑦᑐᕋᓱᐊᖅᑐᑦ ᐅᐸᒍᑎᓗᑎᒃ ᐊᒡᔭᖅᓯᓗᑎᒃ ᑕᒪᐃᓐᓂᒃ ᐱᔭᐅᔭᕆᐊᓕᓐᓂᒃ ᑎᑎᖅᑲᓂᒃ ᐃᖃᓗᐃᑦ ᐃᓄᓕᕆᔨᒃᑯᓐᓄᑦ ᓄᓇᓕᐸᐅᔭᐅᑉ ᐊᓪᓚᕝᕕᐊᓄᑦ (1085 ᒥᕝᕕᒃ – ᓴᓂᕋᖅ B).

ᐱᔪᓐᓇᖅᑎᑕᐅᓂᖅ
ᐊᔪᙱᓐᓂᐊᕐᓗᓂ ᓇᓕᐊᓐᓄᑐᐃᓐᓇᖅ ᐊᑐᐃᓐᓇᐅᔪᑦ ᐃᖅᑲᓇᐃᔮᔅᓴᒧᑦ, ᐆᒃᑐᕋᓱᐊᖅᑐᑦ ᐃᒪᐃᑦᑕᕆᐊᖃᖅᑐᑦ:
  • 15-30 ᐊᑯᓐᓂᖏᓐᓂ ᐅᑭᐅᓖᑦ
  • ᐃᓕᓐᓂᐊᖅᑎ ᐊᑎᓕᐅᖅᓯᒪᔪᖅ ᐊᖏᓂᖅᓴᒥ ᐃᓕᓐᓂᐊᕐᕕᒻᒥ ᐅᕝᕙᓘᓐᓃᑦ ᓯᓚᑦᑐᖅᓴᕐᕕᒻᒥ

ᐅᓪᓗᐃᑦ ᐱᒻᒪᕆᐅᔪᑦ

ᐊᔪᙱᑦᑐᑦ ᐆᑦᑐᕋᓱᐊᖅᑐᑦ ᑐᓂᓯᔪᓐᓇᖅᑐᑦ ᔪᓂ 30, 2024−ᖑᕋᓱᓐᓂᖓᓂ. ᐱᒋᐊᕐᕕᒃᓴᖏᑦ ᐊᔾᔨᒌᖃᑦᑕᙱᑦᑐᑦ, ᐃᖅᑲᓇᐃᔮᖓ ᒪᓕᒃᑐᒍ, ᐃᓚᖏᑦ ᐃᖅᑲᓇᐃᔮᒃᓴᑦ ᐱᒋᐊᖅᑐᑎᒃ ᒪᐃᒥ.

ᒪᓕᓪᓗᒍ ᐊᑐᐊᒐᖅ 23 ᓄᓇᕗᑖᕐᓂᕐᒧᑦ ᐊᖏᕈᑎᓄᑦ, ᓯᕗᓪᓕᐅᑎᑕᐅᓂᐊᖅᑐᑦ ᓄᓇᕗᑖᖅᓯᒪᔪᓄᑦ ᐱᔪᓐᓇᐅᑎᖃᖅᑐᓄᑦ.

##

ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:
ᐊᐃᓴᐃᔭ ᐸᒥᒡᐹᑦ
ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᖃᐅᔨᒪᔨᑕᖅ
867-975-8517 |o.bamigbade@iqaluit.ca