ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐆᒪᔪᓄᑦ ᐋᓐᓂᐊᖑᔪᖅ ᓯᓂᖅᓯᓇᖅᑐᖅ

ᒫᕐᓯ 14, 2022 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᖅᑲᐃᑎᑦᑎᒍᒪᓕᕆᕗᑦ ᓄᓇᓕᕐᒥᐅᑕᓂᑦ ᐱᔾᔪᑎᒋᓪᓗᒍ ᑭᒃᑯᑐᐃᓐᓇᕐᓂᑦ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐅᖃᐅᓯᕆᓚᐅᖅᑕᖓᓂᑦ ᒫᕐᓯ 9, 2029:

ᓄᓇᓕᐸᐅᔭᒃᑯᑦ ᐊᔭᐅᖅᑐᐃᕗᑦ ᓄᓇᓕᕐᒥᐅᑕᓕᒫᑦᑎᐊᓂᑦ ᐅᑯᓂᖓ ᐊᑐᖅᑕᐅᖁᔨᓪᓗᑎᒃ:
1. ᑲᐱᔭᐅᑎᓪᓗᒋᑦ ᐆᒪᔪᖁᑎᑎᑦ.
2. ᓯᓚᒥ ᓇᒧᖕᖓᖃᑎᒋᓕᕈᕕᐅᒃ ᕿᒻᒦᑦ, ᑕᓯᒍᐊᕐᓯᒪᕙᓪᓗᒍ ᐊᒻᒪ ᐊᐅᓚᑦᑎᐊᖏᓐᓇᕐᓗᒍ
ᑕᒫᓂᖅᑭᑎᑉᐸᖏᓪᓗᒋᑦ ᖃᐅᑕᒫᑦ. ᒪᓕᑦᑐᒋᑦ ᐃᑉᐱᒍᓲᑎᖃᑦᑎᐊᓂᕐᒥᑦ ᐆᒪᔪᖁᑎᓂᑦ ᒪᓕᒐᕋᓛᖅ
796 ᐆᒪᔪᖁᑎᐅᔪᑦ ᑕᓯᒍᐊᕐᓯᒪᐃᓐᓇᕆᐊᓖᑦ ᐊᒻᒪ ᐊᐅᓚᑕᐅᑦᑎᐊᕐᓗᑎᒃ ᑕᒫᓂᖅᑭᑎᑉᐸᖏᓪᓗᒋᑦ.
3. ᐆᒪᔪᖁᑎᑎᑦ ᑕᒫᓂᖅᑭᑎᑉᐸᖏᓪᓗᒋᑦ. ᐆᒪᔪᐃᑦ ᑕᒫᓂᖅᑭᒋᐊᖃᖕᖏᒻᒪᑕ, ᕿᒻᒦᑦ ᑕᒫᓂᖅᑭᑎᑕᐅᔪᑦ
ᑎᒍᔭᐅᔪᓐᓇᕐᒪᑕ ᐊᒻᒪ ᐱᓯᒪᔭᐅᓗᑎᒃ, ᐆᒪᔪᖁᑎᓕᐅᔪᑦ ᐊᐃᑦᓯᐸᑦᑐᑦ ᑎᒍᔭᐅᓯᒪᔨᐊᒥᓂᒃ
ᐆᒪᔪᖁᑎᒥᓂᒃ ᐊᑭᓖᑎᑕᐅᔪᓐᓇᖅᑐᑦ $125-ᓂᑦ, $20-ᓂᑦ ᖃᐅᑕᒫᑦ ᐸᐃᕆᔭᐅᔾᔪᑎᓂᑦ ᐊᒻᒪ
ᓂᕆᑎᑕᐅᕙᓐᓂᖏᓐᓄᑦ .
4. ᐅᖃᐅᓯᐅᖏᓐᓇᕆᐊᓖᑦ ᑕᒫᓂᖅᑭᕙᑦᑐᑦ ᐆᒪᔪᐃᑦ.
5. ᐆᒪᔪᖁᑎᒋᔭᐅᖏᑦᑐᓂᑦ ᐅᐸᖃᑦᑕᖏᓪᓗᓯ.

 

ᒪᓕᑦᑐᒍ ᑐᓴᕋᑦᓴᓕᐊᖑᓯᒪᔪᖅ ᑭᒃᑯᑐᐃᓐᓇᕐᓂᑦ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓂᑦ ᑮᔭᐅᓐᓂᕈᕕᑦ ᐅᕝᕙᓘᓐᓃᑦ ᕿᓱᑦᑕᐅᓐᓂᕈᕕᑦ ᑎᕆᒐᓐᓂᐊᒧᑦ ᕿᒻᒥᒧᓪᓘᓐᓃᑦ, ᐋᓐᓂᐊᕕᓕᐊᕆᑦ ᐊᒻᒪ ᐅᖃᐅᓯᕆᓗᒍ ᖃᓄᐃᓕᐅᕈᑎᐅᔪᖅ ᑕᕝᕙᓴᐃᓐᓇᖅ. ᐆᒪᔪᒥᑦ ᐱᐅᓯᕐᓗᑦᑑᔮᖅᑐᒥᑦ ᑕᑯᒍᕕᑦ, ᐅᕐᕈᔮᔪᒥᑦ, ᖃᐳᐊᕐᓗᓂ ᖃᓂᖓ, ᑐᐱᖅᑲᔫᔮᕐᓗᓂ
ᐅᕝᕙᓘᓐᓃᑦ ᖃᓄᐊᓗᒃ ᓂᐱᖃᓕᕐᓗᓂ, ᐃᑉᐱᒋᖕᖏᓪᓗᒍ ᐆᒪᔪᖅ ᐊᒻᒪ ᐅᖃᐅᓯᕆᓗᒍ ᐆᒪᔪᕐᓂᐊᖅᑎᒧᑦ.

ᐆᒪᔪᐃᑦ ᓯᖏᕐᓯᓯᒪᔪᑦ ᐊᔾᔨᒌᖏᑦᑐᓂᑦ ᓇᓗᓇᐃᒃᑯᑎᖃᕈᓐᓇᖅᑐᑦ, ᐱᖃᓯᐅᑎᓪᓗᒋᑦ ᑲᑉᐱᐊᓱᐊᓂᖅ, ᐃᕐᓯᓈᕿᓂᖅ, ᓄᕚᕿᔪᒻᒪᕆᐅᓗᓂ, ᐄᖅᑲᕈᓐᓇᖏᓪᓗᓂ, ᐅᕐᕈᔮᓗᓂ, ᓄᑭᖃᕈᓐᓃᕐᓗᓂ ᐊᒻᒪ ᓴᔪᑦᑐᒻᒪᕆᐅᓕᕐᓗᓂ. ᐃᕐᓯᓈᕿᒐᔪᑦᑐᑦ, ᑭᓯᐊᓂ ᓯᖏᕐᓯᓯᓯᒪᔪᑦ ᐆᒪᔪᐃᑦ ᐱᐅᓯᕆᖕᖏᑕᒥᓂᒃ ᐊᑐᕈᓐᓇᕐᒥᔪᑦ
ᑐᖕᖓᓇᖅᑐᒻᒪᕆᐅᓗᑎᒃ.

ᑕᑯᓐᓂᕈᕕᑦ ᐆᒪᔪᒥᑦ ᑕᒪᒃᑯᓂᖓ ᐱᐅᓯᖃᖅᑎᓪᓗᒍ ᓇᓪᓕᐊᓐᓂᑐᐃᓐᓇᖅ, ᐃᑉᐱᒋᒋᐊᖃᖕᖏᑦᑐᖅ ᐊᒻᒪ ᖃᐅᔨᒃᑲᕐᓗᒋᑦ ᐱᓕᕆᔨᐅᔪᑦ ᑕᒪᒃᑯᓂᖓ.

ᐅᖃᐅᓯᖃᕈᒪᔪᑦ ᐆᒪᔪᒥᑦ ᑕᒫᓂᖅᑭᔪᒥᑦ, ᖃᐅᔨᒋᐊᕆᐊᓖᑦ ᓄᓇᓕᐸᐅᔭᐃᑦ ᐃᖃᓗᐃᑦ ᑭᐅᔨᖏᓐᓄᑦ ᐅᕗᖓ 979-5650. ᐅᖃᐅᓯᖃᕈᒪᔪᑦ ᓂᕐᔪᑎᒥᑦ ᐆᒪᔪᒥᑦ ᐃᓗᐊᓃᑦᑐᖃᕐᓂᖓᓂᑦ ᓄᓇᓕᐅᑉ, ᖃᐅᔨᒋᐊᕆᐊᓖᑦ ᐆᒪᔪᓕᕆᔨᓄᑦ ᐅᕗᖓ 867-975-7780 ᐅᕝᕙᓘᓐᓃᑦ ᐅᓐᓄᒃᑯᑦ ᐅᓐᓄᐊᑯᓪᓘᓐᓃᑦ, ᓄᓇᓕᐸᐅᔭᐃᑦ
ᐃᖃᓗᐃᑦ ᑭᐅᔨᖏᓐᓄᑦ. ᕿᒻᒦᑦ ᖃᓂᒋᔭᖃᕐᓂᖅᐸᑦ ᑎᕆᒐᓐᓂᐊᒥᑦ ᐊᒪᕈᕐᒥᓪᓘᓐᓃᑦ, ᐅᖄᓚᕕᐅᒋᐊᓖᑦ ᓄᓇᓕᓐᓄᑦ ᐊᕙᑎᓕᕆᔨᒃᑯᑦ ᐋᓂᐊᓇᖕᖏᑦᑐᓕᕆᓂᕐᒥᑦ ᑲᒪᔨᖏᑦ ᐅᕗᖓ 867-975-4817.

###

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓪᓗᒃᑯᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᓇ:
ᐊᓕᒃᓯ ᑳᒧᕋᓐ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᑎᔨ 
867-979-5607 | a.cameron@iqaluit.ca