ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐅᖃᐅᑎᑦᓴᖏᑦ ᒪᐃᔭ ᐱᐅᓪ
ᓴᓗᒪᑎᑦᑎᓂᖅ ᓄᓇᓕᑦᑎᓐᓂᑦ
ᔪᓂ 22, 2020 – ᐃᖃᓗᐃᑦ, ᓄᓇᕗᑦ
ᑭᒡᒐᑐᕐᓗᒋᑦ ᐃᓘᓐᓇᑎᒃ ᑲᑎᒪᔨᐅᔪᑦ ᐊᒻᒪ ᐃᖅᑲᓇᐃᔭᖅᑏᑦ, ᓯᑎᒃᑯᑦ ᖁᕕᐊᓱᑦᑎᐊᓕᖅᑐᑦ ᑕᑯᒃᑲᓐᓂᕆᐊᑦᓴᖅ ᓄᓇᓕᕐᒥᐅᑕᓂᑦ, ᓇᖕᒥᓂᖃᖅᑎᓂᑦ, ᒐᕙᒪᓕᕆᔨᓂᑦ, ᐊᒻᒪ ᑲᑐᔾᔨᖃᑎᒌᓂᑦ ᑲᑐᔾᔨᓪᓗᑎᒃ ᓄᓇᓕᑦᑎᓐᓂᑦ ᓴᓗᒻᒪᕐᓴᐃᓕᕐᒥᑎᓪᓗᒋᑦ. ᖁᔭᓐᓇᒦᖅᐳᒍᑦ ᐃᓕᑦᓯᓐᓂᑦ ᐃᑲᔪᖕᖑᐊᑕᕐᓯᓐᓇᕋᑦᓯ ᐊᑭᓕᕐᓱᖅᑕᐅᒐᓯ. ᑲᑐᔾᔨᓗᑕ ᐱᓕᕆᖃᑎᒌᑉᐸᓂᒃᑯᑦ, ᓄᓇᓕᑦᑎᓐᓂᑦ ᓴᓗᒪᑎᑦᑎᔪᓐᓇᖅᑐᒍᑦ, ᖃᓄᐃᖏᑎᑦᑎᔪᓐᓇᖅᑐᒍᑦ ᐊᒻᒪ ᑕᑯᒥᓇᓕᖅᑎᑦᑎᔪᓐᓇᖅᑐᒍᑦ.
ᐊᔭᐅᖅᑐᑦᑎᐊᖅᑕᕗᑦ ᓄᓇᓕᕐᒥᐅᑕᐃᑦ ᓄᓇᓕᑦᑎᓐᓂᑦ ᓴᓗᒪᑎᑦᑎᖃᑦᑕᖁᓪᓗᒋᑦ ᐊᕐᕌᒍᓕᒫᒥ. ᐃᖅᑲᐃᑎᑉᐸᓪᓗᒋᑦ ᐱᖃᓐᓂᕆᔭᑎᑦ ᐊᒻᒪ ᐃᓚᑎᑦ ᓴᓂᕐᓂᒃ ᓴᓂᒃᑯᕕᒻᒨᕆᖃᑦᑕᖁᓗᒋᑦ ᐊᒻᒪ ᓄᓇᓕᐊᕐᓯᒪᓐᓂᕋᐃᒍᑎᒃ, ᓯᑯᒧᓪᓘᓐᓃᑦ ᐊᒻᒪ ᐃᒫᓄᑦ ᓴᓂᕐᒥᓂᒃ ᓄᐊᑦᑎᖃᑦᑕᖁᓪᓗᒋᑦ ᐅᑎᖅᑎᓪᓗᒋᑦ ᓄᓇᓕᓐᓄᑦ. ᓴᓗᒪᑦᑎᐊᖅᑐᖅ ᓄᓇᓕᐸᐅᔭᐃᑦ ᐱᐅᔫᒻᒪᑦ ᐃᓱᒪᑦᑎᓐᓄᑦ ᖃᓄᐃᖁᓇᒍ, ᐊᒻᒪ ᐃᒪᖁᑎᑦᑎᓐᓂᑦ ᐊᒻᒪ ᐃᒪᕐᒥᐅᑕᓂᑦ ᑲᔪᓯᔾᔪᑎᑦᑎᐊᕙᐅᔪᓐᓇᕐᒪᑦ.
ᓇᖕᒥᓂᖃᖅᑎᐅᔪᓯ, ᖃᐅᔨᒪᔪᒍᑦ ᐅᐱᒍᓲᑎᖃᑦᓯᐊᓂᑦᓯᓐᓂᑦ ᑲᒻᐸᓂᖁᑎᑦᓯᓐᓂᑦ ᐊᒻᒪ ᐱᓕᕆᐊᕆᕙᑦᑕᓯ ᐃᑲᔪᕐᓱᐃᔾᔪᑎᖃᖅᐸᒻᒪᑕ ᐱᕙᓪᓕᐊᑎᑦᑎᓇᓱᑦᑎᓪᓗᑕ ᓄᓇᓕᐸᐅᔭᖁᑎᑦᑎᓐᓂᑦ. ᐊᐱᕆᔪᒍᑦ ᐃᓕᑦᓯᓐᓂᑦ ᐊᐅᓚᑦᑎᖃᑦᑐᖁᓪᓗᓯ ᓴᓂᑦᓯᓐᓂᒃ ᐃᖅᑲᓇᐃᔭᕐᕕᓯᓐᓂᑦ, ᓇᖕᒥᓂᕆᔭᐅᔪᑦ ᐃᓂᖏᓐᓂᑦ ᐊᒻᒪ ᐊᑦᑐᐊᔪᓂᑦ ᑰᒐᓛᓂᑦ ᐊᒻᒪ ᐱᖁᑎᓂᑦ. ᓴᓂᐊᓘᕙᑦᑐᑦ ᐊᒥᓲᓂᕐᓴᐃᑦ ᐃᖃᓗᓐᓂ ᐱᕙᒻᒪᑕ ᓴᓇᕕᐅᔪᓂᑦ. ᐱᒻᒪᕆᐅᕗᖅ ᓇᓗᓇᐃᕐᓯᒪᓇᓱᑉᐸᓐᓂᖅ ᓱᓇᑐᐃᓐᓇᐃᑦ ᓴᓇᔾᔪᑎᐅᕙᑦᑐᑦ ᓴᓇᔨᓄᑦ ᓴᓂᕐᕙᑦᓯᐊᕐᓯᒪᕙᓐᓂᖏᑦ ᐸᕝᕕᓵᖑᓂᐅᓴᖕᖏᓪᓗᑎᒃ.
ᖁᔭᓐᓇᒦᕈᒪᕙᒃᑲ ᐊᑦᓱᐊᓗᒃ ᓄᓇᓕᕐᒥᐅᑕᐃᑦ ᐅᖓᑖᓅᖅᐸᑦᑐᑦ ᐱᓕᕆᒋᐊᓕᓐᓂᑦ ᐅᐸᓗᖓᐃᔭᐃᕙᑦᑐᑎᒃ ᓇᖕᒥᓂᖅ ᓄᓇᓕᓐᓂᑦ ᓴᓗᒻᒪᕐᓴᐃᓂᕆᕙᑦᑕᖏᑦ ᐊᕐᕌᒎᑉ ᐃᓗᐊᓂ ᖃᖓᑐᐃᓐᓇᒃᑯᑦ. ᓯᕗᓕᖅᑎᐅᕙᒃᑲᑦᓯ ᐊᒻᒪ ᑕᑯᑦᓴᐅᑎᑦᑎᕙᑦᑐᓯ ᖃᓄᐃᑦᓴᓂᕐᓯᓐᓂᑦ ᓄᓇᐅᑉ ᐊᕙᑎᐊᓂᑦ ᐊᒻᒪ ᓄᓇᓕᑦᓯᓐᓂᑦ.
ᖁᔭᓐᓇᒦᕐᒥᔭᕗᑦ ᑲᑐᔾᔨᖃᑎᒋᕙᑦᑕᕗᑦ: ᒐᕙᒪᒃᑯᑦ ᓄᓇᕗᒻᒥ ᓄᓇᒥᑦ ᐊᕙᑎᓕᕆᔨᒃᑯᖏᑦ, ᐆᒪᔪᓕᕆᔨᕐᔪᐊᒃᑯᑦ ᑲᓇᑕᒥ, ᐅᓂᒃᑳᕐᕕᒃ ᐳᓚᕋᑦᑎᓄᑦ ᑐᑭᓯᒋᐊᕐᕕᒃ, ᐃᖃᓗᓐᓂ ᒪᔅᓕᒻ ᑐᑦᓯᐊᕐᕕᖓᑦ ᒪᔅᔨᑦ ᓵᔅᒃ, ᐊᒻᒪ ᐅᑭᐅᒃᑯᑦ ᐊᓐᓇᐅᒪᓂᕐᒧᑦ ᓂᐅᕕᕐᕕᒃ ᐃᑲᔪᕐᓱᐃᕙᓚᐅᕋᑦᓯ ᐊᕐᕌᒍᒥ.
ᐊᖏᔪᖅᑳᖃᕐᕕᐅᓗᑕ ᓄᓇᓕᐸᐅᔭᐃᑦ ᓄᓇᕗᒻᒥ, ᐊᑏ ᐱᐅᔪᒃᑯᑦ ᐆᑦᑑᑎᐅᓇᓱᐊᖅᐸᑦᑕ ᐊᒻᒪ ᓄᓇᒥᑦ ᓴᕐᖏᐸᓪᓗᑕ ᓴᓂᖃᖁᓇᒍ.
ᑐᑭᓯᒋᐊᕈᒪᔪᑦ ᐆᕕᖓ ᖃᐅᔨᒋᐊᖁᔪᑦ:
ᓖᓴ ᒥᓗᓵᕝᔨᕕᒃ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᕐᓂᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-3216
