ᐅᐱᒍᓲᑎᖃᕐᓂᖅ ᐃᖅᑲᐅᒪᓗᒋᑦ ᑲᓇᑕᒥ ᓄᓇᖃᖅᑳᕐᓯᒪᔪᓄᑦ ᐅᓇᓕᕐᓄᑦ ᐃᓚᒋᔭᐅᓚᐅᖅᑐᓄᑦ ᐅᓪᓗᖓᓂ

08/11/2024

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐅᐱᒍᓲᑎᖃᕐᓂᖅ ᐃᖅᑲᐅᒪᓗᒋᑦ ᑲᓇᑕᒥ ᓄᓇᖃᖅᑳᕐᓯᒪᔪᓄᑦ ᐅᓇᓕᕐᓄᑦ ᐃᓚᒋᔭᐅᓚᐅᖅᑐᓄᑦ ᐅᓪᓗᖓᓂ
ᓅᕖᐱᕆ 8, 2024 – ᐃᖃᓗᐃᑦ, ᓄᓇᕗᑦ

ᐅᓪᓗᒥ ᑲᓇᑕᒥ ᓄᓇᖃᖅᑳᕐᓯᒪᔪᓄᑦ ᐅᓇᓕᕐᓄᑦ ᐃᓚᒋᔭᐅᓚᐅᖅᑐᓄᑦ ᐅᓪᓘᑎᓪᓗᒍ, ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᖅᑲᐅᒪᕗᑦ ᐊᒻᒪ ᐅᐱᒍᓲᑎᖃᖅᑐᑎᒃ ᓄᓇᖃᖅᑳᕐᓯᒪᔪᓂᒃ ᑭᒃᑯᑐᐃᓐᓇᕐᓂᒃ ᐱᔨᑦᓯᕋᖃᑕᐅᓚᐅᖅᑐᓂᒃ ᐅᓇᑕᖅᑐᖃᖅᑎᓪᓗᒍ ᐊᒻᒪ ᓴᐃᓕᖓᓕᖅᑎᓪᓗᒋᑦ - ᐅᓇᖃᕐᓂᕐᒥ ᐊᕐᕌᒍᒥ 1812 ᐋᕝᒑᓂᔅᑖᓐᒧᑦ - ᐊᒻᒪ ᑕᐃᒃᑯᓂᖓ ᐅᓪᓗᒥᒧᑦ ᐱᔨᑦᓯᕋᖅᑎᐅᔪᓄᑦ.

ᐃᓕᑕᕆᓯᒪᒐᑦᑎᒍ ᐱᒻᒪᕆᐅᔪᒃᑯᑦ ᑐᓂᕐᕈᑎᖃᕐᓯᒪᔪᑦ ᐃᓄᐃᑦ, ᓯᕗᓪᓕᐅᓯᒪᔪᑦ, ᐊᒻᒪ ᐊᓪᓚᖓᔪᐃᑦ ᒪᐃᑏ ᐅᓇᓕᕐᓄᑦ ᐃᓚᒋᔭᐅᕙᓚᐅᖅᑐᑦ ᓴᐳᔾᔨᖃᑕᐅᓗᑎᒃ ᐃᓱᒪᕐᓱᕐᓂᕆᕙᑦᑕᑎᓐᓂᒃ ᐊᒻᒪ ᐃᓅᓯᑦᑎᓐᓂᒃ ᓴᐳᔾᔨᓪᓗᑎᒃ. ᑲᑉᐱᐊᓱᒐᑎᒃ ᐱᓕᕆᓚᐅᕐᓂᖏᑦ, ᐅᑎᕐᔭᕈᓐᓇᓚᐅᕐᓂᖏᑦ, ᐊᒻᒪ ᐱᓕᕆᔪᒪᓂᕆᓚᐅᖅᑕᖏᑦ ᑕᑯᑦᓴᐅᑎᑦᓯᔾᔪᑎᐅᔪᑦ ᐊᑐᖅᑕᐅᕙᑦᑐᓂᒃ ᐊᓐᓂᕆᔭᐅᔪᓂᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ (IQ) - ᐱᓕᕆᔾᔪᑎᐅᔪᑦ ᓲᕐᓗ ᒪᑯᐊ ᐱᓕᕆᖃᑎᒌᓐᓂᖅ (Piliriqatigiinniq) (ᐱᓕᕆᖃᑎᒌᑉᐸᓐᓂᐅᔪᖅ ᐃᓘᓐᓇᖏᓐᓄᑦ ᐊᑐᖅᑕᐅᔪᑦᓴᓂᒃ), ᐊᕙᑎᑦᑎᓐᓂᒃ ᑲᒪᑦᓯᐊᕐᓂᖅ (Avatittinnik Kamatsiarniq) (ᐊᓯᒥᒃ ᐃᑉᐱᒍᓱᑉᐸᓐᓂᖅ ᐊᒻᒪ ᓇᓪᓕᒍᓱᑉᐸᓐᓂᖅ ᐊᕙᑎᑦᑎᓐᓂᒃ ᐊᒻᒪ ᓄᓇᓕᓐᓂᒃ), ᐊᒻᒪ ᖃᓄᖅᑑᓂᖅ (Qanuqtuurniq) (ᓱᓇᑐᐃᓐᓇᕐᓂᖅ ᐱᓕᕆᔾᔪᑎᖃᕈᓐᓇᕐᓂᖅ ᐊᒻᒪ ᐊᑐᖅᑕᐅᕙᖏᑦᑐᒃᑯᑦ ᐊᑐᕋᓱᑉᐸᓐᓂᖅ). ᑕᒪᒃᑯᐊ ᐊᑐᖅᑕᐅᕙᑦᑐᑦ ᐊᓐᓂᕆᔭᐅᔪᑦ ᐊᑐᖅᑕᐅᓯᒪᔪᑦ ᐃᓄᖕᓄᑦ ᐅᕙᑦᓯᐊᕈᐊᓘᓕᖅᑐᒥᒃ ᐊᒻᒪ ᓱᓕ ᒫᓐᓇᒧᑦ ᑲᔪᖏᕐᓴᐃᔾᔪᑎᐅᕙᑦᑐᑦ ᐱᔨᑦᓯᕋᕈᒪᓂᕐᒥᒃ ᐊᒻᒪ ᐃᖕᒥᓂᒃ ᑐᓂᕐᕈᑎᖃᖅᐸᓂᕐᒥᒃ ᐃᑲᔪᕈᒪᒧᑦ.

ᑎᒍᓚᐅᕐᓚᕗᑦ ᐅᓪᓗᒥᐅᔪᖅ ᐃᓱᒪᒋᓗᒋᑦ ᐃᑲᔫᑎᒋᓯᒪᔭᖏᑦ ᑐᓂᕐᕈᑎᒋᓯᒪᔭᖏᑦ, ᐅᐱᒋᓗᒋ ᕿᒪᑦᓯᒪᔭᖏᑦ ᐊᑐᖅᑐᑦᓴᕗᑦ, ᐊᒻᒪ ᐅᓂᒃᑳᖏᑦ ᐳᐃᒍᖅᑕᐅᔾᔭᐃᕐᓯᒪᕙᓪᓗᑎᒃ ᐊᒻᒪ ᐅᖃᐅᓯᐅᕙᓪᓗᑎᒃ ᑭᖑᕚᕇᓄᑦ ᐃᓅᕙᓐᓂᐊᖅᑐᓄᑦ.

ᐳᐃᒍᐃᑦᑕᐃᓕᑕ.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

ᔭᕝ ᐴᕐᓐ
ᑐᓴᐅᒪᐅᑎᓕᕆᓂᕐᒥᒃ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | G.Byrne@iqaluit.ca

Notice: