ᐅᐱᒍᓲᑎᖃᕐᓂᖅ ᐃᖅᑲᐅᒪᓇᐅᓕᖅᐸᑦ ᐅᓪᓗᖓᓂᒃ

ᐃᓄᖕᓄᑦ ᑐᓴᕋᑦᓴᖅ

ᐅᐱᒍᓲᑎᖃᕐᓂᖅ ᐃᖅᑲᐅᒪᓇᐅᓕᖅᐸᑦ ᐅᓪᓗᖓᓂᒃ

ᓅᕖᐱᕆ 11, 2024 – ᐃᖃᓗᐃᑦ, ᓄᓇᕗᑦ

ᐅᓪᓗᒥ ᐃᖅᑲᐅᒪᓐᓇᐅᑎᓪᓗᒍ ᐅᓪᓗᖓᓂ, ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᓚᒋᔭᐅᓂᐊᖅᑐᑦ ᓄᓇᓕᓐᓄᑦ ᑲᓇᑕᒥ ᓇᒥᑐᐃᓐᓈᖅᑐᓄᑦ ᓄᖅᑲᑲᐃᓐᓇᓂᒃᑯᑦ ᐅᐱᒋᔪᒪᓪᓗᒋᑦ ᐃᓅᓯᕐᒥᓂᒃ ᐊᑐᐃᓐᓇᕈᐃᕙᓚᐅᖅᑐᑦ ᐊᒻᒪ ᐱᔨᑦᓯᕋᐅᑎᖃᖅᐸᓚᐅᖅᑐᑦ ᐃᓘᓐᓇᑦᓯᐊᑎᓐᓂᒃ ᐱᔨᑦᓯᕋᖅᑎᐅᓗᑎᒃ ᑲᓇᑕᐅᑉ ᐅᓇᓕᖁᑎᖏᓐᓂ. ᐊᑐᖅᑕᐅᓯᒪᔪᓂᒃ ᓄᓇᕐᔪᐊᕐᒥᐅᑕᓄᑦ ᖁᕕᐊᓱᖏᕝᕕᐅᕙᓚᐅᖅᑐᓂ ᒫᓐᓇᒧᑦ ᓴᐃᓕᖓᖁᔨᓂᒃᑯᑦ ᐱᓕᕆᐊᖃᖅᐸᑦᑐᑎᒃ, ᐱᓕᕆᔪᒪᓯᒪᓂᖏᑦ ᐊᒻᒪ ᑲᑉᐱᐊᓱᖏᓯᐊᖅᑐᑎᒃ ᓇᓗᓇᐃᔭᐃᓯᒪᔪᑦ ᐊᑦᑕᓇᖅᑐᓂᒃ ᐅᕙᑦᑎᓐᓄᑦ ᓴᖅᑮᖁᔨᒐᑎᒃ, ᖃᓄᐃᖁᔨᒐᑎᒃ, ᐊᒻᒪ ᐃᓱᒪᕐᓱᖁᓪᓗᒋᑦ ᑭᖑᕚᕇᖑᔪᑦ.

ᐃᓱᒪᒋᔭᕗᑦ ᐅᐱᒋᓪᓗᒋᑦ ᑕᐃᒃᑯᑑᖏᓯᐊᖅᑐᑦ ᐅᓇᑕᖃᑕᐅᕙᓚᐅᖅᑐᑦ ᑭᓯᐊᓂᑦᑕᐅᖅ ᑕᐃᒃᑯᐊ ᐃᑲᔪᖅᐸᑦᑐᑦ ᐊᑑᑎᖃᒻᒪᕆᑦᑐᓕᕆᕙᑦᑐᑦ ᖃᓄᖅᑑᕈᑎᒋᕙᑦᑕᖏᒍᑦ ᑕᒪᒃᑯᐊ ᐱᓕᕆᔾᔪᑎᖃᑦᓯᐊᖁᓪᓗᒋᑦ. ᑲᑐᔾᔨᓂᒃᑯᑦ ᐃᑲᔪᕐᓱᐃᔾᔪᑎᒋᕙᑦᑕᖏᑦ ᐅᕙᑦᑎᓐᓄᑦ ᐳᐃᒍᔾᔭᐃᒃᑯᑎᐅᕙᑦᑐᑦ ᓴᖕᖏᔫᒍᓐᓇᕐᓂᖏᓐᓂᒃ ᑲᑐᔾᔨᓪᓗᑎᒃ ᐱᓕᕆᖃᑎᒌᑉᐸᑦᑐᑦ ᐊᒻᒪ ᐊᑦᓱᑲᓪᓚᐅᔪᖅ ᐊᑦᑐᐃᔾᔪᑎᐅᓯᒪᔪᑦ ᐱᓕᕆᖃᑎᒌᓐᓂᒃᑯᑦ ᑲᑐᔾᔨᓪᓗᑎᒃ ᑖᑦᓱᒥᖓᑦᓴᐃᓐᓇᖅ ᐱᔾᔪᑎᒋᔭᐅᔪᒥᒃ.

ᐅᓪᓗᒥᓕ, ᐃᓱᒪᒋᔭᖃᖅᑐᒍᑦ ᐊᑐᖅᐸᓚᐅᖅᑕᖏᓐᓂᒃ ᕿᒪᒃᑲᑯᖏᓐᓂᒃ ᐅᓇᑕᖅᑎᐅᕙᓚᐅᖅᑐᑦ ᐊᒻᒪ ᖃᐅᔨᒪᓪᓗᒋᑦ ᐊᑐᐃᓐᓇᕈᐃᕙᓚᐅᕐᓂᖏᓐᓄᑦ ᐃᓚᖏᑕ, ᑕᐃᒃᑯᐊᓕ ᐃᑲᔪᕐᓱᐃᓯᒪᔪᒻᒪᕆᐅᔪᑦ ᐃᓚᒥᓂᒃ ᐊᑦᓱᕉᑎᐅᔪᓂᒃ ᓵᖕᖓᖃᑎᒋᕙᑦᑐᒋᑦ ᐊᒻᒪ ᓵᓚᖃᐅᑎᒋᓯᒪᔭᖏᓐᓂᒃ. ᓂᐱᖃᖏᑲᐃᓐᓇᑎᓪᓗᑕ, ᐃᖅᑲᐅᒪᕙᕗᑦ ᑲᑉᐱᐊᓱᖏᓐᓂᕆᕙᓚᐅᖅᑕᖏᑦ, ᐅᑎᕐᔭᕈᓐᓇᕐᓂᕆᓚᐅᖅᑕᖏᑦ, ᐊᒻᒪ ᐱᓕᕆᔪᒪᑦᓯᐊᕐᓂᕆᓚᐅᖅᑕᖏᑦ ᐱᐅᓂᕐᓴᒥᒃ ᓯᕗᓂᑦᓴᖃᖁᔨᓪᓗᑎᒃ.

ᐊᑏ ᐃᖅᑲᐅᒪᑐᐃᓐᓇᖏᓪᓚᕗᑦ ᑭᓯᐊᓂᑦᑕᐅᖅ ᐅᐱᒋᕙᓪᓗᒋᓪᓗ ᐃᓅᓯᖏᓐᓂᒃ ᑐᓂᕐᕈᑎᖃᖅᐸᓚᐅᖅᑐᑦ ᐊᑐᖅᑎᑦᓯᓇᓱᐊᖅᑐᑎᒃ ᓴᐃᓕᖓᓂᕐᒥᒃ, ᑐᑭᓯᐅᒪᓂᕐᒥᒃ, ᐊᒻᒪ ᐃᑉᐱᒍᓱᓐᓂᕐᒥᒃ ᐊᓯᑦᑎᓐᓂᒃ ᓄᓇᓕᑦᑎᓐᓂ ᐊᒻᒪ ᓯᓚᑖᓃᑦᑐᓂᒃ.

ᐳᐃᒍᐃᑦᑕᐃᓕᑕ.

##

 

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
 

ᔭᕝ ᐴᕐᓐ

ᑐᓴᐅᒪᐅᑎᓕᕆᓂᕐᒥᒃ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ

ᓄᓇᓕᐸᐅᔭᐃᑦ ᐃᖃᓗᐃᑦ

867-979-5619 | G.Byrne@iqaluit.ca