ᐃᖅᑲᐃᑎᑦᓯᔾᔪᑎ ᐊᖏᕐᕋᒥᓂ ᐆᒪᔪᖁᑎᖃᖅᐸᑦᑐᓄᑦ

ᐃᖅᑲᐃᑎᑦᓯᔾᔪᑎ ᐊᖏᕐᕋᒥᓂ ᐆᒪᔪᖁᑎᖃᖅᐸᑦᑐᓄᑦ

 

ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᑦ ᒪᓕᖃᑦᑕᖁᔭᐅᓗᑎᒃ ᐃᑉᐱᒍᓱᑦᑎᐊᖅᑐᓄᑦ ᐊᖏᕐᕋᒥ ᐆᒪᔪᖁᑎᓕᓐᓄᑦ ᒪᓕᒐᕋᓛᖅ 796−ᒥᑦ ᓇᓗᓇᐃᔭᐃᓯᒪᔪᒥᑦ ᒪᓕᑦᑕᐅᒋᐊᓕᓐᓂᑦ ᐃᓘᓐᓇᑦᑎᐊᖏᓐᓄᑦ ᐊᖏᕐᕋᒥᓂ ᐆᒪᔪᖁᑎᖃᖅᐸᑦᑐᓂᑦ ᐃᓗᐊᓂ ᓄᓇᓕᐸᐅᔭᐃᑦ ᐃᖃᓗᐃᑦ.

ᐃᓘᓐᓇᑎᒃ ᐆᒪᔪᖁᑎᖃᖅᑎᐅᔪᑦ ᐱᔭᕆᐊᖃᖅᑎᑕᐅᕙᑦᑐᑦ ᐊᕐᕌᒍᑕᒫᖅ ᓚᐃᓴᒥᑦ ᓂᕕᖓᑖᒥᑦ ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᓐᓂᑦ, ᔮᓐᓄᐊᕆ 5−ᖑᓕᕋᐃᒻᒪᑦ ᐊᕐᕌᒍᑕᒫᖅ ᓯᕗᓂᐊᒍᓪᓘᓐᓃᑦ.

ᐃᓘᓐᓇᑎᒃ ᐆᒪᔪᐃᑦ “ᑕᒫᓂᖅᑭᑎᑕᐅᒋᐊᖃᖕᖏᑦᑐᑦ”, ᐊᒻᒪ ᐃᓄᐊᑕ ᐱᖁᑎᖃᕐᕕᖏᑕ ᓯᓚᑖᓃᑦᑎᓪᓗᒋᑦ ᑕᓯᒍᐊᖅᑕᐅᑦᓴᐃᓐᓇᕆᐊᓖᑦ ᐊᒻᒪ ᐊᐅᓚᑕᐅᑦᑎᐊᕐᓗᑎᒃ ᐊᒻᒪ ᖃᐅᔨᓴᖅᑎᖃᖅᐸᓪᓗᑎᒃ ᑭᓇᑐᐃᓐᓇᕐᒥᑦ ᐊᕐᕌᒍᖃᓚᐅᑐᐊᕈᑎᒃ 18 ᐅᖓᑖᓂ.
ᐆᒪᔪᐃᑦ “ᑕᒫᓂᖅᑭᔪᑦ” ᑎᒍᔭᐅᕙᑦᑐᑦ ᐊᒻᒪ ᑎᒍᔭᐅᔪᓐᓇᐸᓐᓂᐊᖅᑐᑦ ᐊᒻᒪ ᐱᓯᒪᔭᐅᓗᑎᒃ ᓄᓇᓕᓐᓂ ᒪᓕᒐᕋᓛᓂᑦ ᐊᑐᓕᖅᑎᑦᓯᓇᓱᐊᖅᑎᓄᑦ 72−ᓂᑦ ᐃᑲᕐᕋᓄᑦ.

ᐆᒪᔪᖃᖅᑎᐅᔪᖅ ᐆᒪᔪᖁᑎᖃᕐᓂᕐᒥᓂᒃ ᓇᓗᓇᐃᕐᓯᕙᓪᓕᐊᖏᒃᑯᓂ ᐃᑲᕐᕋᐃᑦ 72 ᐃᓗᖏᓐᓂ, ᒪᓕᒐᕋᓛᓕᕆᔨᒃᑯᑦ ᐆᒪᔪᒥᑦ ᑐᓂᓯᒐᔭᖅᑐᑦ ᐃᖃᓗᓐᓂ ᐆᒪᔪᓂᑦ ᓇᓪᓕᒍᓱᑦᑎᓄᑦ ᓱᓴᐃᔭᑎᖏᓐᓄᑦ.

ᑎᒍᔭᐅᓚᐅᖅᑎᓪᓗᒍ ᐆᒪᔪᖁᑎᐅᔪᖅ ᐊᒻᒪ ᐊᐃᔭᐅᒍᓂ, ᐆᒪᔪᖁᑎᖃᖅᑎᐅᔪᖅ ᐊᑭᓖᒋᐊᖃᕋᔭᖅᑐᖅ ᐊᑭᓕᕆᐊᓕᓐᓂᑦ ᓇᓗᓇᐃᔭᕐᓯᒪᔪᓂᑦ ᒪᓕᒐᕋᓛᕐᒥ 796, ᐅᑯᐊ ᐱᖃᓯᐅᔾᔭᐅᓗᑎᒃ ᐊᓯᖃᕈᓐᓇᖅᑐᑎᒃ ᑎᒍᔭᐅᔾᔪᑎᓄᑦ ᐊᑭᓕᕆᐊᓖᑦ ($75), ᓚᐃᓴᑖᕈᑎᑦᓴᖅ ($55 ᖃᓄᐃᓕᔭᐅᓯᒪᖕᖏᒃᑯᓂ), ($35 ᕿᒻᒥᓛᖅᑖᕈᓐᓇᐃᓕᑎᑕᐅᓯᒪᒍᓂ (ᓇᓗᓇᐃᔭᐃᑎᖃᕆᐊᓕᒃ) ᐊᒻᒪ ᐊᓯᖏᓐᓂᑦ ᐊᑭᓕᕆᐊᖃᕋᔭᖅᑐᓂᑦ ᐅᕝᕙᓘᓐᓃᑦ ᐊᑭᓕᐅᑎᐅᖁᔭᐅᔪᓂᑦ ᓇᓗᓇᐃᔭᕐᓯᒪᔭᖏᓐᓂᑦ ᒪᓕᒐᕋᓛᓕᕆᔨᐅᑉ ᒪᓕᑦᑐᒋᑦ ᒪᓕᒐᕋᓛᕐᒥ 796 ᑎᑎᕋᕐᓯᒪᔪᑦ.

ᐊᓯᖏᓐᓂᑦ ᐊᑭᓖᒋᐊᖃᑐᐃᓐᓇᕆᐊᓕᒃ ᐆᒪᔪᖁᑎᖃᖅᑎᐅᔪᖅ, ᐱᖃᓯᐅᔾᔭᐅᓗᑎᒃ ᐊᓯᖃᕈᓐᓇᕆᓪᓗᑎᓪᓗ ᐆᒪᔪᒧᑦ “ᑕᒫᓂᖅᑭᔪᒧᑦ”, ᓚᐃᓴᖃᐅᑎᐅᒐᓂ, ᐹᓯᓐᓂᕈᓂ, ᐸᖓᓛᖃᕐᓂᕈᓂ ᐅᕝᕙᓘᓐᓃᑦ ᐸᕝᕕᓴᓐᓂᕈᓂ ᑭᓇᑐᐃᓐᓇᕐᒥᑦ ᐅᕝᕙᓘᓐᓃᑦ ᐊᓯᐊᓂᑦ ᐆᒪᔪᒥᑦ, ᐊᒻᒪ ᓇᓗᓇᐃᖅᑕᐅᒍᓐᓇᖅᑐᑎᒃ “ᐃᕐᓯᓇᖅᑐᖅ ᐆᒪᔪᖅ” ᑕᐃᒪᐃᒋᐊᖃᕈᓂ, ᓴᐃᓕᖓᓂᕐᒥᑦ ᐸᕝᕕᓴᓐᓂᕈᓂ, ᐅᕝᕙᓘᓐᓃᑦ ᐊᓯᐊᓂᑦ ᓱᕋᐃᓐᓂᕈᓂ ᒪᓕᒋᐊᓕᓐᓂᑦ ᑕᕝᕙᓂ ᑎᑎᕋᕐᓯᒪᔪᒥᑦ.

ᓄᓇᓕᐸᐅᔭᒃᑯᑦ ᐊᑐᖅᐸᑦᑐᑦ ᑎᑎᕋᕐᓯᒪᔪᓂᑦ ᑎᑎᕋᖅᑕᐅᓯᒪᔪᓂᑦ ᐃᑉᐱᒍᓱᑦᑎᐊᖅᑐᓄᑦ ᐊᖏᕐᕋᒥ ᐆᒪᔪᖁᑎᓕᓐᓄᑦ ᒪᓕᒐᕋᓛᕐᒥ ᐃᓘᓐᓇᑦᑎᐊᖏᓐᓂᑦ ᐊᔾᔨᒌᑎᑦᑎᓪᓗᑎᒃ ᐊᒻᒪ ᓈᒻᒪᑐᒃᑯᑦ ᐱᓕᕆᓗᑎᒃ; ᑭᓯᐊᓂᑦᑕᐅᖅ, ᐆᒪᔪᖁᑎᖃᖅᑎᐅᔪᑦ ᐱᓕᕆᒋᐊᖃᕐᒥᔪᑦᑕᐅᖅ ᓇᓗᓇᐃᕐᓯᒪᓂᒃᑯᑦ ᐃᓘᓐᓇᑎᒃ ᑎᑎᕋᕐᓯᒪᔪᑦ ᒪᓕᒋᐊᓖᑦ ᒪᓕᑦᑕᐅᑦᑎᐊᕋᓗᐊᕐᒪᖔᑕ.

ᓈᒪᔪᓂᑦ ᐃᑉᐱᒍᓱᑦᑎᐊᖅᑐᓄᑦ ᐊᖏᕐᕋᒥ ᐆᒪᔪᖁᑎᓕᓐᓄᑦ ᒪᓕᒐᕋᓛᕐᒥ 796 ᑎᑎᕋᕐᓯᒪᔪᓂᑦ ᑕᑯᒋᐊᕐᕕᑦᓴᖅ ᓄᓇᓕᐸᐅᔭᐃᑦ ᐃᖃᓗᐃᑦ ᐃᑭᐊᖅᑭᕕᖏᓐᓂ ᐅᕙᓂ, www.iqaluit.ca, ᐅᑯᐊ ᑎᑎᖅᑲᐃᑦ ᒪᓕᓪᓗᒋᑦ ᓄᓇᓕᐸᐅᔭᐃᑦ ᐊᓪᓚᕝᕕᖓᑦ, ᓄᓇᓕᐸᐅᔭᐃᑦ ᑲᑎᒪᔨᖏᑦ, ᒪᓕᒐᕋᓛᑦ.

ᒪᓕᒐᕋᓛᖅ 796: https://www.iqaluit.ca/content/responsible-pet-ownership-law-796-0

 

ᓖᓴ ᒥᓗᓵᕝᔨᕕᒃ
ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓂᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
L.Milosavljevic@iqaluit.ca
867-979-5607