ᐃᖅᑲᐃᑎᑦᑎᒋᐊᕈᑎ ᐱᔪᒃᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᐃᖅᑲᐃᑎᑦᑎᒋᐊᕈᑎ ᐱᔪᒃᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ

July 29, 2024 – Iqaluit, Nunavut

ᐃᖃᓗᖕᓂ ᓄᓇᓕᐸᐅᔭᒃᑯᑦ ᐃᖅᑲᐃᑎᑦᑎᒋᐊᕈᒪᔪᑦ ᓄᓇᖅᑲᑎᒌᓂᒃ ᐊᒻᒪᓗ ᑎᑭᒃᐸᒃᑐᓂᒃ ᓯᕗᓪᓕᐅᔾᔭᐅᔭᕆᐊᖃᕐᒪᑕ ᐱᓱᒃᐸᒃᑐᓂᑦ ᐊᑦᑕᕐᓇᖅᑕᐃᓕᒪᑎᑦᑎᓂᕐᒥᑦ ᐊᖅᑯᑎᒃᑯᑦ. ᓄᓇᓕᕗᑦ ᐱᕈᖅᐸᓪᓕᐊᑎᓪᓗᒍ ᐊᒻᒪᓗ ᐃᖕᒋᕐᕋᕙᒃᑐᑦ ᐊᒥᓱᕈᖅᐸᓪᓕᐊᑎᓪᓗᒋᑦ, ᐱᒻᒪᕆᐅᒻᒪᑦ ᑭᒃᑯᑐᐃᓐᓇᑦᑎᐊᑦ-ᐊᖅᑯᒃᐸᑦᑐᑦ ᐊᒻᒪᓗ ᐱᓱᒃᐸᒃᑐᑦ ᐊᔾᔨᒌᐸᓗᖕᒪᑕ-ᐊᑦᑕᕐᓇᖅᑕᐃᓕᒪᑎᓪᓗᒋᑦ.

ᐊᖁᒃᐸᒃᑐᑦ:

• ᐱᓱᒡᕕᐅᔪᓐᓇᖅᑐᑦ: ᐱᓱᒃᑎᑦᑎᖅᑳᖕᒍᔭᐃᓐᓇᕐᓗᑎᑦ ᐃᑳᕋᓱᒃᑐᓂᒃ.
• ᓱᒃᑲᐃᓪᓕᒋᐊᕐᓗᑎᑦ: ᓱᒃᑲᐃᓪᓕᒋᐊᖕᒋᓐᓇᖅᐸᓪᓗᑎᑦ ᐱᓱᒡᕕᐅᓲᒃᑯᑦ, ᓲᕐᓗ ᐱᓱᒡᕖᑦ, ᐃᓕᓐᓂᐊᕐᕖᑦ, ᐊᒻᒪᓗ ᐊᖕᒋᕐᕋᕆᔭᐅᔪᑦ ᖃᓂᒋᔭᖕᒋᓐᓂᑦ.
• ᐅᔾᔨᖅᓱᐃᓐᓇᕆᑦ: ᐅᔾᔨᖅᓱᑦᑎᐊᖕᒋᓐᓇᖅᐸᓪᓗᑎᑦ ᓱᕈᓯᖅᑕᓕᖕᓂ ᐃᓐᓇᖅᑕᓕᓐᓂᓗ, ᐊᑯᓂᐅᓂᖅᓴᑦ ᐃᑳᕋᓱᑐᐃᓐᓇᕆᐊᖃᕐᒪᑕ ᐊᖅᑯᑎᒃᑯᑦ.
• ᐅᓚᕕᓴᖅᑕᐃᓕᒪᓗᑎᑦ: ᖃᐅᔨᓴᐃᓐᓇᕐᓗᑎᑦ ᐊᖅᑯᑎᒃᑯᑦ, ᐊᒻᒪᓗ ᐅᖄᓚᐅᑎᕋᓛᓂᒃ ᐊᓯᖕᒋᓐᓂᒡᓘᓐᓃᑦ ᐊᑐᖅᐸᖖᒋᓪᓗᑎᑦ.

ᐱᓱᒃᐸᒃᑐᑦ:

• ᐱᓱᒡᕕᒃᑰᖅᐸᓪᓗᑎᑦ: ᐱᓱᒡᕕᒃᑰᖕᒋᓐᓇᖅᐸᓪᓗᑎᑦ ᐊᒻᒪᓗ ᓇᓗᓇᐃᖅᓯᕙᓪᓗᑎᑦ ᓇᓕᐊᒃᑰᕐᓂᐊᕐᒪᖕᒑᖅᐱᑦ.
• ᕿᕕᐊᖅᐸᓪᓗᑎᑦ: ᕿᕕᐊᖕᒋᓐᓇᖅᐸᓪᓗᑎᑦ ᐅᖁᑦᑐᓄᑦ ᐃᑳᕋᓱᓚᐅᖖᒋᓐᓂᕐᓂᒃ ᑕᑯᔭᐅᒐᓗᐊᕐᒪᖕᒑᖅᐸᑦ.
• ᑕᑯᒃᓴᐅᑦᑎᐊᖅᐸᓪᓗᑎᑦ: ᑕᖅᓴᐅᓂᖅᓴᓂᒃ ᐅᕝᕙᓘᓐᓃᑦ ᖃᐅᒻᒥᒋᐊᕈᓐᓇᖅᑐᓂᑦ ᐊᑐᖅᐸᓪᓗᑎᑦ, ᐱᓗᐊᖅᑐᒥᑦ ᑖᖅᓯᖃᑦᑕᖅᑎᓪᓗᒍ.
• ᐅᔾᔨᖅᓱᐃᓐᓇᕆᑦ: ᐅᓚᕕᓴᖅᑕᐃᓕᒪᐃᓐᓇᕐᓗᑎᑦ ᓲᕐᓗ ᐅᖄᓚᐅᑎᕋᓛᑦ ᐊᑐᖅᐸᖖᒋᓪᓗᒍ ᐊᖅᑯᑎᒃᑯᑦ ᐃᑳᕐᓂᐊᓕᖅᑎᓪᓗᑎᑦ, ᖃᐅᔨᓴᐃᓐᓇᖅᐸᓪᓗᑎᓪᓗ ᐊᕙᑎᖕᓂᑦ.

ᑕᒪᒃᑭᒃ ᐊᖁᑎᑦ ᐱᓱᒃᑏᓪᓗ ᐅᔾᔨᖅᓱᑦᑎᐊᖕᒋᓐᓇᕆᐊᓖᑦ ᑕᑯᕕᒃᓴᐅᑦᑎᐊᖖᒋᑎᓪᓗᒍ, ᓲᕐᓗ ᐅᓪᓛᒃᑯᑦ, ᐅᓐᓄᕋᑖᒃᑯᑦ, ᐊᒻᒪᓗ ᓯᓚᕈᔫᑎᓪᓗᒍ. ᐅᔾᔨᖅᓱᖅᑐᐃᓐᓇᐅᑎᓪᓗᑕ ᐃᒃᐱᒍᓱᑦᑐᐃᓐᓇᐅᑎᓪᓗᑕᓗ ᐊᑦᑕᕐᓇᖖᒋᓐᓂᖅᓴᒦᑎᑦᑎᔪᓐᓇᖅᑐᒍᑦ ᐊᖅᑯᑎᒃᑯᑦ.

ᐱᓕᕆᖃᑎᒌᒃᑎᐊᖅᑎᓪᓗᑕ ᓄᓇᓕᕗᑦ ᐊᑦᑕᕐᓇᖖᒋᓐᓂᖅᓴᐅᓲᖅ. ᐱᓕᕆᖃᑎᒌᖕᓂᒃᑯᑦ, ᓴᐳᑎᔪᓐᓇᖅᑕᕗᑦ ᐱᓱᒃᑏᑦ ᐊᑦᑕᕐᓇᖖᒋᑦᑐᒦᑎᓪᓗᑎᒍᓪᓗ.

##

 

ᑐᑭᓯᒋᐊᒃᑲᓐᓂᕈᒪᒍᕕᑦ, ᑐᑭᓯᒋᐊᕐᕕᒋᔪᓐᓇᖅᑕᐃᑦ:

ᔨᐊᕝ ᕚᕐᓂ

ᑐᓴᐅᒪᑎᑦᑎᓂᕐᒧᑦ ᐊᑭᓕᖅᓱᐃᕙᒃᑐᓄᓪᓗ ᐱᔨᑦᑎᕋᕐᕕᖃᕐᓂᕐᒧᑦ ᐊᐅᓚᑦᑎᔨ

ᐃᖃᓗᓐᓂ ᓄᓇᓕᐸᐅᔭ

867-979-5619 | G.Byrne@iqaluit.ca