ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᖅᑲᐃᑎᑦᑎᒋᐊᕈᑎ ᐊᕐᕌᒍᑕᒫᕐᓯᐅᑎᒥᑦ ᐆᒪᔪᖁᑎᓂᑦ ᐊᑎᓕᐅᕈᑎᒧᑦ
ᓄᓇᓕᐸᐅᔭᐃᑦ ᐃᖅᑲᐃᑎᑦᑎᒍᒪᓕᕐᒥᔪᑦ ᓄᓇᓕᕐᒥᐅᑕᓂᑦ ᐃᓘᓐᓇᑦᑎᐊᑎᒃ ᐊᖏᕐᕋᒥᓂ ᐆᒪᔪᖁᑎᖃᖅᑐᑦ ᐊᕐᕌᒍᑕᒫᕐᓯᐅᑎᒍᑦ ᐊᑎᓕᐅᕆᓯᒪᒋᐊᖃᕐᓂᐊᕐᒪᑕ ᐳᓯᑳᖁᑎᒥᓂᒃ ᕿᒥᖁᑎᒥᓂᓪᓘᓐᓃᑦ ᔮᓐᓄᐊᕆ 5−ᖑᓕᖅᑎᓪᓗᒍ ᐊᕐᕌᒍᑕᒫᖅ.
ᒪᓕᑦᑐᒋᑦ ᐃᑉᐱᒍᓱᑦᑎᐊᓂᒃᑯᑦ ᐊᖏᕐᕋᒥᓂ ᐆᒪᔪᖁᑎᖃᖅᑎᓄᑦ ᒪᓕᒐᕋᓛᖅ 796, ᐳᓯᑳᖁᑎᐅᔪᖅ ᕿᒻᒥᓘᓐᓃᑦ ᑕᖅᑭᖃᕈᑎᒃ ᑎᓴᒪᓂᑦ ᐅᖓᑖᓂᓘᓐᓃᑦ ᐃᓗᐊᓃᑎᑕᐅᓂᐊᕈᑎᒃ ᓄᓇᓖᑦ ᓄᓇᖁᑎᖏᑕ, ᐆᒪᔪᖃᖅᑎᐅᔪᖅ ᐱᓯᒪᒋᐊᖃᖅᐸᒻᒪᑦ ᐊᕐᕌᒍᑕᒫᕐᓯᐅᑎᒥᑦ ᓚᐃᓴᒥᑦ ᓇᓗᓇᐃᕐᓯᔾᔪᑎᐅᔪᒥᑦ ᐆᒪᔪᖁᑎᐊᓂᒃ ᐊᒻᒪ ᓄᑖᕈᖅᑎᑕᐅᕙᓪᓗᑎᒃ ᐊᕐᕌᒍᑕᒫᖅ ᔮᓐᓄᐊᕆ 5−ᒥ ᓯᕗᓂᐊᒍᓪᓘᓐᓃᑦ.
ᕿᒻᒥᒧᑦ ᐊᑎᓕᐅᕈᑏᑦ ᐊᑭᖃᖅᑐᑦ $55 ᕿᒻᒥᓛᖅᑖᑎᑦᑎᒍᓐᓇᖅᑐᒧᑦ ᕿᒻᒥᒧᑦ ᐊᒻᒪ $35 ᕿᒻᒥᓛᖅᑖᑎᑦᑎᒍᓐᓇᖏᑦᑐᒧᑦ ᕿᒻᒥᒧᑦ ᐊᒻᒪ ᓇᓗᓇᐃᔭᐃᑎᖃᕆᐊᓕᒃ. ᐊᑭᓖᒋᐊᓕᒃ ᐊᒻᒪ ᐊᑎᓕᐅᕆᒋᐊᓕᒃ ᐅᐸᓪᓗᒋᑦ ᓄᓇᓕᐸᐅᔭᐃᑦ ᐊᓪᓚᕝᕕᖏᓐᓄᑦ ᐃᓪᓗᒧᑦ #901 ᐅᓪᓗᒃᑯᑦ ᐃᖅᑲᓇᐃᔭᕐᓇᐅᑎᓪᓗᒍ.
ᐊᒻᒪᑦᑕᐅᖅ, ᕿᒻᒥᖁᑎᖃᖅᑐᑦ ᐃᖅᑲᐃᑎᑕᐅᒻᒥᔪᑦ ᕿᒻᒥᓄᑦ ᐆᔭᒦᑦ ᕿᒻᒥᒧᑦ ᐊᑐᖅᑕᐅᖏᓐᓇᕆᐊᓖᑦ ᐆᔭᒥᐅᓗᑎᒃ ᑕᐃᒪᖕᖓᓕᒫᖅ.
ᐊᑎᓕᐅᖅᑐᒍ ᐆᒪᔪᖁᑎᒋᔭᐃᑦ, ᓄᓇᓕᓐᓂ ᒪᓕᒐᕋᓛᓕᕆᔨᒃᑯᑦ ᓇᖢᓇᐃᕐᓯᔪᓐᓇᐸᓐᓂᐊᖅᑐᑦ ᐆᒪᔪᕈᑎᓕᒻᒥᑦ ᐳᓯᑳᖁᑎᖓ ᕿᒻᒥᖓᓘᓐᓃᑦ ᑎᒍᔭᐅᓐᓂᖅᐸᑕ ᐊᒻᒪ ᐅᑎᖅᑎᑕᐅᑦᑕᐅᑎᒋᔪᓐᓇᐸᓪᓗᑎᒃ.
ᑐᑭᓯᒋᐊᕈᒪᔪᑦ ᐆᕕᖓ ᖃᐅᔨᒋᐊᖁᔪᑦ:
ᓖᓴ ᒥᓗᓵᕝᔨᕕᒃ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᕐᓂᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
L.Milosavljevic@iqaluit.ca
867-979-5607
