ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐱᕙᓪᓕᐊᔪᓂᑦ ᑐᓴᕋᑦᓴᖅ
ᐃᖃᓗᓐᓂ ᖃᑦᑎᕆᔨᒃᑯᑦ ᖁᕕᐊᓲᑎᓖᑦ ᐊᑯᓂᐊᓗᒃ ᖃᑦᑎᕆᔨᐅᓂᕐᒥᒃ ᐃᖅᑲᓇᐃᔮᖃᕐᓯᒪᔪᓂᑦ
ᒫᕐᓯ 26, 2020 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᓕᕆᔨᒃᑯᑦ ᐃᖃᓗᓐᓂ ᖁᕕᐊᓲᑎᓖᑦ ᐊᑯᐊᓗᒃ ᖃᑦᑎᕆᔨᐅᓯᒪᓕᕐᓂᖏᓐᓂᒃ ᑖᒃᑯᐊ ᐊᖏᔪᖅᑳᖅ ᐅᐊᓪᑐ ᐋᓕᕗ ᐊᒻᒪᓗ ᖃᑦᑎᕆᔨ ᐃᔨᑦᓯᐊᖅ ᐊᓐᓂᕐᒥᐅᖅ ᓇᓗᓇᐃᒃᑯᑕᖅᑖᖅᑎᑕᐅᓪᓗᑎᒃ ᖁᔭᓐᓇᒦᕈᑏᓐᓂᒃ ᖃᑦᑎᕆᔨᒃᑯᓐᓂᑦ ᑎᓴᒻᒥᐅᑎᓪᓗᒍ, ᒫᑦᓯ 25, 2021.
ᖃᑦᑎᕆᔨᒃᑯᓐᓂ ᐃᑯᐊᓪᓚᑦᑕᐃᓕᑎᑦᑎᔪᓕᕆᔨ ᑎᐊᑦ ᑯᓘᑐ ᐊᒻᒪᓗ ᖃᑦᑎᕆᔨᒃᑯᓐᓂ ᐊᖏᔪᖅᑳᖅ ᔨᐊᕝ ᓯᐳᕆᒡᔅ ᑐᓂᓯᓚᐅᖅᑑᒃ ᖃᑦᑎᕆᔨᐅᓂᕐᒧᑦ ᐱᔨᑦᑎᕋᐅᑎᖃᑦᑎᐊᕐᓯᒪᓪᓚᕆᓐᓂᖏᓐᓄᑦ ᓇᓗᓇᐃᒃᑯᑖᓐᓂᒃ ᑖᒃᑯᓄᖓ ᐊᖏᔪᖅᑳᖅ ᐅᐊᓪᑐ ᐋᓕᕗᒧᑦ ᐊᒻᒪᓗ ᖃᑦᑎᕆᔨ ᐃᔨᑦᓯᐊᖅ ᐊᓐᓂᕐᒥᐅᒧᑦ. ᑕᐃᒪᐃᑦᑐᑦ ᓇᓗᓇᐃᒃᑯᑕᐃᑦ ᑐᓂᔭᐅᓲᑦ ᐊᕙᑎᓂᑦ ᐊᕐᕌᒍᓂᑦ ᓈᕆᑎᓪᓗᒋᑦ ᖃᑦᑎᕆᔨᐅᓂᕐᒥᒃ ᐱᓕᕆᑦᑎᐊᖃᑦᑕᖅᑐᑎᒃ.
“ᐅᖃᐅᓯᐅᓲᖅ ᐃᓚᖏᑦ ᐃᓅᓲᖑᒻᒪᑕ ᓯᕗᓕᖅᑎᐅᒍᒫᕐᓂᐊᖅᑐᑎᒃ, ᑖᓐᓇ ᓈᒻᒪᑎᐊᖅᑐᖅ ᑕᐃᒫᒃ,” ᐅᖃᖅᑐᖅ ᑐᖏᓕᖓ ᑯᕆᔅ ᐅᐃᓪᓴᓐ. “ᐅᐊᓪᑐ ᓯᕗᓕᕐᓯᓯᒪᒻᒪᑦ ᑲᑐᔾᔨᖃᑎᒌᖏᓐᓂᑦ ᐊᖏᔪᖅᑳᖑᓪᓗᓂ, ᑐᖏᓕᕆᔭᐅᖃᑦᑕᕐᓯᒪᓪᓗᓂ ᖃᑦᑎᕆᔩᑦ ᐊᖏᔪᖅᑳᖓᓐᓄᑦ, ᐃᑯᐊᓪᓚᑦᑕᐃᓕᑎᑦᑎᓂᕐᒧᑦ ᐊᖏᔪᖅᑳᖓᓐᓄᑦ ᐊᒻᒪᓗ ᐊᖏᔪᖅᑳᖓᓐᓄᑦ. ᑖᒃᑯᐊ ᑕᐃᔭᐅᔾᔪᓯᖏᑦ, ᓱᑯᑦᑎᐊᓃᓐᓂᖏᑦ, ᐊᒻᒪᓗ ᐅᐊᓪᑐ ᐃᓕᓴᕆᔭᐅᑎᑦᑕᐃᓕᓲᖑᓪᓗᓂ, ᖃᖓᓕᒫᖅ ᑕᑯᔅᓴᐅᑎᑦᑎᓲᖑᒻᒪᑦ ᐊᒻᒪᓗ ᓴᖅᑭᔮᕐᓂᖃᓲᖑᒻᒪᑦ ᓴᐃᓕᓪᓗᓂ, ᓇᓗᖅᑯᑎᒐᓂ, ᓈᒻᒪᑦᑐᒥᒃ ᐱᐅᓯᖃᕐᐸᑦᑐᓂᑦ ᐊᒻᒪᓗ ᖁᔭᓕᔾᔪᑎᖃᓲᖑᓪᓗᓂ ᓇᒻᒥᓂᖅ ᓯᕗᓪᓕᐅᑎᓚᐅᕐᓯᒪᖃᑦᑕᕋᓂ, ᑕᐃᒫᒃ ᐃᓕᓴᕆᔭᐅᔾᔪᑎᔅᓴᖏᑦ ᑕᒪᒃᑯᐊᕌᓗᕗᑦ.”
“ᐊᒥᓱᑦ ᐃᓚᒋᔭᐅᔪᑦ ᑕᕝᕙᓂ ᐱᓕᕆᕕᒻᒥ, ᑕᐃᔅᓱᒪᓂ ᐅᓪᓗᒥᓗ, ᑕᑯᖃᑦᑕᓲᖑᒻᒪᑕ ᐃᔨᒥᒃ ᖃᐅᔨᒪᔪᐊᓘᓪᓗᒍ, ᑕᕝᕙᓂ ᐱᓕᕆᕕᒻᒥ, ᑕᒫᓂ ᓄᓇᓕᓐᓂᑦ ᐊᒻᒪᓗ ᐃᓄᖁᑎᖏᓐᓂ,” ᐅᖃᖅᑐᖅ ᑐᖏᓕᐊ ᓵᓪ ᑕᒑᖅ. “ᐃᔨ ᐊᑯᓂᖓ ᐃᖅᑲᓇᐃᔭᕐᓯᒪᓕᖅᑎᓪᓗᒍ ᓄᓇᓕᐸᐅᔭᓕᕆᔨᒃᑯᓐᓂᑦ ᐃᒫᒃ ᑐᑭᖃᕐᓯᒪᔪᖅ ᖃᐅᔨᒪᔭᐃᓐᓇᐸᓗᒋᖃᑦᑕᓚᐅᕐᖓᒋᑦ ᐃᑲᔪᖅᑕᐅᕙᑦᑐᑦ ᐃᓚᖏᓪᓗ, ᐊᒻᒪᓗ ᑐᔾᔫᒥᓇᖃᑦᑕᓚᐅᖅᑐᓂ ᐅᖄᓚᔪᖃᕐᓂᑕᒫᑦ. ᑲᒪᒌ ᓐᓇᖃᑦᑕᓚᐅᖅᑕᕋ ᐃᔨ, ᐃᓄᒃᑎᑑᕈᓐᓇᖅᑐᓂ ᐅᕝᕙᓘᓐᓃᑦ ᓂᓪᓕᐊᕙᑦᑐᓂ ᒪᓂᑐᐃᓐᓇᖃᑦᑕᕋᓂ, ᐸᓚᕐᓯᐅᒥᑎᑦᑎᕙᓚᐅᕐᖓᑦ ᖃᖓᓕᒫᖅ ᖃᓄᐃᑦᑐᓅᕋᐃᒐᑦᑕ.”
ᑐᑭᓯᒋᐊᕈᒪᔪᑦ ᐆᕕᖓ ᖃᐅᔨᒋᐊᖁᔪᑦ:
ᓖᓴ ᒥᓗᓵᕝᔨᕕᒃ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᕐᓂᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
L.Milosavljevic@iqaluit.ca
867-979-5607
