ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᖃᓗᓐᓂ ᖃᑦᑎᕆᔨᒃᑯᑦ ᐱᓕᕆᔭᖅᑐᖅᑐᑦ ᐃᒡᓗᓕᒻᒥᐅᑕᐃᑦ ᑯᐊᐸᖓᑦ ᐃᑭᓚᐅᖅᑎᓪᓗᒍ
ᔮᓐᓄᐊᕆ 20, 2021, ᐱᖓᓲᔪᖅᑐᑦ ᐃᖃᓗᓐᓂ ᑐᐊᕕᕐᓇᖅᑐᓕᕆᔨᒃᑯᑦ ᐱᔨᑦᓯᕋᖅᑎᖏᑦ ᐃᑲᔪᓚᐅᖅᑐᑦ ᑯᐊᐸᒃᑯᑦ ᐃᑭᓚᐅᖅᑎᓪᓗᒋᑦ ᐃᒡᓗᓕᒻᒥ ᑐᑦᓯᕌᕆᔭᐅᒐᒥᒃ ᓄᓇᕗᒻᒥ ᐊᓪᓚᕝᕕᖏᓐᓂᑦ ᖃᑦᑎᕆᔨᒻᒪᕆᒃᑯᑦ.
ᐱᓕᕆᓚᐅᖅᑐᑦ ᒪᕐᕉᒃ ᐊᖏᔪᖅᑳᖑᖃᑕᐅᔫᒃ, ᐱᖓᓱᑦ ᖃᑦᑎᕆᔩᑦ, ᐊᒻᒪ ᐊᑕᐅᓯᖅ ᐃᑲᔪᖅᑎ ᐊᑭᓕᕐᓱᖅᑕᐅᒐᓂ ᐃᓚᖃᖅᑐᑎᒃ ᐊᑕᐅᓯᕐᒥᒃ ᖃᑦᑎᕆᔨᒻᒪᕆᒃᑯᑦ ᓄᓇᕗᑦ ᐊᓪᓚᕝᕕᖓᓐᓃᖔᕐᓯᒪᔪᒥᑦ ᖃᑕᓲᓚᐅᖅᑐᑦ ᐃᖃᓗᓐᓂᑦ ᐃᒡᓗᓕᒻᒧᑦ ᔮᓐᓄᐊᕆ 20 ᐃᑲᔪᕆᐊᖅᑐᑎᒃ ᐃᒡᓗᓕᒃ ᖃᑦᑎᕆᔨᖏᓐᓂᑦ.
ᐱᓕᕆᔨᐅᔪᑦ ᐱᓕᕆᖃᑎᒌᑦᑎᐊᓚᐅᖅᑐᑦ ᐃᑯᐊᓚᔪᒥᑦ ᖃᒥᑦᑎᒐᓱᑦᑐᑎᒃ ᐊᒻᒪ ᐊᑦᑕᓇᖅᑐᓕᐅᕋᑎᒃ ᖃᒥᑦᑎᓚᐅᖅᑐᑦ ᐋᓐᓂᖅᑐᖃᕋᓂ ᐱᓕᕆᔨᐅᔪᓂᑦ ᐅᕝᕙᓘᓐᓃᑦ ᑭᒃᑯᑐᐃᓐᓇᕐᓂᑦ.
ᐃᖃᓗᓐᓂ ᐱᓕᕆᔨᐅᔪᑦ ᐅᑎᓚᐅᖅᑐᑦ ᔮᓐᓄᐊᕆ 21 ᕿᒪᑦᑐᒋᑦ ᐃᒡᓗᓕᒻᒥ ᖃᑦᑎᕆᔨᖏᑦ ᐱᓕᕆᖃᑎᖃᓕᖅᑎᓪᓗᒋᑦ ᑲᑐᔾᔨᖃᑎᒥᓂᒃ ᖃᓄᖅ ᐱᓕᕆᒋᐊᖃᓕᕐᓂᕐᒥᓂᒃ ᐱᔾᔪᑎᖃᖅᑐᑎᒃ.
ᓄᓇᓕᐸᐅᔭᒃᑯᑦ ᖁᔭᓐᓇᒦᖅᑐᑦ ᐃᖅᑲᓇᐃᔭᖅᑎᓂᑦ ᕿᒪᑦᑕᐅᓯᒪᓚᐅᖅᑐᓂᑦ ᐃᖃᓗᓐᓂ ᑐᐊᕕᕐᓇᖅᑐᓕᕆᓂᕐᒥᑦ ᐱᔨᑦᓯᕋᐅᑎᕗᑦ ᐊᑦᑐᖅᑕᐅᒐᑎᒃ ᐃᑭᓚᐅᖅᑐᓄᑦ ᑲᔪᓯᔭᐅᑦᑎᐊᓚᐅᕐᒪᑕ.
ᑐᑭᓯᒋᐊᕈᒪᔪᑦ ᐆᕕᖓ ᖃᐅᔨᒋᐊᖁᔪᑦ:
ᓖᓴ ᒥᓗᓵᕝᔨᕕᒃ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᕐᓂᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
L.Milosavljevic@iqaluit.ca 8
67-979-5607
