ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐱᕙᓪᓕᐊᔪᓂᑦ ᑐᓴᕋᑦᓴᖅ
ᐃᖃᓗᓐᓂ ᓄᓇᓕᐸᐅᔭᐃᑦ ᑲᑎᒪᔨᖏᑦ ᓇᓗᓇᐃᕐᓯᕗᑦ ᑐᐊᕕᕐᓇᖅᑐᒦᓕᕐᓂᕐᒥᓂᒃ
ᒪᐃ 28, 2020 – ᐃᖃᓗᐃᑦ, ᓄᓇᕗᑦ
ᐃᖃᓗᐃᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ ᓇᓗᓇᐃᕐᓯᓚᐅᖅᑐᑦ ᓄᓇᓕᓐᓂ ᑐᐊᕕᕐᓇᖅᑐᑕᖃᕐᓂᖓᓂᑦ ᐱᔾᔪᑎᒋᓪᓗᒍ ᓄᓇᓕᓐᓂ ᓯᐊᒻᒪᓐᓂᖓ ᑰᕕᑦ-19 ᐱᒋᐊᕐᓗᒍ ᑕᓪᓕᕐᒥᖅ, ᒪᐃ 28, 2021.
ᑐᐊᕕᕐᓇᑐᒃᑯᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ ᑲᑎᒪᓂᖃᖅᑎᓪᓗᒋᑦ ᒪᐃ 27, ᑲᑎᒪᔩᑦ ᑲᔪᓯᑎᑦᑎᓚᐅᖅᑐᑦ ᓇᓗᓇᐃᕐᓯᔾᔪᑎᒥᑦ ᓄᓇᓕᓐᓂ ᑐᐊᕕᕐᓇᖅᑐᑕᖃᕐᓂᖓᓂᑦ. ᑎᒥᐅᔪᒥᑦ ᐊᐅᓚᑦᑎᔨᒻᒪᕆᒃ ᐊᐃᒥ ᐃᐅᓪᒎᕐᔅᒪ ᑎᒃᑯᐊᖅᑕᐅᓚᐅᖅᑐᖅ ᓄᓇᓕᓐᓂ ᑐᐊᕕᕐᓇᖅᑐᓕᕆᓂᕐᒥᑦ ᑐᑭᒧᐊᑦᑎᑦᑎᔨᐅᓂᕐᒧᑦ.
ᓄᓇᓕᓐᓂ ᑐᐊᕕᕐᓇᖅᑐᑕᖃᖅᑎᓪᓗᒍ, ᑐᐊᕕᕐᓇᖅᑐᑕᖃᖅᑎᓪᓗᒍ ᐱᓕᕆᔾᔪᑎᓂᑦ ᒪᓕᒐᖅ ᐱᔪᓐᓇᑎᑦᑎᕙᑦᑐᖅ ᓄᓇᓕᐸᐅᔭᒃᑯᓐᓂᑦ “ᖃᓄᑐᐃᓐᓇᖅ ᖃᓄᐃᓕᐅᖁᓐᓇᖁᓪᓗᒋᑦ ᐊᒻᒪ ᐱᓕᕆᕙᓪᓗᑎᒃ ᓄᓇᓕᓐᓂ ᑎᒥᐅᔪᓄᑦ ᐃᓱᒪᒋᔭᖏᓐᓂᑦ ᐱᓕᕆᐊᖑᒋᐊᖃᕐᓂᖏᓐᓂᑦ”.
ᐃᓚᓕᐅᑎᔪᑦ ᐱᔪᓐᓇᐅᑎᐅᔪᑦ ᐅᑯᓂᖓ ᐊᑐᖅᑎᑦᑎᓂᐊᖅᑐᑦ:
• ᓄᓇᓕᐸᐅᔭᒃᑯᑦ ᐱᔪᓐᓇᐅᑎᖏᑦ ᐃᓚᓂᐊᖅᑐᑦ ᐃᑲᔪᕐᓱᐃᔾᔪᑎᑦᓴᓂᑦ ᒪᓕᑦᑎᑦᑎᓂᕐᒥᑦ ᖃᓄᖅᑑᕈᑎᒍᑦ, ᐊᑐᕆᐊᖃᓕᕋᐃᒍᑎᒃ;
• ᓄᓇᓕᐸᐅᔭᒃᑯᓐᓂᑦ ᐊᓯᖏᓐᓂᑦ ᐱᓕᕆᐊᑦᓴᓕᐅᕈᓐᓇᓕᖅᑐᑎᒃ ᐃᑲᔪᕐᓱᐃᔾᔪᑎᑦᓴᓂᑦ ᐅᓗᕆᐊᓇᖅᑐᒦᓗᐊᕐᓂᖏᓐᓂᑦ ᓄᓇᓕᕐᒥᐅᑕᓂᑦ ᓯᓚᑖᓃᑉᐸᑦᑐᓂᑦ ᐃᑲᔪᕐᓱᐃᔾᔪᑎᐅᕙᑦᑐᑦ ᑭᒃᑯᑐᐃᓐᓇᕐᓂᑦ;
• ᓇᓗᓇᐃᕐᓯᒪᓗᑎᒃ ᐃᒥᖃᑦᑎᐊᕆᐊᖃᕐᓂᖏᓐᓂᑦ ᑭᒃᑯᑐᐃᓐᓇᐃᑦ ᐱᓕᕆᔾᔪᑎᐅᔪᑦ ᐊᑐᐃᓐᓇᐅᑦᑎᐊᕋᓗᐊᕐᒪᖔᑕ ᐃᓄᐃᑦ ᐃᓗᓯᖏᓐᓄᑦ ᐊᑐᖅᑐᑦᓴᐃᑦ ᐊᒻᒪ ᓴᓗᒪᐅᑎᑦᓴᐃᑦ.
ᒪᓕᑦᑐᒋᑦ ᑎᑎᕋᕐᓯᒪᔪᑦ ᒪᓕᒐᕐᒥ, ᐊᑐᖁᔨᔾᔪᑎᐅᔪᖅ ᐊᑐᖅᑕᐅᓂᐊᖅᑐᖅ ᐅᓪᓗᓄᑦ 7 ᐊᓯᐊᒍᑦ ᓯᕗᓂᐊᒍᑦ ᖁᔭᓈᖅᑕᐅᓚᐅᖏᓐᓂᖏᓐᓂ ᐅᕝᕙᓘᓐᓃᑦ ᐅᖓᕝᕙᒋᐊᖅᑕᐅᓗᑎᒃ.
ᓄᓇᓕᐸᐅᔭᒃᑯᑦ ᐱᓕᕆᖃᑎᖃᐃᓐᓇᖅᑐᑦ ᒐᕙᒪᒃᑯᓐᓂᑦ ᓄᓇᕗᒻᒥ. ᐱᒻᒪᕆᐅᕗᖅ ᓄᓇᓕᕐᒥᐅᑕᐃᑦ ᐊᑐᖅᑕᐅᖁᔭᖏᓐᓂᑦ ᐋᖏᔪᖅᑳᖓᑕ ᐋᓐᓂᐊᓇᖕᖏᑦᑐᓕᕆᔨᒃᑯᑦ ᐱᕕᓪᓗᑎᒃ ᒪᓕᒋᐊᖃᕐᓂᖏᓐᓂᑦ ᐃᓘᓯᖏᒍᑦ ᑭᒃᑯᑐᐃᓐᓇᐃᑦ ᖃᓄᐃᑦᑕᐃᓕᒪᐅᑎᑦᓴᖏᓐᓂᑦ ᒪᓕᑦᑕᐅᖁᔭᐅᔪᓂᑦ.
ᑐᓴᕋᑦᓴᐃᑦ ᒥᑦᓵᓄᑦ ᐊᐱᖅᑯᑎᑦᓴᖃᕈᑦᓯ, ᖃᐅᔨᒋᐊᕈᓐᓇᕐᑐᓯ ᐆᒧᖓ:
ᓖᓴ ᒥᓗᓵᕝᔨᕕᒃ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᕐᓂᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
L.Milosavljevic@iqaluit.ca
867-979-5607
