ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᓄᖕᓄᑦ ᑐᓴᕋᑦᓴᖅ
ᐃᖃᓗᓐᓂ ᐳᐃᔾᔪᕋᕐᕕᖃᕐᕕᒃ ᒪᑐᓯᒪᓂᐊᖅᑐᖅ ᐊᕐᕌᒍᑕᒫᓯᐅᑎᒧᑦ ᒪᑭᒪᑎᑦᓯᔾᔪᑎᓕᕆᓂᕐᒥᑦ ᐱᓕᕆᔾᔪᑎᓂᒃ
ᔪᓚᐃ 14, 2025 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᒃᑦ ᐃᖃᓗᓐᓂ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐊᒡᒋᖅᑐᒥᒃ ᐊᕐᕌᒍᑕᒫᕐᓯᐅᑎᒥᒃ ᒪᑐᔭᐅᕙᓐᓂᖏᓐᓄᑦ ᓂᕈᐊᖅᑕᐅᓯᒪᔪᑦ ᐱᖕᖑᐊᖅᑐᓕᕆᔨᒃᑯᑦ ᐱᓕᕆᕝᕕᖏᓐᓂᒃ ᐸᕐᓇᐅᑎᐅᓯᒪᔪᑦ ᒪᑭᒪᑎᑦᓯᔾᔪᑎᐅᔪᑦ ᐊᒻᒪ ᓴᓇᔭᐅᔭᕆᐊᓖᑦ ᐱᔾᔪᑎᐅᓗᑎᒃ.
ᒪᑐᓯᒪᓂᐅᓂᐊᖅᑐᓄᑦ ᓇᓗᓇᐃᔭᐃᑏᑦ:
- ᐱᖕᖑᐊᕐᕕᖓ: ᒪᑐᓯᒪᓂᐊᖅᑐᖅ ᔪᓚᐃ 28-ᒥᒃ ᐋᒐᓯ 3-ᒧᑦ, 2025
- ᐳᐃᔾᔪᕋᕐᕕᒃ: ᒪᑐᓯᒪᓂᐊᖅᑐᖅ ᔪᓚᐃ 28-ᒥᒃ ᐋᒐᓯ 13-ᒧᑦ, 2025
ᐊᕐᕌᒍᑕᒫᖅ, ᒪᑐᔭᐅᔭᕆᐊᖃᖅᐸᒻᒪᑦ ᐳᐃᔾᔪᕋᕐᕕᒃ ᐊᒻᒪ ᐊᑦᑐᐊᔪᑦ ᐱᓕᕆᕝᕕᐅᔪᑦ ᐱᔭᕇᖅᑕᐅᖁᓪᓗᒋᑦ ᒪᑭᒪᑎᑦᓯᔾᔪᑎᐅᔪᑦ ᑭᒃᑯᑐᐃᓐᓇᐃᑦ ᐊᑦᑕᓇᖅᑐᒦᒋᐊᖃᖏᓐᓂᖏᓐᓄᑦ ᐃᓱᒪᒋᔭᐅᓗᑎᒃ ᐊᒻᒪ ᐱᔨᑦᓯᕋᐅᑎᒍᑦ ᓂᕆᐅᒋᔭᐅᕙᑦᑐᑦ ᑲᔪᓯᔭᐅᖁᓪᓗᒋᑦ. ᑕᒪᓐᓇ ᐊᕐᕌᒍᑕᒫᕐᓯᐅᑎ ᒪᑐᓯᑲᐃᓐᓇᕐᓂᐅᕙᑦᑐᖅ ᐃᖅᑲᓇᐃᔭᖅᑎᓂᒃ ᐱᓕᕆᐊᖑᒋᐊᓕᒻᒪᕆᓐᓂᒃ ᐱᓕᕆᐊᖃᕈᓐᓇᕈᑎᐅᕙᒻᒪᑕ ᐅᓪᓗᐃᑦ ᐱᓕᕆᐊᖑᔪᓐᓇᐸᖏᑦᑐᓂᒃ ᑭᒃᑯᑐᐃᓐᓇᐃᑦ ᐊᑐᖅᑎᓪᓗᒋᑦ ᐳᐃᔾᔪᕋᕐᕕᒻᒥᒃ. ᑕᒪᒃᑯᐊ ᖃᓄᖅᑑᕈᑎᐅᕙᑦᑐᑦ ᐃᑲᔫᑎᖃᖅᐸᒻᒪᑕ ᐊᑯᓂᐅᓂᕐᓴᖅ ᐊᑐᖅᑕᐅᔪᓐᓇᖁᓪᓗᒋᑦ ᓄᓇᓕᐸᐅᔭᒃᑯᑦ ᐱᖁᑎᖏᑦ, ᒥᑭᓪᓕᒋᐊᕈᑎᐅᕙᑦᑐᑎᒃ ᓯᕗᓂᑦᑎᓐᓂᒃ ᐱᓕᕆᐊᑦᓴᐃᑦ ᓄᖅᑲᖓᑎᑕᐅᒋᐊᖃᖅᐸᓐᓂᖏᓐᓂᒃ ᐱᔾᔪᑎᒋᓪᓗᒋᑦ ᐊᐅᓚᐅᑎᖃᕐᕕᖏᓐᓂ ᐱᔾᔪᑎᐅᔪᓐᓇᖅᑐᑦ, ᐊᒻᒪ ᓇᓗᓇᐃᕐᓯᔾᔪᑎᐅᕙᑦᑐᑎᒃ ᐊᑦᑕᓇᔾᔭᐃᕐᓯᒪᑦᓯᐊᖅᑐᓂᒃ, ᐱᐅᔪᐊᓗᒻᒥᒃ ᐊᕙᑎᖃᖁᔭᐅᓗᑎᒃ ᐃᓘᓐᓇᑎᒃ ᐃᖅᑲᓇᐃᔭᖅᑎᐅᔪᑦ ᐊᒻᒪ ᐅᐸᑉᐸᑦᑐᑦ ᑕᐃᑯᖓ.
ᓄᓇᓕᐸᐅᔭᒃᑯᑦ ᖁᔭᓕᕙᑦᑐᑦ ᓄᓇᓕᕐᒥᐅᑕᐃᑦ ᑐᑭᓯᑦᓯᐊᐸᓐᓂᖏᓐᓄᑦ ᐊᒻᒪ ᑲᑐᔾᔨᖃᑕᐅᓗᑎᒃ ᐃᑲᔪᖅᐸᓐᓂᖏᓐᓄᑦ ᒪᑭᒪᑎᑦᓯᔾᔪᑎᓂᒃ ᐱᓕᕆᖃᕆᐊᖃᓕᕋᐃᒻᒪᑕ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒍ:
ᔭᕝ ᐴᕐᓐ
ᑐᓴᐅᒪᐅᑎᓕᕆᓂᕐᒥᒃ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | G.Byrne@iqaluit.ca
