ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ –
ᐱᕙᓪᓕᐊᔪᓂᑦ ᑐᓴᕋᑦᓴᑦ
ᐃᖃᓗᐃᑦ ᖃᑦᑎᕆᔨᒃᑯᖏᑦ ᐅᐸᓚᐅᖅᑐᑦ ᐱᖓᓱᓄᑦ ᐃᑭᓚᐅᖅᑐᓄᑦ ᓈᑦᓯᐅᖑᔭᓛᕐᓂᐊᖑᑎᓪᓗᒍ ᔪᓂ 29 ᐊᒻᒪ ᓈᑦᓯᐅᖑᔭᒥ ᔪᓂ 30, 2019
ᔪᓂ 30, 2019 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᖃᑦᑎᕆᔨᒃᑯᖏᑦ ᐅᐸᓚᐅᖅᑐᑦ ᐱᖓᓱᓄᑦ ᑕᕝᕙᓂᑦᓴᐃᓐᓈᖏᑦᑐᓄᑦ ᐃᑭᓚᐅᖅᑐᓄᑦ ᐅᓐᓄᒃ, ᓈᑦᓯᐅᖑᔭᓛᕐᓂᐊᒥ, ᔪᓂ 29 ᐊᒻᒪ ᐅᓪᓗᒥ, ᓈᑦᓯᐅᖑᔭᒥ, ᔪᓂ 30, 2019.
ᖃᑦᑎᕆᔨᒃᑯᑦ ᐅᐸᓚᐅᖅᑐᑦ 9:18-ᖑᖅᑎᓪᓗᒍ ᓯᕿᖕᖑᔭᖅ ᐅᓐᓄᒃᑯᑦ ᐃᑭᑦᑐᖃᕐᒪᑦ ᓯᔾᔭᒥ, ᒪᕐᕉᒃ ᐃᓪᓗᕋᓛᒃ ᐃᑯᐊᓚᓪᓗᐊᖅᑐᑎᒃ ᐊᒻᒪ ᐊᑕᐅᓯᖅ ᐃᓪᓗᕋᓛᖅ ᓴᓂᕌᒍᑦ ᐃᑯᐊᓚᓪᓗᓂ. ᖃᑦᑎᕆᔨᒃᑯᑦ ᐃᑭᑦᑐᒧᑦ ᑎᑭᒃᑲᒥᒃ ᖃᒥᑦᓯᒋᐊᓕᓚᐅᖅᑐᑦ. ᓯᕿᖕᖑᔭᖅ 10:08-ᑎᓪᓗᒍ, ᐃᓘᓐᓇᑎᒃ ᐃᑯᐊᓚᔪᑦ ᖃᑎᑕᐅᓯᒪᓕᓚᐅᖅᑐᑦ ᐊᒻᒪ ᖃᑦᑎᕆᔨᒃᑯᑦ ᐱᔭᕇᖅᑐᑎᒃ 10:55-ᒥ ᐅᓐᓄᒃᑯᑦ. ᐱᖓᓱᑦ ᐃᓪᓗᕋᓛᑦ ᐊᒻᒪ ᓱᓇᒃᑯᑖᕆᔭᑦ ᐊᑐᕋᑦᓴᐅᔪᓐᓃᖅᑐᑦ.
ᑐᓪᓕᐊᓂ ᐃᑭᓚᐅᖅᑐᖅ ᐅᖃᐅᓯᐅᓚᐅᖅᑐᖅ ᐅᓪᓛᒃᑯᑦ 5:26-ᑎᓪᓗᒍ, ᓴᓂᐊᓃᑦᑐᓂ ᐊᑦᓯᕕᒥᓂᐅᑉ ᓂᐊᖁᖕᖒᑎᓂ. ᖃᑦᑎᕆᔨᒃᑯᑦ ᐅᐸᓚᐅᖅᑑᒐᓗᐊᑦ ᑭᓯᐊᓂ ᑎᑭᑦᓯᔪᓐᓇᕐᓂᖏᑦᑐᑦ ᐃᑯᐊᓚᔪᒥᒃ ᐊᖅᑯᑎᖓ ᐊᕝᕕᐊᖅᑕᐅᓂᕐᒪᑦ. 7 ᖃᑦᑎᕆᔩᑦ ᐱᓱᑦᑐᑎᒃ ᐅᐸᓕᕐᓂᓚᐅᖅᑐᑦ ᐃᑭᑦᑐᒥᑦ ᐊᑐᖅᑐᑎᒃ ᑎᒻᒥᑳᔫᓂᒃ ᖃᒥᑦᓯᔾᔪᑎᓂᒃ ᐃᑭᑦᑐᓂᒃ. ᐋᓐᓂᖅᑐᓂᒃ ᐅᖃᐅᓯᖃᖅᑐᖃᕐᓂᖏᑦᑐᖅ.
ᐱᖓᔪᐊᑦ ᐃᑭᑦᑐᒥᓂᖅ ᐅᖃᐅᓯᐅᓚᐅᖅᑐᖅ ᐅᓪᓛᒃᑯᑦ 6:25-ᑎᓪᓗᒍ ᐱᓱᕐᕋᕐᒥ ᓯᓚᑦᑐᓴᕐᕕᐅᑉ ᐅᖓᑖᓂ ᐃᓪᓗᒥ 5324, ᖁᓕᓂᒃ (10) ᓇᔪᒐᖃᕐᕕᐅᔪᖅ. ᖃᑦᑎᕆᔨᒃᑯᑦ ᓯᓚᑖᓂᒃ ᐃᓪᓘᑉ ᖃᒥᑦᓯᑲᐅᖅᑐᖅᑐᒥᓃᑦ. ᓄᓇᓕᕐᓂᒥᐅᑕᒧᑦ ᓴᓕᒎᑎᒥᑦ ᐊᑐᖅᑐᒧᑦ ᐃᑲᔪᖅᑕᐅᔪᕕᓃᑦ ᖃᒥᑦᓯᓇᓱᑦᑎᓪᓗᒋᑦ. ᐃᑯᐊᓚᔪᖅ ᖃᒥᑕᒥᓂᖅ 9:45-ᑎᓪᓗᒍ ᐅᓪᓛᒃᑯᑦ. ᖃᐅᔨᓴᖅᑕᐅᒋᐊᖕᖓᕐᒪᑕ ᓇᓗᓇᕈᓐᓃᖅᑐᒥᓂᖅ ᑎᓴᒪᖏᑦ ᓇᔪᒐᐃᑦ ᐊᑐᕋᑦᓴᐅᔪᓐᓃᕐᒪᑕ ᖁᓕᓂᒃ ᓇᔪᒐᕐᓂᒃ. ᐊᑕᐅᓯᕐᒥᒃ ᐋᓐᓂᖅᑐᒥᒃ ᐱᓗᐊᕋᓂ ᐅᖃᐅᓯᖃᖅᑐᖃᖅᑐᒥᓂᖅ. ᖃᓄᖅ ᐃᑭᒋᐊᕐᓂᕐᒪᖔᖅ ᖃᐅᔨᓴᖅᑕᐅᕙᓪᓕᐊᓕᖅᑐᖅ, ᐊᒻᒪ ᐱᖁᑎᖃᕐᕕᐅᔪᖅ ᐅᐸᑦᑕᐅᒋᐊᖃᖏᑲᐃᓐᓇᖅᑐᖅ ᓇᔪᒐᖃᖅᑎᓄᑦ ᐊᒻᒪ ᑭᒃᑯᑐᐃᓐᓇᕐᓄᑦ ᐅᐸᑦᑕᐅᔪᓐᓇᕐᓯᒍᓂ ᓇᓗᓇᐃᖅᑕᐅᓛᖅᑐᐃᓐᓇᖅᑐᖅ.
“ᓯᑎᒃᑯᑦ ᖃᑦᑎᕆᔨᒃᑯᖏᑦ ᐅᐸᑦᓴᕋᐃᑉᐸᓚᐅᕐᓂᖏᓐᓂᑦ, ᐊᒥᓱᑲᓪᓚᐃᑦ ᐃᑭᓚᐅᖅᑐᑦ ᐱᔭᕐᓂᓕᕇᖅᐸᓚᐅᖅᑐᑦ ᐊᒻᒪ ᖁᕕᐊᑦᑐᑕ ᐋᓐᓂᖅᑐᖃᖅᑐᒻᒪᕆᐅᓚᐅᖏᓐᓂᖓᓂᒃ” ᐅᖃᖅᑐᖅ ᒪᐃᔭ ᕆᐊᑦᕘᕐᓐ.
“ᐊᒻᒪᑦᑕᐅᖅ, ᖁᔭᒋᑦᓯᐊᖅᑕᕗᑦ ᐃᑲᔪᖅᐸᓐᓂᖏᑦ ᓄᓇᑦᑎᓐᓂ ᓇᒻᒥᓂᖃᖅᑎᐅᔪᑦ, ᑲᑐᔾᔨᖃᑎᒌᖑᔪᑦ ᐊᒻᒪ ᓯᑎᒃᑯᑦ ᐃᖅᑲᓇᐃᔭᖅᑎᖏᑦ ᐃᑲᔪᖅᐸᓚᐅᖅᑐᑦ ᐱᖃᓯᐅᑎᓪᓗᒋᑦ ᑕᐅᐊ ᐋᑎᒃᑯᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ, ᐊᓪᓚᕝᕕᖓᑦ ᖃᑦᑎᕆᔨᒻᒪᕆᒃᑯᑦ, ᓯᑎᒃᑯᑦ ᓴᓇᔪᓕᕆᓂᕐᒥᑦ ᐊᒻᒪ ᓄᓇᓕᓐᓂ ᒪᓕᒐᕋᓛᓕᕆᔨᐅᔪᑦ ᐊᒻᒪ ᓂᕿᓂᒃ ᑎᑭᓴᐃᕕᐅᔪᑦ ᓯᓈᑦ (Snack) ᑳᐱᑐᖅᑎᑦᑎᓚᐅᖅᑐᑦ ᐊᒻᒪ ᓂᕆᑎᑦᑎᓪᓗᑎᒃ ᖃᑦᑎᕆᔨᓂᑦ.”
ᑐᑭᓯᒋᐊᒃᑲᓐᓂᕐᕕᑦᓴᖅ, ᖃᐅᔨᒋᐊᕐᓗᒋᑦ ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᑦ.
ᐱᕙᓪᓕᐊᔪᓕᕆᓂᖅ ᑐᓴᕋᑦᓴᓂᒃ
R.HOQUE@CITY.IQALUIT.NU.CA/ 867-979-5600