ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑐᓴᒐᔅᓴᐃᑦ ᓴᖅᑭᑎᑕᐅᔪᑦ
ᐃᖃᓗᐃᑦ ᓄᓇᓕᐸᐅᔭᖓᑕ ᑲᑎᒪᔨᖏᑦ ᐅᖃᒃᑲᓐᓂᒻᒪᑕ ᒐᕙᒪᒃᑯᑦ ᐱᓕᕆᒋᐋᖁᔭᐅᓂᖏᓐᓂᒃ ᐃᓅᖃᑎᒋᓂ ᐋᖓᔮᑦᑐᖃᓂᖓᓂᒃ
ᐅᑦᑑᐱᕆ 10, 2025 – ᐃᖃᓗᐃᑦ, ᓄᓇᕗᑦ
ᐱᓕᕆᔪᖃᓚᐅᑦᑎᓪᓗᒍ ᒫᓐᓇᕋᑖᖑᓚᐅᑦᑐᖅ ᐅᖃᖃᑎᒌᓂᐅᓚᐅᑦᑐᓂ ᑲᑎᒪᔨᒃᑯᑦ ᑲᑎᒪᑎᓪᓗᒋᑦ, ᐃᖃᓗᐃᑦ ᓄᓇᓕᐸᐅᔭᖓᑕ ᑲᑎᒪᔨᖏᑦ ᐅᖃᒃᑲᓂᒻᒪᑕ ᐱᓕᕆᖁᔨᓪᓗᑎᒃ ᓄᓇᕗᑦ ᒐᕙᒪᒃᑯᓐᓂᒃ ᒫᓐᓇᑕᐅᑎᒋ ᐊᒻᒪᓗ ᐱᓕᕆᒋᐋᓪᓚᕆᖁᓪᓗᒋᑦ ᐱᓕᕆᐊᕆᔭᐅᓗᓂ ᐃᓄᓕᒫᓂ ᐋᖓᔮᖅᑐᖃᑦᑎᓪᓗᒍ ᓄᓇᓕᐸᐅᔭᒻᒥ. ᑖᓐᓇ ᒪᓕᒻᒪᑦ ᑲᑎᒪᔨᒃᑯᑦ ᐱᓕᕆᐊᕆᔭᐅᖁᒋᐊᕐᖓᒪᐅᑕᖓᓂᒃ ᐊᑲᐅᙱᓕᐅᕈᑎᒥᒃ ᒪᐃ 2024−ᒥ.
ᓱᒻᒪᑦ ᑖᓐᓇ ᐃᑉᐱᒋᔭᐅᒋᐋᖃᒻᒪᖔᑦ
ᐃᓄᖃᑎᒋᓂ ᐋᖓᔮᑦᑐᖃᑎᓪᓗᒍ ᑲᔪᓯᒻᒪᑦ ᐊᑦᑐᐃᓂᖓ ᓄᓇᓕᒻᒥ ᐊᑦᑕᓇᑦᑕᐃᓕᒪᓂᒻᒥᒃ, ᖃᓄᐃᖏᑦᑎᐊᓂᒻᒥᒃ, ᐊᒻᒪᓗ ᐃᓅᖃᑎᒌᓄᑦ ᓇᔪᑦᑕᐅᓲᓂᒃ. ᑲᑎᒪᔨᒃᑯᑦ ᐱᓕᕆᖁᔨᒋᐋᓪᓚᒃᑲᓐᓂᒻᒪᑕ ᒪᓕᒐᓕᕆᔨᒃᑯᓐᓂᒃ ᐱᔭᐅᑎᑦᑎᖁᓪᓗᒋᑦ ᑐᑭᓯᓇᑦᑎᐋᑦᑐᓂᒃ ᐱᓕᕆᖁᔨᒍᑎᓂᒃ ᐸᓖᓯᒃᑯᓐᓂᒃ ᐅᐸᒍᑎᑎᓪᓗᒋᑦ ᐃᓅᖃᑎᒌᓂ ᐋᖓᔮᑦᑐᖃᑦᑎᓪᓗᒍ. ᐸᓖᓯᒃᑯᑦ ᑲᔪᓯᒻᒪᑕ ᐊᔅᓱᕈᓪᓗᑎᒃ ᐃᖅᑲᓇᐃᔭᖃᑦᑕᓂᖏᓐᓂᒃ ᐊᒻᒪᓗ ᐱᓕᕆᑦᑎᐊᕋᓱᐋᖃᑦᑕᓪᓗᑎᒃ ᐱᓕᕆᒍᑎᒋᒍᓐᓇᑦᑕᖏᓐᓂᒃ, ᐃᓚᒃᑲᓂᖏᓐᓂᒃ ᐃᑲᔪᑦᑕᐅᒍᑎᓂᒃ ᐊᒻᒪᓗ ᓄᓇᓕᖃᕕᐅᔪᒥ ᒪᓕᑦᑕᐅᑎᑦᑎᒍᑏᑦ ᐱᔭᐅᒋᐋᖃᕋᓗᐋᒻᒪᑕ ᐊᑑᑎᖃᑦᑎᐋᕈᓐᓇᖁᓪᓗᒋᑦ ᐊᒻᒪᓗ ᐊᓯᕈᑦᑕᖏᓪᓗᑎᒃ ᐱᓕᕆᒋᐋᕈᑎᒋᔭᐅᖃᑦᑕᖁᓪᓗᒋᑦ. ᐊᐅᓚᑕᐅᓗᑎᒃ ᐱᓕᕆᒋᐋᓐᓂᑦ ᐅᖓᑖᓂᑦᑐᓂᒃ ᓄᓇᓕᓕᕆᔨᒃᑯᑦ ᐱᓕᕆᒍᓐᓇᓂᖏᑕ ᑐᑭᖃᑦᑎᐋᑦᑐᓂᒃ ᐱᕙᓪᓕᐋᑦᑎᐋᕆᐊᖃᑦᑎᑕᐅᒻᒪᑕ.
ᐱᓕᕆᐊᕆᔭᐅᔪᑦ ᐊᒻᒪᓗ ᑲᒪᒋᔭᐅᔪᑦ
ᓄᓇᓕᐸᐅᔭᐃᑦ ᐃᖃᓗᐃᑦ
ᑲᒪᒋᔭᖃᑦᑐᖅ ᒪᓕᒐᕋᓛᓂᒃ ᐊᒻᒪᓗ ᓄᓇᓕᒻᒥ ᐃᓄᓕᒫᓄᑦ ᐊᑦᑕᓇᑦᑕᐅᓕᒪᑎᑦᑎᒻᒥᒃ ᐱᓕᕆᒋᐊᕈᑎᓂᒃ ᐃᓗᐊᓂ ᓄᓇᓕᐸᐅᔭᒃᑯᑦ ᑭᒡᓕᖃᕕᖏᑖ, ᑐᑭᓕᐅᑎᓗᒍ ᒪᓕᑦᑕᐅᒋᐋᓕᑦ ᐃᓄᓕᒫᓄᑦ ᐃᓂᒋᔭᐅᒍᓐᓇᑦᑐᓄᑦ, ᖃᓄᐃᓘᑦᑎᑦᑎᓂᐅᔪᓄᑦ, ᐊᒻᒪᓗ ᐸᒡᕕᓇᑐᓄᑦ. ᓄᓇᓕᐸᐅᔭᒃᑯᑦ ᐊᐅᓚᑦᑎᒍᓐᓇᖏᒻᒪᑕ ᐸᓖᓯᒃᑯᑦ ᐱᓕᕆᐋᕆᔭᖏᓐᓂᒃ ᐊᒻᒪᓗ ᐊᐅᓚᑦᑎᒐᑎᒃ ᓄᓇᓕᖃᕕᐅᔫᑉ ᐃᒥᐋᓗᓕᕆᓂᕐᒧᑦ ᐱᖁᔭᖏᓐᓂᒃ ᐅᕝᕙᓘᓐᓃᑦ ᐱᒍᓐᓇᐅᑎᓕᐅᓯᒍᑎᖏᓐᓂᒃ.
ᓄᓇᕗᒻᒥ ᒐᕙᒪᒃᑯᑦ
ᖃᐅᔨᒪᒋᐋᔅᓯᓲᖑᓪᓗᑎᒃ ᐃᒥᐊᓗᓕᕆᓂᕐᒧᑦ ᒪᓕᒐᒻᒥᒃ ᐊᒻᒪᓗ ᑕᒪᒃᑯᓄᙵᖓᔪᓂᒃ ᒪᓕᑦᑕᐅᖁᔭᐅᔪᓂᒃ, ᓄᓇᓕᖃᕕᐅᔪᒧᑦ ᐊᑐᐊᒐᒻᒥᒃ, ᐊᒻᒪᓗ ᐊᔪᕆᔅᓯᐅᔨᒍᑎᓂᒃ ᒪᓕᑦᑕᐅᑎᑦᑎᓂᒻᒧᑦ ᐱᓕᕆᖃᑎᒋᔭᖏᓐᓄᑦ. ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔮᓕᑦᑎᑕᐅᒻᒪᑕ ᐋᖅᑭᔅᓯᖁᔭᐅᓪᓗᑎᒃ ᖃᓄᐃᓘᖁᔨᒍᑎᓂᒃ ᐊᓯᔾᔨᑦᑕᖏᓪᓗᑎᒃ ᐅᐸᒍᑎᖃᑦᑕᖁᓪᓗᒋᑦ ᐃᓅᖃᑎᒌᓂ ᐋᖓᔮᑦᑐᖃᑦᑎᓪᓗᒍ ᐊᒻᒪᓗ ᐱᓕᕆᒋᐊᕈᑎᔅᓴᓂᒃ ᐊᒻᒪᓗ ᐃᓅᖃᑎᒋᓂᒃ ᐃᑲᔪᕈᑎᓂᒃ, ᑐᑭᓕᐅᑎᓗᒍ ᐋᖓᔮᕈᓐᓃᔅᓯᕕᒻᒥᒃ ᓇᓖᕋᕕᔅᓴᓂᒃ.
ᐸᓖᓯᒃᑯᑦ
ᒪᓕᑦᑕᐅᑎᑦᑎᓗᓂ ᓄᓇᓕᖃᕕᐅᔪᒧᑦ ᒪᓕᒐᓕᐋᕆᔭᐅᓯᒪᔪᓂᒃ, ᐃᓚᒋᔭᐅᓗᑎᒃ ᐃᒥᐊᓗᓕᕆᓂᒻᒧᑦ ᒪᓕᒐᖅ, ᐊᒻᒪᓗ ᐱᕋᔭᒃᑐᓕᕆᓂᕐᒧᑦ ᖃᐅᔨᒪᔾᔪᑎ. ᐸᓖᓯᒃᑯᑦ ᑲᔪᓯᒻᒪᑕ ᐅᐸᒍᑎᖃᑦᑕᓂᖏᓐᓂᒃ ᖃᓄᐃᓕᔪᖃᑦᑎᓪᓗᒍ ᐃᓅᖃᑎᒋᓂ ᐋᖓᔮᒃᑐᖃᑦᑎᓪᓗᒍ ᐱᓕᕆᑦᑎᐋᕈᓐᓇᓂᓕᒫᒥᒍᑦ ᐃᓗᐋᓂ ᐱᓕᕆᖁᔨᔾᔪᑎᖏᑕ. ᑲᑎᒪᔨᒃᑯᑦ ᐊᔪᖏᑦᑐᐋᓗᓂᕋᐃᕗᑦ ᐸᓖᓯᒃᑯᑦ ᐊᐅᓚᑦᑎᔨ ᐃᖅᑲᓇᐃᔭᑦᑎᓚᕆᐅᓂᖏᓐᓂᒃ ᐊᒻᒪᓗ ᐱᓕᕆᒍᒪᑦᑎᐊᓂᖏᓂᒃ ᐃᖅᑲᓇᐃᔭᑦᑎᓪᓗᒋᑦ ᐅᐸᔅᓯᒋᐊᖃᖃᑦᑕᓂᖏᓄᑦ ᑕᒪᒃᑯᓂᖓ ᐊᑲᐅᙱᓕᐅᕈᑎᒋᔭᐅᔪᓂᒃ ᖃᐅᑕᒫᑦ. ᑲᔪᓯᓪᓚᕆᖁᓪᓗᒍ ᑕᒪᓐᓇ ᐱᓕᕆᐋᕆᔭᐅᑎᐋᓐᓂᖓ, ᐃᓚᒃᑲᓂᖏᑦ ᐱᓕᕆᒋᐋᕈᑎᔅᓴᐃᑦ ᐊᒻᒪᓗ ᑐᑭᓯᓇᑦᑎᐊᓪᓗᑎᒃ ᓄᓇᓕᖃᕕᐅᔪᒥ ᐊᔪᕆᔅᓯᐅᔾᔨᓯᒪᔪᑦᑕᖃᕆᐊᖃᓪᓚᕆᒻᒪᑦ.
ᖃᓄᐃᓘᖁᔨᒻᒪᑖ ᑲᑎᒪᔨᒃᑰᑦ ᓄᓇᕗᑦ ᒐᕙᒪᒃᑯᓐᓃᒃ?
1. ᑎᑎᕋᓪᓗᓂ ᑎᑎᕋᔅᓯᒪᔪᒥᒃ ᐱᓕᕆᒍᑎᒥᒃ ᐊᔪᕆᔅᓯᐅᔨᓯᒪᔪᒥᒃ ᐸᓖᓯᒃᑯᓐᓂᕐ ᐅᐸᒍᑎᔪᖃᑦᑎᓪᓗᒍ ᐃᓅᖃᑎᒋᓂ ᐋᖓᔮᑦᑐᑦᑕᓕᒻᒧᑦ ᐃᖃᓗᓐᓂ ᐃᒥᐋᓗᓕᕆᔨᒃᑯᑦ ᒪᓕᒐᖓᒍᑦ, ᐃᓚᒋᔭᐅᓗᓂ ᑐᑭᓯᓇᑦᑎᐋᓪᓗᓂ ᐱᓕᕆᐋᕆᔭᐅᖔᕈᓐᓇᑦᑐᑦ ᒪᓕᑦᑕᐅᑎᑦᑎᓂᒻᒧᑦ ᐊᒻᒪᓗ ᐊᓯᐊᒎᖓᓕᕈᓐᓂᖓᓂᒃ ᐋᓐᓂᐊᖃᖏᓐᓂᒻᒧᑦ ᐊᒻᒪᓗ ᐃᓅᖃᑎᒋᓂᒃ ᐃᑲᔪᓂᐅᔪᓄᑦ.
2. ᐱᒋᐋᑦᑎᑦᑎᓗᓂ ᐊᑐᐊᒐᒻᒥᒃ ᐅᕝᕙᓘᓐᓃᑦ ᒪᓕᑦᑕᐅᒋᐋᓕᒻᒥᒃ ᓄᑖᕈᕆᐊᔅᓯᓗᓂ, ᑕᐃᒫᖑᒋᐋᖃᑐᐊᑉᐸᑕ, ᓴᙱᓂᔅᓴᐅᓕᑦᑎᑕᐅᖁᓪᓗᒋᑦ ᐱᑦᑎᐋᑦᑕᐅᑎᑦᑎᓂᖅ ᐊᒻᒪᓗ ᐊᑦᑕᓇᑦᑐᖃᖏᓪᓗᓂ ᐱᓕᕆᒋᐊᓂᐅᔪᑦ, ᑐᑭᓕᐅᑎᓗᒍ ᐊᖅᑯᑎᒋᔭᐅᓱᑦ ᐊᖓᔮᕈᓃᔅᓯᕕᐅᓲᓄᑦ ᐅᕝᕙᓘᓐᓃᑦ ᐊᓯᖏᓐᓄᑦ ᐃᖃᔪᑦᑕᐅᕕᐅᓲᓄᑦ.
3. ᑲᑎᖃᑎᒌᑦᑎᑦᑎᓗᓂ ᐊᐅᓚᑕᐅᓗᓂ ᐱᓕᕆᒋᐋᓂᒧᑦ ᐱᓕᕆᒍᑎᒥᒃ ᐱᖃᓯᐅᔾᔨᔪᒥᒃ ᓄᓇᕗᑦ ᒐᕙᒪᒃᑯᑦ ᒪᓕᒐᓕᕆᔨᒃᑯᖏᓐᓂᒃ ᐊᒻᒪᓗ ᑮᓇᐅᔭᓕᕆᔨᒃᑯᓐᓂᒃ, ᐸᓖᓯᒃᑯᓐᓂᒃ, ᓄᓇᓕᐸᐅᔭᒃᑯᓐᓂᒃ, ᐊᒻᒪᓗ ᐱᔨᑦᓯᕈᑎᓂᒃ ᐱᔭᐅᑎᑦᑎᕙᑦᑐᓂᒃ, ᐱᔭᕇᕝᕕᔅᓴᖃᑦᑎᑕᐅᓗᑎᒃ ᐊᒻᒪᓗ ᐃᓅᖃᑎᒋᓂ ᐱᕙᓪᓕᐋᑦᑎᐊᓂᖅ ᓄᑖᕈᕆᐊᒃᑕᐅᒍᑎᖏᓐᓂᒃ.
4. ᑐᑭᓕᐅᑎᓗᒍ ᐅᓯᔭᐅᒍᑎ ᐊᒻᒪᓗ ᐱᒍᓐᓇᓂᖅ ᐊᖓᔮᕈᓐᓃᔅᓯᕕᔅᓴᒥᒃ ᐅᕝᕙᓘᓐᓃᑦ ᓱᕐᕋᓇᑦᑐᖃᕈᓐᓃᕋᓱᐊᓂᒻᒧᑦ ᓇᓖᕋᕕᓴᓂᒃ, ᐊᒻᒪᓗ ᐃᑲᔪᑕᐅᒍᒪᔪᓄᑦ ᐃᑲᔪᑕᐅᕕᐅᒍᓐᓇᑦᑐᓂᒃ.
ᓄᓇᓕᒥᐅᑕᐅᔪᑦ ᐃᑲᔪᕈᓐᓇᓂᖏᑦ
ᓄᓇᓕᒥᐅᑕᐅᔪᑦ ᐃᑲᔪᕈᓐᓇᒻᒪᑕ ᓄᓇᓕᐅᑉ ᐊᑦᑕᓐᓇᑐᒦᖏᓂᖓᓂᒃ ᐅᖃᐅᓯᖃᑦᑕᐅᑎᒋᖃᑦᑕᓪᓗᑎᒃ ᑕᕝᕙᑦᑕᐅᑎᒋ ᐊᑦᑕᓇᑦᑐᒦᓂᒻᒥᒃ ᐃᓱᒫᓗᑎᒋᔭᐅᔪᖃᑦᑎᓪᓗᒍ ᐸᓖᓯᒃᑯᓐᓄᑦ ᐊᒻᒪᓗ ᑐᓴᑦᑕᐅᑎᑦᑎᓗᓂ ᑐᓴᐅᒪᔾᔪᑎᔅᓴᓂᒃ ᑕᒪᒃᑯᓂᖓ ᐱᔭᐅᒍᓐᓇᑦᑎᑕᐅᔪᓂᒃ ᓄᓇᓕᒻᒥ ᐃᑲᔪᑦᑕᐅᒍᑎᓂᒃ. ᐃᓄᓕᒫᓂᒃ ᑭᐅᒍᑎᖃᑦᑐᖃᑦᑎᓪᓗᒍ ᐃᑲᔪᓲᖑᒻᒪᑕ ᖃᐅᔨᒪᑎᑦᑎᒍᑎᒋᔭᐅᓪᓗᑎᒃ ᐱᔨᔅᓯᕈᓂᑦ ᐊᐅᓚᑕᐅᓂᖏᓐᓂ ᐊᒻᒪᓗ ᐊᑐᐊᒐᒥᒃ ᐋᖅᑭᔅᓯᔪᖃᕋᓱᐋᑦᑎᓪᓗᒍ.
ᑲᑎᒪᔨᒃᑯᑦ ᐃᓕᓇᔅᓯᒪᑕ ᐱᒻᒪᕆᐅᓂᖏᓐᓂᒃ ᐃᖅᑲᓇᐃᔭᖏᑦ ᐸᓖᓯᒃᑯᓂ ᐃᓚᒋᔭᐅᔪᓂᒃ ᐱᓕᕆᓕᕇᑦᑐᓂᒃ ᐊᒻᒪᓗ ᖃᐅᑕᒫᑦ ᐱᓕᕆᒐᓱᒋᐋᖃᓂᕆᕙᒃᑕᖏᓐᓂᒃ ᐱᓕᕆᒋᐋᑦᑐᑦᑎᓪᓗᒋᑦ ᖃᓄᐃᓕᓂᕆᔭᐅᔪᓄᑦ ᐃᓅᖃᑎᒌᓂ ᐊᖓᔮᑦᑐᖃᑦᑎᓪᓗᒍ. ᓴᙱᓂᔅᓴᐅᓕᑦᑎᑕᐅᓗᓂ ᐱᓕᕆᒋᐋᕈᓐᓇᓂᖅ ᑖᔅᓱᒥᖓ ᐊᑲᐅᙱᓕᐅᕈᑎᒥᒃ ᑐᑭᓯᓇᑦᑎᐋᑦᑐᒥᒃ ᐊᑐᐊᒐᒻᒥᒃ ᐱᓕᕆᖁᔨᒍᑎᖃᕆᐋᖃᒻᒪᑦ ᐊᒻᒪᓗ ᓈᒻᒪᒃᑐᓂᒃ ᐱᓕᕆᒍᑎᔅᓴᖃᓪᓗᓂ ᓄᓇᕗᑦ ᒐᕙᒪᒃᑯᓐᓃᙵᑦᑐᓂᒃ.
ᐃᖃᓗᐃᑦ ᓄᓇᓕᐸᐅᔭᖓᑕ ᑲᑎᒪᔨᖏᑦ ᐊᓯᕈᔅᓯᒪᖏᒻᒪᑕ ᐱᓕᕆᒍᒪᓂᒻᒥᓐᓂᒃ ᐃᖅᑲᓇᐃᔭᖃᑎᖃᓐᓂᒻᒥᒃ ᓄᓇᕗᑦ ᒐᕙᒪᒃᑯᓂᒃ, ᐸᓖᓯᒃᑯᓐᓂᒃ, ᐋᓂᐊᖃᓇᖏᑦᑐᓕᕆᔨᒃᑯᓐᓂᒃ ᐃᓄᓕᕆᔨᒃᑯᓐᓂᓪᓗ, ᐊᒻᒪᓗ ᓄᓇᓕᒻᒥ ᐃᖅᑲᓇᐃᔭᕕᓐᓂᒃ ᐊᑐᓕᑦᑎᑕᐅᖁᓪᓗᒍ ᐊᐅᓚᑕᐅᓗᓂ, ᐱᓕᕆᓪᓚᕆᓪᓗᓂ, ᐊᒻᒪᓗ ᓇᓪᓕᒍᓱᓪᓗᓂ ᐱᓕᕆᒋᐋᓐᓂᐅᔪᓂᒃ. ᑭᖑᓂᖓᒍᑦ ᓄᓇᓕᖃᕕᐅᔪᒥ ᓂᕈᐋᑦᑐᖃᓚᐅᑦᑎᓪᓗᒍ, ᑲᑎᒪᔨᒃᑯᑦ ᑐᔪᐃᓂᐋᒻᒥᔪᑦ ᐃᓕᓴᐱᔭᐅᓯᒪᔪᒃᑯᑦ ᑎᑎᖃᓂᒃ ᒥᓂᔅᑕᒋᔭᐅᖃᑦᑕᓂᐋᑦᑐᓄᑦ ᑮᓇᐅᔭᓕᕆᔨᒃᑯᓐᓂ ᐊᒻᒪᓗ ᒪᓕᒐᓕᕆᔨᒃᑯᓐᓂ ᐃᖅᑲᓇᐃᔭᖃᑎᖃᕈᒪᓗᑎᒃ ᑖᔅᓱᒥᖓ ᐱᓕᕆᐊᕆᔭᐅᔪᒥᒃ ᐊᒻᒪᓗ ᐱᕙᓪᓕᐋᓂᖃᑦᑎᐋᖁᓪᓗᑕ ᑕᒪᒃᑯᓇᓂ.
##
ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:
ᔩᐅᑉ ᕙᕐᓂ
ᐊᖏᔪᖅᑳᖅ ᑐᓴᐅᒪᔪᓕᕆᔨᒃᑯᓐᓄᑦ ᐊᒻᒪ ᐊᑭᓕᕐᓱᐃᔨᓄᑦ ᐱᔨᖅᑎᕋᐅᑎ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619
G.Byrne@iqaluit.ca
