ᐃᓱᒪᒋᔭᐅᓗᓂ ᔨᒥ ᕿᓚᑉᐸᖅ ᖁᕕᐊᓱᓪᓗᑎᒃ ᐅᓪᓚᓐᓂᖅ/ᐱᓱᓐᓂᖅ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᓱᒪᒋᔭᐅᓗᓂ ᔨᒥ ᕿᓚᑉᐸᖅ ᖁᕕᐊᓱᓪᓗᑎᒃ ᐅᓪᓚᓐᓂᖅ/ᐱᓱᓐᓂᖅ
ᔪᓂ 13, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᐅᐱᒍᓱᑦᓯᐊᖅᑐᑎᒃ ᑐᖕᖓᓱᑦᑎᑦᓯᔨᐅᓂᐊᓕᕐᒥᔪᑦ ᐊᕐᕌᒍᑕᒫᕐᓯᐅᑎᒥᒃ ᐃᓱᒪᒋᓪᓗᒍ ᔨᒥ ᕿᓚᑉᐸᖅ ᖁᕕᐊᓱᓪᓗᑎᒃ ᐅᓪᓚᓐᓂᐅᓛᓕᕐᒥᔪᒥᑦ/ᐱᓱᓐᓂᐅᓛᓕᕐᒥᔪᒥᒃ ᓈᑦᓯᐅᖑᔭᓛᕐᓂᐊᖅ, ᔪᓂ 21, 2025, ᐱᒋᐊᕐᓗᑎᒃ ᐅᓪᓛᒃᑯᑦ 10-ᒥ 12-ᒧᓄᑦ ᐅᓪᓗᒃᑯᑦ, ᐱᒋᐊᕐᓗᑎᒃ ᐅᑭᐅᒃᑯᑦ ᐱᖕᖑᐊᕐᕕᐊᓗᒻᒥᒃ (2804 ᓂᐊᖁᖕᖒᓯᐊᕆᐊᖅ ᐊᑐᕆᐊᖅ).

ᐱᖃᑕᐅᓛᕈᒪᔪᑦ ᑭᒃᑯᑐᐃᓐᓇᑦᓯᐊᑦ ᑐᖕᖓᓱᑦᑐᑦ ᖃᓄᑐᐃᓐᓇᑦᓯᐊᖅ ᐊᕐᕌᒍᓖᑦ ᓂᕈᐊᕈᓐᓇᓛᕐᒥᔪᑦ ᖃᓄᑎᒋ ᐅᖓᓯᓐᓂᓕᒻᒥᒃ ᐅᓪᓚᒍᒪᓛᕐᒪᖔᑕ/ᐱᓱᒍᒪᓛᕐᒪᖔᑕ:

   5 ᑭᓛᒥᑕᓂᒃ
   3 ᑭᓛᒥᑕᓂᒃ
   ᓱᕈᓰᑦ 1 ᒪᐃᓕᒥᒃ

ᐊᑎᓕᐅᕈᑎᐅᔪᑦ ᐃᒪᓐᓇᕌᖅᑐᑦ $25, ᐊᑭᓕᐅᑎᒥᓂᐅᔪᑦ ᑐᓂᕐᕈᑎᐅᓛᕐᒥᔪᑦ ᐃᓱᒪᒋᓪᓗᒍ ᔨᒥ ᕿᓚᑉᐸᖅ ᓱᕈᓯᕐᓄᑦ ᑭᐱᖕᖑᐃᔭᐅᑎᑦᓴᓄᑦ ᑮᓇᐅᔭᓄᑦ. ᐅᑯᐊ ᑮᓇᐅᔭᐃᑦ ᐃᑲᔫᑎᐅᕙᑦᑐᑦ ᓱᕈᓯᕐᓂᒃ ᐊᒻᒪ ᐃᓚᒌᓂᒃ ᐃᓄᓕᕆᔨᑉᐸᑦᑐᓂᒃ/ᓱᒃᑯᐊᕿᕙᑦᑐᓂᒃ ᐱᓕᕆᐊᑦᓴᓄᑦ ᐱᖃᑕᐅᒍᓐᓇᖁᔭᐅᓗᑎᒃ ᐳᐃᔾᔪᕋᕐᕕᖃᕐᕕᒻᒥ ᖃᓄᐃᓕᐅᕈᑎᐅᕙᑦᑐᓄᑦ, ᐱᖃᓯᐅᔾᔭᐅᓗᑎᒃ ᐳᐃᔾᔪᕋᕐᕕᒻᒧᑦ ᐃᓯᕈᑎᑖᖅᑎᑕᐅᕙᑦᑐᑦ, ᐳᐃᔾᔪᕋᕆᐊᕐᓴᐅᑎᓄᑦ ᐱᖃᑕᐅᒍᓐᓇᐸᑦᑐᑦ, ᐳᐃᔾᔪᕋᕐᕕᓐᓂ ᓯᕗᓕᖅᑎᐅᓇᓱᐊᕐᓂᕐᒧᑦ ᐱᓕᕆᐊᑦᓴᓄᑦ ᐱᖃᑕᐅᒍᓐᓇᐸᑦᑐᑦ, ᐊᒻᒪ ᐊᓯᕈᓘᔭᖏᓐᓄᑦ.

ᖃᓄᖅ ᐊᑎᓕᐅᕈᓐᓇᖅᑭᓯ:

   ᐅᓇ QR ᓇᓗᓇᐃᔭᐃᑎ ᐅᖄᓚᐅᑎᕋᓛᑦᓯᓐᓄᑦ ᓂᐱᑎᓪᓗᒍ ᖃᓄᐃᓕᐅᕈᑎᒥᑦ ᓇᓗᓇᐃᔭᐃᑎᓃᑦᑐᖅ ᐊᑭᓐᓇᕐᓃᑎᑕᐅᔪᓃᑦᑐᑦ
   ᐊᑎᓕᐅᕐᓗᓯ ᐳᐃᔾᔪᕋᕐᕕᖃᕐᕕᒻᒨᕐᓗᓯ ᐱᔨᑦᓯᕋᖅᑎᖏᑕ ᐱᓕᕆᕝᕕᖓᓐᓅᕐᓗᓯ

ᐱᖃᑕᐅᒍᒪᓂᐊᖅᑐᑦ ᐊᑎᓕᐅᕇᖁᔭᐅᔫᒐᓗᐊᑦ ᑕᐃᑲᓂ ᐅᓪᓗᖓᓂ ᖃᓄᐃᓕᐅᕐᕕᐅᓛᖅᑐᒥ ᑲᔪᓯᑦᓯᐊᖁᓪᓗᒋᑦ ᐱᖃᑕᐅᓛᖅᑐᓂᒃ ᖃᐅᔨᓴᓛᖅᑐᑦ.

ᖃᐅᔨᒪᒋᐊᓕᐅᔪᑦ ᖃᓄᐃᓕᐅᕐᕕᐅᓛᖅᑐᒥ ᐅᓪᓗᖓᓂ:

   ᐃᒥᕆᓛᖅᑕᓯᓐᓂᒃ ᓇᖕᒥᓂᖅ ᓇᑦᓴᓛᖅᑯᓯ ᐊᒻᒪ ᐊᓐᓄᕌᕐᓯᐊᕐᓯᒪᓗᓯ ᐊᓃᖅᑐᖅᓯᐅᑎᓂᒃ ᓯᓚᐅᑉ ᖃᓄᐃᓐᓂᖓ ᒪᓕᓪᓗᒍ
   ᐱᐊᕋᒃᑯᕖᑦ ᐊᔭᐅᕆᐊᓖᑦ ᑐᖕᖓᓱᑦᓯᐊᓛᕐᒥᔪᑦ ᐊᑐᖅᑕᐅᓂᐊᕈᑎᒃ ᐱᐊᕋᓕᓐᓄᑦ
   ᐊᐱᖅᑯᑎᖃᕈᑦᓯ ᐅᐸᒍᓐᓇᓂᕐᒥᒃ ᐅᕝᕙᓘᓐᓃᑦ ᐱᖃᑕᐅᒍᓐᓇᓂᕐᒥᒃ ᖃᓄᐃᓕᐅᕈᑎᒧᑦ, ᖃᐅᔨᒋᐊᕐᓯᐅᒃ ᐱᔨᑦᓯᕋᖅᑎᐅᔪᑦ

ᐅᕙᑦᑎᓐᓄᑦ ᐱᖃᑕᐅᒋᐊᖅᑐᓛᖅᑯᓯ ᑐᑭᖃᑦᓯᐊᖅᑐᒥᒃ ᐱᔾᔪᑎᐅᔪᒥᒃ ᐊᒻᒪ ᖁᕕᐊᓱᒋᐊᖅᑐᖃᑕᐅᓛᕐᓗᓯ ᖁᕕᐊᓇᖅᑐᒥᒃ, ᐃᓚᒌᓄᑦ ᐊᑐᖅᑕᐅᒍᓐᓇᖅᑐᒥᒃ ᖃᓄᐃᓕᐅᕈᑎᒧᑦ.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒍ:

ᔭᕝ ᐴᕐᓐ

ᑐᓴᐅᒪᐅᑎᓕᕆᓂᕐᒥᒃ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ

ᓄᓇᓕᐸᐅᔭᐃᑦ ᐃᖃᓗᐃᑦ

867-979-5619 | G.Byrne@iqaluit.ca