ᐃᓪᓗᓂ ᐊᑐᖅᑕᐅᓲᑦ ᐅᓗᕆᐊᓇᖅᑐᓂᑦ ᓴᓂᕐᓂᒃ ᐅᓪᓗᖅ ᐊᒻᒪ ᐊᒥᐊᕈᑎᓂᒃ ᑕᐅᕐᓰᓂᖅ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᓪᓗᓂ ᐊᑐᖅᑕᐅᓲᑦ ᐅᓗᕆᐊᓇᖅᑐᓂᑦ ᓴᓂᕐᓂᒃ ᐅᓪᓗᖅ ᐊᒻᒪ ᐊᒥᐊᕈᑎᓂᒃ ᑕᐅᕐᓰᓂᖅ
ᐋᒐᓯ 11, 2022 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᖕᖓᓱᑦᑎᑦᑎᓛᓕᕐᒥᔪᑦ ᐊᕐᕌᒍᑕᒫᕐᓯᐅᑎᒥ ᐃᓪᓗᓂ ᐊᑐᖅᑕᐅᓲᑦ ᐅᓗᕆᐊᓇᖅᑐᓂᑦ ᓴᓂᕐᓂᒃ ᐅᓪᓗᕐᒥᑦ ᐊᒻᒪ ᐊᒥᐊᕈᑎᓂᑦ ᑕᐅᕐᓰᓂᕐᒥᑦ ᓈᑦᓯᐅᖑᔭᓛᕐᓂᐊᒥ, ᐋᒐᓯ 27, 2022, ᐱᒋᐊᕐᓗᑎᒃ ᐅᓛᒃᑯᑦ 9-ᒥ 3-ᒧᓄᑦ ᐅᓐᓄᓴᒧᑦ ᓄᓇᓯᐅᑎᒃᑯᕕᒻᒥ. ᑕᒪᐅᓇᓕ ᓄᓇᓕᕐᒥᐅᑕᐃᑦ ᐃᒋᑦᑎᔪᓐᓇᓛᓕᕐᒥᔪᑦ ᐊᑦᑕᓇᕐᔭᐃᓯᒪᓗᑎᒃ ᐃᓪᓗᓂ ᐊᑐᖅᑕᐅᓲᓂᑦ ᐅᓗᕆᐊᓇᖅᑐᓂᑦ ᓴᓂᕐᓂᒃ, ᐊᒻᒪᑦᑕᐅᖅ ᐊᒥᐊᕈᑎᒥᓂᕐᓂᒃ ᐊᑐᕈᓐᓃᖅᑕᒥᓂᑦ ᑕᐅᕐᓰᖃᑎᖃᕐᓗᑎᒃ.

ᐃᓪᓗᓂ ᐊᑐᖅᑕᐅᓲᑦ ᐅᓗᕆᐊᓇᖅᑐᓂᑦ ᓴᓂᕐᓄᑦ ᐃᓚᒋᔭᐅᔪᑦ ᐊᒥᓱᐊᓗᐃᑦ ᑭᒃᑯᑐᐃᓐᓇᕐᓄᑦ ᓴᓂᕐᕙᑦᑕᐅᓯᒪᕙᑦᑐᑦ ᓄᓇᓯᐅᑎᒃᑯᕕᖏᓐᓂ, ᓂᖅᑎᐅᕐᕕᖏᓐᓂ, ᐅᕝᕙᓘᓐᓃᑦ ᐊᓇᕐᕕᖃᕐᕕᖏᓐᓂ ᐊᒻᒪ ᐊᑐᖅᑕᐅᔪᓐᓃᖅᑐᑎᒃ. ᐅᓗᕆᐊᓇᖅᑐᑦ ᓱᓇᑐᐃᓐᓇᐃᑦ ᓱᓇᑐᐃᓐᓇᕐᓂᑦ ᓱᕋᐃᔭᐃᒍᓐᓇᕐᒪᑕ ᐅᕝᕙᓘᓐᓃᑦ ᐃᑭᑎᑦᑎᒍᓐᓇᕐᒪᑕ ᐊᒻᒪ ᑐᑭᖃᖅᑐᓂ ᐃᑉᐱᒋᑦᑎᐊᕐᓗᒋᑦ ᑭᓯᐊᓂ ᖃᓄᐃᓕᖓᒻᒪᖔᑕ ᐃᒋᑕᑦᓴᐅᓗᑎᒃ.

ᑭᒃᑯᑐᐃᓐᓇᐃᑦ ᑕᒪᑦᓱᒥᖓ ᐊᑐᖅᑕᐅᖁᔭᐅᑦᑎᐊᖅᑑᒐᓗᐊᑦ ᐅᓗᕆᐊᓇᖅᑐᓂᑦ ᓴᓂᕐᓂᒃ ᐃᒋᑦᑎᓂᕐᒥᑦ ᖃᐃᓗᑎᒃ ᐊᒻᒪ ᐊᑦᑕᓇᖕᖏᑐᒃᑯᑦ ᐃᒋᑦᑎᒋᐊᖅᑐᕐᓗᑎᒃ ᐊᑐᕈᒪᒍᓐᓃᖅᑕᒥᓂᒃ ᐅᕝᕙᓘᓐᓃᑦ ᐊᑐᕋᑦᓴᐅᒍᓐᓃᑦᑐᓂᑦ ᓴᓂᑐᐃᓐᓇᐅᓕᖅᑐᓂᑦ.

ᐃᓪᓗᓂ ᐱᒥᓃᑦ ᐃᒋᑕᐅᔪᓐᓇᖅᑐᑦ (ᐱᖃᓯᐅᔾᔭᐅᔪᑦ ᐊᓯᖃᕈᓐᓇᑦᑎᐊᕆᓐᓄᑎᒃ):

ᖁᐊᕈᓐᓇᖏᑦᑐᑦ, ᓂᐱᑦᑕᔫᒥᓃᑦ, ᑎᒻᒥᑳᔫᑦ, ᓄᓇᒃᑰᔫᓄᑦ ᐊᒻᒪ ᐃᓪᓗᓂ ᕚᑕᓖᒥᓂᕐᓂᒃ, ᓴᓗᒻᒪᕐᓴᐃᑎᓂᑦ, ᒪᕐᖏᑐᕐᓂᕐᔭᐃᒃᑯᑎᓂᑦ, ᐅᕐᓱᐊᓗᕈᔪᓐᓂᑦ, ᒨᑯᕆ ᓴᕕᕋᔭᐃᑦ ᐃᒥᐅᔭᑦ, ᑎᐱᑦᑎᐊᕆᑦᓴᐅᑏᑦ, ᑐᖁᓐᓇᖅᑐᑦ ᓱᓇᑐᐃᓐᓇᐃᑦ, ᐊᒥᐊᕈᑎᖃᐅᑎᒥᓃᑦ ᐊᒻᒪ ᑎᒻᒥᑳᔫᑦ ᐊᒥᐊᕈᑎᒥᓃᑦ, ᐄᔭᒐᒥᓃᑦ, ᓂᐱᑦᑕᔫᒥᓃᑦ

ᐃᒋᑕᐅᔪᓐᓇᖏᑦᑐᑦ:

ᐅᐊᔭᒨᖅᑐᑦ ᓴᓃᑦ, ᑭᓂᖅᑐᑦ ᐅᕐᓱᐊᓗᕈᔪᐃᑦ ᐊᑐᕐᓯᒪᔪᑦ, ᑭᓂᖅᑐᓂᑦ ᑲᖕᖔᑎᑦᓯᔾᔪᑏᑦ, ᑭᓂᖅᑐᓄᑦ ᐴᒥᓃᑦ, ᐊᑦᓴᓗᐊᒥᓃᑦ, ᐳᓪᓚᖃᐅᑎᒥᓃᑦ, ᐆᒪᔪᒥᓃᑦ ᓴᓃᑦ, ᐊᑉᐸᐃᒍᓐᓇᖅᑐᑦ ᓴᓃᑦ, ᐅᐊᖃᐅᑎᒥᓂᕐᓂᒃ ᓴᓃᑦ, ᖄᖅᑕᔫᑦ, ᓴᒃᑯᐃᑦ ᐊᒻᒪ ᓴᓇᕕᓐᓂᑦ ᓴᓃᑦ.

ᓄᓇᓕᕐᒥᐅᑕᐃᑦ ᐱᓯᒪᑦᑎᖁᔭᐅᔪᑦ ᑎᑎᖅᑲᑦᑕᖏᓐᓂᑦ ᓱᓇᑐᐃᓐᓇᐃᑦ ᐃᒋᑕᐅᓂᐊᖅᑐᑦ ᑐᑭᓯᒋᐊᕈᑎᖏᑦ. ᐃᑲᔫᑎᖃᕐᒪᑕ ᓇᓗᓇᐃᔭᐃᓂᒃᑯᑦ ᓱᓇᐅᓂᖏᓐᓂᑦ ᐃᒋᑕᐅᑦᑎᐊᕐᓂᐊᕐᒪᑕ ᐊᒻᒪ ᖃᐅᔨᓴᖅᑕᐅᒋᐊᑐᖕᖏᓪᓗᑎᒃ ᓱᓇᐅᓂᖏᓐᓂᑦ.

###

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᓂᓵᕐ ᒑᓂ
ᓴᓂᓕᕆᔨᓂᑦ ᖃᐅᔨᓴᖅᑎ
ᓄᓇᓕᐸᐅᔭᐃᑦ ᐃᖃᓗᐃᑦ
867-222-3981 | n.ghani@iqaluit.ca