ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᓄᖕᓄᑦ ᑐᓴᕋᑦᓴᖅ
ᖃᑦᑎᕆᔨᒃᑯᑦ ᖁᔭᓐᓇᒦᖅᑐᑦ ᓄᓇᓕᕐᒥᐅᑕᓂᑦ
ᓰᑏᐱᕆ 11, 2023 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᖃᑦᑎᕆᔨᒃᑯᖏᑦ ᖁᔭᓐᓇᒦᕈᒪᔪᑦ ᓄᓇᓕᕐᒥᐅᑕᓂᑦ ᐱᐅᓯᑎᒋᐊᖅᑕᐅᓚᐅᕐᒪᑦ ᐱᓕᕆᔾᔪᑎᖓᑦ ᐊᑐᕆᐊᕐᒦᑦᑐᑦ ᐊᕝᕙᐃᕆᐊᖅᐸᑦᑐᑎᒃ ᑐᐊᕕᕐᓇᖅᑐᓂᑦ ᓄᓇᒃᑰᔫᓂᑦ. ᓄᓇᓕᕐᒥᐅᑕᐃᑦ ᓴᖑᕙᓚᐅᖅᑐᑦ ᑕᓕᖅᐱᐊᓄᑦ ᐊᑐᕆᐊᑉ ᑕᑯᒐᐃᒐᒥᒃ ᖃᐅᒻᒪᓪᓛᔪᓂᑦ ᖃᐅᒪᓂᑦ, ᐊᒻᒪ ᑕᒪᐅᓇ ᐱᐅᓯᒋᐊᕐᓯᒪᓂᖓ ᑕᑯᑦᓴᐅᑦᓯᐊᖅᑐᖅ.
ᑲᑐᔾᔨᖃᑕᐅᓗᓯ ᐃᑲᔪᖅᑎᒌᑉᐸᓐᓂᓯ ᖁᔭᒋᔭᐅᑦᓯᐊᐸᑦᑐᑦ ᐊᒻᒪ ᑭᖕᖒᒪᔭᐅᕙᑦᑐᑎᒃ, ᐱᓗᐊᖅᑐᒥ ᐃᓱᒪᒋᓪᓗᒋᑦ ᐊᒥᓲᕙᑦᑐᑦ ᐅᖄᓚᔾᔪᑎᖃᖅᐸᑦᑐᑦ ᖃᓄᑐᐃᓐᓇᖅ ᖃᑦᑎᕆᔨᒃᑯᓐᓄᑦ ᐅᐸᑦᑕᐅᕙᑦᑐᓄᑦ. ᓇᒡᒋᔾᔭᐅᓕᖅᑭᕐᒥ, ᓰᑏᐱᕆ 5, ᖃᑦᑎᕆᔨᒃᑯᑦ ᐅᖄᓚᕕᐅᓯᒪᓚᐅᖅᑐᑦ 34-ᓄᑦ ᐱᔨᑦᓯᕋᖅᑕᐅᒍᒪᔪᓄᑦ ᐃᑲᕐᕋᐃᑦ 24 ᐃᓗᖏᓐᓂ. ᓄᓇᓕᕐᒥᐅᑕᐃᑦ ᐊᕝᕙᐃᕆᐊᑦᓯᐊᐸᑦᑎᓪᓗᒋᑦ ᑐᐊᕕᕐᓇᖅᑐᓕᕆᔨᓄᑦ ᓄᓇᒃᑰᔫᓂᑦ ᕿᓚᒥᐅᓂᕐᓴᒃᑯᑦ ᑎᑭᒍᓐᓇᖅᑎᑕᐅᕙᑦᑐᑦ ᐅᐸᒋᐊᓕᖏᓐᓄᑦ.
ᐃᖅᑲᐃᑎᒍᒪᕙᕗᑦ ᓄᓇᓕᕐᒥᐅᑕᐃᑦ ᖃᑦᑎᕆᔨᓂᑦ ᐊᕝᕙᐃᕐᓯᒪᒋᐊᖃᑦᑕᖁᓪᓗᒋᑦ ᖃᑦᑎᕆᔨᓂᑦ ᐃᑯᐊᓚᔪᒥᑦ ᖃᑦᓯᕆᓇᓱᐊᖅᑎᓪᓗᒋᑦ. ᐊᑏ ᑭᖑᓂᐊᓃᔾᔪᒥᕙᓪᓗᓯ ᑐᐊᕕᕐᓇᖅᑐᓕᕆᔨᐅᔪᑦ ᓄᓇᒃᑰᔫᖏᑕ, ᐊᒻᒪ ᐃᑯᐊᓚᔪᖃᖅᑎᓪᓗᒍ ᐅᖓᓯᑦᑐᒦᔾᔪᒥᖃᑦᑕᖁᔭᐅᓗᓯ. ᐊᑐᖁᔭᖏᓐᓂᑦ ᐱᓕᕆᔨᐅᔪᑦ ᓈᓚᑦᓯᐊᐸᓪᓗᓯ ᐊᒻᒪ ᐱᕕᖃᖅᑎᑦᓯᐊᖅᐸᓪᓗᒋᑦ ᐱᓕᕆᐊᖃᕐᓂᖏᓐᓂ.
ᑲᑐᔾᔨᖃᑕᐅᕙᓐᓂᓯ ᐊᒻᒪ ᐃᑉᐱᒍᓱᑦᓯᐊᐸᓐᓂᓯ ᓴᖅᑮᔪᓐᓇᐸᒻᒪᑕ ᐊᑐᖅᑕᐅᔪᓐᓂ, ᑕᑯᑦᓴᐅᓯᐊᖅᑐᓂᑦ ᖃᓄᐃᒍᑎᐅᔪᓐᓇᖅᑐᓂᑦ. ᖁᔭᓐᓇᒦᕌᓗᒃ ᐃᑲᔪᖅᐸᑲᑦᓯ ᐃᖃᓗᐃᑦ ᐊᑦᑕᓇᔾᔭᐃᕐᓯᒪᑦᓯᐊᖁᓪᓗᒍ ᐃᓘᓐᓇᑎᓐᓄᑦ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᑭᐊᓐᑦ ᑐᕆᔅᑯᓪ ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᑎᔨ
867-979-5607 k.driscoll@iqaluit.ca
