ᐃᓄᖕᓄᑦ ᑐᓴᕋᑦᓴᖅ ᑐᑭᓯᒋᐊᕈᑎᓕᕆᓂᖅ - ᒪᑭᒪᑎᑦᓯᓂᖅ ᐃᒥᖃᖅᑎᑦᓯᓂᕐᒥᑦ

ᐃᓄᖕᓄᑦ ᑐᓴᕋᑦᓴᖅ

ᑐᑭᓯᒋᐊᕈᑎᓕᕆᓂᖅ - ᒪᑭᒪᑎᑦᓯᓂᖅ ᐃᒥᖃᖅᑎᑦᓯᓂᕐᒥᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖁᕕᐊᒋᑦᑎᐊᖅᑐᒍ ᐅᖃᐅᓯᖃᕈᒪᓕᕐᒥᔪᑦ ᒪᕐᕉᓐᓂᒃ (2) ᑐᑭᓯᒋᐊᕈᑎᓕᕆᓂᕐᒥᑦ ᑲᑎᒪᑎᑦᓯᒐᔭᕐᓂᖏᓐᓂᑦ ᐃᖃᓗᓐᓂ ᒪᑭᒪᑎᑦᓯᓂᕐᒥᑦ ᐃᒥᓕᕆᓂᕐᒥᑦ ᐸᕐᓇᐅᑎᑦᓴᒥᑦ. ᑲᑎᒪᓂᐅᒐᔭᖅᑐᑦ ᔪᓂ 7 ᐊᐃᑉ ᐅᒃᐱᒃ ᐱᖕᖑᐊᕐᕕᕋᓛᕐᒥ ᓂᐊᖁᖕᖒᑎᓂ ᐊᒻᒪ ᔪᓂ 9 ᐃᓐᓇᑐᖃᐃᑦ ᖃᒻᒪᖓᓂ. ᑕᒪᒃᑮᓐᓂ ᑲᑎᒪᒐᔭᖅᑐᑦ 4-ᒥᓂᒃ 6-ᒧᓄᑦ ᐅᓐᓄᓴᒃᑯᑦ.

ᑭᒡᒐᖅᑐᐃᔨᐅᔪᑦ ᓄᓇᓕᐸᐅᔭᒃᑯᓐᓂᑦ ᐊᒻᒪ ᑲᑐᔾᔨᖃᑎᒋᕙᑦᑕᑎᓐᓂᑦ ᓴᖅᑭᔮᖅᑎᑦᓯᓛᖅᑐᑦ ᓇᓖᕌᕈᑎᑦᓴᓂᑦ ᐊᑐᐃᓐᓇᐅᔪᓂᑦ ᐃᒥᖅᑕᕕᒻᒥᑦ ᐊᖏᓪᓕᒋᐊᕆᓂᕐᒥᑦ ᐊᒻᒪ ᐊᑕᐃᓐᓇᕋᔭᖅᑐᒥᑦ ᐃᒥᕐᒧᑦ ᓱᓪᓗᓕᑦᓴᒥᑦ ᐱᓯᒪᔪᒥᑦ ᕿᑭᖅᑕᓕᒃ ᑕᓯᕐᒥᒃ (ᐅᖃᐅᓯᐅᕙᓚᐅᖅᑐᖅ ᐊᑦᑎᖅᑕᐅᓯᒪᖏᑦᑐᖅ ᑕᓯᖅ) ᐃᒥᖅᑕᕕᒻᒧᑦ. ᑐᓵᔨᖃᓛᖅᑐᑦ ᑲᑎᒪᓂᕐᓂ ᐊᒻᒪ ᓂᐅᖅᑲᖃᕐᓗᑎᒃ ᐊᒻᒪ ᑕᒧᐊᑦᓴᓂᑦ.

ᒪᑭᒪᑎᑦᓯᓂᕐᒥᑦ ᐃᒥᖃᖅᑎᑦᓯᓂᕐᒥᑦ ᐸᕐᓇᐅᑎ ᐱᒋᐊᕈᑎᐅᓂᐊᖅᑐᖅ ᓄᓇᓕᐸᐅᔭᐃᑦ ᐃᖃᓗᐃᑦ ᐱᒋᐊᖅᑎᓛᖅᑕᖓᓄᑦ $214 ᒥᓕᐊᓐ ᑮᓇᐅᔭᓂᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ ᐱᓯᒪᔪᓂᑦ ᐱᕐᕈᓗᐊᕿᔪᖃᖅᐸᑦ ᐊᒻᒪ ᐱᕐᕈᓗᐊᕿᓂᕐᒥᑦ ᐱᓗᐊᔾᔭᐃᒃᑯᑎᑦᓴᓄᑦ ᐊᒻᒪ ᐊᑐᖅᑕᐅᒋᐊᖃᓕᕐᓂᖏᓐᓂᑦ ᓴᖅᑭᑕᐅᓯᒪᔪᓂᑦ ᑮᓇᐅᔭᓂᑦ. ᖃᐃᓛᖅᑯᓯ, ᑕᑯᓇᓚᐅᕐᓗᒋᑦ ᓇᓖᕌᕈᑎᑦᓴᑦ, ᐅᕙᑦᑎᓐᓄᑦ ᐅᖃᐅᓯᕆᒐᔭᖅᑲᓯᐅᒃ ᑕᑯᓐᓇᖕᖑᐊᒐᓯ ᐃᖃᓗᓐᓄᑦ ᒪᑭᒪᑎᑕᐅᔪᑦᓴᒥᑦ ᐃᒥᓕᕆᓂᒃᑯᑦ ᓯᕗᓂᑦᓴᐅᔪᖅ ᖃᓄᐃᑦᑑᒻᒪᖔᖅ.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

ᑭᐊᓐᑦ ᑐᕆᔅᑭᐅᓪ ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᔨᓂᑦ ᐊᐅᓚᑦᑎᔨ 867-222-8502 k.driscoll@iqaluit.ca