ᐃᓄᖕᓄᑦ ᑐᓴᕋᑦᓴᖅ ᐊᐳᒻᒧᑦ ᐊᒻᒪ ᓂᓚᒻᒧᑦ ᓄᐊᕝᕕᐅᕙᓐᓂᖏᑦ ᓄᓇᒃᑰᔫᑦ

ᐃᓄᖕᓄᑦ ᑐᓴᕋᑦᓴᖅ

ᐊᐳᒻᒧᑦ ᐊᒻᒪ ᓂᓚᒻᒧᑦ ᓄᐊᕝᕕᐅᕙᓐᓂᖏᑦ ᓄᓇᒃᑰᔫᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐱᔾᔪᑎᒋᓪᓗᒋᑦ ᒪᓕᒐᐃᑦ ᑎᑎᕋᕐᓯᒪᔪᑦ ᐅᕙᓂ ᓄᓇᓕᓐᓂ ᐊᑐᕆᐊᓂ ᐃᖏᕐᕋᔾᔪᑎᓄᑦ ᐊᑦᑕᓇᑦᑕᐃᓕᒪᔪᓕᕆᔾᔪᑎ ᒪᓕᒐᕋᓛᖅ 943, ᐊᒻᒪᑦᑕᐅᖅ ᓄᓇᕘᒥ ᐊᑐᕆᐊᒃᑯᑦ ᐃᖏᕐᕋᕙᑦᑐᓄᑦ ᐊᑦᑕᓇᖅᑐᒦᖁᔨᒐᑎᒃ ᒪᓕᒐᖅ ᐱᔾᔪᑎᒋᓪᓗᒋᑦ ᐲᔭᐃᕙᓐᓂᐅᔪᖅ ᓄᓇᒃᑰᔫᓄᑦ ᓄᐊᕝᕕᐅᓯᒪᔪᓂᑦ ᐊᐳᒻᒧᑦ, ᓂᓚᒻᒧᑦ ᐅᕝᕙᓘᓐᓃᑦ ᓱᓇᑐᐃᓐᓇᕐᓄᑦ ᐊᕝᕕᐊᕈᑎᐅᓂᐅᓴᔪᓄᑦ ᐊᖁᑎᐅᑉ ᑕᑯᔪᓐᓇᖅᑕᖏᓐᓂᑦ ᓄᓇᒃᑰᔫᑉ ᐃᒐᓛᖏᒍᑦ ᐅᕝᕙᓘᓐᓃᑦ ᓄᓇᒃᑰᔫᒥᑦ ᐲᑐᐃᓐᓇᕆᐊᓕᓐᓄᑦ ᓄᓇᒃᑰᔫᖅ ᐃᖏᕐᕋᔾᔪᑎᐅᑎᓪᓗᒍ.

ᐅᑭᐅᖅᐸᓪᓕᐊᓕᕐᒥᑎᓪᓗᒍ ᓄᓇᑦᑎᓐᓂ, ᐊᐱᓂᐅᓴᑐᐃᓐᓇᕐᒪᑦ ᐊᒻᒪ ᓱᓇᑐᐃᓐᓇᐃᑦ ᖁᐊᖅᐸᓕᕐᓗᑎᒃ ᓂᓚᕈᕐᓗᑎᒃ, ᐲᔭᐃᓂᐅᔪᖅ ᑕᒪᒃᑯᓂᖓ ᓄᓇᒃᑰᔫᓐᓂᒃ ᐱᒻᒪᕆᐅᕙᒻᒪᑦ ᐊᑦᑕᓇᖅᑐᒦᖁᔭᐅᒐᓯ ᐊᒻᒪ ᐊᓯᓯ ᓄᓇᒃᑰᔫᖅᐸᒻᒥᔪᑦ ᐊᒻᒪ ᐱᓱᑉᐸᑦᑐᑦ ᐊᑐᕆᐊᒃᑯᑦ.

ᐊᐳᒻᒧᑦ ᐊᒻᒪ ᓂᓚᒻᒧᑦ ᑕᑯᕕᑦᓴᐅᔪᓐᓇᐃᓕᓲᖑᒻᒪᑦ ᓇᒧᑐᐃᓐᓇᖅ ᓄᓇᒃᑰᔫᖅᑐᓂ ᐅᕝᕙᓘᓐᓃᑦ ᐲᑐᐃᓐᓇᕆᐊᓖᑦ ᐱᕙᒻᒪᑕ ᐊᒻᒪ ᓇᒧᑐᐃᓐᓈᓕᖅᑐᑎᒃ ᓄᓇᒃᑰᔫᒥᑦ ᐅᓗᕆᐊᓇᖅᑐᒦᓕᖅᑎᑦᓯᒍᑎᐅᓗᑎᒃ ᐊᓯᖏᓐᓄᑦ ᓄᓇᒃᑰᔫᖅᑐᓂᑦ ᐅᕝᕙᓘᓐᓃᑦ ᐱᓱᑦᑐᓂᑦ ᐊᑐᕆᐊᕐᓂ.

ᒪᓕᑦᑐᒍ ᓄᓇᓕᐸᐅᔭᐃᑦ ᐃᖃᓗᐃᑦ ᐊᑐᕆᐊᒃᑯᑦ ᐃᖏᕐᕋᕙᑦᑐᓄᑦ ᐊᑦᑕᓇᑦᑕᐃᓕᒪᔪᓕᕆᔾᔪᑎ ᒪᓕᒐᕋᓛᖅ 943 ᑎᑎᕋᕐᓯᒪᕕᖏᑦ 2.22 ᐊᖁᑎᐅᔪᖅ ᐊᐳᑕᐃᔭᐃᕙᓐᓂᐊᖅᑐᖅ, ᓂᓚᐃᔭᐃᕙᓐᓂᐊᖅᑐᖅ ᐊᒻᒪ ᐊᓯᖏᓐᓂᑦ ᐲᔭᐃᕙᓐᓂᐊᖅᑐᖅ ᐊᕝᕕᐊᖅᑐᓂᑦ ᐃᒐᓛᖏᓐᓃᑦᑐᓂᑦ ᐅᕝᕙᓘᓐᓃᑦ ᓇᒥᑐᐃᓐᓇᖅ ᓄᓇᒃᑰᔫᒥ ᐊᕝᕕᐊᕈᑎᐅᔪᓐᓇᖅᑐᓂ ᐊᖁᑎᐅᑉ ᓇᒧᑦ ᑕᑯᔪᓐᓇᑦᓯᐊᕐᓂᖏᓐᓂᑦ ᐅᕝᕙᓘᓐᓃᑦ ᐲᑐᐃᓐᓇᕆᐊᖃᕐᒪᑕ ᓄᓇᒃᑰᔫᒥᑦ ᐃᖏᕐᕋᔾᔪᑎᐅᑎᓪᓗᒍ, ᐲᔭᐃᕙᖏᑦᑐᑦ ᐊᑭᓖᑎᑕᐅᔪᓐᓇᖅᑐᑦ $250-ᓂᑦ.

ᐊᒻᒪᑦᑕᐅᖅ, ᓚᐃᓴᕕᑦ ᓈᓴᐅᑎᖃᕐᕕᖓ ᓱᓇᑐᐃᓐᓇᕐᓄᑦ ᓂᐱᖕᖓᕕᐅᒋᐊᖃᖏᓯᐊᖅᑐᖅ ᑕᑯᑦᓴᐅᑦᓯᐊᖅᑎᓪᓗᒍ ᓈᓴᐅᑎᖓ, ᐅᓕᑦᓯᒪᑎᒋᐊᖃᖏᑦᑐᖅ, ᐊᐳᑏᓐᓇᐅᒋᐊᖃᖏᑦᑐᖅ, ᓂᓚᐃᓐᓚᐅᒋᐊᖃᖏᑦᑐᖅ, ᒪᕐᕋᐃᓐᓇᐅᒋᐊᖃᖏᑦᑐᖅ ᐅᕝᕙᓘᓐᓃᑦ ᓱᓇᑐᐃᓐᓇᕐᒧᑦ ᑕᕐᕆᓯᒪᒋᐊᖃᖏᑦᑐᑦ ᓈᓴᐅᑎᖏᑦ. ᑕᑯᑦᓴᐅᑦᓯᐊᕋᓗᐊᕐᒪᖔᖅ ᓇᓗᓇᐃᕐᓯᕙᖏᑦᑐᑦ ᐊᑭᓖᑎᑕᐅᒍᓐᓇᖅᑐᑦ ᓱᕋᐃᓂᖏᓐᓂᑦ ᒪᓕᒐᕐᒥᑦ ᓄᓇᓕᓐᓄᑦ ᐊᐅᓚᑦᓯᔨᓄᑦ ᐅᕝᕙᓘᓐᓃᑦ ᐅᑭᐅᖅᑕᖅᑐᒥ ᒐᕙᒪᓄᑦ ᒪᓕᒐᕐᒥᑦ.

ᑕᒪᒃᑯᐊᓕᒫᑦᓯᐊᑦ ᐊᑐᖅᑕᐅᖁᔭᐅᓯᒪᔪᑦ ᓄᓇᒃᑰᔫᓃᑉᐸᑦᑐᑦ ᐃᑭᒪᔪᑦ ᐊᖁᑎᖏᓪᓗ ᐊᑦᑕᓇᖅᑐᒦᖁᓇᒋᑦ ᐊᑐᕆᐊᕐᓃᑦᑐᑦ ᐊᒻᒪ ᐊᑐᕆᐊᑦ ᐊᕙᑎᖏᓐᓃᐸᑦᑐᑦ ᐃᖃᓗᓐᓂ.

##

 

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ: ᓯᑏᕝ ᐋᓚᓐ ᒪᓕᒐᕋᓛᓕᕆᔨᒃᑯᓐᓄᑦ ᐊᖏᔪᖅᑳᖑᑲᐃᓐᓇᖅᑐᖅ ᓄᓇᓕᐸᐅᔭᐃᑦ ᐃᖃᓗᐃᑦ 867-979-5674 | s.allen@iqaluit.ca