ᐃᓄᖕᓄᑦ ᑐᓴᕋᑦᓴᖅ ᐃᒥᕐᒥᒃ ᓴᓗᒻᒪᕐᓴᐃᕕᒻᒥᑦ ᐱᓕᕆᔪᑦ ᖃᓄᐃᓕᖓᓕᕐᓂᖏᑦ

ᐃᓄᖕᓄᑦ ᑐᓴᕋᑦᓴᖅ

ᐃᒥᕐᒥᒃ ᓴᓗᒻᒪᕐᓴᐃᕕᒻᒥᑦ ᐱᓕᕆᔪᑦ ᖃᓄᐃᓕᖓᓕᕐᓂᖏᑦ

ᓴᓇᔭᐅᓚᐅᖅᑐᑦ ᐃᖃᓗᓐᓂ ᐃᒥᕐᒥᒃ ᓴᓗᒻᒪᕐᓴᐃᕕᒻᒥᑦ ᐱᔭᕇᖅᐸᓪᓕᐊᓕᖅᑐᑦ. ᑳᓐᑐᕌᑎᒍᑦ ᐱᓕᕆᔪᑦ ᐊᑐᖁᔭᐅᔪᒥᑦ ᓄᓇᓕᐸᐅᔭᐃᑦ ᐃᖃᓗᐃᑦ ᐊᐅᓚᑦᑎᔨᖏᓐᓂᑦ ᑐᑦᓯᕋᐅᑎᓕᐅᖁᔨᓗᑎᒃ ᒐᕙᒪᒃᑯᓐᓄᑦ ᓄᓇᕘᒧᑦ ᐅᑎᖅᑎᑦᓯᒍᒪᓕᖅᑎᓪᓗᒋᑦ ᐊᖏᖅᑕᐅᒍᒪᓗᑎᒃ ᐊᐱᕆᓛᕐᓂᐊᕈᒪᓪᓗᑎᒃ ᐊᑐᖅᑕᐅᒋᐊᕈᒪᓛᓕᖅᑐᓂ ᐃᒥᕐᒥᒃ ᓴᓗᒻᒪᕐᓴᐃᕕᒃ ᐱᓇᓱᐊᕈᓯᐅᓛᖅᑑᑉ ᓄᖕᖑᐊᓂ.

ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᓇᐃᔭᖅᑎᑖᕐᓯᒪᓕᖅᑐᑦ ᖃᐅᑕᒫᖅᑐᖅᓯᐅᑎᒥᑦ ᓇᓗᓇᐃᔭᐃᑎᖃᑦᑎᐊᖅᑐᒥᑦ ᐃᒥᕐᒥᒃ ᓴᓗᒻᒪᕐᓴᐃᕕᓐᓂ ᐊᐅᓚᑦᑎᔨᐅᔪᓐᓇᓂᕐᒥᑦ ᖃᐅᔨᓴᖅᑎᐅᓂᐊᕐᓗᓂ ᐱᓕᕆᕝᕕᒻᒥᑦ ᓇᓗᓇᐃᕐᓯᒪᕙᓪᓗᓂ ᐊᐅᓚᑕᐅᑦᑎᐊᕐᓂᖓᓂᑦ ᐊᑐᖅᑕᐅᓗᓂ ᓴᓇᔭᐅᔾᔪᑎᒥᓂᖓ.

ᐃᓘᓐᓇᖓᓂᑦ ᖃᐅᔨᓴᕇᖅᐸᓪᓕᐊᓕᖅᑐᑦ, ᒥᓪᓗᐊᕈᑎᖏᓐᓂᑦ ᐊᒻᒪ ᑯᕝᕕᕕᖏᓐᓂᑦ, ᐊᐅᓚᑦᑎᖏᑦ ᐊᐅᓚᑦᑎᐊᕋᓗᐊᕐᒪᖔᑕ, ᑲᖕᖔᑎᑦᓯᔾᔪᑎᖏᑦ ᐲᔭᐃᑦᑎᐊᕋᓗᐊᕐᒪᖔᑕ, ᖃᐅᒪᒧᑦ ᐃᑲᔫᑎ ᑐᖁᓴᐃᓂᕐᒥᑦ ᖁᐱᕐᕈᐊᕐᔪᕋᓛᓂᑦ ᐱᕙᓪᓕᐅᑎᑦᑎᐊᕋᓗᐊᕐᒪᖔᖅ ᐊᒻᒪ ᐃᓚᐅᕈᑎᖏᑦ. ᐅᔾᔨᕆᔭᐅᑦᓯᐊᕋᓱᑦᑐᓂ ᐱᓕᕆᐊᖑᕙᑦᑐᑦ, ᐊᕐᕌᒍᓕᒫᖑᓗᐊᒥᑦ ᐊᐅᓚᑕᐅᓚᐅᕈᓐᓃᕐᒪᑦ.

ᐃᒥᖅ ᖃᐅᔨᓴᖅᑕᐅᖏᓐᓇᖅᑐᖅ ᓇᑭᑐᐃᓐᓇᖅ ᓴᓗᒻᒪᕐᓴᐃᕕᖏᓐᓂᑦ, ᐊᒻᒪ ᖃᐅᔨᓴᖅᑕᐅᔪᑦᓴᑦ ᓂᒋᕐᒥᐅᑕᓄᑦ ᐊᐅᓪᓚᖅᑎᑕᐅᖏᓐᓇᖅᑐᑎᒃ ᖃᐅᔨᓴᖅᑕᐅᖁᔭᐅᓗᑎᒃ. ᐃᒥᖃᕐᕕᐅᔪᖅ ᐃᒥᖓ ᐃᓚᐅᖅᑕᐅᕙᑦᑐᖅ ᖁᐱᕐᕈᐊᕐᔪᕋᓛᖏᓐᓂᑦ ᑐᖁᓴᐃᔨᓂᑦ ᐊᒻᒪ ᖃᐅᔨᓴᖅᑕᐅᖏᓐᓇᖅᑐᓂ ᖃᓂᒪᓇᖅᑐᓂᑦ ᐱᑕᖃᖏᒃᑲᓗᐊᕐᒪᖔᖅ ᐃᒥᐅᑉ ᐃᓗᐊ.

ᐃᒥᕐᒥᒃ ᓴᓗᒻᒪᕐᓴᐃᕕᒃ ᐱᓕᕆᔾᔪᑎᐅᓕᕈᓂ, ᑕᑯᑦᓴᐅᔪᒃᑯᑦ ᐊᓯᔾᔨᕋᔭᖏᒋᐊᖓ ᐃᓱᒪᒋᔭᕗᑦ ᐊᒥᐊᖓᒍᑦ ᐅᕝᕙᓘᓐᓃᑦ ᑎᐱᖓᒍᑦ ᐃᒥᐅᑉ. ᐊᖏᔪᖅᑳᖓᑦ ᐋᓐᓂᐊᓇᖏᑦᑐᓕᕆᔨᒃᑯᑦ ᓇᓗᓇᖏᑦᑐᖅ ᐃᒥᕐᒥᒃ ᑎᖅᑎᑎᑦᓯᖁᔨᓂᐊᕐᓂᖓᓂᑦ. ᑕᒪᓐᓇ ᐱᔾᔪᓯᒍᑦ ᐱᓕᕆᔾᔪᑎᐅᒻᒪᑦ, ᐊᔾᔨᐸᓗᑐᐃᓐᓇᑦᑎᐊᖓ ᐃᒥᕐᒥᒃ ᑎᖅᑎᑎᑦᓯᖃᑦᑐᖁᔭᐅᓂᐅᑉ ᐃᒥᖃᕈᓐᓃᖅᑎᑕᐅᑲᐃᓐᓇᕐᓯᒪᑎᓪᓗᒋᑦ ᕿᓚᒥᕈᓗᒃ ᓄᓇᓕᕐᒥᐅᑕᐃᑦ.

ᓄᓇᓕᐸᐅᔭᒃᑯᑦ ᑐᓴᖅᑎᑦᓯᓛᕐᒥᔪᑦ ᐃᓄᖕᓂᒃ ᐃᒥᕐᒥᒃ ᓴᓗᒻᒪᕐᓴᐃᕕᒃ ᐊᐅᓚᑕᐅᑦᑎᐊᓕᕈᓂ ᐊᒻᒪ ᐊᑐᖅᑕᐅᓕᕈᓂ.

 

##

ᑐᑭᓯᒋᐊᒃᑲᓐᓂᕐᕕᑦᓴᖅ, ᖃᐅᔨᒋᐊᕐᓗᒍ: ᑭᐊᓐᑦ ᑐᕆᔅᑯᓪ - ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓂᑦ ᐊᐅᓚᑦᑎᔨ 867.979.5607 ∙ 867.222.8502  ∙ K.Driscoll@iqaluit.ca