ᐃᒥᖅᑕᐅᔪᓐᓇᖅᑐᒥᒃ ᑐᓴᒐᒃᓴᖅ

ᑐᓴᒐᒃᓴᖅ

ᐃᒥᖅᑕᐅᔪᓐᓇᖅᑐᒥᒃ ᑐᓴᒐᒃᓴᖅ

ᐊᒃᑑᕙ 15, 2021 - ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᐱᕙᓪᓕᐊᓯᒪᔪᕗᑦ ᖃᐅᔨᓴᖅᐸᓪᓕᐊᓪᓗᑎᒃ ᑎᐱᖕᒐᓂ ᐃᒥᐅᑉ.

ᑎᐱᓕᒃ ᓇᓂᓴᐅᔪᖅ ᐃᒥᕐᒧᑦ ᓴᓗᒻᒪᖅᓯᕕᐅᑉ ᐊᑖᓂ. ᐃᒥᐅᑉ ᖃᐅᔨᓴᖅᑕᐅᔾᔪᑎᖕᒐ ᐊᔾᔨᒌᖖᒋᑦᑐᓂᑦ ᐅᖅᓱᐊᓗᕈᔪᒃᑕᓕᒃ ᓄᐊᑕᐅᓂᑯ ᖃᑦᑕᕐᒥ. ᓄᓇᓕᐸᐅᔭᒃᑯᑦ ᖃᐅᔨᔪᓐᓇᓚᐅᖅᑐᑦ ᓇᓕᐊᓐᓂᒃ ᖃᑦᑕᕐᒦᖖᒑᖅᑐᒥ. ᐃᒪᖅ ᐱᐅᖖᒋᑦᑐᖅ ᒥᓪᓗᐊᖅᑎᑕᐅᔪᖅ ᒥᓪᓗᐊᕈᑎᒧᑦ ᐊᒻᒪᓗ ᓴᓗᒻᒪᖅᑕᐅᓂᐊᕐᒪ. ᐃᒪᖃᕈᓐᓃᖅᑎᑕᐅᑉᐸᑦ ᐃᒥᕐᒧᑦ ᓴᓗᒻᒪᖅᓴᐃᕕᒃ, ᖃᐅᔨᓴᖅᑕᐅᓂᐊᖅᑐᖅ ᖃᓄᖅ ᖃᑦᑕᕐᒨᕐᓂᕐᒪᖕᒑᖅ. ᖃᐅᔨᓴᖅᑕᐅᒃᑲᓐᓂᕐᓂᐊᖅᑐᖅ. ᖃᐅᔨᒪᔭᐅᔭᕆᐊᓕᒃ ᐃᒪᐅᑉ ᐱᐅᓂᖕᒐᓂᒃ ᖃᐅᔨᓴᕐᓂᖅ ᓴᓗᒻᒪᖅᓴᖅᓯᒪᔪᒥᒃ ᐃᒥᖅᑕᕐᕕᖕᒥ, ᐃᒥᕐᒧᑦ ᓴᓗᒻᒪᖅᓴᐃᕕᖕᒦᑦᑐᖅ, ᑕᑯᒃᓴᐅᑎᑕᐅᔪᑦ ᓇᓃᓐᓂᖕᒋᑦ ᖃᓄᐃᖖᒋᑦᑎᐊᕐᓂᕐᒧᑦ ᐃᓱᓕᑦᑕᕐᕕᓕᖕᓂ.      

ᐲᔭᖅᑕᐅᓇᓱᓪᓗᓂ ᐱᐅᖕᒋᓐᓂᖕᒐ ᓴᓗᒻᒪᖅᓴᐃᕕᖕᒥ, ᓄᓇᓕᐸᐅᔭᒃᑯᑦ ᑯᕕᑎᑦᑎᕙᓪᓕᐊᓕᓚᐅᖅᑐᑦ ᐃᑉᐸᒃᓴᖅ ᐱᒋᐊᖅᑐᑎᑦ. ᑯᕕᑎᑦᑏᓐᓇᕐᓂᐊᖅᑐᑦ ᐃᑲᕐᕋᓄᑦ 48-ᓄᑦ. ᑯᕕᑎᑕᐅᔭᕇᖅᐸᑦ, ᓄᓇᓕᖕᒥᐅᑦ ᖃᐅᔨᑎᑕᐅᓂᐊᖅᑐᑦ ᖃᓄᐃᓕᐅᕆᐊᖃᕐᒪᖕᒑᑕ, ᐃᓄᖕᓄᑦ ᑐᓴᒐᒃᓴᑎᒍᑦ (PSA), ᑯᕕᑎᑦᑎᒋᐊᖃᕐᓂᐊᖅᑐᑦ 20 ᐃᑲᕐᕌᕈᓯᕐᓄᑦ. ᖃᐅᔨᓴᕐᓂᖅ ᓇᐅᑦᑎᖅᓱᖅᓯᓂᕐᓗ ᑲᔪᓯᓂᐊᖅᑐᖅ ᑕᖅᑭᒐᓴᖕᓄᑦ.   

ᓄᓇᓕᐸᐅᔭᒃᑯᑦ ᐃᒪᕐᒧᓪᓗ-ᐊᐅᓚᐅᓯᕆᔨᓄᑦ ᖃᐅᔨᒃᑲᐃᔨᐅᑉ ᐸᓴᒍᓱᒃᑐᑦ ᓱᕈᕐᓇᖅᑐᖅᑕᖃᕐᓂᖕᒐᓂᒃ ᐊᐅᓚᐅᑎᖃᕐᕕᐅᑉ ᓯᓚᑖᓂ, ᓄᓇᒦᑦᑐᖅ ᐅᕝᕙᓘᓐᓃᑦ ᐃᒪᕐᒥ ᓄᓇᐅᑉ ᐊᑖᓂ, ᖃᑦᑕᕐᒨᖅᑐᕕᓂᐅᓱᕆᔭᐅᓗᓂ. ᓄᓇᓕᐸᐅᔭᒃᑯᑦ ᖃᐅᔨᓴᖅᑐᑦ ᐊᕙᑎᖕᒐᓂ, ᑲᐃᕗᕐᕖᑦ, ᖃᓗᕋᖅᑕᐅᓪᓗᑎᑦ ᖃᐅᔨᓴᖅᑕᐅᓪᓗᓂ ᓄᓇ ᐊᒻᒪᓗ ᐃᒪᖅ ᐱᐅᔪᓐᓃᖅᓯᒪᒻᒪᖕᒑᑕ. ᑭᖕᒍᓪᓕᕐᒥ ᐱᓕᕆᐊᖕᒍᓂᐊᖅᑐᖅ ᐊᕙᑎᖕᒐ ᖃᐅᔨᓴᖅᑕᐅᓗᓂ.    

ᐅᖃᐅᓯᐅᒃᑲᓐᓂᓚᐅᖖᒋᓐᓂᖕᒐᓂ:

• ᐃᒥᖅ ᐃᒥᕐᕕᒋᕙᖖᒋᓪᓗᒍ ᓂᕿᓕᐅᕈᑎᒋᖖᒋᓪᓗᒍᓗ. ᐃᓚᓕᐅᑎᕗᖅ ᑎᖅᑎᑎᑦᑎᓂᖅ, ᓴᓗᒻᒪᖅᓴᐃᔾᔪᑎᓕᖕᓄᑦ.
• ᑯᕕᓲᕐᒦᑦᑐᖅ ᐃᒥᖅ ᐊᑐᖅᑕᐃᓕᓗᒍ ᐊᒫᒪᓕᐅᕐᓗᑎᑦ.

ᑭᕕᓲᕐᒦᑦᑐᖅ ᐃᒥᖅ ᐊᑐᖅᑕᐅᔪᓐᓇᖅᑐᖅ ᐅᑯᓄᖕᒐ:

• ᐊᓐᓄᕌᓂ ᐅᐊᓴᐃᓂᖅ.
• ᓴᓗᒻᒪᖅᓴᐃᓂᖅ.
• ᐅᕕᓂᓐᓂᐊᕈᑎᒋᔭᔅᓴᐅᓕᖅᑐᖅ (ᐄᔭᕆᐊᖃᖖᒋᑦᑐᖅ).
• ᓇᔾᔨᔪᑦ, ᐃᓅᕋᑖᑕ ᐊᒻᒪᓗ ᓄᑕᕋᓛᑦ ᐅᕕᓂᓐᓂᐊᕈᓐᓇᖅᓯᔪᑦ.
• ᓂᕐᕆᑎᓕᕆᔾᔪᑎᒋᔭᒃᓴᖅ

 

ᐃᖃᓗᖕᓂ ᓄᓇᓕᐸᐅᔭᒃᑯᑦ ᓄᑖᖖᒍᕆᐊᖅᓯᒪᔪᓂᒃ ᑐᓴᖅᑎᑦᑎᓂᐊᖅᐳᑦ ᑐᑭᓯᒋᐊᒐᒃᓴᖅᑕᖃᓕᖅᐸᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᔨᐊᕝᕗᕆ ᕚᕐᓂ

ᑐᓴᐅᒪᔪᓕᕆᔨᒃᑯᓐᓄᑦ ᐊᒻᒪᓗ ᐊᑭᓕᖅᓱᐃᔨᓄᑦ ᐱᔨᑦᑎᕋᖅᑎᓄᑦ ᐊᐅᓚᑦᑎᔨ

867-979-5619 | g.byrne@iqaluit.ca