ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒥᓕᕆᔪᖅ ᑐᓴᕋᑦᓴᖅ - ᓄᓇᒃᑰᔫᓂᒃ ᐅᐊᓴᕈᓐᓇᕐᓯᒻᒥᔪᑦ ᐊᖏᕐᕋᓄᑦ ᐃᒥᕐᒥᒃ ᐊᑐᕐᓗᑎᒃ
ᓰᑏᐱᕆ 24, 2025 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐊᖏᕐᕋᓄᑦ ᐃᒥᕐᒥᒃ ᐊᑐᕐᓗᑎᒃ ᓄᓇᒃᑰᔫᓂᒃ ᐅᐊᓴᕆᐊᖃᖏᓐᓂᐅᔪᖅ ᐊᑐᕈᓐᓃᖅᑎᑕᐅᓂᖓᓄᑦ, ᒫᓐᓇᑦᑕᐅᑎᒋ ᐱᒋᐊᕐᓗᑎᒃ.
ᑕᒪᓐᓇ ᐅᐊᓴᐃᑕᐃᓕᒪᓂᐅᓚᐅᖅᑐᖅ ᐃᑲᔪᕐᓱᐃᔾᔪᑎᐅᒍᒪᓗᓂ ᐃᒥᕐᒥᒃ ᐱᐅᕐᓱᐊᕆᐊᖃᓚᐅᕐᓂᑎᓐᓄᑦ ᐃᒪᖃᖏᓗᐊᓕᓚᐅᕐᓂᖓᓄᑦ ᐃᒥᖅᑕᕐᕕᕗᑦ. ᖁᔭᓐᓇᒦᒃ ᐱᐅᕐᓱᐊᓂᒃᑯᑦ ᖃᓄᖅᑑᖃᑕᐅᕙᓚᐅᕐᒪᑕ ᐃᖃᓗᒻᒥᐅᑕᐃᑦ, ᐊᒻᒪ ᐱᓕᕆᑦᓯᐊᖅᐸᓚᐅᕐᓂᖏᓐᓄᑦ ᓄᓇᓕᐸᐅᔭᒃᑯᑦ ᓴᓇᔪᓕᕆᓂᕐᒥᑦ ᐱᓕᕆᔨᖏᑦ ᐊᒻᒪ ᓱᓪᓗᓕᕆᔨᐅᔪᑦ, ᑖᒃᑯᐊ ᓇᓗᓇᐃᔭᐃᑦᓯᐊᖅᐸᓚᐅᖅᑐᑦ ᐊᒻᒪ ᓴᓇᕙᑦᑐᑎᒃ ᐊᒻᒪᔪᓂᒃ ᕿᓪᓛᖅᑐᓂᒃ, ᐃᒥᕆᕙᑦᑕᕗᑦ ᖃᓄᐃᒍᓐᓃᖅᑎᑕᐅᓯᒪᕈᓘᔭᓕᕐᒥᔪᑦ.
ᐱᒋᐊᕋᑖᖏᓐᓂ ᐅᓪᓗᖓᑕ ᓰᑏᐱᕆ, ᐃᒥᒃᑯᕕᕗᑦ ᐊᐅᓚᑦᓯᐊᓕᕐᒥᔪᖅ ᑕᑕᑦᓯᐊᓕᖅᑐᓂ, ᐊᒻᒪ ᖃᐅᔨᓴᖅᑕᐅᖏᓐᓇᓂᐊᖅᑐᓂ ᖃᓄᑐᐃᓐᓇᖅ ᐊᑐᖅᑕᐅᕙᓐᓂᖏᓐᓄᑦ ᑕᑯᓐᓇᖕᖑᐊᒐᓕᐅᖅᐸᑦᑐᑎᒃ ᖃᓄᐃᒐᔭᕐᓂᖏᓐᓄᑦ ᖃᓄᖅ ᐱᓕᕆᔾᔪᑎᐅᒍᓂ.
ᓄᓇᓕᕐᒥᐅᑕᐃᑦ ᐅᐊᓴᕈᓐᓇᑦᓯᐊᓕᕐᒥᔪᑦ ᓄᓇᒃᑰᔫᖁᑎᒥᓂᒃ, ᖃᐅᔨᒪᓗᑎᒃ ᐃᒪᖃᑦᓯᐊᓕᕐᓂᖓᓄᑦ. ᐃᒥᖅᑕᕐᕕᐅᑉ ᐃᑎᓂᖓ ᖃᓄᐃᒍᓐᓃᕐᒥᑎᓪᓗᒍ ᐊᒻᒪ ᖃᐅᔨᓴᐃᓐᓇᖅᑕᐅᑎᓪᓗᒍᓗ, ᓄᓇᓕᐸᐅᔭᒃᑯᑦ ᖁᓚᖏᑦᓯᐊᓕᖅᑐᑦ ᖃᓄᐃᔾᔮᖏᓐᓂᖏᓐᓄᑦ ᐃᒪᓕᕆᔾᔪᑎᐅᕙᑦᑐᑦ ᓯᕗᒧᐊᑉᐸᓪᓕᐊᑎᓪᓗᑕ.
ᐱᑦᑕᐃᓕᒪᓂᐅᔪᖅ ᐊᑐᕈᓐᓃᕋᓗᐊᖅᑎᓪᓗᒍ, ᓄᓇᓕᐸᐅᔭᒃᑯᑦ ᓱᓕ ᐊᔭᐅᖅᑐᐃᔪᑦ ᓄᓇᓕᕐᒥᐅᑕᓂᒃ ᐃᒥᕐᒥᒃ ᐊᑐᑦᓯᐊᖏᓐᓇᖁᔭᐅᓗᑎᒃ. ᐃᒥᓕᕆᑦᓯᐊᖃᑕᐅᓂᕐᓯ ᐃᑲᔫᑎᖃᓪᓚᕆᓐᓂᐊᖅᑐᑦ ᐊᑯᓂᐅᔪᒧᑦ ᑲᔪᓯᒍᓐᓇᑦᓯᐊᕐᓂᐊᕐᓂᑎᓐᓄᑦ ᐊᒻᒪ ᓴᐳᔾᔨᓯᒪᒍᓐᓇᓂᐊᕐᓂᑎᓐᓄᑦ ᐃᒥᖅᑕᕐᕕᑎᒍᑦ ᐃᒪᖃᐅᑎᒋᕙᑦᑕᕗᑦ ᓯᕗᓂᑦᑎᓐᓄᑦ.
ᖃᐅᑕᒫᖅ ᖃᐅᔨᓴᖅᑕᐅᖏᓐᓇᕐᓗᓂ ᐊᒻᒪ ᐱᓇᓱᐊᕈᓯᑕᒫᑦ ᐅᓂᒃᑳᕆᔭᐅᕙᓪᓗᓂ ᐃᒥᖅᑕᕐᕕᕗᑦ ᐱᓂᐊᖅᑐᑦ, ᐊᒻᒪ ᓄᓇᓕᐸᐅᔭᒃᑯᑦ ᐅᐸᓗᖓᐃᕐᓯᒪᑦᓯᐊᓕᖅᑐᑎᒃ ᐱᓕᕆᐊᑦᓴᑎᒍᑦ ᖃᓄᐃᒍᑎᐅᔪᑦ ᐊᓯᔾᔨᓂᖅᐸᑕ.
ᓄᓇᓕᐸᐅᔭᒃᑯᑦ ᐃᖃᓗᓐᓂ ᖁᔭᓐᓇᒦᖅᑐᑦ ᓄᓇᓕᕐᒥᐅᑕᓂᒃ ᐊᒻᒪ ᓇᖕᒥᓂᖃᖅᑎᐅᔪᓂᒃ ᐃᑲᔪᑦᓯᐊᖅᐸᓚᐅᕐᒪᑕ ᑲᑐᔾᔨᖃᑎᖃᑕᐅᑦᓯᐊᖅᑐᑎᒃ ᐊᒻᒪ ᐱᓕᕆᔪᒪᑦᓯᐊᖅᑐᑎᒃ ᐃᒥᓕᕆᑦᓯᐊᓂᕐᒥᒃ. ᖃᓄᖅᑑᕈᑎᒋᓯᒪᔭᓯ ᑕᑯᑦᓴᒃᑯᑦ ᐱᕙᓪᓕᐅᑎᓯᒪᑦᓯᐊᖅᑐᑦ. ᑕᒪᓐᓇ ᐊᑐᓚᐅᖅᑕᕗᑦ ᓇᓗᓇᐃᔭᐃᔾᔪᑎᐅᔪᖅ ᐱᐅᔪᒃᑯᑦ ᐊᑦᑐᐃᔪᓐᓇᕐᓂᑎᓐᓂᒃ ᓄᓇᑦᑎᓐᓂ ᐱᓕᕆᖃᑎᒌᓐᓂᒃᑯᑦ ᑕᒪᑦᓱᒥᖓᑦᓴᐃᓐᓇᖅ ᑐᕌᒐᐅᓚᐅᖅᑐᒥᒃ ᑎᑭᓐᓇᓱᐊᖅᑎᓪᓗᑕ. ᖁᔭᒋᓪᓚᕆᒻᒥᔭᕗᑦ ᓴᓇᔪᓕᕆᔨᒃᑯᓐᓄᑦ ᐃᖅᑲᓇᐃᔭᖅᑎᖁᑎᒋᔭᕗᑦ ᐱᓕᕆᔪᒻᒪᕆᐅᕙᓚᐅᕐᓂᖏᓐᓄᑦ ᐊᒻᒪ ᐃᕿᐊᓱᑉᐸᒐᑎᒃ ᐱᓕᕆᕙᓚᐅᕐᓂᖏᓐᓄᑦ ᖃᓄᐃᒍᓐᓃᑎᑦᓯᓇᓱᐊᖅᑐᑎᒃ ᐃᒥᓕᕆᔾᔪᑎᑦᑎᓐᓂᒃ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᔭᕝ ᐴᕐᓐ
ᑐᓴᐅᒪᐅᑎᓕᕆᓂᕐᒥᒃ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ ᓄᓇᓕᐸᐅᔭᐃᑦ ᐃᖃᓗᐃᑦ
ᐅᖄᓚᐅᑎᖓ: 867-979-5619 | G.Byrne@iqaluit.ca
