ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐃᑲᔪᕆᑦᑎ ᐊᖅᑯᑎᑦ ᐊᑦᑕᕐᓇᖅᑕᐃᓕᒪᑎᓪᓗᑎᒍᑦ ᐊᒃᑕᖅᑐᖃᖅᑎᓪᓗᒍ
ᐄᑉᐳᓗ 16, 2025 – ᐃᖃᓗᐃᑦ, ᓄᓇᕗᑦ
ᐃᖃᓗᖕᓂ ᓄᓇᓕᐸᐅᔭᒃᑯᑦ ᐃᖅᑲᐃᑎᑦᑎᔪᒪᔪᑦ ᓄᓇᖅᑲᑎᒌᓂᒃ ᖃᓄᖅ ᐱᒻᒪᕆᐅᑎᒋᒻᒪᖕᒑᑦ ᐊᖅᑯᑎᑦ ᓴᓂᒃᑯᕕᖃᕐᕕᒃᓯᓗ ᓴᓗᒪᑏᓐᓇᕐᓗᒋᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᐊᑦᑕᖅᑏᑦ.
ᐃᑲᔪᕐᓗᑎᒍᑦ ᐊᑦᑕᖅᑏᑦ ᐃᖅᑲᓇᐃᔮᒥᓂᒃ ᐱᓕᕆᖁᓪᓗᒋᑦ ᐊᑦᑕᕐᓇᖖᒋᑦᑐᒃᑯᑦ, ᓴᓂᒃᑯᕕᒃᓯᑦ ᑎᑭᐅᑎᕕᒃᓴᐅᒻᒪᖕᒑᑦ ᖃᐅᔨᒋᐊᖅᐸᓪᓗᓯᐅᒃ. ᑖᓐᓇ ᐃᓚᖃᖅᑐᖅ ᐊᐳᑕᐃᔭᐃᓂᖅ ᓂᓚᐃᔭᐃᓂᖅ ᐊᖅᑯᑎᓂᓪᓗ, ᐲᔭᖅᐸᓪᓗᒋᑦ ᑭᓱᑐᐃᓐᓇᐃᑦ ᓄᖅᑲᓇᔾᔪᑕᐅᓕᕈᓐᓇᖅᑐᑦ—ᓲᕐᓗ ᓄᓇᒃᑰᕈᑏᑦ, ᑎᒍᑦ, ᐊᓯᖕᒋᓪᓘᓐᓃᑦ ᐱᖁᑎᑦ - ᓯᐅᕋᕐᒥᒃ ᐅᕝᕙᓘᓐᓃᑦ ᐱᐊᔾᔭᐃᒃᑯᑎᓂᑦ ᐊᑐᕐᓗᓯ.
ᑕᒪᒃᑯᐊ ᐊᑐᖅᑕᐅᔾᔪᓐᓇᖅᑐᑦ ᐃᑲᔪᕐᓂᖃᑐᐃᓐᓇᖖᒋᓚᑦ—ᐱᔭᕆᐊᖃᓪᓚᕆᒃᑐᑦ. ᒪᓕᒃᑐᒍ ᑎᑎᕋᖅᓯᒪᓂᖕᒐ 401(4) ᓄᓇᓕᐸᐅᔭᒃᑯᑦ ᑕᖕᒋᓕᖕᓄᑦ ᐊᑐᒐᒃᓴᐅᔪᓐᓃᖅᑐᓄᑦ ᒪᓕᒐᕋᓛᖕᒐ #341, ᑕᒪᕐᒥᑦᑎᐊᖅ ᐊᑐᒐᒃᓴᐅᔪᓐᓃᖅᑐᓄᑦ ᐊᐅᓚᐅᑎᓄᑦ ᑲᒪᒋᔭᒃᓴᖃᖅᐳᑦ ᐊᑐᕈᓐᓇᕐᓂᕐᒥᒃ ᐊᑐᒐᒃᓴᐅᔪᓐᓃᖅᑐᓄᑦ ᐴᕆᔭᐅᕙᒃᑐᓄᑦ. ᑕᒪᓐᓇ ᐃᓚᖃᖅᐳᖅ ᐊᐳᑏᔭᐃᓂᖅ, ᓂᓚᐃᔭᐃᓂᖅ, ᒪᕐᕋᓂᒃ ᐊᓯᖕᒋᓐᓂᓪᓗ ᐊᔪᕈᑕᐅᕙᒃᑐᓂᒃ, ᓯᐅᕋᓕᖅᓱᐃᕙᓪᓗᓯ ᐃᒡᓗᓄᑦ ᐃᓯᕆᐊᕐᕕᓄᑦ ᓄᓇᒃᑰᕈᑎᒃᑯᑦ.
ᐃᖅᑲᓇᐃᔭᖅᑏᑦ ᑎᑭᐅᑎᔪᓐᓇᖖᒋᑉᐸᑕ ᓴᓂᒃᑯᕕᒃᓯᓐᓄᑦ, ᓯᓂᖅᓯᑦ ᐱᔭᐅᔾᔮᖖᒋᑦᑐᑦ. ᓇᖕᒥᓂᕆᔭᓯᑦ ᓴᓗᒪᑎᒃᑯᔅᓯᐅᒃ ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖕᒋᑦ ᐱᔨᑦᑎᕋᐅᑎᓪᓗ ᐃᖕᒋᕐᕋᑎᑦᑎᐊᕐᓗᒋᑦ ᑭᒃᑯᑐᐃᓐᓇᕐᓄᑦ ᓄᓇᓕᔅᓯᓐᓂᒃ
ᖁᔭᓐᓇᒦᒃ ᐃᑲᔪᕈᓐᓇᕋᔅᓯ
##
ᑐᑭᓯᒋᐊᒃᑲᓐᓂᕈᒪᒍᕕᑦ ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ:
ᐳᕆᐋᓇ ᓴᐃᒻᒪᐃᔪᖅ-ᐸᐃᓐᔅ
ᐃᖅᑲᓇᐃᔭᖅᑐᓕᕆᔨᓄᑦ ᑎᑎᕋᖅᑎ
ᐃᖃᓗᓐᓂ ᓄᓇᓕᐸᐅᔭᖅ
867-979-5630 | B.Shaimaiyuk-Baines@iqaluit.ca
