ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᐃᑯᐊᓚᓕᕆᓂᒃᑯᑦ ᐊᑦᑕᓇᑦᑕᐃᓕᒪᔪᓕᕆᓂᕐᒥᑦ ᐅᔾᔨᕈᓱᒋᐊᕈᑎ ᓄᓇᓕᐸᐅᔭᐃᑦ ᐃᖃᓗᓐᓂ - ᐊᑐᖅᐸᓐᓂᖅ ᓈᒻᒪᑦᑐᓂᑦ ᓯᒡᒐᓕᐊᓂᑦ ᖃᒥᑦᑎᕕᑦᓴᓂᑦ
ᔪᓚᐃ 19, 2019 (ᐃᖃᓗᐃᑦ, ᓄᓇᕗᑦ) - ᖃᐅᔨᓴᖃᑦᑕᓂᐊᖅᑯᓯ ᐱᓇᓱᐊᕈᓯᑕᒫᑦ ᐃᑯᐊᓚᓕᕆᓂᒃᑯᑦ ᐊᑦᑕᓇᑦᑕᐃᓕᒪᔪᓕᕆᓂᕐᒥᑦ ᐃᖃᐃᑎᑕᐅᖃᑦᑕᕐᓂᐊᕋᑦᓯ ᐊᐅᔭᖅ ᐃᑯᐊᓪᓚᖁᔨᖏᒧᑦ ᓄᓇᑦᑎᓐᓂ.
ᐊᑐᖅᐸᓐᓂᖅ ᓈᒻᒪᑦᑐᒥᑦ ᓯᒡᒐᓕᐊᒥᓂᒃᑯᕕᑦᓴᒥᑦ ᐃᑯᐊᓚᑦᑕᐃᓕᒪᐅᑎᑦᓴᐅᔪᓐᓇᖅᑐᖅ ᐃᓗᐊᓂ ᓄᓇᑦᑎᓐᓂ. ᐊᑏ ᖃᒥᑦᑎᕕᓯ ᓴᓂᐊᓃᑎᓗᐊᖃᑦᑕᖏᓪᓗᒋᑦ ᓱᓇᑐᐃᓐᓇᐃᑦ ᐃᑭᒍᓐᓇᖅᑐᑦ ᐊᒻᒪ ᐃᓂᖃᖅᑎᐸᖕᖏᓪᓗᒋᑦ ᐹᑦ ᒪᔪᕋᐅᑎᖏᓐᓂ ᐅᕝᕙᓘᓐᓃᑦ ᐊᓃᕐᕕᓐᓂ.
ᐊᒥᓱᓂᑦ ᓇᔪᒐᓕᓐᓂᑦ ᐃᓪᓗᐸᔭᓂᑦ ᓇᒻᒥᓂᖃᖅᑏᑦ ᐃᓱᒪᑦᓴᕐᓯᐅᕈᑎᖃᕆᐊᖃᓕᖅᑐᑦ ᐊᑕᐅᓯᕐᒥᑦ ᓴᓂᕐᕙᐃᓯᒪᔭᕆᐊᑦᓴᖅ ᓯᒡᒐᓕᐊᖅᑐᕐᕕᐅᔪᓐᓇᖅᑐᒥᑦ ᐃᓂᑦᓴᒥᑦ ᐱᖁᑎᒋᔭᐅᔪᑦ ᓯᓚᑖᓃᑦᑐᓂᑦ.
ᓯᑎᒃᑯᑦ ᐃᖅᑲᐃᑎᑦᑎᔪᒪᓕᕐᒥᔪᑦ ᓄᓇᓕᕐᒥᐅᑕᓂᑦ ᖃᐅᔨᓴᕐᔫᒥᖃᑦᑕᖁᔭᐅᓗᑎᒃ ᖃᒥᑦᑎᕖᑦ ᐃᓂᖃᑦᓯᐊᖅᑎᑕᐅᕙᓪᓗᑎᒃ, ᖃᐅᑕᒫᑦ ᖃᐅᔨᓴᖅᐸᓪᓗᒋᑦ ᐊᒻᒪ ᓯᒡᒐᓕᐊᒥᓃᑦ ᖃᒥᑦᑎᕕᓐᓄᑦ ᖃᒥᑕᐅᒐᓗᐊᕐᒪᖔᑕ ᖃᐅᔨᓴᖅᐸᓪᓗᒋᑦ ᐃᑯᐊᓚᑦᑐᖃᕋᔭᖕᖏᒻᒪᑦ ᐱᔾᔪᑎᐅᓗᑎᒃ ᖃᒥᑦᑎᕖᑦ. ᓯᒡᒐᓕᐊᑦ ᐊᒻᒪ ᐊᕐᔭᖏᑦ ᖃᐅᔨᓴᖅᐸᓪᓗᒋᑦ ᖃᒥᖕᖓᑦᓯᐊᕋᓗᐊᕐᒪᖔᑕ ᓴᓂᒃᑯᕕᒻᒧᑦ ᐃᒋᑕᐅᓚᐅᖏᓐᓂᖏᓐᓂ. ᓯᒡᒐᓕᐊᒥᓃᑦ ᐊᒻᒪ ᐊᕐᔭᖏᑦ ᐃᒥᕐᒧᑦ ᖃᒥᑦᑎᐊᐸᓪᓗᒋᓪᓗ ᐃᒋᑕᐅᓚᐅᖏᓐᓂᖏᓐᓂ. ᐃᒋᑦᓯᕙᖕᖏᑦᓯᐊᕆᑦᓯ ᓯᒡᒐᓕᐊᒥᓂᕐᓂᒃ ᐊᕐᔭᖏᓐᓂᓪᓘᓐᓃᑦ ᐊᐅᒪᖃᖅᑎᓪᓗᒋᑦ ᓱᓕ ᐃᒋᑦᑎᕕᓐᓄᑦ.
ᓯᒡᒐᓕᐊᖅᑐᕐᓂᐊᕈᕕᑦ, ᐅᖓᓯᓐᓂᖃᕋᓱᑉᐸᓪᓗᓯ 9 ᒦᑕᓂᑦ ᐹᓐᓂᒃ ᐅᕝᕙᓘᓐᓃᑦ ᐊᓂᕕᓐᓂᑦ ᐃᓪᓗᐃᑦ ᐅᕝᕙᓘᓐᓃᑦ ᐃᓄᒋᐊᓄᑦ ᐅᐸᑦᑕᐅᕙᑦᑐᓂᑦ (ᒪᓕᒐᕋᓛᖅ 863). ᐃᓘᓐᓇᐸᓗᑎᒃ ᐊᖏᕐᕋᕆᔭᐅᕙᑦᑐᑦ ᐃᑭᒋᐊᖕᖓᕋᔪᒻᒪᑕ ᐃᓪᓗᐃᑦ ᐃᓗᖏᓐᓂᑦ. ᓯᓚᒥ ᓯᒡᒐᓕᐊᖅᑐᕈᕕᑦ, ᐃᒋᑉᐸᓪᓗᒋᑦ ᓯᒡᒐᓕᐊᒥᓂᑎᑦ ᐊᒻᒪ ᐊᕐᔭᖏᑦ ᖃᒥᑦᑎᕕᒻᒧᑦ ᐃᓗᓕᖃᖅᑐᒧᑦ ᓯᐅᕋᕐᒥᑦ ᐊᒻᒪ ᑕᒪᐅᖓᑐᐃᓐᓇᖅ ᓄᓇᒧᑦ ᐃᒋᑦᓯᑐᐃᓐᓇᐸᖕᖏᓪᓗᓯ ᐃᑯᒪᔪᒥᑦ ᓯᒡᒐᓕᐊᓂᑦ.
ᐊᐱᖅᑯᑎᖃᕈᒪᒍᕕᑦ ᖃᓄᐃᑦᑑᒻᒪᖔᑕ ᓯᒡᒐᓕᐊᓂᑦ ᖃᒥᑦᑎᕕᑦᓴᑦᓯᐊᕙᐅᔪᑦ, ᓄᓇᓕᕐᒥᐅᑕᐃᑦ ᐅᐸᒍᓐᓇᖅᑐᑦ ᖃᑦᑎᕆᔨᒃᑯᓐᓄᑦ ᐃᖅᑲᓇᐃᔭᕐᓇᐅᑎᓪᓗᒍ, ᓇᒡᒋᔾᔭᐅᒥᑦ ᑕᓪᓕᒥᕐᒧᑦ ᐅᓪᓛᒃᑯᑦ 9-ᒥᑦ 5-ᒨᕋᓱᓐᓂᖓᓂ ᒪᑐᐃᖓᕙᑦᑐᑦ.
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒋᑦ:
ᑐᓴᕋᑦᓴᓂᑦ ᐱᓕᕆᔩᑦ
ᓄᓇᓕᐸᐅᔭᐃᑦ ᐃᖃᓗᐃᑦ
