ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᑭᑦᑕᐃᓕᓂᐅᑉ ᐱᓇᓱᐊᕈᓯᖓ: ᓂᖅᑎᐅᖃᑦᑕᕐᓗᑎᑦ ᐃᑉᐱᒍᓱᑦᑎᐊᕐᓗᑎᑦ
ᐅᑦᑑᐱᕆ 10, 2025 – ᐃᖃᓗᐃᑦ, ᓄᓇᕗᑦ
ᐃᑭᑦᑕᐃᓕᓂᐅᑉ ᐱᓇᓱᐊᕈᓯᖓ ᐱᔭᕇᓕᖅᑎᓪᓗᒍ, ᐃᖃᓗᐃᑦ ᓄᓇᓕᐸᐅᔭᖓᑦ ᐃᖅᑲᐃᑎᑦᓯᔪᒪᕗᑦ ᐃᑭᑳᓪᓚᒍᓐᓇᖅᑐᑕᖃᐃᓐᓇᕐᖓᑦ, ᐊᒻᒪ ᐊᖏᕐᕋᒥ ᑰᖃᕐᕕᒦᑦᑐᑦ ᐃᑭᒐᔪᓐᓂᖅᐹᖑᒻᒪᑕ ᓱᓕ ᐊᕐᕌᒎᑉ ᐃᓗᐊᓂ.
ᓂᖅᑎᐅᖅᑕᑎᑦ ᕿᒪᑦᑕᐃᓕᖃᑦᑕᕐᓗᒋᑦ, ᐱᓗᐊᖅᑐᖅ ᐅᖅᓱᓕᒻᒧᑦ ᓯᕋᑦᓯᑎᓪᓗᑎᑦ. ᐃᑭᒍᓐᓇᕐᖓᑦ ᕿᓚᒥᐊᓐᓄᖕ ᐊᒻᒪ ᓯᐊᒻᒪᑲᐅᖅᑐᕈᓐᓇᖅᑐᑎᒃ ᑎᒃᑕᓂᑦ. ᒥᑭᓐᓂᖅᓴᒥ ᑰᖃᕐᕕᓖᑦ, ᖃᐅᔨᓴᐃᓐᓇᐸᓪᓗᑎᑦ ᐃᑭᑲᐅᑎᒋᔭᑦᑐᑦ ᓇᒧᑦ ᐃᓕᓕᕐᒪᖔᖅᐱᒋᑦ. ᐊᓪᓚᕈᑏᑦ, ᐊᓐᓄᕌᑦ ᐊᒻᒪ ᐆᓇᖅᑐᓕᕆᔾᔪᑏᑦ ᐳᐊᓗᐃᑦ ᑭᐊᑦᓴᐅᑎᐅᑉ ᖄᖓᓃᑦᑕᐃᓕᓗᑎᑦ.
ᐅᒃᑯᓯᒻᒥᒃ ᐃᑭᑦᑐᖃᖅᐸᑦ, ᒪᑐᒧᑦ ᒪᑐᓗᒍ ᖃᒥᑲᐅᖅᑐᓂᐊᕐᖓᑦ ᐊᒻᒪ ᖃᒥᓪᓗᒍ ᓂᖅᑎᐅᕐᕖᑦ. ᓅᑦᑕᐃᓕᑦᓯᐊᕐᓗᒍ ᐅᒃᑯᓯᒃ ᐃᑯᐊᓚᔪᖅ, ᐃᒥᕐᒧᑦ ᖃᒥᒐᓱᑦᑕᐃᓕᐅᒃ ᐅᖅᓱ ᐃᑯᐊᓚᔪᖅ.
ᖃᑦᑎᕈᑎᓂᑦ ᖃᓂᒋᔮᓃᑦᑐᖃᐃᓐᓇᕐᓗᑎᑦ ᐊᒻᒪ ᐃᓪᓗᒥᐅᖃᑎᓕᒫᑎᑦ ᐃᓕᓐᓂᐊᖅᓯᒪᐃᓐᓇᕐᓗᑎ ᖃᓄᖅ ᖃᑦᑎᕈᑦ ᐊᑐᖅᑕᐅᓲᖑᒻᒪᖔᑦ. ᓱᓕ, ᒥᑭᑦᑑᑕᐅᓂᖅᓴᑦ ᐆᑦᓯᒍᑎᑦ ᓲᕐᓗ ᓂᐊᖂᔭᒥᑦ, ᐆᓇᖅᑐᒧᑦ ᓂᖅᑎᐅᕈᑏᑦ, ᓱᒃᑲᐃᑦᑐᒥᓪᓗ ᓂᖅᑎᐅᕈᑏᑦ ᕿᒪᑦᑕᐃᓕᕙᓪᓗᒋᑦ ᐃᑯᒪᑎᓪᓗᒋᑦ.
ᑭᖑᓪᓕᖅᐹᖅ ᑐᓴᖅᑕᐅᔭᕆᐊᓕᒃ ᐱᔭᕇᕈᑎᒋᓪᓗᑎᒍ ᐃᑭᑦᑕᐃᓕᓂᐅᑉ ᐱᓇᓱᐊᕈᓯᖓᓂ ᐃᓕᓴᐃᔾᔪᑎᕗᑦ ᖃᓄᖅ ᐊᖏᕐᕋᕗᑦ ᓄᓇᕗᓪᓗ ᐊᑦᑕᓇᕐᔭᐃᕈᓐᓇᕐᒪᖔᑦᑎᒍ ᐃᑯᐊᓚᒥᑦ. ᐱᓇᓱᐊᕈᓯᑦᑎᓐᓂ, ᑲᔪᖏᖅᑐᐃᓯᒪᕗᒍᑦ ᐃᓪᓗᖃᖅᑐᓂᑦ ᐃᒫᖕ:
• ᐋᖅᑮᑦᓯᓯᒪᓗᑎᑦ ᐆᑦᑐᕋᖅᐸᓪᓗᒋᓪᓗ ᐳᔫᖅᑐᒧᑦ ᖁᖁᐊᕈᑏᑦ ᐃᓪᓗᐃᑦ ᖃᓕᕇᓕᒫᖏᓐᓂ ᐊᒻᒪ ᓯᓂᕝᕕᐅᕙᑦᑐᑦ ᓯᓚᑖᓂ
• ᓂᐅᕕᖅᐸᓪᓗᑎᑦ ᖃᐅᔨᓴᖅᑕᐅᓂᑯᓂᑦ ᐸᐃᑉᐹᖁᑎᓕᓐᓂᑦ ᐊᒻᒪ ᓂᐅᕕᑦᑕᐃᓕᓗᑎᑦ ᐊᑭᑭᑦᑐᕐᓂᐊᕐᓂᑦ ᐅᐊᔭᒨᖅᑐᓂᑦ
• ᑲᑉᐳᑎᕕᒻᒧᑦ ᐆᒻᒪᖅᑎᒋᐊᓖᑦ ᓄᑭᑦᓴᑦᓯᐊᐸᓪᓗᒋᑦ, ᐊᑐᕐᓗᑎᑦ ᓄᒃᑭᑦᓴᐅᑎᓂᑦ ᐊᖏᖅᑕᐅᓯᒪᔪᓂᑦ ᐊᒻᒪ ᖃᓂᒋᔮᓃᑦᑕᐃᓕᓗᑎᑦ ᐃᑭᑦᑐᓐᓇᖅᑐᑦ
• ᐃᓪᓗᕈᓯᓕᒫᓂ ᐊᓂᕕᑦᓴᒫᖃᕐᓗᑎᑦ ᒪᕐᕉᓐᓂᒃ ᐊᒻᒪ ᐆᑦᑐᕋᖅᐸᓪᓗᓯ ᐊᓂᒍᑦᓯ ᐅᖅᑰᔪᒨᕐᕕᑦᓴᒥᑦ, ᐊᑦᑕᓇᙱᑦᑐᒥ ᑲᑎᕝᕕᒋᓂᐊᖅᑕᓯᓐᓂᑦ
• ᐊᑐᕈᓐᓃᖅᑐᑦ ᕚᑕᓖᑦ ᓄᓇᓕᐸᐅᔭᒃᑯᑦ ᐊᑦᑕᕐᕕᖓᓅᕈᑎᕙᓪᓗᒋᑦ ᓄᐊᑦᓯᕕᒻᒧᑦ
• ᑕᐃᒪᐃᒋᐊᖃᕐᒪᓂᓛᖕ, ᐅᔾᔨᖅᑐᑦᓯᐊᖏᓐᓇᕐᓗᑎᑦ ᓂᖅᑎᐅᓂᕐᓂ ᐊᒻᒪ ᑰᖃᕐᕖᑦ ᐊᑦᑕᓇᕐᔭᐃᖅᓯᒪᐃᓐᓇᕐᓗᒍ ᐊᕐᕌᒍᓕᒫᖅ
ᐃᑭᑦᑕᐃᓕᓂᖅ ᓄᖅᑲᔾᔮᙱᒻᒪᑦ ᐃᑭᑦᑕᐃᓕᓂᐅᑉ ᐱᓇᓱᐊᕈᓯᖓ ᐃᓱᓕᒃᑲᓗᐊᖅᐸᑦ. ᖃᐅᔨᒪᓇᓱᐃᓐᓇᕆᐊᖃᖅᑐᒍᑦ ᖃᐅᑕᒫᑦᓯᐊᖅ ᐃᓱᒪᓕᐅᕐᓂᕗᑦ ᒪᓕᑦᑐᒍ. ᖁᔭᓐᓇᒦᕈᒪᕙᕗᑦ ᓄᓇᖃᖅᑐᓕᒫᑦ ᐃᑲᔪᕈᓐᓇᕋᑦᓯ ᐅᐸᓗᖓᐃᖅᓯᒪᖁᓪᓗᒋᑦ ᐊᖏᕐᕋᓯ, ᐃᓚᓯ ᓴᓂᓪᓕᓯᓗ.
##
ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:
ᔩᐅᑉ ᕙᕐᓂ
ᐊᖏᔪᖅᑳᖅ ᑐᓴᐅᒪᔪᓕᕆᔨᒃᑯᓐᓄᑦ ᐊᒻᒪ ᐊᑭᓕᕐᓱᐃᔨᓄᑦ ᐱᔨᖅᑎᕋᐅᑎ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | G.Byrne@iqaluit.ca
