ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᑭᑦᑕᐃᓕᓂᐅᑉ ᐱᓇᓱᐊᕈᓯᖓ: ᐊᑐᕈᓐᓃᖅᑐᑦ ᕚᑕᓖᑦ ᑐᖅᑯᖅᓯᐊᕐᓗᒋᑦ ᓄᐊᑦᓯᕕᒻᒧᑦ
ᐅᑦᑑᐱᕆ 9, 2025 – ᐃᖃᓗᐃᑦ, ᓄᓇᕗᑦ
ᐃᑭᑦᑕᐃᓕᓂᐅᑉ ᐱᓇᓱᐊᕈᓯᖓ ᑲᔪᓯᓂᖓᓂ, ᐃᖃᓗᐃᑦ ᓄᓇᓕᐸᐅᔭᖓᑦ ᐃᖅᑲᐃᑎᑦᓯᔪᒪᕗᑦ ᐃᓪᓗᓕᓐᓂᑦ ᐃᑭᑦᑕᐃᓕᓂᖅ ᐊᖏᕐᕋᒥᑐᐃᓐᓇᐅᙱᒻᒪᑦ.
ᐃᒋᐅᖅᑲᖅᑕᐅᑐᐃᓐᓇᖅᑐᑦ ᐊᑦᑕᐅᑎᓄᑦ ᕚᑕᓖᑦ ᐊᑐᕈᓐᓃᖅᑐᑦ ᓱᓕ ᐊᑦᑕᓇᕐᓂᖅᐹᖑᒻᒪᑕ. ᐃᑭᑦᑐᓐᓇᕐᖓᑕ ᒪᕿᔪᑦ ᐊᑕᑦᓯᐊᕈᓐᓃᖅᑐᓪᓗ ᕚᑕᓖᑦ ᐊᑦᑕᖅᑏᑦ ᓄᓇᓯᐅᑎᖏᓐᓂ, ᐊᑦᑕᐅᑎᓂ, ᓴᓂᑦᑕᕐᕕᐅᑉ ᑐᖅᑯᐃᕕᖏᓐᓂ, ᐊᑦᓯᕕᒻᒥᓗ. ᑕᒪᒃᑯᐊ ᐃᑭᒐᐃᒻᒪᑕ ᐃᓄᐃᑦ, ᓱᓇᒃᑯᑏᑦ ᐊᒻᒪ ᐊᕙᑎᕗᑦ ᐊᑕᓇᖅᑐᒦᓕᖅᐸᒻᒪᑕ.
ᓱᕋᑦᓯᒪᔪᓂᑦ ᐊᑐᕈᓐᓃᖅᑐᓂᓪᓘᓐᓃᑦ ᕚᑕᓖᖁᑎᖃᕈᕕᑦ, ᐊᑦᑕᐅᒻᒨᑦᑕᐃᓕᒃᑭᑦ ᐅᕝᕙᓘᓐᓃᑦ ᐊᑐᒃᑲᓂᑦᑕᐃᓕᓗᒋᑦ. ᕚᑕᓖᑦ ᑕᒫᓂᕐᕆᓗᑎᒃ ᐃᓪᓗᓯᓐᓂ ᕿᓪᓚᔪᑭᐊᓄᑦ ᐊᑦᑕᐅᒨᑦᑕᐃᓕᓗᒋᑦ ᓯᓚᒥᓘᓐᓃᑦ ᐊᑦᑕᕐᕕᒻᒧᑦ ᐊᑦᑕᖅᑕᐅᕙᑦᑐᓄᑦ.
ᐃᖃᓗᐃ ᓄᓇᓕᐸᐅᔭᖓᑕ ᐊᑦᑕᕐᕕᖓᓅᕈᑎᓗᒋᑦ, ᑕᐃᑲᓂ ᑐᖅᑯᖅᑕᐅᑦᓯᐊᕈᓐᓇᕐᖓᑕ. ᐊᑦᓯᕕᒻᒦᑦᑐᑦ ᕚᑕᓖᓂᑦ ᐃᒪᓕᓐᓂᑦ ᐱᔪᓐᓇᖅᑐᑦ ᐊᒻᒪ ᒥᑭᔫᑎᓂᑦ ᐅᐊᔭᒨᖅᑐᒥᓂᕐᓂᑦ ᐊᖏᕐᕋᖃᐅᖅᑐᑦ ᑭᓯᐊᓂ ᐃᒋᑦᓯᒋᐊᖅᑐᕈᓐᓇᖅᑐᑦ. ᓂᐅᕕᕐᕕᒻᒦᙶᖅᑐᑦ ᕚᑕᓖᑦ ᐃᒋᑕᐅᒋᐊᖃᙱᑦᑐᑦ. ᖃᐅᔨᒃᑲᕐᓗᒋᑦ ᐃᖅᑲᓇᐃᔭᖅᑏᑦ ᐃᒋᑦᓯᔭᖅᑐᕈᕕᑦ ᑲᒪᒋᔭᐅᑦᓯᐊᓂᐊᕐᖓᑕ.
ᐊᒥᓱᑦ ᐊᑐᖅᑕᐅᒐᔪᑦᑐᑦ ᕚᑕᓖᓖᑦ ᒪᑯᐊ ᐅᖄᓚᐅᑏᑦ, ᖃᕆᓴᐅᔭᕋᓛᑦ, ᐊᐅᓚᐅᑎᓖᑦ ᐱᓲᑏᑦ, ᓴᓇᕐᕈᑏᑦ, ᐊᒻᒪ ᓄᒃᑭᑦᓴᕈᓐᓇᖅᑐᑦ ᐃᓪᓗᒥᐅᑕᑦ ᐅᐊᔭᒨᖅᑐᑦ.
ᐃᒋᒋᐊᖅᑐᕈᓐᓇᖅᓯᒍᕕᒋᑦ, ᑐᖅᑯᕐᓗᒋᑦ ᕚᑕᓖᑦ ᓂᓪᓕᓇᖅᑐᒥ, ᐸᓂᖅᑐᒥ, ᐅᖓᓯᔾᔫᒥᓗᑎᒃ ᓴᕕᕋᔭᓐᓂᒃ, ᐆᓇᖅᑐᓂᑦ, ᐊᒻᒪ ᓯᕿᓐᓂᔮᑦᑕᐃᓕᓗᑎᒃ. ᐃᑭᑦᑕᙱᑦᑐᒥ ᐴᕐᓗᒋᑦ ᐊᒻᒪ ᓱᕈᓯᕐᓄᑦ ᐆᒪᔪᕐᓄᓪᓗ ᑎᒍᐊᓄᑦ ᑎᑭᑕᑦᓴᐅᙱᑦᑐᒦᓪᓗᑎᒃ.
ᕚᑕᓖᑦ ᓱᕋᑦᓯᒪᑉᐸᑦ ᒪᕿᑉᐸᓪᓘᓐᓃᑦ, ᐃᒥᒃᑰᖓᓗᑎᑦ ᐴᕐᓗᒋᑦ ᐊᒻᒪ ᓂᐱᔫᖅᑐᕐᓗᒍ ᐴᖓ ᐊᑦᓯᕕᒻᒨᕈᑎᓚᐅᙱᓐᓂᕐᓂ. ᐊᐅᒫᒡᒋᔭᓐᓂᐊᙱᒻᒪᑕ ᐅᕝᕙᓘᓐᓃᑦ ᓄᒃᑭᓪᓛᓂᐊᙱᒻᒪᑕ ᐊᑦᑕᕐᕕᓕᐊᕈᔾᔭᐅᓂᖏᓐᓂ.
ᐃᒋᑦᑎᐊᖃᑦᑕᕈᕕᒋᑦ ᕚᑕᓖᑦ ᐃᑭᑦᑕᐃᓕᒪᓂᖅᓴᐅᔪᓐᓇᕐᖓᑕ ᐊᒻᒪ ᓄᓇᕗᑦ ᓴᐳᔾᔭᐅᓗᓂ.
ᐃᑭᑦᑕᐃᓕᓂᕐᒧᑦ ᐃᓕᓐᓂᐊᕈᑎᑦᓴᓂᑦ ᑐᓴᖅᑎᑦᓯᖃᑦᑕᓂᐊᖅᑐᒍᑦ ᐱᓇᓱᐊᕈᓯᑦᑎᓐᓂ.
##
ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:
ᔩᐅᑉ ᕙᕐᓂ
ᐊᖏᔪᖅᑳᖅ ᑐᓴᐅᒪᔪᓕᕆᔨᒃᑯᓐᓄᑦ ᐊᒻᒪ ᐊᑭᓕᕐᓱᐃᔨᓄᑦ ᐱᔨᖅᑎᕋᐅᑎ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | G.Byrne@iqaluit.ca
