ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᑭᑦᑕᐃᓕᒪᑎᑦᑎᓂᕐᒧᑦ ᐱᓇᓱᐊᕈᓯᖅ: ᐅᐸᓗᖓᐃᖅᓯᒪᒋᑦ ᐊᓂᑐᐃᓐᓇᕆᐊᖑᓂᐊᕋᕕᑦ
ᐅᑦᑑᐱᕆ 8, 2025 – ᐃᖃᓗᐃᑦ, ᓄᓇᕗᑦ
ᐃᑭᑦᑕᐃᓕᒪᑎᑦᑎᓂᕐᒧᑦ ᐱᓇᓱᐊᕈᓯᖓ ᑲᔪᓯᓂᖃᖅᑎᖅᑎᓪᓗᒍ, ᐃᖃᓗᐃᑦ ᓄᓇᓕᐸᐅᔭᖓ ᑲᔪᖏᖅᓴᐃᕗᑦ ᑕᒪᐃᓐᓂ ᐃᖃᓗᒻᒥᐅᑕᕐᓂᒃ ᐅᐸᓗᖓᐃᖅᓯᒪᖁᓪᓗᒋᑦ ᐊᒻᒪᓗ ᐆᑦᑐᕋᖃᑦᑕᕐᓗᑎᑦ ᐊᖏᕐᕋᒥ ᐃᑭᑦᑐᖃᓕᖅᑎᓪᓗᒍ ᐊᓂᓵᕆᐊᖃᕐᓂᕐᒧᑦ ᐸᕐᓇᐅᑎᒥᒃ.
ᑐᐊᕕᕐᓇᖅᑐᖅᑕᖃᖅᑎᓪᓗᒍ, ᓯᕗᓪᓕᖅᐹᖅ ᐊᓂᕕᓯ ᐊᕝᕕᐊᖅᑕᐅᑐᐃᓐᓇᕆᐊᖃᕐᒪᑦ ᐃᑭᑦᑐᒧᑦ ᐅᕝᕙᓘᓐᓃᑦ ᐳᔫᓗᐊᖅᑐᒧᑦ. ᑕᐃᒪᐃᒻᒪᑦ ᐱᒻᒪᕆᐅᕗᖅ ᐸᕐᓇᓪᓗᓯ ᒪᕐᕉᓐᓂᒃ ᐊᓂᕕᖃᕐᓗᓯ ᑕᒪᐃᓐᓂ ᐃᓪᓗᕈᓯᐅᔪᓂ ᐊᖏᕐᕋᔅᓯᖕᓂ ᐊᒻᒪᓗ ᖃᐅᔨᒪᑦᑎᐊᕐᓗᓯ ᐃᓪᓗᒥᐅᑕᐅᖃᑎᑎᑦ ᖃᐅᔨᒪᒐᓗᐊᕐᒪᖔᕐᒥᒃ ᐊᓂᓵᕆᐊᖃᕐᓂᕐᒧᑦ ᐊᖅᑯᑎᖏᓐᓂ ᓱᑯᑦᑎᐊᒎᕆᐊᖃᕐᓂᕐᒥᒃ.
ᐆᑦᑐᕋᖃᑦᑕᕐᓗᒋᑦ ᐊᓂᓵᕐᓂᕐᒧᑦ ᐸᕐᓇᐅᑎᓯ, ᐱᓗᐊᕐᓗᒋᑦ ᓱᕈᓰᑦ, ᐃᓐᓇᒻᒪᕇᑦ, ᐅᕝᕙᓘᓐᓃᑦ ᑭᓇᑐᐃᓐᓇᖅ ᐃᑲᔪᖅᑕᐅᒃᑲᓐᓂᕆᐊᖃᖅᑐᖅ. ᓂᕈᐊᕐᓗᓯ ᐃᒃᑮᓇᓗᐊᙱᑦᑐᒥᒃ, ᐊᑦᑕᓇᙱᑦᑐᒥᒃ ᑲᑎᕝᕕᐅᒐᔭᖅᑐᒥᒃ ᖃᓂᑦᑑᓗᒍ, ᓲᕐᓗᒃ ᓴᓂᓪᓕᓯ ᐊᖏᕐᕋᖓᓄᑦ ᐅᕝᕙᓘᓐᓃᑦ ᐃᖏᕐᕋᔾᔪᑎᒧᑦ, ᑭᒃᑯᓕᒫᓄᑦ ᑲᑎᒍᓐᓇᕋᔭᖅᑐᑦ ᓯᓚᒨᖅᓯᒪᓕᒪᖅᑎᓪᓗᒋᑦ.
ᖃᐅᔨᒪᑦᑎᐊᕐᓗᓯ ᓯᓚᒦᑦᑐᖅᓯᐅᑏᑦ ᓲᕐᓗᒃ ᔭᐃᑲᓯ ᕘᑦᑎᓯᓗ ᑐᖅᑯᖅᓯᒪᒐᓗᐊᕐᒪᖔᑦ ᐊᓂᕕᑉ ᖃᓂᒋᔭᖓᓂ, ᑎᒍᔭᐅᑲᐅᑎᒋᔪᓐᓇᕋᔭᕐᒪᑕ ᐊᓂᒋᐊᖃᓕᕈᔅᓯ ᑐᐊᕕᕐᓇᖅᑐᖃᓕᖅᑎᓪᓗᒍ. ᐊᓂᕕᐅᔪᑦ ᐊᕝᕕᐊᕈᑎᑕᖃᙱᓪᓗᑎᑦ ᓲᕐᓗᒃ ᐊᐳᑎᑕᖃᙱᓪᓗᒋᑦ, ᑐᖅᑯᐃᓯᒪᙱᓪᓗᓯ ᑭᓱᑐᐃᓐᓇᕐᓂᒃ, ᐅᕝᕙᓘᓐᓃᑦ ᐃᓪᓗᒥᐅᑕᕐᓂᒃ ᐊᕐᕌᒍᓕᒫᕐᒥ ᖃᐅᔨᒪᓇᑦᑎᐊᖁᓪᓗᒍ ᐊᑐᕋᔅᓴᐅᓂᐊᕋᓗᐊᕐᒪᖔᑦ ᐊᓂᕕᐅᔭᕆᐊᖃᓕᕋᐃᒍᑎᑦ.
ᓱᖅᑯᐃᓇᖅᑐᑯᓗᒃ, ᐆᑦᑐᕋᖅᑕᐅᖃᑦᑕᖅᓯᒪᔪᖅ ᐊᓂᓵᕐᓂᕐᒧᑦ ᐸᕐᓇᐅᑎ ᐃᓅᓯᕐᓂᒃ ᐊᓐᓇᐅᒪᑦᑎᑦᑎᒍᑕᐅᔪᓐᓇᖅᑐᖅ.
ᐃᑭᑦᑕᐃᓕᒪᑎᑦᑎᓂᕐᒧᑦ ᐃᑲᔫᑎᒃᑲᓐᓂᐅᔪᑦ ᑐᑭᓯᒋᐊᕈᑎᖏᑦ ᑲᑐᔾᔭᐅᖃᑦᑕᕐᓂᐊᖅᑐᖅ ᐱᓇᓱᐊᕈᓯᓕᒫᕐᒥ.
##
ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:
ᔩᐅᑉ ᕙᕐᓂ
ᐊᖏᔪᖅᑳᖅ ᑐᓴᐅᒪᔪᓕᕆᔨᒃᑯᓐᓄᑦ ᐊᒻᒪ ᐊᑭᓕᕐᓱᐃᔨᓄᑦ ᐱᔨᖅᑎᕋᐅᑎ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | G.Byrne@iqaluit.ca
