ᐃᑭᑎᑦᑎᑦᑕᐃᓕᓂᕐᒧᑦ ᐱᓇᓱᐊᕈᓯᖓ: ᓴᓐᖓᑦᑎᓴᕆᐊᓖᑦ ᓴᓐᖓᓴᑦᑎᐊᕐᓗᒋᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐃᑭᑎᑦᑎᑦᑕᐃᓕᓂᕐᒧᑦ ᐱᓇᓱᐊᕈᓯᖓ: ᓴᓐᖓᑦᑎᓴᕆᐊᓖᑦ ᓴᓐᖓᓴᑦᑎᐊᕐᓗᒋᑦ

ᐅᑦᑑᐱᕆ 7, 2025 – ᐃᖃᓗᐃᑦ, ᓄᓇᕗᑦ

 

ᐃᑭᑎᑦᑎᑦᑕᐃᓕᓂᕐᒧᑦ ᐱᓇᓱᐊᕈᓯᖓ ᑲᔪᓯᑎᓗᒍ ᓄᓇᓕᐸᐅᔭᒃᑯᑦ ᐃᖃᓗᐃᑦ ᐃᖅᑲᐃᑎᑦᑎᔪᑦ ᓄᓇᓕᒻᒥᐅᑕᓂᑦ ᐊᑦᑕᓇᖏᑦᑐᒥᑦ ᓴᓐᖓᓯᑦᑎᑦᑎᓂᕐᒥᑦ ᐊᑐᖅᑕᐅᕙᑦᑐᓂᑦ ᐱᒻᒪᕆᐅᓪᓗᑎ ᐃᓚᒋᓪᓗᒍ ᐃᑭᑎᑦᑎᑕᐃᓕᓂᕐᒧᑦ.

ᐊᑐᐃᓐᓇᖃᑦᑕᕐᓗᒍ ᓴᓐᖓᑦᑎᓴᐅᑎᒋᔭᖓ ᐃᕝᕕᑦ ᑭᓱᖓᓄᑦ, ᐅᕝᕙᓘᓐᓃᑦ ᐅᑉᐱᕆᔭᐅᔪᓂᑦ ᖃᓄᐃᑦᑑᓂᖏᓐᓄᑦ ᐊᖏᖅᑕᐅᓯᒪᔪᑦ ᑐᕌᖓᓂᖃᖅᑐᓄᑦ ᓇᓗᓴᐃᖅᓯᒪᔪᒧᑦ ᑭᓲᓂᖓᓄᑦ. ᓇᓗᓴᐃᒃᑯᓯᖅᓯᒪᖏᑦᑐᑦ ᐅᕝᕙᓘᓐᓃᑦ ᐊᔾᔨᒋᖏᑕᖏᑦ ᓴᓐᖓᑦᑎᓴᐅᑏᑦ ᐆᓇᖅᓯᓗᐊᕈᓐᓇᖅᑐᑦ ᐊᒻᒪ ᖁᕝᕙᕆᐊᖅᑎᑦᑎᓗᑎ ᐃᑭᒍᓐᓇᕐᓂᖏᓐᓄᑦ.

ᓴᓐᖓᑦᑎᓴᓚᐅᖅᓯᒪᖏᓪᓗᒍ ᐊᕿᑦᑐᒥᑦ, ᐃᑭᒍᓐᓇᖅᑐᓂᑦ ᖄᖏᓐᓂ ᓲᕐᓗ ᓯᓂᕝᕖᑦ, ᐃᔅᓯᕙᐅᑕᑯᑖᑦ, ᐅᕝᕙᓘᓐᓃᑦ ᕿᐲᑦ. ᑖᒃᑯᐊ ᓱᓇᒃᑯᑖᑦ ᐆᓇᐃᓐᓇᑎᑦᑎᒍᓐᓇᖅᑐᑦ ᐊᒻᒪ ᐃᑭᓪᓗᑎ. ᓴᓐᖓᑦᑎᓴᕆᐊᓖᑦ ᑎᓯᔪᒦᑎᓗᒋᑦ, ᐃᑭᒍᓐᓇᖏᑦᑐᓂ ᖄᖏᓐᓂ ᓴᓐᖓᔅᓴᖅᑕᐅᑎᓪᓗᒋᑦ.

ᓴᓐᖓᑦᑎᓴᕋᔅᓴᐅᔪᑦ ᓴᓂᐊᓃᑎᑦᑕᐃᓕᓗᒋᑦ ᐃᑭᒍᓐᓇᖅᑐᓂᑦ ᐊᒻᒪ ᐊᓂᕕᔅᓴᐅᔪᒦᑎᑦᑕᐃᓕᓗᒋᑦ ᑲᑉᐳᔭᖅᑐᑦ ᐅᕝᕙᓘᓐᓃᑦ ᐅᐊᔭᐃᑦ. ᐃᑭᓐᓂᕈᓂ, ᐊᕝᕕᕋᑎᑦᑎᖏᓪᓗᑎ ᐊᖅᑯᑎᐅᔪᓂᑦ ᐱᒻᒪᕆᐅᔪᓄᑦ ᐊᑦᑕᓇᖏᑦᑐᒥ ᐊᓂᓵᓂᕐᒧᑦ.

ᑲᑉᐳᔮᕐᓗᒋᑦ ᓴᓐᖓᑦᑎᓴᐅᑏᑦ ᓴᓐᖓᑎᑦᑎᐊᖅᓯᒪᓕᕈᓂ. ᑖᓐᓇ ᐃᑲᔪᖅᑐᖅ ᐆᓇᖅᓯᓗᐊᖅᑕᐃᓕᓪᓗᓂ, ᓄᖑᓴᐃᖏᓪᓗᓂ ᐹᑕᓖᖓᓂ, ᐊᒻᒪ ᐊᑦᑎᓪᓕᒋᐊᖅᑎᑎᓪᓗᓂ ᐃᑭᑦᑐᖃᕈᓐᓇᕐᓂᖓᓄᑦ.

ᐊᒥᓱᑦ ᐃᓪᓗᒥᐅᑕᐃᑦ ᑭᓱᐃᑦ ᖃᓂᒋᔭᖓᓃᖃᑦᑕᖅᑐᑦ ᐆᓇᖅᑐᓂᑦ ᐅᕝᕙᓘᓐᓃᑦ ᐸᓂᖅᓴᐃᕕᐅᔪᓂᑦ, ᐱᓗᐊᖅᑐᒥᑦ ᓂᓪᓕᓇᕐᓂᖅᓴᐃᑎᓪᓗᒋᑦ ᑕᖅᑭᖏᓐᓂ. ᓴᓐᖓᑦᑎᓴᐃᑦᑕᐃᓕᒪᓗᑎᑦ ᑲᑉᐳᔭᖅᑐᓂᑦ ᑖᒃᑯᓇᓂ ᓇᒦᓐᓂᖏᓐᓂ, ᐆᓇᖅᓯᕙᓪᓕᐊᖃᑦᑕᕐᒪᑕ ᐊᒻᒪ ᐃᑭᒍᓐᓇᖅᑐᑦ ᖃᓂᒋᔭᖓᓃᑦᑐᑦ ᖁᕝᕙᕆᐊᖅᑎᑎᓪᓗᑎ ᐃᑭᑦᑐᖃᕈᓐᓇᓂᕐᒥᑦ.

ᐹᑕᓖ ᐳᕙᓪᓚᖅᓯᒪᔫᔮᕈᓂ, ᐅᕝᕙᓘᓐᓃᑦ ᐆᓇᖅᑐᓂ, ᐊᑐᕈᓐᓃᑦᑕᐅᑎᒋᓗᒍ ᑲᑉᐳᔭᖅᑐᖅ ᐊᒻᒪ ᐃᒋᓪᓗᒍ ᐊᑦᑕᓇᖏᑦᑐᒥᑦ.

ᐊᒥᓱᒃᑲᓐᓃᑦ ᐃᑭᑎᑦᑎᑕᐃᓕᓂᕐᒧᑦ ᐃᑲᔫᑏᑦ ᑐᓂᔭᐅᓂᐊᖅᑐᑦ ᐱᓇᓱᐊᕈᓯᓕᒫᒥᑦ.

 

##

 

 

ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:

 

ᔩᐅᑉ ᕙᕐᓂ

ᐊᖏᔪᖅᑳᖅ ᑐᓴᐅᒪᔪᓕᕆᔨᒃᑯᓐᓄᑦ ᐊᒻᒪ ᐊᑭᓕᕐᓱᐃᔨᓄᑦ ᐱᔨᖅᑎᕋᐅᑎ

ᓄᓇᓕᐸᐅᔭᐃᑦ ᐃᖃᓗᐃᑦ

867-979-5619 | G.Byrne@iqaluit.ca