ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 2017-04 ᐱᓕᕆᔨᒻᒪᕆᒻᒥᑦ ᐃᓕᓐᓂᐊᕐᓯᒪᔪᒥᑦ ᐅᖁᒪᐃᑦᑐᓂᑦ ᓱᓇᒃᑯᑖᓂᑦ ᐊᐅᓚᐅᓯᕆᓂᖅ
ᐃᓗᐊᓄᑦ / ᓯᓚᑖᓄᑦ ᐃᖅᑲᓇᐃᔮᑦᓴᖅ
ᐱᓕᕆᔨᒻᒪᕆᒻᒥᑦ ᐃᓕᓐᓂᐊᕐᓯᒪᔪᒥᑦ
ᐅᖁᒪᐃᑦᑐᓂᑦ ᓱᓇᒃᑯᑖᓂᑦ ᐊᐅᓚᐅᓯᕆᓂᖅ
ᐊᖏᔪᖅᑳᖃᕐᓗᓂ ᓄᓇᓯᐅᑎᒃᑯᕕᒻᒥ ᐊᖏᔪᖅᑳᕆᔭᐅᔪᒥᑦ/ᐱᔨᑦᓯᕋᕈᑎᓂᑦ ᐊᐅᓚᑦᓯᔨᒥᑦ, ᐃᖅᑲᓇᐃᔭᖅᑎ ᒪᑭᒪᑎᑦᓯᔨᐅᒐᔭᖅᑐᖅ ᐊᒻᒪᓗ ᓴᓇᔨᐅᓗᓂ ᓄᓇᓕᐸᐅᔭᐃᑦ ᐃᖃᓗᐃᑦ ᓄᓇᒃᑰᔫᖁᑎᓕᒫᖏᓐᓂᑦ ᐊᒻᒪᓗ ᓱᓇᒃᑯᑖᖁᑎᖏᓐᓂᑦ ᐊᑦᑕᓇᕈᓐᓃᑎᑉᐸᓪᓗᒋᑦ ᐊᒻᒪᓗ ᐊᐅᓚᑦᓯᐊᕈᓐᓇᑎᑉᐸᓪᓗᒋᑦ. ᐃᖅᑲᓇᐃᔭᖅᑎ ᐱᔭᑦᓴᒥᓂᒃ ᐊᖑᒻᒪᑎᒪᐃᓐᓇᕆᐊᖃᕋᔭᖅᑐᖅ ᐊᒻᒪᓗ ᑎᑎᕋᖅᐸᓪᓗᒋᑦ ᐊᐅᓚᐅᑎᓄᑦ ᐃᓚᑦᓴᐃᑦ ᐊᑐᓚᐅᖅᑕᖏᑦ ᐊᒻᒪᓗ ᐃᑲᕐᕋᖏᑦ ᐃᖅᑲᓇᐃᔭᐅᑎᒋᕙᑦᑕᖏᑦ ᓱᓇᓕᕆᓪᓗᓂ. ᑎᑎᕋᖃᑦᑕᓂᐊᕐᒥᔪᑦ ᐃᓚᑦᓴᓂᑦ ᐊᒻᒪᓗ ᓱᓇᒃᑯᑖᑦᓴᓂᑦ ᐱᔭᕆᐊᓕᓐᓂᑦ ᕿᒥᕐᕈᐊᖅᑕᐅᔪᑦᓴᓂᑦ ᐊᒻᒪᓗ ᐅᐸᓗᖓᐃᔭᐅᑎᑦᓴᓂᑦ.
ᐃᖅᑲᓇᐃᔭᖅᑎ ᐊᑐᕈᓐᓇᖅᑐᒥᑦ ᐱᓕᕆᔨᒻᒪᕆᐅᓂᖓᓂᑦ ᓇᓗᓇᐃᒃᑯᑎᖃᕆᐊᓕᒃ ᐅᖁᒪᐃᑦᑐᓂᑦ ᓱᓇᒃᑯᑖᓂᑦ ᐊᐅᓚᐅᓯᕆᔪᓐᓇᓂᕐᒥᑦ ᑎᓴᒪᓂᑦ (4) ᐊᕐᕌᒍᓂᒃ ᐃᖅᑲᓇᐃᔭᖅᑎᐅᓚᐅᕐᓯᒪᓗᓂ ᐊᐅᓚᐅᓯᕆᓂᕐᒥ, ᓇᓗᓇᐃᒃᑯᑎᓕᒻᒥᑦ 3 ᐊᖅᑯᑦᑐᖅᓯᐅᑎᖃᕐᓗᓂ (ᐳᓪᓚᓕᓐᓂᑦ ᓄᖅᑲᖅᑕᐅᑎᓕᓐᓄᓪᓗ). ᐅᓪᓗᕐᓯᐅᑎᓂᑦ ᐋᖅᑭᑦᓱᐃᔪᓐᓇᕆᐊᓕᒃ ᐃᖅᑲᓇᐃᔮᑦᓴᓄᑦ ᑐᕌᖓᔪᓂᑦ, ᐃᖅᑲᓇᐃᔮᑦᓴᓕᒻᒪᕆᐅᕙᓪᓗᓂ, ᐊᒻᒪᓗ ᑭᒃᑯᑐᐃᓐᓇᕐᓂᑦ ᐱᓕᕆᖃᑎᖃᕈᓐᓇᕐᓗᓂ ᐊᒻᒪᓗ ᐊᓯᖏᓐᓂᑦ ᐃᖅᑲᓇᐃᔭᖅᑎᓂᑦ ᐅᖃᑦᑕᐃᓕᒪᕙᓐᖏᓪᓗᓂ ᐊᒻᒪᓗ ᑐᓐᖓᓇᖅᐸᓪᓗᓂ. ᐃᖅᑲᓇᐃᔭᕈᓐᓇᕆᐊᓕᒃ ᐅᓐᓄᒃᑯᑦ ᐊᒻᒪᓗ ᐱᓇᓱᐊᕈᓯᑦ ᓄᖕᖑᖏᓐᓂᑦ ᐃᖅᑲᓇᐃᔭᕆᐊᖃᕐᓂᕈᓂ. ᐃᓄᑦᑎᑑᕈᓐᓇᕈᓂ ᐱᕙᓐᓕᐅᑎᔪᒻᒪᕆᐅᒐᔭᖅᑐᖅ.
ᐊᑭᓕᕐᓱᖅᑕᐅᔾᔪᑎᖏᑦ ᐃᖅᑲᓇᐃᔮᒃᑯᑦ ᒪᓕᓐᓂᐊᖅᑐᑦ ᖃᓄᑎᒋ ᐱᔪᓐᓇᕐᓂᖓᓂᑦ ᐊᒻᒪᓗ ᐃᖅᑲᓇᐃᔮᖃᓚᐅᕐᓯᒪᓂᖓᓂᑦ; ᐱᐅᔪᐊᓗᓐᓂᑦ ᐃᑲᔫᓯᐊᕈᓐᓇᕋᔭᕐᒥᔪᑦ ᐃᖅᑲᓇᐃᔮᒃᑯᑦ.
ᐃᖅᑲᓇᐃᔮᖅᑖᕋᓱᐊᕈᑎᓐᓄᑦ ᐃᓚᓕᐅᑎᓯᒪᓂᐊᖅᑲᑎᑦ ᒫᓐᓇᓂᓴᐃᑦ ᐃᓕᓐᓅᖓᔪᑦ ᐱᓕᕆᔪᓐᓇᖅᑕᑎᑦ ᐊᒻᒪᓗ ᐱᔭᕇᕈᑎᖃᕐᓂᕈᕕᑦ ᑕᒪᑐᒧᖓ ᑐᕌᖓᔪᓂᑦ.
ᐃᖅᑲᓇᐃᔮᖅᑖᕋᓱᐊᕈᑏᑦ ᐅᕗᖓ ᑐᓂᔪᓐᓇᖅᑕᐃᑦ:
ᓇᓗᓇᐃᒃᑯᑎᖓ ᓈᓴᐅᑎ: 2017-04
ᐃᖅᑲᓇᐃᔭᖅᑎᓕᕆᓂᖅ
ᓄᓇᓕᐸᐅᔭᐃᑦ ᐃᖃᓗᐃᑦ
ᑎᑎᖅᑲᖃᐅᑎᖓ 460
ᐃᖃᓗᐃᑦ, ᓄᓇᕗᑦ X0A 0H0
hr@city.iqaluit.nu.ca
ᓱᑲᑦᑐᒃᑯᑦ: 867-979-5210
ᑕᐃᒃᑯᐊ ᑭᓯᐊᓂ ᐊᐱᕐᓱᖅᑕᐅᔪᒪᓂᐊᖅᑐᑦ ᖃᐅᔨᒃᑲᖅᑕᐅᓂᐊᖅᑐᑦ.
ᓄᓇᓕᐸᐅᔭᐃᑦ ᐃᖃᓗᐃᑦ ᐊᑐᕈᓐᓇᖅᑐᑦ ᓯᕗᓪᓕᐅᔾᔨᔾᔪᑎᒥᑦ ᐃᖅᑲᓇᐃᔭᖅᑎᑦᓴᓯᐅᕈᑎᓂᑦ ᐃᖅᑲᓇᐃᔭᖅᑎᐅᓯᓐᓇᖅᑐᓄᑦ.
ᒪᓕᑦᑐᒋᑦ ᑎᑎᕋᕐᓯᒪᔪᑦ ᐃᓚᖏᓐᓂ 23-ᒥ ᓄᓇᕗᑦ ᓄᓇᑖᕈᑕᐅᓯᒪᔪᑦ ᐊᖏᕈᑎᒥ, ᓯᕗᓪᓕᐅᔾᔭᐅᔪᓐᓇᖅᑐᑦ ᓄᓇᕗᒻᒥ ᐊᑎᖃᖃᑕᐅᔪᑦ ᓄᓇᖃᖅᑳᖃᑕᐅᓂᒃᑯᑦ ᒪᓕᑦᑐᑦ ᒪᓕᒐᕐᓂᑦ ᐃᖅᑲᓇᐃᔮᖅᑖᕈᑎᓂᑦ.
