09-1011 ᓴᓂᓕᕆᔨᓂᑦ ᐊᖏᔪᖅᑳᖅ

ᐃᖅᑲᓇᐃᔮᑦᓴᖅ

ᓴᓂᓕᕆᔨᓂᑦ ᐊᖏᔪᖅᑳᖅ

ᓄᓇᓕᐸᐅᔭᐃᑦ ᐃᖃᓗᐃᑦ ᕿᓂᓕᕐᒥᔪᑦ ᖃᐅᔨᒪᑦᓯᐊᖅᑐᓂᑦ ᐃᖅᑲᓇᐃᔭᖅᑎᑦᓴᓂᑦ ᓴᓂᓕᕆᔨᓄᑦ ᐊᖏᔪᖅᑳᖑᒐᔭᖅᑐᒥᑦ.  ᖃᐅᔨᓴᖅᑎᖓᓐᓂᑦ ᓴᓂᓕᕆᔩᑦ ᐊᖏᔪᖅᑳᖃᕐᓗᓂ, ᐃᖅᑲᓇᐃᔭᖅᑎᑦᓴᖅ ᖃᐅᔨᓴᖅᑎᐅᕙᑦᑐᖅ ᖃᐅᑕᒫᖅᑐᖅᓯᐅᑎᖏᓐᓂᑦ ᐊᒻᒪ ᑐᑭᒧᐊᑦᑎᑦᓯᔨᐅᓗᓂ ᓄᓇᓕᓐᓂ ᓴᓂᓕᕆᐅᑎᓂᑦ ᐃᖅᑲᓇᐃᔮᖃᖅᐸᑦᑐᓂᑦ, ᐊᒻᒪᑦᑕᐅᖅ ᐃᓚᖓᓐᓂᑦ ᓄᓇᒃᑰᔫᒥᑦ ᐱᔨᑦᓯᕋᕈᑎᒥᑦ ᐊᐅᓚᑦᓯᓚᐅᖅᐸᓪᓗᓂ.

ᐃᖅᑲᓇᐃᔮᑦᓴᖏᑦ ᖃᐅᔨᓴᖃᑦᑕᕐᓂᖅ ᓄᓇᓕᓐᓂ ᐱᔨᑦᓯᕋᖅᑎᓂᑦ, ᐱᔨᑦᓯᕋᖅᑕᐅᒋᐊᓕᓐᓂᑦ ᐅᐸᑦᑕᐅᑎᑦᓯᕙᑦᑐᓂ, ᖃᐅᔨᓴᖅᐸᑦᑐᓂ, ᓇᓗᓇᐃᔭᐃᔪᓐᓇᕐᓗᓂ ᓄᓇᒃᑰᔫᓂᑦ ᓱᕋᑉᐸᓪᓕᐊᔪᓂᑦ, ᐋᖅᑭᑦᓱᐃᕙᓪᓗᓂ, ᐸᕐᓇᐃᕙᓪᓗᓂ ᐊᒻᒪ ᐅᓪᓗᕐᓯᐅᑎᓕᐅᖅᐸᓪᓗᓂ ᓄᓇᒃᑰᔫᓕᕆᕙᑦᑐᓂᑦ, ᖃᐅᔨᓴᖅᐸᑦᑐᒋᑦ ᓴᓂᕐᓂᒃ ᓄᐊᑦᓯᕕᐅᕙᑦᑐᑦ, ᖃᐅᔨᓴᖅᐸᓪᓗᓂ ᓱᓇᒃᑯᑖᕈᓘᔭᐃᑦ ᓄᓇᒃᑰᔫᓗ ᓴᓗᒪᑎᑕᐅᑦᓯᐊᖅᐸᒃᑲᓗᐊᕐᒪᖔᑕ, ᐊᑦᑕᓇᖕᖏᓪᓗᑎᒃ ᐊᒻᒪ ᓱᕋᓐᓂᐅᓴᖕᖏᓪᓗᑎᒃ.  ᐊᑲᐅᓂᕐᓴᒃᑯᑦ ᐱᓕᕆᔾᔪᑎᒍᑦ ᐊᓯᔾᔨᕆᐊᓕᓐᓂᑦ ᐅᖃᐅᓯᖃᖅᐸᓪᓗᓂ, ᐃᖅᑲᓇᐃᔭᖅᑎᓄᑦ ᐅᓪᓗᕐᓯᐅᑎᖏᓐᓂᑦ ᐋᖅᑭᑦᓱᐃᕙᓪᓗᓂ, ᐃᑲᔪᖅᐸᓪᓗᓂ ᓄᑖᓂᑦ ᐃᖅᑲᓇᐃᔭᖅᑎᓂᑦ ᐱᓕᒻᒪᑦᓴᐃᕙᑦᑐᓂᑦ, ᐃᖅᑲᓇᐃᔮᕆᔭᓂᑦ ᖃᐅᔨᓴᖅᐸᓪᓗᓂ ᐊᒻᒪ ᐅᖃᐅᔾᔪᐃᕙᓪᓗᓂ ᐊᖏᔪᖅᑳᒥᓂᒃ ᐃᖅᑲᓇᐃᔭᖅᑏᑦ ᐱᓕᕆᔾᔪᑎᖏᓐᓂᑦ.  ᐊᓯᖏᑦ ᐃᖅᑲᓇᐃᔮᑦᓴᖏᑦ ᖃᐅᔨᓴᖅᐸᓐᓂᖅ ᐊᒻᒪ ᐋᖅᑭᑦᓱᐃᓇᓱᐊᖅᐸᓐᓂᖅ ᐊᑲᐅᖏᓕᐅᕈᑎᐅᔪᓂᑦ ᐱᔾᔪᑎᓕᓐᓂᑦ ᐱᔨᑦᓯᕋᕈᑎᓂᑦ, ᐊᑦᑕᓇᑦᑕᐃᓕᒪᔪᓕᕆᔪᓂᑦ ᑲᑎᒪᑎᑦᓯᕙᓪᓗᓂ, ᑎᑎᕋᖅᐸᓪᓗᓂ ᐅᒥᐊᕐᔪᐊᒃᑯᑦ ᑎᑭᓵᑦᓴᓂᑦ, ᐃᑲᔪᖅᐸᓪᓗᓂᐅᒃ ᐊᖏᔪᖅᑳᓂ ᐱᓕᕆᐊᑦᓴᒃᑯᑦ ᐸᕐᓇᐃᓂᕐᒥᑦ ᐊᒻᒪ ᑮᓇᐅᔭᒃᑯᑦ ᐊᑐᖅᑐᑦᓴᓂᑦ ᐊᒻᒪ ᐊᓯᖏᓐᓂᑦ ᐃᖅᑲᓇᐃᔮᖃᖅᐸᓪᓗᓂ ᑎᓕᔭᐅᔾᔪᑎᒥᓂᒃ.

ᐃᖅᑲᓇᐃᔮᖅᑖᕋᓱᐊᕈᓐᓇᖅᑐᑦ ᐅᑯᓂᖓ ᐊᑐᕐᓯᒪᔪᑦ

• ᒍᓚᐃ 10-ᒥᑦ ᐱᔭᕇᕐᓯᒪᓗᓂ

• ᓴᓕᒎᑎᓕᓐᓂᑦ ᐊᐅᓚᑦᓯᔪᓐᓇᓂᕐᒥᑦ ᐱᔭᕇᕈᑎᖃᕆᐊᓕᒃ

• ᓇᓗᓇᐃᒃᑯᑎᓕᒻᒥᑦ 3 ᐊᖁᑦᑐᖅᓯᐅᑎᖃᕐᓗᓂ ᐳᓪᓚᓕᓐᓂᑦ ᓄᖅᑲᖅᑕᐅᑎᓕᓐᓂᑦ ᓄᓇᒃᑰᔫᕈᓐᓇᕐᓗᓂ

• ᐊᕐᕌᒍᓂᑦ ᑕᓪᓕᒪᓂᐅᒐᓗᐊᖅ ᐊᐅᓚᑦᓯᔨᐅᓚᐅᕐᓯᒪᓗᓂ ᐊᒻᒪ ᑲᒪᔨᐅᓚᐅᕐᓯᒪᓗᓂ ᐊᖏᔫᑎᓂᑦ ᓄᓇᒃᑰᔫᓂᑦ ᐊᒻᒪ ᓄᓇᓯᐅᑎᐸᐅᔭᓂᑦ

• ᐊᕐᕌᒎᓐᓂᑦ ᑕᓪᓕᒪᓂᐅᒐᓗᐊᖅ ᐃᖅᑲᓇᐃᔭᖅᑎᓂᑦ ᖃᐅᔨᓴᖅᑎᐅᓚᐅᕐᓯᒪᓗᓂ

• ᖃᕋᑕᐅᔭᓕᕆᔾᔪᑎᓂᑦ ᐱᓕᕆᔾᔪᑎᖃᕈᓐᓇᑦᓯᐊᕆᐊᓕᒃ ᐊᒻᒪ ᑎᑎᖅᑲᓕᐅᕈᑎᓂᑦ

• ᐅᖃᐅᓯᒃᑯᑦ ᐊᒻᒪ ᑎᑎᖅᑲᒃᑯᑦ ᑐᓴᐅᒪᖃᑎᖃᕈᓐᓇᑦᓯᐊᕐᓗᓂ

• ᐃᓄᑦᑎᑑᕈᓐᓇᕈᓂ ᐱᕙᓪᓕᐅᑎᔪᒻᒪᕆᐅᓂᐊᖅᑐᖅ

ᐊᔾᔨᒐᓚᖏᑦ ᑲᑎᑦᑐᒋᑦ ᓇᓕᒧᑉᐸᑕ ᐃᓕᓐᓂᐊᕐᓯᒪᔭᕆᐊᓕᓐᓄᑦ, ᖃᐅᔨᒪᒋᐊᓕᓐᓄᑦ, ᐱᓕᒻᒪᓴᕐᓯᒪᔭᑦ ᐊᒻᒪ ᐱᓕᕆᔾᔪᑎᐅᔪᓐᓇᖅᑐᑦ ᐃᓕᓐᓂᐊᕈᑎᓪᓚᕆᓐᓄᑦ ᐃᓱᒪᒋᔭᐅᓂᐊᖅᑐᑦ. ᐱᔭᕇᕈᑎᒥᓃᑦ ᐊᔾᔨᖏᓐᓂᑦ ᐃᓚᓕᐅᑎᓯᒪᒋᐊᖃᖅᑐᓯ ᒫᓐᓇᓂᓴᕐᓂᑦ ᐊᒻᒪ ᐊᓯᖏᓐᓂᑦ ᐱᔭᕇᕈᑎᒥᓂᕐᓂᒃ ᐱᑕᖃᕆᐊᖃᕐᓂᐊᖅᑐᑦ ᐱᓇᓱᐊᕈᑎᑎᑦ.

ᑮᓇᐅᔭᓕᐊᖓᑦ ᐱᒋᐊᕈᑎᖓ $71,424.47, ᐊᕐᕌᒍᓕᒫᒥ ᐊᒻᒪ $20,907.43 ᐃᑲᔫᑎᓂᑦ ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐊᒻᒪ ᐱᐅᔪᐊᓗᓐᓂᑦ ᐃᑲᔫᓯᐊᑦᓴᖃᖅᑐᑎᒃ ᓯᓚᑖᒍᑦ ᑮᓇᐅᔾᔭᑦᓵᑦᓴᐃᑦ ᐊᒻᒪ ᕿᑲᕆᐊᕈᑎᓄᑦ ᐃᑲᔫᓯᐊᓂᑦ.

ᒪᑐᕕᑦᓴᖓ: ᒫᕐᓯ 16, 2018

ᐃᖅᑲᓇᐃᔮᑦᓴᒥᑦ ᐱᓇᓱᐊᕈᑏᑦ ᑐᓂᔪᓐᓇᖅᑕᑎᑦ ᐅᕗᖓ:

ᓇᓗᓇᐃᒃᑯᑎᖓ # 09-1011

ᐃᖅᑲᓇᐃᔭᖅᑎᓕᕆᓂᖅ

ᑎᑎᖅᑲᖃᐅᑎᖓ 460

ᐃᖃᓗᐃᑦ, ᓄᓇᕗᑦ X0A 0H0

hr@city.iqaluit.nu.ca

ᐅᖄᓚᐅᑎᖓ: (867)975-8506 ᓱᑲᑦᑐᒃᑯᑦ: (867) 979-5210

ᖃᐅᔨᒋᐊᓛᖅᑕᕗᑦ ᑕᐃᒃᑯᐊ ᐊᐱᕐᓱᓛᕈᒪᔭᕗᑦ ᑭᓯᐊᓂ.

ᒪᓕᓪᓗᒋᑦ ᑎᑎᕋᕐᓯᒪᔪᑦ ᓈᓴᐅᑎᓖᑦ 23-ᒥ ᓄᓇᕘᒥᑦ ᐊᖏᕈᑎᒥ, ᓯᕗᓪᓕᐊᔾᔭᐅᓛᕐᒥᔪᑦ ᓄᓇᕘᒥ ᐊᖏᕈᑎᒥ ᐊᑎᖃᖃᑕᐅᔪᑦ ᒪᓕᑦᑐᑦ ᒪᓕᒐᕐᓂᑦ ᐃᖅᑲᓇᐃᔮᑦᓴᒧᑦ.