ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᐱᓕᕆᔾᔪᓯᐅᔪᑦ ᑲᑎᒪᔩᑦ ᓵᖏᓐᓅᕐᓯᒪᓂᐊᕐᓗᓂ ᐅᖃᕆᐊᖅᑐᕐᓯᒪᓗᓂ
ᐅᖃᕆᐊᖅᑐᕐᓯᒪᔪᑦ ᑭᓇᑐᐃᓐᓇᐅᔪᓐᓇᖅᑐᖅ ᐊᑕᐅᓯᖅ ᐅᕝᕙᓘᓐᓃᑦ ᑲᑐᔾᔨᖃᑎᒌᑦ ᐅᖃᐅᓯᖃᕆᐊᖅᑐᕈᒪᓯᒪᓪᓗᑎᒃ ᐱᔾᔪᑎᒥᓂᒃ ᑲᑎᒪᔨᓄᑦ ᐅᕝᕙᓘᓐᓃᑦ ᑲᑎᒪᔨᕋᓛᖏᓐᓄᑦ ᑲᑎᒪᔩᑦ.
ᓄᓇᓕᐸᐅᔭᐃᑦ ᐃᖃᓗᐃᑦ ᐱᖓᓱᓂᑦ ᐅᖃᕆᐊᖅᑐᕐᓯᒪᔪᖃᕈᓐᓇᖅᑐᑦ ᑲᑎᒪᔩᑦ ᑲᑎᒪᑎᓪᓗᒋᑦ. ᑲᑎᒪᒋᐊᖅᐸᑦᑐᑦ 6-ᒨᕋᐃᒻᒪᑦ ᐅᓐᓄᒃᑯᑦ ᐊᒻᒪ ᑲᑎᒪᔩᑦ ᑲᑎᒪᕕᖏᓐᓃᐸᑦᑐᑎᒃ ᓯᑎᒃᑯᑦ ᐊᓪᓚᕝᕕᖏᑕ ᐃᓗᐊᓂ, ᑕᖅᑭᐅᑉ ᐃᓗᐊᓂ ᑐᓪᓕᐊᓂ ᐊᒻᒪ ᑎᓴᒪᖓᓐᓂ ᓇᒡᒋᔾᔭᐅᓕᖅᑭᕐᓂ.
ᐅᖃᕆᐊᖅᑐᕈᒪᓂᐊᕈᕕᑦ, ᑲᑎᒪᔨᓄᑦ ᑲᑎᒪᔾᔪᑎᑦᓴᓃᒋᐊᖃᖅᑐᑎᑦ. ᑎᑎᖅᑲᑎᒍᑦ ᑐᑦᓯᕋᕆᐊᓖᑦ ᐱᓇᓱᐊᕈᓰᒃ ᒪᕐᕉᒃ ᓯᕗᓂᐊᒍᑦ ᑐᓴᖅᑎᑦᓯᓗᓯ ᒪᐃᔭᒥᑦ ᐊᒻᒪ ᑲᑎᒪᔨᓂᑦ ᐊᖅᑯᑎᒋᓗᒍ ᓯᑎᒃᑯᑦ ᐊᓪᓚᑦᑎᖏᑕ ᐊᓪᓚᕝᕕᖓ. ᐃᕐᖐᓇᖅᑕᐅᑎᒃᑯᑦ ᑎᑎᖅᑲᐃᑦ ᑐᓂᔪᓐᓇᖅᑕᐃᑦ ᐅᕗᖓ AdminDL@city.iqaluit.nu.ca
ᐅᖃᕆᐊᖅᑐᕈᒪᓂᐊᖅᑐᑦ ᓯᕗᓪᓕᖅᐹᑐᐃᓐᓇᐃᑦ ᐱᖓᓱᑦ ᐃᓂᑦᓴᓕᐅᖅᑕᐅᕙᓐᓂᐊᖅᑐᑦ ᐊᒻᒪ 10 ᒪᓇᑦᔅᓯᒥᑦ ᓯᕿᖕᖑᔭᑎᒍᑦ ᐅᓂᒃᑳᕈᓐᓇᖅᑐᑎᑦ ᐅᖃᐅᑎᑦᓴᓐᓂᑦ ᑲᑎᒪᔨᓄᑦ. ᑲᑎᒪᔨᓂᑦ ᐊᐱᕐᓱᖅᑐᖃᑐᐃᓐᓇᕆᐊᓕᒃ ᐅᓂᒃᑳᕆᔭᑎᑦ ᐱᔾᔪᑎᐅᓗᑎᒃ.
ᑎᑎᖅᑲᐃᑦ ᐅᖃᕆᐊᖅᑐᕈᒪᓂᕐᓂᒃ ᑎᑎᕋᕐᓯᒪᔪᖃᕆᐊᓕᒃ ᐅᓂᒃᑳᕆᔪᒪᔭᕐᓂᒃ ᐊᒻᒪᑦᑕᐅᖅ ᐊᑎᖓ ᐊᒻᒪ ᓇᒧᑦ ᖃᐅᔨᒋᐊᖅᑕᐅᔪᓐᓇᕐᓂᖓᓂ ᑐᑭᓯᒋᐊᕈᑎᓂᑦ ᑎᑎᕋᕐᓗᑎᑦ.
ᖃᐅᔨᒪᒋᐊᓕᒃ, ᑎᑎᖅᑲᐃᑦ ᑎᑎᕋᖅᑕᐅᓯᒪᒋᐊᓖᑦ ᖃᓪᓗᓈᑎᑐᑦ ᐊᒻᒪ ᐃᓄᑦᑎᑐᑦ.
ᐅᖃᕆᐊᖅᑐᕈᒪᓂᐊᕈᕕᑦ ᑲᑎᒪᔨᕋᓛᖏᓐᓄᑦ ᑲᑎᒪᔩᑦ, ᑕᒪᓐᓇᓴᐃᓐᓇᖅ ᐱᓕᕆᔾᔪᑎ ᐊᑐᖅᑕᐅᒋᐊᓕᒃ; ᖃᐅᔨᒋᐊᖅᑕᐅᔪᓐᓇᖅᑐᖅ ᓯᑎᒃᑯᑦ ᐊᓪᓚᑦᑎᖓᑦ ᐅᓪᓗᕐᓯᐅᑎᓂᑦ ᐱᔪᒪᒍᑦᓯ.
ᐱᓕᕆᔾᔪᓯᐅᔪᑦ ᑲᑎᒪᔩᑦ ᓵᖏᓐᓅᕐᓯᒪᓂᐊᕐᓗᓂ ᐅᖃᕆᐊᖅᑐᕐᓯᒪᓗᓂ
Date:
31/12/2019