ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᓄᓇᓕᐸᐅᔭᐃᑦ ᐃᖃᓗᐃᑦ ᐱᖕᖑᐊᖅᑐᓕᕆᔨᖏᑕ ᖃᓄᐃᓕᐅᕈᑎᑦᓴᖏᑦ 2021 ᕿᑲᕐᓇᐃᑦ ᐅᓪᓗᖏᓐᓂ
ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐅᑯᓂᖓ ᕿᑲᕐᓇᐅᓕᖅᐸᑦ ᐅᓪᓗᖏᓐᓂ ᖃᓄᐃᓕᐅᕈᑎᐅᓛᖅᑐᓂᑦ.
ᐱᑖᖅᑎᑦᑎᔨ ᓵᓂᑲᓛᓯ ᐊᑐᕆᐊᒃᑯᑦ ᒪᓕᑦᑎᒌᓪᓗᑎᒃ ᐃᖏᕐᕋᔭᖃᑕᐅᓂᖓ
ᐅᕙᑦᑎᓐᓄᑦ ᐱᖃᑕᐅᒋᐊᖅᑐᓛᖅᑯᓯ ᓈᑦᓯᐅᖑᔭᓛᕐᓂᐊᖑᓕᖅᐸᑦ ᑏᓰᐱᕆ 18, 2021 ᐱᒋᐊᕈᑎᒋᓛᖅᑕᑎᓐᓂᑦ ᕿᑲᕐᓇᐃᑦ ᐅᓪᓗᖏᓐᓂᑦ ᐊᕐᕌᒍᑕᒫᕐᓯᐅᑎᑦᑎᓐᓂᑦ ᐊᑐᖅᑎᓪᓗᑕ ᐱᑖᖅᑎᑦᑎᔨ ᓵᓂᑲᓛᓯ ᐊᑐᕆᐊᒃᑯᑦ ᐃᖏᕐᕋᔭᖃᑕᐅᑎᓪᓗᒍ ᒪᓕᑦᑎᒌᓪᓗᑕ. ᐊᑎᓕᐅᕐᕕᑦᓴᐅᓕᖅᑐᖅ! ᐱᖃᑕᐅᓛᕈᒪᓐᓂᕈᑦᓯ ᒪᓕᑦᑎᒌᑦᑐᓄᑦ ᖃᕋᑕᐅᔭᒃᑯᑦ ᐊᑎᓕᐅᕈᓐᓇᖅᑐᓯ ᐅᕙᓂ: http://ca.apm.activecommunities.com/iqaluitrecreation/Activity_Search/686
ᐊᑭᖃᖕᖏᑦᑐᖅ ᐱᖃᑕᐅᒍᒪᓐᓂᕈᕕᑦ. ᐊᑎᓕᐅᕐᕕᑦᓴᐅᔪᓐᓃᓛᖅᑐᖅ ᑎᓴᒻᒥᕐᒥ ᑏᓰᐱᕆ 16, 2021.
ᐱᑖᖅᑎᑦᑎᔨᒥᑦ ᓵᓂᑲᓛᓯᒥᑦ ᐳᓛᕆᐊᕐᓂᖅ
ᐊᕐᕌᒍᑦᑎᓐᓂ ᐅᑎᖅᑎᑕᐅᔪᖅ ᐳᓛᕆᐊᕐᓂᖅ ᐱᑖᖅᑎᑦᑎᔨᒥᑦ ᓵᓂᑲᓛᓯᒥᑦ, ᐊᑕᐅᑦᑎᒃᑰᖃᑕᐅᓗᓂ ᐊᑐᕆᐊᒃᑯᑦ ᒪᓕᑦᑐᒌᓐᓄᑦ. ᒪᓕᑦᑎᒌᓐᓂᖅ ᐃᓱᓕᑉᐸᑦ, ᓵᓂᑲᓛᓯ ᐃᓐᓇᑐᖃᐃᑦ ᖃᒻᒪᖓᓐᓅᓛᖅᑐᖅ ᐊᔾᔨᓕᐅᕆᔪᒪᓐᓂᕈᑦᓯ ᐃᓚᒋᓗᒍ. ᐅᓐᓄᓴᒃᑯᑦ ᖃᒻᒪᒦᓛᖅᑐᖅ 2-ᒥᓂᑦ 4-ᒧᓄᑦ.
ᐊᑭᓖᒋᐊᑐᓛᖏᒻᒥᔪᖅ ᐊᒻᒪ ᑭᒃᑯᑐᐃᓐᓇᑦᑎᐊᑦ ᐅᐸᒍᓐᓇᓛᖅᑐᑎᒃ, ᐊᑎᓕᐅᕆᐊᑐᖕᖏᑦᑐᖅ!
ᐅᑭᐅᒃᑯᑦ ᖁᕕᐊᓇᖅᑐᖅ ᓄᓇ
ᓄᑖᖑᓂᐊᖅᑐᖅ ᕿᑲᕐᓇᐃᑦ ᐅᓪᓗᖏᓐᓂ ᐅᑭᐅᒃᑯᑦ ᖁᕕᐊᓇᖅᑐᖅ ᓄᓇ ᐊᑐᖅᑕᐅᓛᖅᑐᖅ ᐃᖃᓗᐃᑦ ᐊᓃᕐᕕᖓᓂ ᑕᓪᓕᒥᕐᒥ, ᑏᓰᐱᕆ 17 ᐅᓐᓄᓴᒃᑯᑦ 4-ᒥ ᐱᒋᐊᕐᓗᑎᒃ 8-ᒧᓄᑦ ᐅᓐᓄᒃᑯᑦ ᐊᒻᒪ ᓈᑦᓯᐅᖑᔭᓛᕐᓂᐊᒥ, ᑏᓰᐱᕆ 18 ᐅᓐᓄᓴᒃᑯᑦ 2-ᒥᓂᑦ 4-ᒧᓄᑦ.
ᖃᐃᓛᖅᑯᓯ ᖁᕕᐊᓱᖃᑕᐅᒋᐊᖅᑐᕐᓗᓯ ᓇᓪᓕᐅᓂᕐᓯᐅᖅᑎᓪᓗᒋᑦ ᐃᓚᒋᔭᐅᓗᑎᒃ ᐃᓚᖏᑦ ᓄᓇᓕᓐᓂ ᓇᖕᒥᓂᖃᖅᑎᐅᔪᑦ ᐊᒻᒪ ᑲᑐᔾᔨᖃᑎᒌᖑᔪᑦ ᐱᑕᖃᓛᖅᑐᒻᒪᕆᐅᔪᑦ ᐆᓇᖅᑐᓂᑦ ᐃᒥᕋᑦᓴᓂᑦ, ᐅᖃᓕᒫᒐᕐᓂᑦ, ᐅᖁᒻᒥᐊᒐᕐᓂᒃ, ᐊᒻᒪ ᐃᓘᓐᓇᖏᑎᒍᑦ ᕿᑲᕐᓇᐅᓂᖓᓂ ᖁᕕᐊᓱᖃᑕᐅᒋᐊᖅᑐᕐᓗᓯ!
ᑕᒪᓐᓇᑦᑕᐅᖅ ᐊᑭᖃᓛᖏᒻᒥᔪᖅ ᑭᒃᑯᑐᐃᓐᓇᕐᓄᑦ.
ᑐᑭᓯᒋᐊᒃᑲᓐᓂᕐᕕᑦᓴᖅ:
ᓇᔭ ᐱᐅᕐᔅ
ᐱᖕᖑᐊᖅᑐᓕᕆᔨᒃᑯᑦ ᐱᔨᑦᓯᕋᖅᑎᖓᑦ
867-979-5611 | n.pearce@iqaluit.ca
