ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᒥᖅᑕᐅᔪᓐᓇᖅᑐᒥᑦ ᐃᒥᓕᕆᔪᖅ ᑐᓴᕋᑦᓴᖅ − ᐃᒥᖅᑕᐅᔪᓐᓇᖅᑐᒥ ᐊᑐᐃᓐᓇᖃᓛᖅᑐᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᐃᒥᖅᑕᐅᔪᓐᓇᖅᑐᒥᑦ ᐴᕐᓯᒪᔪᓂᑦ ᐃᒥᕐᒥᒃ ᐊᑐᐃᓐᓇᖃᓛᖅᑐᑦ ᓄᓇᓕᕐᒥᐅᑕᓄᑦ ᓈᑦᓯᐅᖑᔭᓛᕐᓂᐊᒥ, ᐋᑦᑑᐸ 16 ᐊᒻᒪ ᓈᑦᓯᐅᖑᔭᒥ, ᐋᑦᑑᐸ 17 ᐅᑯᓇᓂ:
- ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᖕᖑᐊᕐᕕᐊᓗᒻᒥ ᐅᓐᓄᓴᒃᑯᑦ 1-ᒥᑦ 3-ᒧᑦ ᐃᒥᖅ ᓄᖑᒐᓱᓐᓂᖏᓐᓂ
- ᓇᑲᓱᒃ ᐃᓕᓐᓂᐊᕐᕕᐅᑉ ᓄᓇᓯᐅᑎᓄᑦ ᓄᖅᑲᖓᕕᖓᓂ ᐅᓐᓄᓴᒃᑯᑦ 1-ᒥᑦ 3-ᒧᑦ ᐃᒥᖅ ᓄᖑᒐᓱᓐᓂᖏᓐᓂ
ᓄᓇᓕᕐᒥᐅᑕᐃᑦ ᐱᑎᑕᐅᖃᑦᑕᓂᐊᖅᑐᑦ ᐊᑐᓂ ᐊᖏᕐᕋᒧᑦ ᐊᑕᐅᓯᕐᒧᑦ ᑎᓴᒪᓂᒃ ᐃᒥᒃᑯᕕᓐᓂᒃ 4 ᓖᑕᓕᓐᓂᑦ. ᑕᒪᒃᑯᐊ ᐴᑦᓴᐃᑦ ᐊᑐᒃᑲᓐᓂᕋᑦᓴᐅᒻᒪᑕ ᐊᒻᒪ ᓄᓇᓕᕐᒥᐅᑕᓄᑦ ᐊᑐᖅᑕᐅᑲᐃᓐᓂᖁᓂᐊᖅᑕᕋᓗᐊᕗᑦ ᐊᒻᒪ ᓯᕗᓂᑦᑎᓐᓂ ᐊᑐᖅᑕᐅᑲᓐᓂᓛᕈᓐᓇᕐᒥᒻᒪᑕ ᐊᑐᕆᐊᖃᓕᕐᒥᑉᐸᑕ. ᐊᑏ ᐅᔾᔨᕈᓱᔾᔫᒥᕙᓪᓗᓯ ᐊᕙᑎᑦᓯᓐᓂᑦ ᐃᒥᖅᑕᕐᓯᒪᓕᕋᐃᒍᑦᓯ ᓯᓚᒥᒃ. ᐃᒥᖅ ᐃᒥᖅᑕᐅᓂᐊᕐᓗᓂ ᑭᓯᐊᓂ ᐊᑐᖅᑕᐅᖁᔭᕋᓗᐊᕗᑦ.
ᐴᕐᓯᒪᓯᓐᓇᖅᑐᑦ ᐃᒦᑦ ᐃᖃᓗᓐᓄᑦ ᑎᑭᑎᑕᐅᖏᓐᓇᕐᒪᑕ ᖃᐅᑕᒫᑦ ᓄᓇᓕᕐᒥᐅᑕᐃᑦ ᐃᒥᖅᑕᖁᔭᕋᓗᐊᕗᑦ ᑭᓯᐊᓂ ᐊᑐᕆᐊᓕᖏᓐᓂᑦ, ᐊᒻᒪ ᓄᐊᑦᓯᑐᐃᓐᓇᖁᔨᖏᑲᐃᓐᓇᖅᑐᒍᑦ ᓄᓇᓕᕐᒥᐅᑕᓕᒫᑦᓯᐊᑦ ᐃᒥᕐᒥᒃ ᐱᔭᐃᓐᓇᖁᒐᓗᐊᕋᑦᑎᒍ ᓈᒻᒪᑦᑐᒥᑦ.
ᓄᓇᓕᐸᐅᔭᒃᑯᑦ ᐃᖅᑲᐃᑎᑦᑎᒍᒪᒻᒥᔪᑦ ᐃᓐᓇᑐᖃᕐᓂᒃ ᐅᕝᕙᓘᓐᓃᑦ ᑕᐃᒃᑯᓂᖓ ᑎᒥᒃᑯᑦ ᐱᒡᒐᐅᑎᓕᓐᓂᑦ ᖃᐅᔨᒋᐊᕈᓐᓇᕐᒪᑕ ᐃᒥᓕᕆᔪᑦ ᐅᖄᓚᕕᐅᔪᓐᓇᖅᑐᑦ ᐅᕗᖓ 867-979-5603, ᐅᓪᓗᒃᑯᑦ ᐃᑲᕐᕋᐃᑦ ᐊᑯᓐᓂᖏᓐᓂ 9-ᒥᑦ ᐅᓪᓛᒃᑯᑦ 5-ᒧᓄᑦ ᐅᓐᓄᓴᒧᑦ, ᓇᒡᒋᔾᔭᐅᒥᑦ ᑕᓪᓕᒥᕐᒧᑦ.
ᓄᓇᓕᐸᐅᔭᒃᑯᑦ ᖁᔭᓐᓇᒦᕈᒪᕗᑦ ᓄᓇᓕᕐᒥᐅᑕᓂᑦ ᐅᑕᖅᑭᑦᓯᐊᐸᓐᓂᖏᓐᓄᑦ ᐊᒻᒪ ᑐᑭᓯᐊᑦᓯᐊᕐᓂᖏᓐᓂᑦ ᒫᓐᓇᐅᔪᖅ ᐱᔭᕆᐊᑐᑦᓴᑲᐃᓐᓇᑎᓪᓗᑕ. ᒐᕙᒪᒃᑯᑦ ᓄᓇᕘᒧᑦ ᖁᔭᓐᓇᒦᕈᒪᒻᒥᔭᕗᑦ ᐃᑲᔪᕐᓂᖏᓐᓂᑦ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ:
ᔭᕗᕆ ᐴᕐᓐ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᑎᔨᐅᑲᐃᓐᓇᖅᑐᖅ
867-979-5619 | g.byrne@iqaluit.ca
ᐃᖃᓗᓐᓂ ᐃᒥᓕᕆᔪᖅ ᐅᖄᓚᕕᑦᓴᖅ:
867-979-5603
ᓇᒡᒋᔾᔭᐅᒥᑦ ᑕᓪᓕᒥᕐᒧᑦ − 9-ᒥᑦ ᐅᓪᓛᒃᑯᑦ 5-ᒧᓄᑦ ᐅᓐᓄᓴᒧᑦ (ᐃᓄᖃᖅᐸᖏᑦᑐᖅ 12-ᒥᑦ 1-ᒧᓄᑦ ᐅᓪᓗᒃᑯᑦ)
