ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᓄᓇᓕᐸᐅᔭᒃᑯᑦ ᑐᓐᖓᓱᑦᑎᑦᓯᔪᒪᕗᑦ ᓄᓇᓕᓐᓄᑦ ᑮᓇᐅᔭᑎᒍᑦ ᐃᑲᔫᑎᑦᓴᓂᑦ ᑐᑦᓯᕋᕈᒪᔪᓄᑦ
ᓂᕆᔭᑦᓴᖃᑦᓯᐊᖏᑦᑐᓄᑦ ᐃᑲᔫᑎᑦᓴᑦ ᑮᓇᐅᔭᑎᒍᑦ – ᑭᖑᓪᓕᕐᐹᑦ ᑐᑦᓯᕌᑦᓴᑦ
ᐃᖃᓗᐃᑦ ᓄᓇᓕᐸᐅᔭᖓᑦ ᑐᓐᖓᓱᑦᑎᑦᓯᓕᕆᕗᑦ ᑐᑦᓯᕋᕈᒪᔪᓄᑦ ᓂᕆᔭᑦᓴᖃᑦᓯᐊᖏᑦᑐᓄᑦ ᐃᑲᔫᑎᑦᓴᓂᑦ ᐊᑐᐃᓐᓇᕈᕐᑕᐅᕋᑖᓚᐅᕐᓯᒪᔪᓂᑦ, ᐊᕐᕌᒎᓂᐊᕐᑐᒧᑦ ᐃᓱᓕᕝᕕᖃᕐᑐᑎᖕ ᒫᔾᔨ 31, 2022ᒥ. ᓂᕆᔭᑦᓴᖃᑦᓯᐊᖏᑦᑐᓄᑦ ᐃᑲᔫᑎᑦᓴᑦ ᐃᑲᔪᕐᓯᒋᐊᕈᑏᑦ $5,000−ᓄᑦ ᑭᓪᓕᖃᕐᑎᑕᐅᔪᑦ. ᑐᑦᓯᕋᕈᒪᔪᑦ ᑭᓪᓕᖃᕐᑎᑕᐅᔪᑦ ᐱᖓᑦᓯᕐᒥ, ᓯᑉᑎᒻᒪ 15, 2021.
- ᓂᕆᔭᑦᓴᖃᑦᓯᐊᖏᑦᑐᓄᑦ ᐃᑲᔫᑎᑦᓴᑦ ᑮᓇᐅᔭᑎᒍᑦ ᐃᑲᔫᑕᐅᔪᒫᕐᓂᐊᕐᑐᑦ ᑲᑐᔾᔨᖃᑎᒌᓄᑦ ᐊᒻᒪ ᐱᓕᕆᔾᔪᑎᑦᓴᓂᑦ ᓂᕆᔭᑦᓴᖃᑦᓯᐊᕈᓐᓃᕐᓯᒪᔪᓄᑦ ᐃᑲᔫᑕᐅᔪᒫᕐᓂᐊᕐᑐᑦ ᐊᒥᒐᕐᓯᓚᕿᓯᒪᔪᓄᑦ, ᐅᕝᕙᓘᓐᓃᑦ ᐊᔪᖅᓴᓕᕐᓯᒪᔪᓄᑦ ᐱᔾᔪᑎᒋᓪᓗᒍ ᑰᕕᑦ−19 ᓄᕙᕐᔪᐊᕐᓇᖅ ᓯᐊᒻᒪᐸᓪᓕᐊᓚᐅᕐᑎᓪᓗᒍ.
- ᑐᑦᓯᕋᕐᑐᑦ ᕿᒥᕐᕈᔭᐅᖃᑦᑕᓂᐊᕐᑐᑦ ᑎᑭᑉᐸᓪᓕᐊᓂᖏᑦ ᒪᓕᓪᓗᒋᑦ, ᐃᓱᖃᕐᓂᐊᕐᑐᑦ ᐃᖅᑲᓇᐃᔭᕐᓇᐅᑉ ᐅᓪᓗᖓᓂ ᐱᖓᑦᓯᖅ, ᓯᑉᑎᒻᒪ 15, 2021. ᑮᓇᐅᔭᕐᑖᑦᓴᑦ ᑐᓂᔭᐅᖃᑦᑕᓂᐊᕐᑐᑦ ᓯᕗᓪᓕᐅᔾᔭᐅᒋᐊᖃᓗᐊᕐᑐᑦ ᓈᓴᕐᑕᐅᓂᖏᑎᒍᑦ ᓯᕗᓪᓕᐅᔾᔭᐅᓗᑎᖕ. ᑮᓇᐅᔭᑦ ᐊᑐᐃᓐᓇᐅᓂᖏᑦ ᒪᓕᓪᓗᒋᑦ, ᑐᑦᓯᕋᕐᑐᑦ ᐊᑕᐅᓯᐊᑐᐃᓐᓇᖏᓪᓗᑎᖕ ᐃᑲᔫᓯᐊᕈᓐᓇᑐᐃᓐᓇᕆᐊᓖᑦ.
- ᑐᑦᓯᕋᕐᑐᑦ ᐆᑦᑐᕋᕐᓯᒪᒋᐊᓖᑦ ᖃᓄᖅ ᐃᑲᔫᑎᒋᓂᐊᕐᑕᖏᑦ ᓂᕿᑦᓯᐊᕙᓕᕆᓂᖕᒧᑦ ᐊᑐᐊᒐᕐᓂᑦ ᒪᓕᒻᒪᖔᑕ; ᑐᓂᔭᐅᓂᕐᓴᐅᔪᒪᓂᐊᕐᑐᑦ ᐃᑲᔪᕈᒪᔪᑦ ᑐᕌᒐᖃᕐᑐᑦ ᐃᓗᐃᒃᑲᓂᑦ, ᓄᑖᒥᓂᕐᓂᑦ, ᐊᒻᒪ/ᐅᕝᕙᓘᓐᓃᑦ ᐃᓄᐃᑦ ᓂᕿᖏᓐᓂᑦ ᑐᓐᓂᕐᓴᐃᔪᒪᔪᓄᑦ ᓂᕿᑦᓯᐊᕙᓂᑦ ᑕᒪᒃᑮᓯᒪᔾᔫᒥᖁᓪᓗᒋᑦ.
- ᑮᓇᐅᔭᕐᑖᖅᑎᑕᐅᓂᐊᕐᑐᑦ ᑭᓯᐊᓂ ᐊᑭᓕᑦᓴᖃᓐᖏᑦᑐᑦ ᒪᓕᒐᕐᑎᒍᑦ ᑎᒥᐅᔪᓂᑦ ᐊᑎᓕᕕᒻᒧᑦ, ᐊᒻᒪ ᐃᖃᓗᐃᑦ ᓄᓇᓕᐸᐅᔭᖓᓄᑦ.
- ᑮᓇᐅᔭᕐᑖᒥᓂᓕᒫᑦ ᐊᑐᖅᑕᐅᔭᕇᕐᓯᒪᒋᐊᓖᑦ ᒫᔾᔨ 31, 2022 ᓯᕗᕐᖓᒍᑦ.
ᐃᖃᓗᐃᑦ ᓄᓇᓕᐸᐅᔭᖓᑕ ᓄᓇᓕᓐᓄᑦ ᑮᓇᐅᔭᖃᒃᑲᐃᔩᑦ ᑲᑎᒪᔨᕋᓛᖏᑦ ᕿᒥᕐᕈᖃᑦᑕᕐᑐᑦ ᐊᒻᒪ ᓈᓴᐅᑎᑎᒍᑦ ᖃᐅᔨᓴᕐᑕᐅᕙᑦᑐᑦ ᑐᑦᓯᕋᕐᑐᑦ ᐊᒻᒪ ᐊᑐᓕᖁᔨᔾᔪᑎᒃᑯᑦ ᑮᓇᐅᔭᕐᑖᖁᔭᖏᓐᓂᑦ ᑐᑦᓯᕋᕐᐸᑦᑐᑦ ᓄᓇᓕᐸᐅᔭᒃᑯᑦ ᑲᑎᒪᔨᖏᓐᓄᑦ. ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᐊᖏᖅᑳᕆᐊᓖᑦ ᑐᓂᔭᐅᓚᐅᖏᓂᖏᓂ ᑮᓇᐅᔭᓕᒫᑦ.
ᑐᑭᓯᒋᐊᒃᑲᓂᕈᒪᒍᑦᓯ ᖃᓄᖅ ᑎᑎᕋᕈᓐᓇᕐᒪᖔᑦᓯᐅᖕ ᑐᑦᓯᕋᐅᑏᑦ ᑕᑕᑎᕆᐊᓖᑦ ᑎᑎᕋᕈᓐᓇᕐᑕᑎᑦ ᐅᕙᓐᖓᑦ: https://www.iqaluit.ca/content/food-security-funding-program-application....
ᓄᓇᖅᑲᑎᒌᑦ ᖃᓄᐃᓐᖏᑦᓯᐊᖁᓪᓗᒋᑦ ᑮᓇᐅᔭᖃᒃᑲᐃᔩᑦ − ᐅᑭᐊᑦᓵᒧᑦ ᐊᑐᐃᓐᓇᐅᔪᑦ
ᐃᖃᓗᐃᑦ ᓄᓇᓕᐸᐅᔭᖓᑦ ᑐᓐᖓᓱᑦᑎᑦᓯᓕᕆᕗᑦ ᑐᑦᓯᕋᕈᒪᔪᓄᑦ ᐃᑲᔫᑎᑦᓴᓂᑦ ᐃᓄᓐᓄᑦ ᑲᑐᔾᔨᖃᑎᒌᓄᓪᓘᓐᓃᑦ ᐊᒥᐊᒃᑯᓂᑦ ᐊᕐᕌᒍᑕᒫᑦ ᐃᑲᔫᑎᒋᕙᑦᑕᑎᓐᓂᑦ ᓄᓇᕗᑦ ᒐᕙᒪᖓᓐᓂᑦ ᑮᓇᐅᔭᕐᑖᕆᕙᑦᑕᑎᓐᓂᑦ ᓄᓇᖅᑲᑎᒌᑦ ᖃᓄᐃᓐᖏᑦᓯᐊᖁᓪᓗᒋᑦ ᑮᓇᐅᔭᖃᒃᑲᐃᔨᓂᑦ ᐊᕐᕌᒍᖓᓄᑦ 2020-2021. ᓄᓇᖅᑲᑎᒌᑦ ᖃᓄᐃᓐᖏᑦᓯᐊᖁᓪᓗᒋᑦ ᑮᓇᐅᔭᖃᒃᑲᐃᔩᑦ ᐃᑲᔫᑎᑦᓴᖏᑦ ᐃᑲᔪᕐᓯᒋᐊᕈᑏᑦ $5,000−ᓄᑦ ᑭᓪᓕᖃᕐᑎᑕᐅᔪᑦ. ᑐᑦᓯᕋᕈᒪᔪᑦ ᑭᓪᓕᖃᕐᑎᑕᐅᔪᑦ ᐱᖓᑦᓯᕐᒥ, ᓯᑉᑎᒻᒪ 15, 2021.
ᓄᓇᖅᑲᑎᒌᑦ ᖃᓄᐃᓐᖏᑦᓯᐊᖁᓪᓗᒋᑦ ᑮᓇᐅᔭᖃᒃᑲᐃᔩᑦ ᐃᑲᔪᖃᑦᑕᕐᑐᑦ ᓄᓇᓕᓐᓂ ᐱᒋᐊᕐᑕᐅᔪᒪᔪᓂᑦ ᖃᓄᖅᑑᖅᓯᒪᔪᓄᑦ ᐋᓐᓂᐊᖅᑕᐃᓕᓂᖕᒧᑦ ᖃᓄᐃᓐᖏᑦᓯᐊᖁᓪᓗᒋᓪᓗ ᐃᖃᓗᒻᒥᐅᑦ ᓄᓇᕗᒥᐅᓪᓗ. ᐃᑲᔫᑎᒋᔪᒪᔭᖏᑦ ᓇᓗᓇᐃᕐᓯᓯᒪᒋᐊᓖᑦ ᐊᑕᐅᓯᕐᒥᖑᓐᓃᑦ ᐅᖓᑕᓄᓪᓘᓐᓃᑦ ᓯᕗᓪᓕᐅᑎᒍᒪᓯᒪᔭᑦᑎᓐᓂᑦ ᑭᒃᑯᑦ ᐃᑲᔪᕐᑕᐅᔪᑦᓴᐅᒻᒪᖔᑕ: ᐊᖏᕐᕋᖃᓐᖏᑦᑐᑦ, ᓂᕆᔭᑦᓴᖃᑦᓯᐊᖏᑦᑐᑦ, ᐃᓱᒪᒃᑯᑦ ᐊᑲᐅᓯᓴᕈᑎᑦᓴᓂᑦ ᐱᒋᐊᕈᒪᔭᖏᓐᓂᑦ, ᐃᓕᖅᑯᓯᑐᖃᒃᑯᑦ/ᐱᑐᐃᓐᓇᐅᖏᑦᑐᒃᑯᓪᓗ ᖁᕕᐊᓱᐊᑎᑦᓯᒍᑕᐅᔪᓐᓇᕐᑐᓂᑦ ᐊᒻᒪ ᐃᓕᓐᓂᐊᕈᑎᑦᓴᓂᑦ/ᓄᑖᓂᑦ ᖃᓄᖅᑑᓯᒪᑐᐊᖅᐸᑕ.
ᐃᖃᓗᐃᑦ ᓄᓇᓕᐸᐅᔭᖓᑕ ᓄᓇᓕᓐᓄᑦ ᑮᓇᐅᔭᖃᒃᑲᐃᔩᑦ ᑲᑎᒪᔨᕋᓛᖏᑦ ᕿᒥᕐᕈᖃᑦᑕᕐᑐᑦ ᐊᒻᒪ ᓈᓴᐅᑎᑎᒍᑦ ᖃᐅᔨᓴᕐᑕᐅᕙᑦᑐᑦ ᑐᑦᓯᕋᕐᑐᑦ ᐊᒻᒪ ᐊᑐᓕᖁᔨᔾᔪᑎᒃᑯᑦ ᑮᓇᐅᔭᕐᑖᖁᔭᖏᓐᓂᑦ ᑐᑦᓯᕋᕐᐸᑦᑐᑦ ᓄᓇᓕᐸᐅᔭᒃᑯᑦ ᑲᑎᒪᔨᖏᓐᓄᑦ.
ᑐᑭᓯᒋᐊᒃᑲᓂᕈᒪᒍᑦᓯ ᖃᓄᖅ ᑎᑎᕋᕈᓐᓇᕐᒪᖔᑦᓯᐅᖕ ᑐᑦᓯᕋᐅᑏᑦ ᑕᑕᑎᕆᐊᓖᑦ ᑎᑎᕋᕈᓐᓇᕐᑕᑎᑦ ᐅᕙᓐᖓᑦ: https://www.iqaluit.ca/content/community-wellness-funding-program-applic....
ᑐᑭᓯᒋᐊᒃᑲᓂᕈᒪᒍᕕᑦ ᐅᓇ ᖃᐅᔨᒋᐊᕐᕕᑦᓴᖅ:
ᒋᐅᕆ ᐱᓕᑉ
ᑮᓇᐅᔭᓕᕆᔨ – ᓄᓇᓕᓐᓂᑦ ᑮᓇᐅᔭᖃᒃᑲᐃᔩᑦ
G.Philip@iqaluit.ca | 867-979-5659
