ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᓄᓇᓕᐸᐅᔭᐃᑦ ᐃᖃᓗᐃᑦ ᐱᖕᖑᐊᕐᕕᖁᑎᖏᑦ ᐊᒻᒪ ᐱᓕᕆᐊᑦᓴᖏᑦ ᒪᑐᐃᖓᓕᕐᒥᔪᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᓱᓕ ᐱᓕᕆᖃᑎᖃᐃᓐᓇᖅᑐᑦ ᒐᕙᒪᒃᑯᖏᓐᓂᑦ ᓄᓇᕗᑦ ᐃᓗᓯᓕᕆᔨᒃᑯᖏᓐᓂᑦ ᖃᐅᔨᓴᐃᓐᓇᖅᑐᑎᒃ ᐊᒻᒪ ᐱᓕᕆᕙᑦᑐᑎᒃ ᐱᓕᕆᒋᐊᖃᓕᕋᐃᒐᒥᒃ ᐱᔾᔪᑎᒋᓪᓗᒍ ᑰᕕᑦ-19 ᖃᓄᐃᓕᖓᒍᑎᐅᔪᖅ.
ᐃᖃᓗᐃᑦ ᓄᓇᓕᐸᐅᔭᖓᑕ ᑲᑎᒪᔨᖏᑕ ᓄᓇᓕᓐᓂ ᑐᐊᕕᕐᓇᖅᑐᑕᖃᓕᕐᓂᕋᐃᒍᑎᒋᓚᐅᖅᑕᖓᑦ ᐱᔾᔪᑎᐅᓗᓂ ᑰᕕᑦ*19 ᐊᑐᖅᑕᐅᔪᓐᓃᓚᐅᖅᑐᖅ ᐅᓐᓄᒃᑯᑦ 11:59 ᑎᓴᒻᒥᐅᑎᓪᓗᒍ, ᔪᓂ 3, 2021.
ᐃᓘᓐᓇᑎᒃ ᓄᓇᓕᐸᐅᔭᒃᑯᑦ ᒥᕐᖑᐃᕐᓯᕕᖏᑦ, ᓯᓚᒥ ᐱᖕᖑᐊᕐᕕᖏᑦ ᐊᒻᒪ ᓯᓚᒥ ᐱᕕᑐᓂᖏᑦ ᒪᑐᐃᕐᓯᒪᔪᐃᓐᓇᐅᓕᖅᑐᑦ.
ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒃ ᒪᑐᐃᖓᓕᖅᑐᖅ ᐊᒻᒪ ᖃᕋᑕᐅᔭᒃᑯᑦ ᐃᓂᑦᓴᓕᐅᕐᕕᑦᓴᐅᓕᖅᑐᓂ.
ᐳᐃᔾᔪᕋᕐᕕᖃᕐᕕᒃ
ᐳᐃᔾᔪᕋᕐᕕᖃᕐᕕᒃ ᒪᑐᐃᖓᓕᖅᑐᖅ ᐃᓄᑐᐊᓄᑦ ᐃᖃᐃᓕᓴᕈᒪᔪᓄᑦ ᐱᖕᖑᐊᕐᕕᖓᓂ ᐊᒻᒪ ᑐᑭᓕᐊᖓᕕᒻᒥ ᐳᐃᔾᔪᕋᕈᓐᓇᕐᓯᓪᓗᑎᒃ.
ᐱᓕᕆᕝᕕᒻᒥᑦ ᐊᑐᖅᐸᑦᑐᑦ ᑮᓇᕐᒧᑦ ᒪᑐᐊᕐᓄᑦ ᒪᑐᐊᕐᓯᒪᐃᓐᓇᕆᐊᓖᑦ ᖃᖓᓕᒫᒃᑯᑦ ᐃᖃᐃᓕᓴᖅᑎᓪᓗᒋᓪᓗ, ᐳᐃᔾᔪᕋᕐᕕᒻᒦᖏᒃᑯᑎᒃ.
ᐱᓕᕆᕝᕕᒻᒦᑦᑐᑦ ᒪᓖᓐᓇᕆᐊᓖᑦ ᐊᑐᖅᑕᐅᖁᔭᐅᔪᓂᑦ ᐊᓯᒥᓂᒃ ᖃᓂᑦᓴᐸᖕᖏᓪᓗᑎᒃ ᑕᐃᒪᖕᖓᓕᒫᖅ.
ᐃᓂᑦᓴᓕᐅᕈᓐᓇᖅᑐᑦ ᖃᕋᑕᐅᔭᒃᑯᑦ ᐅᖄᓚᐅᑎᒃᑯᓪᓘᓐᓃᑦ. ᐃᓂᑦᓴᓕᐅᕐᓯᒪᑎᓪᓗᓯ ᐱᓕᕆᕝᕕᕗᑦ ᐊᑐᖅᑕᐅᓂᖓ ᖃᑦᓯᓄᑦ ᐅᐸᓗᖓᐃᕐᓯᒪᒍᓐᓇᓂᕐᓴᕆᓂᐊᖅᑕᕗᑦ, ᐃᑲᔫᑎᖃᖅᐸᑦᑐᖅ ᑕᕝᕘᓇ ᐅᖓᓯᒌᒋᐊᖃᕐᓂᒃᑯᑦ ᐊᒻᒪ ᑰᕕᑦ-19 ᑭᒃᑯᑐᐃᓐᓇᕐᓄᑦ ᓯᐊᒻᒪᔾᔭᐃᕐᓯᒪᒍᓐᓇᓂᕐᓴᐅᓗᓂ.
ᐊᐱᖅᑯᑎᖃᕈᕕᑦ ᖃᐅᔨᒋᐊᖁᔪᐃᑦ ᑭᐅᔨᕗᑦ ᐱᔨᑦᓯᕋᖅᑎᐅᔪᑦ ᐅᕗᖓ aquaticcentre@iqaluit.ca ᐅᕝᕙᓘᓐᓃᑦ ᐅᖄᓚᐅᑎᒃᑯᑦ 867-975-8544.
ᐃᓐᓇᑐᖃᕐᓄᑦ ᐊᒻᒪ ᒪᒃᑯᑦᑐᓄᑦ ᐱᓕᕆᐊᑦᓴᐃᑦ
ᐃᓐᓇᑐᖃᐃᑦ ᖃᓐᒪᖓᑦ ᒪᑐᓯᒪᐃᓐᓇᓂᐊᖅᑐᑦ ᓱᓕ ᓇᓗᓇᐃᖅᑕᐅᓚᐅᖏᓐᓂᖏᓐᓂ. ᐃᓐᓇᑐᖃᐃᑦ ᐱᓕᕆᐊᑦᓴᓂᑦ ᐃᖅᑲᓇᐃᔭᖅᑎᖏᑦ ᐱᓕᕆᖃᑎᖃᐃᓐᓇᖅᑐᑦ ᐅᖓᓯᑦᑐᒥᑦ ᒫᓐᓇᐅᓂᖓᓂ.
ᒪᒃᑯᑦᑐᒃᑯᕕᒃ ᐱᓕᕆᐊᑦᓴᓕᕆᒃᑲᓐᓂᓛᓕᖅᑐᑦ ᑎᓴᒻᒥᕐᒥ, ᔪᓂ 10. ᐱᖃᑕᐅᒍᓐᓇᓛᖅᑐᑦ ᒪᒃᑯᑦᑐᒃᑯᕕᒻᒥ 8 ᐃᓯᕈᓐᓇᕐᓗᑎᒃ ᐊᑕᐅᑦᑎᒃᑯᑦ. ᐃᑲᕐᕋᖏᑦ ᑎᑎᕋᖅᑕᐅᓯᒪᔪᑦ.
|
ᓇᒡᒋᒡᔭᐅ |
3-ᒥᑦ 5:30−ᒧᑦ ᐅᓐᓄᓴᒃᑯᑦ ᖃᐃᒍᒪᔪᑦ (ᑭᒃᑯᑐᐃᓐᓇᐃᑦ), 6-ᒥᓂᑦ 8:30-ᒧᑦ ᖃᐃᒍᒪᔪᑦ (ᑭᒃᑯᑐᐃᓐᓇᐃᑦ) |
|
ᓇᒡᒋᔾᔭᐅᓕᖅᑭ |
3-ᒥᑦ 5:30−ᒧᑦ ᐅᓐᓄᓴᒃᑯᑦ ᖃᐃᒍᒪᔪᑦ (ᑭᒃᑯᑐᐃᓐᓇᐃᑦ), 6-ᒥᓂᑦ 8:30-ᒧᑦ ᓵᑦ ᖄᖓᓂ ᐱᖕᖑᐊᕈᑎᓄᑦ ᐱᖕᖑᐊᕕᔾᔪᐊᕐᓇᖅ |
|
ᐱᖓᑦᓯᖅ |
3-ᒥᑦ 5:30−ᒧᑦ ᐅᓐᓄᓴᒃᑯᑦ ᖃᐃᒍᒪᔪᑦ (ᑭᒃᑯᑐᐃᓐᓇᐃᑦ), 6-ᒥᓂᑦ 8:30-ᒧᑦ ᖃᓄᑐᐃᓐᓇᖅ ᓴᓇᓐᓇᖅ |
|
ᑎᓴᒻᒥᖅ |
3-ᒥᑦ 5:30−ᒧᑦ ᐅᓐᓄᓴᒃᑯᑦ ᖃᐃᒍᒪᔪᑦ (ᑭᒃᑯᑐᐃᓐᓇᐃᑦ), 6-ᒥᓂᑦ 8:30-ᒧᑦ ᑕᕐᕆᔭᕐᓇᖅ |
|
ᑕᓪᓕᕐᒥᖅ |
3-ᒥᑦ 6:30−ᒧᑦ ᐅᓐᓄᒃᑯᑦ (ᖃᐃᒍᒪᔪᑦ (13-15 ᐊᕐᕌᒍᓖᑦ), 7-ᒥᓂᑦ 9:30-ᒧᑦ ᖃᐃᒍᒪᔪᑦ (16-18 ᐊᕐᕌᒍᓖᑦ) |
|
ᓈᑦᓯᐅᖑᔭᓛᕐᓂᐊᖅ |
4-ᒥᑦ 7:30−ᒧᑦ ᐅᓐᓄᒃᑯᑦ (ᖃᐃᒍᒪᔪᑦ (13-15 ᐊᕐᕌᒍᓖᑦ), 8-ᒥᓂᑦ 10:30-ᒧᑦ ᖃᐃᒍᒪᔪᑦ (16-18 ᐊᕐᕌᒍᓖᑦ) |
|
ᓈᑦᓯᐅᖑᔭᖅ |
ᒪᑐᓯᒪᔪᖅ |
ᐊᐱᖅᑯᑎᖃᕐᓂᕈᕕᑦ ᐊᓯᖏᓐᓂᑦ, ᖃᐅᔨᒋᐊᖁᔪᑦ ᐱᖕᖑᐊᖅᑐᓕᕆᔨᒃᑯᑦ ᐅᕗᖓ recreation@iqaluit.ca ᐅᕝᕙᓘᓐᓃᑦ ᐅᖄᓚᕕᐅᓗᑕ ᐅᕗᖓ 867−979−5611 ᓇᒡᒋᔾᔭᐅᒥᑦ ᑕᓪᓕᒥᕐᒧᑦ ᐅᓐᓄᓴᒃᑯᑦ 1-ᒥᑦ 5-ᒧᓄᑦ.
