ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐊᔾᔨᓕᐅᕈᑎᓄᑦ ᐃᓂᒋᔭᐅᔪᓂᑦ ᖃᐅᔨᓴᕐᓂᖅ ᓄᓇᓕᓐᓂ ᓇᖕᒥᓂᕆᔭᐅᔪᓂᑦ ᐊᒻᒪ
ᑲᑐᔾᔨᖃᑎᒌᓂᑦ ᓯᐊᒻᒪᖁᓇᒍ ᑰᕕᑦ-19
ᑲᔪᓰᓐᓇᖁᓪᓗᒋᑦ ᖃᓄᖅᑑᕈᑎᐅᔪᑦ ᓄᓇᓕᕐᒥᐅᑕᐃᑦ, ᓄᓇᓕᓐᓂ ᑲᑎᖕᖓᕙᑦᑐᑦ, ᐊᒻᒪ ᓄᓇᓕᓐᓂ ᓇᖕᒥᓂᖃᕐᕕᐅᔪᑦ
ᐊᑦᑕᓇᖅᑐᒦᖁᓇᒋᑦ, ᓄᓇᓕᐸᐅᔭᐃᑦ ᐃᖃᓗᐃᑦ ᐊᑐᐃᓐᓇᐅᑎᑦᑎᓂᐊᓕᕐᒥᔪᑦ ᐊᔾᔨᓕᐅᕈᑎᒃᑯᑦ ᐃᓂᒋᔭᐅᔪᓂᑦ
ᖃᐅᔨᓴᕐᓂᕐᒥᑦ ᓄᓇᓕᓐᓂ ᑲᑎᖕᖓᔨᓄᑦ ᐊᒻᒪ ᓇᖕᒥᓂᖃᖅᑎᓄᑦ ᐊᖅᑯᑎᒋᓗᒋᑦ ᑲᓇᑕᒥᐅᑕᐃᑦ ᐊᐅᐸᖅᑐᒥᑦ
ᑲᓚᐃᖕᖑᐊᓖᑦ ᐊᒥᓱᓄᑦ ᖃᓂᒪᓇᖅᑐᓂᑦ ᐊᒻᒪ ᐋᓐᓂᐊᓇᖅᑐᓂᑦ ᓴᖅᑮᑦᑕᐃᓕᒪᑎᑦᑎᔨᐅᔪᓂᑦ ᐊᒻᒪ
ᐊᐅᓚᑦᑎᔾᔪᑎᓂᑦ ᖃᐅᔨᒪᔨᓂᑦ.
ᐊᔾᔨᓕᐅᕈᑎᒃᑯᑦ ᐃᓂᒋᔭᐅᔪᓂᑦ ᖃᐅᔨᓴᕐᓂᐅᔪᖅ ᐊᔾᔨᓕᐅᕈᓯᔭᕐᓗᑎᒃ ᐱᓱᕋᔭᓪᓗᑎᒃ ᐃᓗᐊᓂ ᐃᓂᕕᑦ, ᐊᑐᕐᓗᒍ ᔫᒻ
ᐊᔾᔨᓕᐅᕈᑎ ᑭᒃᑯᑐᐃᓐᓇᕐᓄᑦ ᑕᑯᓐᓇᖅᑕᐅᔪᓐᓇᖅᑐᒥᑦ. ᐊᔾᔨᓕᐅᕐᓯᒪᔪᓂᑦ ᑕᑯᑦᓴᐅᑎᑦᑎᓂᐅᔪᖅ ᐊᖏᓂᕐᓴᒥᑦ
ᑐᑭᓯᔾᔪᑎᐅᔪᓐᓇᐸᒻᒪᑕ ᐃᓂᒋᔭᕐᓂᒃ, ᖃᓄᐃᓕᐅᕐᓯᒪᒻᒪᖔᖅᐱᑦ ᐅᕝᕙᓘᓐᓃᑦ ᖃᓄᐃᓕᐅᕈᒫᕐᒪᖔᖅᐱᑦ ᐃᓂᒋᔭᕐᓂᒃ
ᓯᐊᒻᒪᐃᑦᑕᐃᓕᒪᔾᔪᑎᒍᑦ ᑰᕕᑦ-19−ᒥᑦ. ᐊᑭᓕᕆᐊᓖᑦ ᐊᔾᔨᓕᐅᕈᑎᒃᑯᑦ ᐃᓂᒋᔭᐅᔪᓂᑦ ᖃᐅᔨᓴᕐᓂᕐᒧᑦ
ᐊᑭᓕᕋᔭᖅᑕᖏᑦ ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᑕ − ᐊᑭᓖᒐᔭᖕᖏᑦᑐᓯ ᑲᑐᔾᔨᖃᑎᒌᑦᓯᓘᓐᓃᑦ.
ᑐᕌᒐᕆᔭᐅᒻᒪᑦ ᐊᔾᔨᓕᐅᕈᑎᒃᑯᑦ ᐃᓂᒋᔭᐅᔪᓂᑦ ᖃᐅᔨᓴᕐᓂᒃᑯᑦ ᓇᓗᓇᐃᕐᓯᒪᖁᓪᓗᒋᑦ ᐃᓘᓐᓇᑦᓯᐊᑎᒃ
ᐊᑐᖅᐸᓂᐊᖅᑐᑦ ᐃᓂᒋᔭᕐᓂᒃ ᑕᑯᓐᓇᖁᓪᓗᒋᑦ ᐱᓱᖃᑎᒌᑦᑎᓪᓗᑕ ᐊᑦᑕᓇᖅᑐᒦᑎᑕᐅᑦᑕᐃᓕᒪᒻᒪᑕ
ᐊᔪᕐᓇᖏᓐᓂᓕᒫᖏᒍᑦ ᑰᐱᑦ-19 ᐊᑐᖅᑕᐅᓂᖓᓂ ᖃᓂᒪᓇᖅᑐᖅ ᐊᒥᓱᓄᑦ. ᐊᔾᔨᓕᐅᕈᑎᒃᑯᑦ ᐃᓂᒋᔭᐅᔪᓂᑦ
ᖃᐅᔨᓴᕋᔭᖅᑐᑦ ᐃᑲᕐᕋᐅᑉ ᐊᕝᕙᖓᓂᑦ ᐃᑲᕐᕋᐅᓗᐊᒧᑦ (30 – 90 ᒪᓇᑦᔅ).
ᐱᓯᒪᑦᑎᒍᕕᑦ ᐊᔾᔨᖏᓐᓂᑦ ᐸᕐᓇᐅᑎᐅᔪᑦ ᐃᓪᓗᖁᑎᕕᑦ ᓇᑎᖏᓐᓄᑦ (ᐊᒡᒐᒻᒧᑦ ᐸᕐᓇᐅᑎᓕᐊᖑᓯᒪᔪᐃᓪᓗ
ᐊᑐᕈᓐᓇᖅᑐᑦ!), ᒫᓐᓇᓂᓴᕐᓂᑦ ᑰᕕᑦ ᓄᕙᕐᓇᖅᑐᖅ ᐱᓪᓗᒍ ᐊᑐᐊᒐᕐᓂᑦ ᐅᕝᕙᓘᓐᓃᑦ ᐱᓕᕆᔾᔪᑎᓂᑦ, ᐊᒻᒪ ᐃᓪᓗᒥ
ᓇᔪᖅᑎᐅᔪᑦ ᖃᑦᓯᐅᒻᒪᖔᑕ, ᑕᒪᒃᑯᐊ ᑐᓂᔪᓐᓇᖅᑕᒥ ᑲᓇᑕᒥ ᐊᐅᐸᖅᑐᒥᑦ ᑲᓚᐃᖕᖑᐊᓕᓐᓄᑦ ᐱᓕᕆᔨᐅᔪᑦ
ᑐᑭᓯᑦᓯᐊᕐᓯᒪᒐᔭᕐᒪᑕ ᐃᓪᓘᑉ ᖃᓄᐃᓕᖓᓂᖓᓂᑦ ᐊᖏᓂᖓᓂᓪᓗ. ᖃᐅᔨᓴᓚᐅᖅᑎᓪᓗᒋᑦ ᐊᐅᐸᖅᑐᒥᑦ ᑲᓚᐃᖕᖑᐊᓖᑦ ᐅᓂᒃᑳᓕᐊᒥᓂᕐᒥᓂᒃ ᖃᐃᑦᑎᒐᔭᖅᑐᑦ ᐊᓯᑦᓯᓐᓄᑦ ᑕᑯᔭᐅᓯᒪᖕᖏᑦᑐᓂᑦ ᐊᑐᖁᔭᐅᔪᓂᑦ ᐊᒻᒪ ᐱᓕᕆᔾᔪᑎᑦᓴᓂᑦ ᑎᑎᕋᕐᓯᒪᓗᑎᒃ ᐃᑲᔫᑎᑦᓴᕆᔪᓐᓇᖅᑕᖏᓐᓂᑦ ᐃᕝᕕᑦ ᓯᐊᒻᒪᐃᑦᑕᐃᓕᒪᐅᑎᑦᓴᓕᕆᑎᓪᓗᑎᑦ.
ᐃᖅᑲᓇᐃᔭᕐᕕᒋᔭᐃᑦ ᐅᕝᕙᓘᓐᓃᑦ ᓄᓇᓕᓐᓂ ᑲᑎᖕᖓᕕᒋᕙᑦᑕᓯ ᐃᓚᒋᔭᐅᔪᒪᓐᓂᕈᑎᒃ ᐊᔾᔨᓕᐅᕈᑎᒃᑯᑦ ᐃᓂᒋᔭᐅᔪᓂᑦ ᖃᐅᔨᓴᕐᓂᕐᒥᑦ ᐅᕝᕙᓘᓐᓃᑦ ᐊᐱᖅᑯᑎᖃᒃᑲᓐᓂᕐᓂᕈᕕᑦ ᐱᔾᔪᑎᒋᓪᓗᒍ ᐱᒋᐊᖅᑎᑕᐅᓯᒪᔪᖅ ᖃᐅᔨᒋᐊᖁᔪᖅ ᔭᕝ ᐴᕐᓐ ᐅᕗᖓ 867-979-5619 ᐅᕝᕙᓘᓐᓃᑦ ᑎᑎᕋᕐᕕᒋᓗᒍ ᐅᕗᖓ g.byrne@iqaluit.ca. ᐃᓂᑦᓴᐃᑦ ᑭᓪᓕᓖᑦ.
