ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐅᓪᓗᖓ ᐊᐅᓚᔾᔭᐃᓂᐅᑉ ᐅᓪᓘᓂᐊᕐᓗᓂ ᐊᐅᓚᔾᔭᐃᒋᐊᕐᓂᕐᒥᑦ ᐊᑭᕋᖅᑑᑎᓕᓐᓂᑦ ᐊᐃᓯᐊᓐᒥᐅᑕᓂᑦ ᐅᕕᓂᒃᑯᑦ ᐊᔾᔨᒋᔭᐅᖏᓐᓂᖏᓐᓂᑦ ᐱᔾᔪᑎᓕᓐᓂᑦ
ᐃᖃᓗᐃᑦ ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᒪᓕᒐᑎᒍᑦ ᓇᓗᓇᐃᕐᓯᕗᑦ ᒪᐃ 10, 2021 ᐅᓪᓗᖓ ᐊᐅᓚᔾᔭᐃᓂᐅᑉ ᐅᓪᓘᓂᐊᕐᓗᓂ ᐊᐅᓚᔾᔭᐃᒋᐊᕐᓂᕐᒥᑦ ᐊᑭᕋᖅᑑᑎᓕᓐᓂᑦ ᐊᐃᓯᐊᓐᒥᐅᑕᓂᑦ ᐅᕕᓂᒃᑯᑦ ᐊᔾᔨᒋᔭᐅᖏᓐᓂᖏᓐᓂᑦ ᐱᔾᔪᑎᓕᓐᓂᑦ ᐃᖃᓗᓐᓂ, ᓄᓇᕗᑦ.
ᑲᔪᓯᑎᑕᐅᓚᐅᖅᑐᖅ ᐃᓘᓐᓇᖏᓐᓄᑦ ᓄᓇᓕᐸᐅᔭᐃᑦ ᐃᖃᓗᐃᑦ ᐅᓪᓗᖃᖁᓪᓗᒍ ᐊᐅᓚᔾᔭᐃᓂᐅᑉ ᐅᓪᓘᓂᐊᕐᓗᓂ ᐊᐅᓚᔾᔭᐃᒋᐊᕐᓂᕐᒥᑦ ᐊᑭᕋᖅᑑᑎᓕᓐᓂᑦ ᐊᐃᓯᐊᓐᒥᐅᑕᓂᑦ ᐅᕕᓂᒃᑯᑦ ᐊᔾᔨᒋᔭᐅᖏᓐᓂᖏᓐᓂᑦ ᐱᔾᔪᑎᓕᓐᓂᑦ ᓇᓗᓇᐃᖅᑕᐅᓗᓂ ᓄᓇᓕᐸᐅᔭᐃᑦ ᑲᑎᒪᔨᖏᑦ ᑲᑎᒪᑎᓪᓗᒋᑦ ᐃᐳᓗ 27, 2021.
ᓄᓇᓕᐸᐅᔭᐃᑦ ᐃᖃᓗᐃᑦ ᐃᑲᔪᕐᓱᐃᒻᒪᑕ ᐱᔪᓐᓇᐅᑎᖃᖅᑐᐃᓐᓇᐅᒻᒪᑕ ᓄᓇᓕᕐᒥᐅᑕᓕᒫᑦᑎᐊᑦ ᐃᖃᓗᓐᓂ ᐊᑦᑕᓇᖅᑐᒦᑉᐸᖏᓪᓗᑎᒃ ᑭᒃᑯᑐᐃᓐᓇᐃᑦ ᐅᐸᑉᐸᑦᑕᖏᓐᓅᕈᓐᓇᕋᒥᑦᑕᐅᖅ ᐅᓗᕆᐊᓲᑎᖃᖕᖏᓪᓗᑎᒃ ᐱᔾᔪᑎᐅᓗᑎᒃ ᓄᓇᖅᑲᑎᒋᖏᓐᓂᖓ, ᓇᑭᑐᐃᓐᓈᕐᓂᐅᒐᓗᐊᕈᓂ, ᑐᑦᓯᐊᕈᓯᖏᑦ, ᐊᕐᓇᐅᓂᖏᑦ ᐊᖑᑎᐅᓂᖏᑦ, ᖃᓄᖅ ᐊᕐᕌᒍᖃᕐᓂᖏᑦ, ᐅᕝᕙᓘᓐᓃᑦ ᓱᓇᐅᓂᖏᑦ.
ᐅᓪᓗᖓ ᐊᐅᓚᔾᔭᐃᓂᐅᑉ ᐅᓪᓘᓂᐊᕐᓗᓂ ᐊᐅᓚᔾᔭᐃᒋᐊᕐᓂᕐᒥᑦ ᐊᑭᕋᖅᑑᑎᓕᓐᓂᑦ ᐊᐃᓯᐊᓐᒥᐅᑕᓂᑦ ᐅᕕᓂᒃᑯᑦ ᐊᔾᔨᒋᔭᐅᖏᓐᓂᖏᓐᓂᑦ ᐱᔾᔪᑎᓕᓐᓂᑦ ᐊᑐᖅᑕᐅᕙᑦᑐᖅ ᑕᖅᑭᖓᓂ ᒪᐃ, ᐃᓕᑕᕆᔭᐅᓯᒪᓪᓗᓂ ᐊᐃᓯᐊᓐ ᐱᓪᓗᒋᑦ ᐃᑦᑕᕐᓂᓴᖏᑦ ᑕᖅᑭᐅᓂᖓᓂᑦ ᑲᓇᑕᒥ.
ᐅᖃᐅᑎᑦᓴᖏᑦ ᒪᐃᔭ ᐱᐅᓪ:
"ᐊᔭᐅᖅᑐᑦᑎᐊᐸᒃᑲ ᑭᒃᑯᑐᐃᓐᓇᑦᑎᐊᑦ ᐃᓕᓐᓂᐊᖁᓪᓗᒋᑦ ᐊᐃᓯᐊᓐ ᐃᑦᑕᕐᓂᓴᓕᕆᔾᔪᑎᖏᓐᓂᑦ ᐊᒻᒪ ᐅᔾᔨᕈᓱᓕᕆᐊᒃᑲᓐᓂᕐᓗᑎᒃ ᐊᒥᓱᐊᓘᔪᓂᑦ ᖃᓄᑐᐃᓐᓇᑦᑎᐊᖅ ᐊᑐᖅᑕᐅᓯᒪᔪᓂᑦ ᓄᓇᓕᕐᒥᐅᖃᑎᒌᓕᖅᑐᓂᑦ. ᐃᓕᓐᓂᐊᑲᓐᓂᕈᑎᑦᓴᐅᔪᓐᓇᕐᒥᔪᖅ ᐱᓕᕆᔾᔪᑎᒍᑦ ᓄᓇᓕᕐᒥᐅᖃᑎᒌᖏᑕᓂᑦ ᐃᓚᐃᓐᓈᕈᓯᐅᔪᓂᑦ ᐊᑐᖅᑕᐅᕙᑦᑐᓂᑦ ᐃᖅᑲᓇᐃᔭᕐᕕᑎᓐᓂ, ᑭᒃᑯᑐᐃᓐᓇᕐᓄᑦ ᐅᐸᒐᐅᔪᓂ, ᐊᒻᒪ ᐃᓕᓐᓂᐊᖅᑐᓕᕆᔾᔪᑎᓂ ᓄᓇᕗᒻᒥ ᐊᒻᒪ ᑲᓇᑕᒥ ᓇᒥᑐᐃᓐᓇᖅ. ᐊᐱᕆᕙᑦᓯ ᐃᓕᓐᓂᐊᖁᓪᓗᓯ, ᐅᖃᐅᓯᖃᖁᓪᓗᓯ ᐊᒻᒪ ᐃᑲᔪᕐᓱᐃᖃᑦᑐᖁᓪᓗᓯ ᐊᔾᔨᒌᖏᑦᑐᖃᖅᑐᖅ ᓄᓇᓕᒋᔭᑦᓯ ᐃᖃᓗᓐᓂ."
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᓖᓴ ᒥᓗᓵᕝᔨᕕᒃ
ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓂᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
L.Milosavljevic@iqaluit.ca
867-979-5607
