ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᕙᒡᔪᐊᕐᓇᖅ 19 ᐊᒻᒪᓗ ᐃᖃᓗᖕᓂ ᓄᓇᓕᐸᐅᔭᐃᑦ ᑐᓴᒐᒃᓴᖅ
ᒪᐃ 4, 2021 – ᐃᖃᓗᐃᑦ, ᓄᓇᕗᑦ
ᐃᖃᓗᖕᓂ ᓄᓇᓕᐸᐅᔭᒃᑯᑦ ᐱᓕᕆᖃᑎᖃᑦᑎᐊᖕᒋᓐᓇᖅᑐᑦ ᓄᓇᕗᑦ ᒐᕙᒪᖕᒐᑕ ᐋᓐᓂᐊᖃᕐᓇᖖᒋᑦᑐᓕᕆᔨᒃᑯᖕᒋᓐᓂᒃ ᓇᐅᑦᑎᖅᓱᖅᓯᔪᒪᓪᓗᑎᒃ ᑭᐅᕙᓪᓕᐊᔪᒪᓪᓗᑎᒡᓗ ᑭᐅᔭᕆᐊᖃᕌᖕᒐᒥᒃ ᓄᕙᒡᔪᐊᕐᓇᖅ 19-ᒧᑦ ᖃᓄᐃᓕᖕᒐᓂᕆᔭᐅᔪᒧᑦ.
ᐃᖃᓗᐃᑦ ᑲᑎᒪᔨᖏᑦ ᓇᓗᓇᐃᕐᓯᕗᑦ ᑐᐊᕕᕐᓇᖅᑐᒦᓕᕐᓂᕐᒥᓂᒃ ᐱᔾᔪᑎᒋᓪᓗᒍ ᓄᓇᓕᓐᓂ ᓯᐊᒻᒪᐸᓪᓕᐊᓂᖓ ᓄᕙᕐᔪᐊᕐᓇᖅ-19 ᐱᒋᐊᕐᓗᑎᒃ ᐅᓐᓄᒃᑯᑦ 12-ᒥᖅᐸᑦ, ᓇᒡᒋᔾᔭᐅᓕᖅᑭᕐᒥ/ᐊᐃᑉᐱᕐᒥ, ᒪᐃ 4, 2021.
ᓄᓇᓕᐸᐅᔭᒃᑯᑦ ᐱᔨᑦᑎᕋᖅᑎᖕᒋᑦ
ᓄᓇᓕᐸᐅᔭᒃᑯᑦ ᑎᑎᕋᕐᕕᓕᒫᖕᒋᑦ ᒪᑐᓯᒪᔪᑦ ᑭᒃᑯᑐᐃᓐᓇᕐᓄᑦ ᑐᓴᒃᑲᓐᓂᓚᐅᙱᓐᓂᖕᒋᓐᓂᑦ.
ᐱᔭᕆᐊᖃᓪᓚᕆᒃᑐᑦ ᐱᔨᑦᑎᕋᐅᑎᑦ ᐊᐅᓚᐃᓐᓇᕐᓂᐊᖅᑐᑦ. ᐃᓚᒋᓪᓗᒋᑦ ᐃᒥᖅᑕᖅᑕᐅᓂᖅ ᒥᓪᓗᐊᖅᑎᑕᐅᓂ, ᐊᑦᑕᖅᑕᐅᓂᖅ, ᐊᖅᑯᑎᓕᕆᓂᖅ, ᒪᓕᒐᕋᓛᓕᕆᔩᑦ ᐊᒻᒪᓗ ᖃᑦᑎᕆᔩᑦ ᑐᐊᕕᕐᓇᖅᑐᓕᕆᔩᓪᓗ ᐱᔨᑦᑎᕋᖅᑎᖕᒋᑦ.
ᐊᑭᓖᕕᒃᓴᖅ ᐅᖄᓚᐅᑎᒃᑯᑦ 867-979-5606 ᐅᕝᕙᓘᓐᓃᑦ ᐃᑭᐊᖅᑭᕕᒃᑯᑦ accountsreceivable@iqaluit.ca. ᐊᑭᓕᐅᑕᐅᔪᑦ ᐊᐅᓪᓚᖅᑎᑕᐅᒐᔭᖅᑐᑦ ᑎᑎᖅᑲᕐᓂᐊᕐᕕᒃᑯᑦ. ᑎᑎᕋᕐᕖᑦ ᒪᑐᓯᒪᔪᑦ ᑭᓇᒃᑯᑐᐃᓐᓇᕐᓄᑦ ᒫᓐᓇᐅᔪᖅ.
ᐊᐱᖅᑯᑎᒃᓴᖃᕈᕕᑦ ᐊᑭᓖᓂᐅᑉ ᒥᒃᓵᓄᑦ ᑎᑎᕋᕈᓐᓇᖅᑐᑎᑦ ᑮᓇᐅᔭᓕᕆᔨᒧᑦ: P.VanStrien@iqaluit.ca ᖃᐅᒻᒪᖅᑯᑎᓄᑦ; A.Husbands@iqaluit.ca ᐊᑭᓖᕕᓕᕆᔨᒧᑦ, ᓄᓇᒧᑦ ᐱᖁᑎᓄᓪᓗ; ᐃᑭᓖᔪᓕᕆᔨᒃᑯᓐᓄᑦ.
ᑐᒃᓯᕋᕈᒪᓗᓂ ᓇᖕᒥᓂᖃᖅᑎᒧᑦ ᓚᐃᔭᓐᓯᒥᒃ ᑎᑎᖅᑲᒃᑯᕕᒃᑯᑦ ᐊᐅᓪᓚᖅᑎᑕᐅᖁᒍᕕᐅᒃ ᑎᑎᕋᕈᓐᓇᖅᑐᑎᑦ ᐃᑭᐊᖅᑭᕕᒃᑯᑦ ᔨᐊᕝ ᕙᐃᕆᓐᒧ G.Byrne@iqaluit.ca.
ᐅᖃᐅᓯᖃᕐᓗᓂ ᑐᐊᕕᕐᓇᖅᑐᒥᒃ ᓲᕐᓗ ᐃᒪᖃᐅᑏᑦ ᓱᓪᓗᓖᑦ ᑯᕕᑉᐸᑕ ᐅᕝᕙᓘᓐᓃᑦ ᑯᕕᔪᓐᓇᖖᒋᑦᑐᖃᖅᐸᑦ, ᕿᒻᒥᕐᒥᒃ ᐊᓯᐅᔪᖃᖅᐸᑦ, ᐅᕝᕙᓘᓐᓃᑦ ᐃᓱᒫᓗᒋᔭᐅᔪᖃᖅᐸᑦ ᒪᓕᒐᕋᓛᑦ ᒪᓕᒡᓗᒋᑦ, ᐅᖄᓚᔪᓐᓇᖅᐳᑎᑦ ᓄᓇᓕᐸᐅᔭᒃᑯᓐᓄᑦ ᖃᖕᒐᓕᒫᖅ 867 979 5650.
ᐅᑎᖅᑎᑦᑎᓇᓱᓪᓗᓂ ᕿᒻᒥᕐᒥᒃ, ᕿᒻᒥᓕᒃ ᐃᓅᖃᑎᒥᓂᒃ ᖃᓂᒃᓴᓗᐊᖅᑕᐃᒪᐃᓐᓇᕆᐊᓕᒃ, ᓯᓚᒥ ᐅᑕᖅᑭᔭᕆᐊᓕᒃ ᒪᑐᐊᖅᓯᒪᓗᓂ ᐊᐃᒃᓯᓕᖅᐸᑦ. ᕿᒻᒥᓕᒃ ᐅᖃᐅᔾᔭᐅᓂᐊᖅᑐᖅ ᓇᓗᓇᐃᖅᓯᒪᔪᓂᒃ ᐊᐃᒃᓯᓕᖅᐸᑦ ᒪᓕᒋᐊᓕᖕᓂᒃ, ᖃᔅᓯᒥᐅᓂᐊᕐᒪᖕᒑᓪᓗ.
ᒪᓕᒐᕐᓂᒃ ᐊᑐᓕᖅᑎᑦᑎᔨᑦ ᐃᖅᑲᐃᑎᑦᑎᕗ ᒪᑐᐊᖅᓯᒪᐃᓐᓇᕆᐊᖃᕐᓂᕐᒥᒃ ᖃᖕᒐᓕᒫᖅ ᑖᒃᓯᒦᓪᓗᑎᓪᓗ ᐃᒡᓗᒥᐅᖃᑎᒌᖖᒋᑦᑐᑦ ᐊᑕᐅᑦᑎᒃᑰᕆᐊᖃᖖᒋᑦᑐᑦ. ᑖᓐᓇ ᐅᔾᔨᖅᓱᕆᐊᖃᕐᓂᖅ ᐃᑲᔫᑎᓂᐊᖅᑐᖅ ᓴᐳᔾᔨᓂᕐᒥᒃ ᐃᖃᓗᒻᒥᐅᓄᑦ. ᖁᔭᓐᓇᒦᒃ ᐱᓕᕆᖃᑎᒌᒃᑲᔅᓯ.
ᐱᖖᒍᐊᖅᑐᓕᕆᕝᕖᑦ
ᒪᒃᑯᒃᑐᒃᑯᕕᒃ, ᐃᓐᓇᐃᑦ ᖃᕐᒪᖕᒐᑦ, ᐊᒻᒪᓗ ᑭᒃᑯᑐᐃᓐᓇᕐᓄᑦ ᐱᖖᒍᐊᕐᕖᑦ, ᑲᔾᔭᐅᓴᒡᕖᑦ, ᐊᒻᒪᓗ ᐊᓐᓂᑭᑦᑐᕐᕖᑦ ᒪᑐᓯᒪᔪᑦ ᑐᓴᒃᑲᓐᓂᓚᐅᖖᒋᓐᓂᖕᒋᓐᓂᒃ. ᖃᐅᔨᒋᐊᒃᑲᓐᓂᕈᒪᒍᕕᑦ ᐃᑭᐊᖅᑭᕕᒃᑯᑦ ᐅᕗᖕᒐ ᖃᐅᔨᒋᐊᕈᓐᓇᖅᑐᑎᑦ Recreation@iqaluit.ca ᓂᐱᓕᐅᕐᕖᑦ ᐅᖄᓚᐅᑎᒃᑯᑦ ᖃᐅᔨᓴᖅᑕᐅᖃᑦᑕᕐᓂᐊᖅᑐᑦ ᐱᓇᓱᐊᕈᓯᑕᒫᑦ.
ᐳᐃᔾᔪᕋᕆᐊᕐᕕᒃ
ᐃᖃᓗᐃᑦ ᐳᐃᔾᔪᕋᕆᐊᕐᕕᖕᒐ ᒪᑐᓯᒪᔪᖅ ᑐᓴᒃᑲᓐᓂᓚᐅᖖᒋᓐᓂᖕᒋᓐᓂᒃ.
ᖃᓄᑐᐃᓐᓇᖅ ᐊᐱᖅᑯᑎᒃᓴᖃᕈᕕᑦ ᐊᕐᕌᒍᑕᒫᑦ ᑕᖅᑭᑕᒫᓪᓗ ᐃᓯᕈᑎᓂᑦ, ᐅᖄᓚᔪᓐᓇᖅᑐᑎᑦ ᐱᔨᑦᑎᕋᖅᑎᒃᑯᓐᓄᑦ 867-975-8544 ᐅᕝᕙᓘᓐᓃᑦ ᑎᑎᕋᕐᓗᑎᑦ ᐃᑭᐊᖅᑭᕕᒃᑯᑦ aquaticcentre@iqaluit.ca ᓂᐱᓕᐅᕐᕖᑦ ᐅᖄᓚᐅᑎᒃᑯᑦ ᖃᐅᔨᓴᖅᑕᐅᖃᑦᑕᕐᓂᐊᖅᑐᑦ ᐱᓇᓱᐊᕈᓯᑕᒫᑦ.
ᖃᐅᔨᒋᐊᕈᒪᕈᕕᑦ ᑐᓴᖅᑎᑦᑎᔾᔪᑎᓂᑦ ᐱᑦᑕᐃᓕᑎᑦᑎᓂᕐᒧᑦ, ᐅᓇ ᓇᕿᓪᓗᒍ:
https://www.gov.nu.ca/health/information/covid-19-novel-coronavirus
ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐊᑐᖅᑕᐅᒋᐊᓕᒃ ᐃᖃᓗᖕᓂ ᐱᒋᐊᕐᓗᓂ ᐄᑉᐳᓗ 15, 2021:
https://www.gov.nu.ca/sites/default/files/public_health_measures_for_iqaluit_april_15_eng_updated.pdf
ᑐᑭᓯᒋᐊᕈᒪᔪᑦ ᐆᕕᖓ ᖃᐅᔨᒋᐊᖁᔪᑦ:
ᓖᓴ ᒥᓗᓵᕝᔨᕕᒃ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᕐᓂᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5607
