ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐱᕙᓪᓕᐊᔪᓂᑦ ᑐᓴᕋᑦᓴᖅ
ᐃᖃᓗᐃᑦ ᓇᓗᓇᐃᕐᓯᕗᑦ ᑐᐊᕕᕐᓇᖅᑐᒦᓕᕐᓂᕐᒥᓂᒃ
ᒪᐃ 3, 2020 – ᐃᖃᓗᐃᑦ, ᓄᓇᕗᑦ
ᐃᖃᓗᐃᑦ ᑲᑎᒪᔨᖏᑦ ᓇᓗᓇᐃᕐᓯᕗᑦ ᑐᐊᕕᕐᓇᖅᑐᒦᓕᕐᓂᕐᒥᓂᒃ ᐱᔾᔪᑎᒋᓪᓗᒍ ᓄᓇᓕᓐᓂ ᓯᐊᒻᒪᐸᓪᓕᐊᓂᖓ ᓄᕙᕐᔪᐊᕐᓇᖅ-19 ᐱᒋᐊᕐᓗᑎᒃ ᐅᓐᓄᒃᑯᑦ 12-ᒥᖅᐸᑦ, ᓇᒡᒋᔾᔭᐅᓕᖅᑭᕐᒥ/ᐊᐃᑉᐱᕐᒥ, ᒪᐃ 4, 2021.
ᑐᐊᕕᕐᓇᑐᒃᑯᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ ᑲᑎᒪᓂᖃᖅᑎᓪᓗᒋᑦ ᓇᒡᒋᔾᔭᐅᒥ, ᒪᐃ 3, ᑲᑎᒪᔨ ᓴᐳᕐᑦ ᐱᖁᔨᕗᖔᓕᐅᖅᑲᐅᔪᖅ ᓇᓗᓇᐃᕐᓯᖁᔨᓪᓗᓂ ᑐᐊᕕᕐᓇᖅᑐᓃᓕᕐᓂᕐᒥᓂᒃ ᐊᒻᒪ ᑎᒃᑯᐊᖅᑕᐅᓂ ᑎᒥᐅᔪᒥᑦ ᐊᐅᓚᑦᑎᔨᒻᒪᕆᐅᔪᖅ ᐊᐃᒥ ᐃᐅᓪᒎᕐᔅᒪᒥᑦ ᓄᓇᓕᓐᓂ ᑐᐊᕕᕐᓇᖅᑐᓕᕆᓂᕐᒥᑦ ᐊᐅᓚᑦᑎᓂᕐᒥᑦ ᑐᑭᒧᐊᑦᑎᐅᖁᓪᓗᓂᐅᒃ ᐱᖁᔨᕗᖔᓕᐅᕈᑎᒍᑦ #21-137.
ᒪᐃᔭᐅᑉ ᑐᓪᓕᐊ ᐳᕉᔅᑐ ᐊᐃᑉᐲᖅᑲᐅᔪᖅ ᐱᖁᔨᕗᖔᓕᐅᕈᑎᒥᑦ ᐊᒻᒪ ᑲᑎᒪᔩᑦ ᐃᓘᓐᓇᑎᒃ ᐊᖏᑐᐃᓐᓇᐅᓪᓗᑎᒃ.
ᑐᐊᕕᕐᓇᖅᑐᒦᑦᑐᖃᖅᑎᓪᓗᒍ, ᑐᐊᕕᕐᓇᖅᑐᓕᕆᓂᕐᒥᑦ ᐱᓕᕆᔾᔪᑎᓄᑦ ᒪᓕᒐᑎᒍᑦ ᐱᔪᓐᓇᑎᑦᑎᔾᔪᑎᐅᔪᖅ ᓄᓇᓕᐸᐅᔭᒃᑯᓐᓂᑦ "ᖃᓄᐃᓕᐅᕈᓐᓇᓂᕐᒥᑦ ᐊᒻᒪ ᖃᓄᑐᐃᓐᓇᖅ ᐱᓕᕆᓂᕐᒥᑦ ᓄᓇᓕᓐᓂ ᑎᒥᐅᔪᑦ ᐃᓱᒪᒋᔭᖏᓐᓂᑦ ᐊᑐᑦᓴᐃᓐᓇᕆᐊᖃᕐᓂᖏᓐᓂᑦ".
ᐊᓯᖏᑦ ᐱᔪᓐᓇᐅᑎᒃᑲᓐᓂᐅᔪᑦ ᐅᑯᓂᖓ ᐊᑐᖅᑎᑦᑎᓂᐊᖅᑐᑦ:
• ᓄᓇᓕᐸᐅᔭᒃᑯᑦ ᐱᔪᓐᓇᐅᑎᖏᑦ ᐃᓚᔭᐅᓗᑎᒃ ᐃᑲᔪᕐᓱᐃᔾᔪᑎᒍᑦ ᒪᓕᑎᑦᑎᓂᒃᑯᑦ ᖃᓄᖅᑑᕈᑎᓂᑦ, ᒪᓕᓪᓗᒋᑦ ᐊᑐᖅᑕᐅᒋᐊᖃᕐᓂᖏᑦ;
• ᓄᓇᓕᐸᐅᔭᒃᑯᓐᓂᑦ ᐱᔪᓐᓇᑎᑦᑎᓗᑎᒃ ᐊᓯᖏᓐᓂᑦ ᐱᓕᕆᔾᔪᑎᓕᐅᕐᓂᕐᒥᑦ ᐃᑲᔪᕐᓱᐃᔾᔪᑎᑦᓴᓂᑦ ᐅᓗᕆᐊᓇᖅᑐᒦᓗᐊᕐᓂᖏᓐᓂᑦ ᓄᓇᓕᕐᒥᐅᑕᓂᑦ ᓯᓚᑖᓃᑦᑐᓂᑦ ᐃᑲᔪᕐᓱᐃᔾᔪᑎᐅᕙᑦᑐᑦ;
• ᓇᓗᓇᐃᕐᓯᒪᓗᑎᒃ ᐃᒥᒃᑯᑦ ᖃᓄᐃᖁᔨᖕᖏᔾᔪᑎᐅᔪᑦ ᐱᓕᕆᔾᔪᑎᐅᔪᑦ ᐊᑐᐃᓐᓇᐅᑎᓪᓗᒋᑦ ᑭᒃᑯᑐᐃᓐᓇᐃᑦ ᖃᓄᐃᖁᓇᒋᑦ ᐃᓗᓯᒃᑯᑦ ᐊᒻᒪ ᓴᓗᒪᒋᐊᖃᕐᓂᒃᑯᑦ.
ᒪᓕᑦᑐᒍ ᒪᓕᒐᕐᔪᐊᖅ, ᐊᑐᖅᑕᐅᖁᔨᔾᔪᑎᐅᔪᖅ/ᑎᓕᓯᔾᔪᑎᐅᔪᖅ ᐊᑐᖅᑕᐅᓂᐊᖅᑐᖅ ᐅᓪᓗᓄᑦ 7 ᓯᕗᓂᐊᒍᑦ ᖁᔭᓈᖅᑕᐅᓚᐅᖏᓐᓂᖓᓂ ᐅᕝᕙᓘᓐᓃᑦ ᐅᖓᕝᕙᒋᐊᖅᑕᐅᓗᓂ.
ᓄᓇᓕᐸᐅᔭᒃᑯᑦ ᓱᓕ ᐱᓕᕆᖃᑎᖃᐃᓐᓇᖅᑐᑦ ᒐᕙᒪᒃᑯᓐᓂᑦ ᓄᓇᕗᒻᒥ. ᓄᓇᓕᕐᒥᐅᑕᐃᑦ ᐊᑐᕆᐊᖃᒻᒪᕆᑉᐳᑦ ᐊᖏᔪᖅᑳᖓᑕ ᐋᓐᓂᐊᓇᖕᖏᑦᑐᓕᕆᔨᐅᑉ ᐊᑐᖅᑕᐅᖁᔭᖏᓐᓂᑦ ᐱᓕᕆᔾᔪᑎᓂᑦ ᓈᓚᑦᑕᐅᑦᑎᐊᕐᓗᑎᒃ ᐊᒻᒪ ᒪᓕᑦᑕᐅᑦᑎᐊᕐᓗᑎᒃ ᐃᓘᓐᓇᑦᑎᐊᑎᒃ ᑭᒃᑯᑐᐃᓐᓇᐃᑦ ᐃᓗᓯᖏᑦ ᐱᔾᔪᑎᐅᓗᑎᒃ ᑎᓕᓯᔾᔪᑎᐅᓯᒪᔪᑦ ᐊᑐᖁᔭᐅᓯᒪᔪᑦ.
ᐱᕙᓪᓕᐊᔪᓂᑦ ᐱᔾᔪᑎᓕᓐᓂᑦ ᐊᐱᕆᔪᒪᔪᑦ, ᖃᐅᔨᒋᐊᖅᑕᐅᒋᐊᓖᑦ:
ᓖᓴ ᒥᓗᓵᕝᔨᕕᒃ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᕐᓂᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
L.Milosavljevic@iqaluit.ca
867-979-5607
