ᐊᕐᕌᒎᑉ ᐃᓚᖓᓂ ᐊᑐᕆᐊᑦ ᑭᓪᓕᖏᓐᓂᑦ ᐃᓯᕐᓴᓕᐅᕐᓂᖅ ᐱᒋᐊᕐᒥᔪᖅ

ᐊᕐᕌᒎᑉ ᐃᓚᖓᓂ ᐊᑐᕆᐊᑦ ᑭᓪᓕᖏᓐᓂᑦ ᐃᓯᕐᓴᓕᐅᕐᓂᖅ ᐱᒋᐊᕐᒥᔪᖅ

ᐊᕐᕌᒎᑉ ᐃᓚᖓᓂ ᐊᑐᕆᐊᑦ ᑭᓪᓕᖏᓐᓂᑦ ᐃᓯᕐᓴᓕᐅᖅᐸᓪᓕᐊᓕᕐᒥᔪᑦ ᐅᐸᓗᖓᐃᔭᖅᑐᑎᒃ ᐅᐱᕐᖓᑦᓵᒥᑦ ᐊᐳᑎᐅᑉ ᐊᐅᑉᐸᓪᓕᐊᓂᐊᓕᕐᓂᖓᓄᑦ.

ᓄᓇᓕᐸᐅᔭᒃᑯᑦ ᐊᐱᕆᕗᑦ ᖃᒧᑕᐅᔭᖅᑎᐅᕙᑦᑐᓂᑦ ᐃᑉᐱᒍᓱᑦᓯᐊᖁᔭᐅᕙᑦᑐᑎᒃ ᐊᑐᕆᐊᓂᑦ ᐊᒻᒪ ᐃᑳᔾᔭᐃᒃᑯᑎᑦᓴᓂᑦ, ᐱᓕᕆᐊᖑᔪᖅ ᐊᑦᑐᐃᖑᓱᒻᒪᑦ ᖃᒧᑕᐅᔭᓄᑦ ᑐᓪᓕᓂᕐᓂᒃ.

ᓄᓇᓕᐸᐅᔭᒃᑯᑦ ᐊᐱᕆᒻᒥᔪᑦ ᐃᓚᒌᓂᑦ ᐃᖅᑲᐃᑎᑦᑎᖃᑦᑕᖁᔭᐅᓗᑎᒃ ᓱᕈᑦᓯᓂᑦ ᐊᑦᑕᓇᔾᔭᐃᕐᓯᒪᒋᐊᖃᕐᒪᑕ ᖃᓂᒋᔭᖃᕋᐃᒍᑎᒃ ᐃᓯᕐᓴᓕᐊᖑᓯᒪᓂᐊᖅᑐᓂᑦ.

ᐃᓯᕐᓴᓕᐊᖑᓯᒪᔪᓂᑦ ᒪᑭᒪᑎᑦᑎᕙᓐᓂᖅ ᐊᑐᖅᑕᐅᒋᐊᖃᖅᐸᒻᒪᑦ ᐊᑐᕆᐊᓂᑦ ᑰᑦᑎᐊᖁᓪᓗᒋᑦ ᐃᒪᐃᑦ ᐊᐅᑉᐸᓪᓕᐊᑎᓪᓗᒍ. ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖏᑦ ᐃᓕᑦᓯᓐᓂᑦ ᖁᔭᓐᓇᒦᖅᑐᑦ ᐃᑲᔪᑦᑎᐊᕋᑦᓯ ᑲᑐᔾᔨᖃᑎᒌᓐᓂᒃᑯᑦ.

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓪᓗᒃᑯᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᕗᖓ:

ᓲ ᐊᐃᕗᕆ
ᓴᓇᔪᓕᕆᔨᒃᑯᑦ ᐊᓪᓚᑦᑎᖓᑦ
ᓄᓇᓕᐸᐅᔭᐃᑦ ᐃᖃᓗᐃᑦ
S.Avery@iqaluit.ca 
867-979-5630